ⵉⵙⵏⵓⴱⴳ ⵎⴰⵙⵙ ⵎⵓⵃⴰⵎⵎⴰⴷ ⵚⵚⴱⴱⴰⵕⵉ, ⴰⵎⴰⵔⵉ ⴰⵎⵣⵡⴰⵔⵓ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵉⴽⴰⴱⴰⵕⵏ ⵉⵡⵙⵏⵉⵏ ⴳ ⵜⵙⵓⵜⵍⵜ ⵜⵉⵙ 14 ⵏ ⵓⵏⵎⵓⵇⵇⴰⵔ ⴰⴳⵔⴰⵖⴰⵍⴰⵏ: “ⵜⴰⵔⵡⴰ ⵏ ⵓⴼⵔⴰ”,  ⵉⵙⵎⵏⵉⴷ ⵢⴰⵜ ⵜⴰⴳⵓⵔⵉ ⵙ ⵉⵙⵎ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ.

ⵙ ⵜⵎⵍⴷⴰ ⵓⵣⵏⵏ ⵜⴰⵔⵡⴰ ⵏ ⵓⴼⵔⴰ ⴰⵍⵖⵓ ⴰⴷ ⵏ ⵓⴼⵔⴰ:

“ ⵖⵉⴷ ⴰⴽⴰⵍ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ, ⴰⴽⴰⵍ ⵏ ⵓⴼⵔⴰ ⴷ ⵓⵎⵙⵓⵔⵓⴼ ⴷ ⵜⴰⵢⵔⵉ, ⵏⵎⴳⴳⴰⵔ ⴷ ⵏⴽⴽⵯⵏⵉ ⵜⴰⵔⵡⴰ ⵏ ⵓⵎⴰⴹⴰⵍ, ⵙⴳ ⵍⵇⴱⵍⵜ ⵏ ⵡⴰⴽⴰⵍ ⴰⵔ ⴳⵔⵡⵜ ⵏⵏⵙ, ⵙⴳ ⵉⵥⵍⵎⴰⴹ ⵏⵏⵙ ⴰⵔ ⵉⴼⴼⵓⵙ ⵏⵏⵙ, ⵜⵙⵎⵓⵏ ⴰⵖ ⵜⴰⵢⵔⵉ ⵏ ⵓⴼⵔⴰ, ⵏⵔⴰ ⴰⴷ ⴰⴽⴽⵯ ⵢⵉⵍⵉ ⴳ ⵡⴰⴽⴰⵍ, ⴰⵔ ⴷ ⵉⴳ ⵜⵓⵜⵍⴰⵢⵜ ⵉⵙⴰⵡⴰⵍ ⴽⵓⵢⴰⵏ. ⵓⵔ ⴰⵔ ⵏⵜⵜⵡⴰⵔⴳⴰ. ⵏⴳⴰ ⴰⵔⵔⴰⵡ ⵏ ⵡⴰⵙⵙ ⴰⴷ, ⵉⵔⴳⴰⵣⵏ ⵏ ⵉⵎⴰⵍ. ⵀⴰⵢⵢⴰ ⵖ ⴳ ⵓⵏⵎⵓⵇⵇⴰⵔ ⴰⴳⵔⴰⵖⵍⴰⵏ ⵏ ⵜⴰⵔⵡⴰ ⵏ ⵓⴼⵔⴰ, ⵉⵙⵙⴷⵓⵙⵏ ⴰⴼⵔⴰⴽ ⵏⵏⵖ ⵎⴰⵙ ⵔⴰⴷ ⵏⴷⴷⵔ ⵢⴰⵏ ⵡⴰⵙⵙ ⴳ ⵓⴼⵔⴰ, ⴰⵔ ⵜⵜⴻⴷⵓⵙ ⵜⵉⵔⴰⵜ ⵏⵏⵖ ⵙ ⵜⵡⵡⵓⵔⵉ ⵉ ⵓⵙⴽⵔ ⵏⵏⵙ, ⴷ ⵓⵣⵓⵣⵣⵔ ⵏ ⵉⵎⴰⵏ ⵏ ⵓⵎⵙⵓⵔⵓⴼ ⴷ ⵜⵎⵢⵉⴷⵉⵔⵜ ⴳ ⵡⴰⴽⴰⵍ ⴰⴷ ⵎⵥⵥⵉⵏ, ⴷ ⴰⵎⵓⴰⴹⴰⵍ ⵉⵅⴰⵜⵔⵏ.

ⵜⵉⵏⴰⵎⵓⵔⵉⵏ ⵏⵏⵖ ⴳⴳⵓⵜⵏⵉⵏ, ⵜⵓⵜⵍⴰⵢⵉⵏ ⵏⵏⵖ ⴳⴳⵓⵜⵏⵉⵏ, ⵓⴽⵍⴰⵏ ⵏⵏⵖ ⵉⵎⵏⵏⴰⵡⵏ ⵓⵔ ⵔⴰⴷ ⴱⴷⴷⵏ ⴷⴰⵜ ⵏ ⵓⵣⵓⵣⵣⵔ ⵏ ⵜⴷⵍⵙⴰ ⵏ ⵜⴰⵢⵔⵉ ⴷ ⵓⴼⵔⴰ, ⴳ  ⵓⵏⵎⵓⵇⵇⴰⵔ ⴰⴷ ⵉⵥⵉⵍⵏ: ⴰⵏⵎⴳⴳⴰⵔ ⴰⴳⵔⴰⵖⵍⴰⵏ ⵏ ⵜⴰⵔⵡⴰ ⵏ ⵓⴼⵔⴰ. ⵏⵎⵏⴰⵇⵇⴰⵔ ⴼ ⵡⴰⴽⴰⵍ ⴰⴷ ⵉⵥⵉⵍⵏ ⵉⴳⴰⵏ ⴰⵎⴱⴰⵔⴽⵉ, ⵎⵓⵏⵏⵜ ⵜⴰⵏⵏⴰⵢⵢⵉⵏ ⵏⵏⵖ, ⵔⵄⵉⵏ ⵉⵏⴰⵔⴰⵣⵓⵏ ⵏⵏⵖ ⵉ ⵢⴰⵏ ⵓⵣⴽⴽⴰ ⴳ ⵜⵍⵍⴰ ⵜⴰⴼⵓⴽⵜ ⵏ ⵓⴼⵔⴰ ⴷ ⵜⴰⵢⵔⵉ, ⴳ ⵉⵎⴰⵏⵏ ⵏⵏⵖ ⵍⵍⴰⵏⵜ ⵉⴼⵔⴰⴽⵏ ⴰⴷ ⵉⵏⴼⴳⴰⵏⵏ ⵥⵉⵍⵏⵉⵏ ⴼⵓⵍⴽⵉⵏⵉⵏ, ⵎⵎⴰⵖⴰⵜ ⴰⵖ ⴼ ⵓⵣⵓⵣⵣⵔ ⵏⵏⵙⵏⵜ ⵊⴰⵔ ⵉⵏⴳⴳⵯⴰ ⵏⵏⵖ, ⴰⴷ ⵜⴳ ⵜⵜⵉⵢⵜ ⵏ ⴽⵓ ⵢⴰⵏ, ⵉⵜⵜⵉⵔⴰⵔ ⴽⵓ ⵢⴰⵏ, ⵉⵎⵎⴰⵖ ⴼ ⵓⵙⴽⵔ ⵏⵏⵙ.

ⵉⵖ ⵟⵟⴰⴼⵏⵜ ⵜⵎⴰⵖⵉⵏ ⵉⵖⴰⵡⴰⵙⵏ ⴷ ⵉⵙⵔⴷⴰⵙⵏ ⴷ ⵉⵡⵜⵜⴰⵙⵏ, ⴰⵡⴷ ⴰⴼⵔⴰ ⵉⵟⵟⴰⴼ ⵉⵖⴰⵡⴰⵙⵏ ⴷ ⵉⵙⵔⴷⴰⵙⵏ ⴷ ⵉⵡⵜⵜⴰⵙⵏ !  ⵏⴽⴽⵯⵏⵉ ⵏⵙⵙⵎⵏ ⵎⵇⴰⵔ ⵏⵎⵥⵥⵉ, ⵎⴰⵙ ⵉⵛⵇⵇⴰ ⵓⵙⴽⵔ ⵏ ⵓⴼⵔⴰ, ⵉⵛⵇⵇⵓ ⵓⴼⵔⴰⴳ ⵏⵏⵙ. ⵎⴰⵛⵛ ⴰⵏⴰⵔⵓⵣ ⵏⵏⵖ ⴳⵉⵜⵓⵏ ⵉⵎⵇⵓⵔ ⴰ ⵉⵎⵇⵔⴰⵏⵏ. ⴰⵍⵖⵓ ⵏⵏⵖ ⴰⵢⴰⴷ, ⵎⵎⴰⵖⴰⵜ ⴼ ⵓⵙⴽⵔ ⵏ ⵜⵏⵔⴰⵡⵜ ⴳ ⵜⵎⴰⵖⵜ ⵏ ⵓⴼⵔⴰ, ⴰⵛⴽⴰ ⵜⵉⵏⵔⴰⵡⵉⵏ ⵏ ⵜⵉⴷⵜ ⵙⵓⵍⵏⵉⵏ ⴳⴰⵏⵜ ⵜⵉⵏ ⵓⴼⵔⴰ ⵓⵔ ⴷ ⵜⵉⵏ ⵜⵎⴰⵖⵉⵏ. ⴰⵔ ⴱⴷⴷⴰ ⴷⴰⵔⵓⵏ ⵏⵜⵜⴰⵎⵥ ⵜⵉⵙⵓⵎⵔⵉⵏ, ⴰⵙⵙ ⴰⴷ ⵜⵍⴽⵎ ⵜⵉⵍⴰⵍⵜ ⵏⵏⵖ, ⴳ ⵓⵏⵎⵓⵇⵇⴰⵔ ⴰⴷ ⴰⴳⵔⴰⵖⵍⴰⵏ ⵏ ⵜⴰⵔⵡⴰ ⵏ ⵓⴼⵔⴰ, ⵖⵓⵔⵏⵖ ⵜⴰⴳⵓⵔⵉ, ⴰⴷ ⵉⴳ ⵓⵍⵖⵓ ⴰⴷ ⵜⵉⵎⵙⵉⵔⵜ ⵉ ⴽⵯⵏⵏⵉ, ⵔⴰⵔⴰⵜ ⵜⴰⵢⵏⵉⵜ ⴰ ⵉⵅⴰⵜⴰⵔⵏ, ⵏⴽⴽⵯⵏⵉ ⵏⵔⴰ ⴰⴼⵔⴰ, ⵊⴰⵔ ⵉⵡⴷⴰⵏ, ⵊⴰⵔ ⵉⵡⴷⴰⵏ ⴷ ⵡⴰⴽⴰⵍ ⴰⵡⴷ ⵏⵜⵜⴰⵏ !

ⴼⵔⴽ ⴰⵜ ⵙ ⵜⵎⵙⵉⵔⵜ ⵏⵏⵖ, ⵉⵔⵉⵔⴰⵜ ⴷⵉⴷ ⵏⵖ: ⵉⴷⴷⵔ ⵓⴼⵔⴰ, ⵉⴷⴷⵔ ⵓⴼⵔⴰ ⵉⴷⴷⵔ ⵓⴼⵔⴰ !”.

Mots clés طفل Old Id 214792 Media video نداء السلام 2022 بالأمازيغية