ⴰⴳⵍⵍⵉⴷ ⴱⴰⴱ ⵏ ⵓⴷⴷⵓⵔ ⴰⵔ ⵉⵜⵜⴰⵣⵏ ⵢⴰⵜ ⵜⴱⵔⴰⵜ ⵉ ⵉⵎⴷⵔⴰⵡⵏ ⴳ ⵜⵉⵏⴰⵡⵜ ⵜⴰⵏⴰⵎⵓⵔⵜ ⵉⵙⵙⵉⴷⵉⵔⵏ ⴰⴽⵜⵜⴰⵢ ⵡⵉⵙⵙ ⵙⴹⵉⵎⵔⴰⵡ ⵏ ⵓⵙⴽⴽⵉⵔ ⵏ ⵓⴱⵕⵍⴰⵎⴰⵏ ⴰⵎⵖⵔⴰⴱⵉ

 ⵢⵓⵣⵏ ⵓⴳⵍⵍⵉⴷ ⴱⴰⴱ ⵏ ⵓⴷⴷⵓⵔ, ⴰⴷ ⵜ ⵉⵙⵙⵔⵏⵓ ⵕⴱⴱⵉ, ⵢⴰⵜ ⵜⴱⵔⴰⵜ ⵉ ⵉⵎⴷⵔⴰⵡⵏ ⴳ ⵜⵉⵏⴰⵡⵜ ⵜⴰⵏⴰⵎⵓⵔⵜ ⵉⵙⵙⵉⴷⵉⵔⵏ ⴰⴽⵜⵜⴰⵢ ⵡⵉⵙⵙ ⵙⴹⵉⵎⵔⴰⵡ ⵏ ⵓⵙⴽⴽⵉⵔ ⵏ ⵓⴱⵕⵍⴰⵎⴰⵏ ⴰⵎⵖⵔⴰⴱⵉ, ⵍⵍⵉ ⵉ ⵉⵙⴽⵔⵏ ⵜⴰⵏⵏⵓⵕⵥⵎⵜ ⵏⵏⵙ ⴰⵙⵙ ⴰⴷ ⵏ ⵓⴽⵕⴰⵙ ⴳ ⵕⵕⴱⴰⵟ.

ⵕⴰⵢⴰⴷ ⴰⵢⵍⵍⵉ ⴷ ⵢⵓⵛⴽⴰⵏ ⴳ ⵜⴱⵔⴰⵜ ⵜⴰⴳⵍⴷⴰⵏ ⵍⵍⵉ ⵉⵖⵔⴰ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵉⵔⴰ, ⵎⴰⵙⵙ ⵔⴰⵛⵉⴷ ⵟⵟⴰⵍⴱⵉ ⵍⵄⴰⵍⴰⵎⵉ.

ⵉⵙⵙⵓⵙⵎ ⴰⵖ ⴰⴷ ⵏⴰⵣⵏ ⵜⴰⴱⵔⴰⵜ ⴰⴷ ⵉ ⵉⵎⴷⵔⴰⵡⵏ ⴳ ⵜⵉⵏⴰⵡⵜ ⴰⴷ ⵜⴰⵏⴰⵎⵓⵔⵜ, ⵍⵍⵉ ⵉⵜⵜⵓⵙⴽⴰⵔⵏ ⴳ ⴷⴷⵓ ⵓⵎⴰⵍⵓ ⵏⵏⵖ, ⵙ ⵓⵙⵙⵉⴷⵔ ⵏ ⵓⴽⵜⵜⴰⵢ ⵡⵉⵙⵙ ⵙⴹⵉⵎⵔⴰⵡ ⵉ ⵓⵏⵏⵓⵕⵥⵎ ⴰⵎⵣⵡⴰⵔⵓ ⵏ ⵓⴱⵕⵍⴰⵎⴰⵏ ⴰⵎⵖⵔⴰⴱⵉ ⵉⵜⵜⵓⵙⵜⴰⵢⵏ ⴳ ⵜⴳⵍⴷⵉⵜ ⵜⴰⵎⵖⵔⴰⴱⵉⵜ. ⵎⴰⵢⴰⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴳ ⵍⴱⴷⵓ ⵏ ⵜⴱⵔⴰⵜ ⴰⴷ .

ⴰⵙⵙⵉⴷⵔ ⵏ ⵜⵎⵙⵉⵔⵜ ⴰⴷ ⵜⴰⵎⵓⵇⵕⴰⵏⵜ, ⴷⴰⵔⵙ ⴽⵕⴰⴹ ⵉⵡⵜⵜⴰⵙⵏ, ⴰⵎⵣⵡⴰⵔⵓ ⵉⴳⴰ ⵜ ⴰⴷ ⴷ ⵏⵙⵙⴽⵜⵉ ⵉ ⵜⴰⵙⵓⵜⵉⵏ ⵏ ⵖⵉⵍⴰ ⵙ ⵓⵖⴰⵔⴰⵙ ⵏ ⵜⴷⵉⵎⵓⴽⵔⴰⵙⵉⵜ ⵜⴰⵏⴰⵎⵓⵔⵜ, ⴷ ⴰⵢⵍⵍⵉ ⵉⵜⵜⵓⵙⴽⴰⵔⵏ ⴳ ⵓⵎⵏⵉⴷ ⴰⴷ. ⵉⴼⵔⴰ ⵢⵉⵏⵏⴰ ⴱⴱⴰ ⵏ ⵡⴰⴷⴷⵓⵔ .

ⵡⵉⵙⵙ ⵙⵉⵏ ⵉⴳⴰ ⵜ ⴰⴷ ⵏⴱⴷⴷ ⵅⴼ ⴰⵢⵍⵍⵉ ⵉⵜⵜⵓⵙⴽⴰⵔⵏ ⴳ ⵜⵎⴰⵣⵉⵔⵜ ⵏⵏⵖ ⴳ ⵢⵉⴳⵔ ⵏ ⵜⵡⵡⵓⵔⵉ ⵏ ⵓⴱⵕⵍⴰⵎⴰⵏ, ⴷ ⵓⴷⵖⴰⵔ ⵏ ⵜⵎⵔⵙⵍⵜ ⴰⴷ ⴳ ⵓⴱⵔⵉⴷ ⵏ ⵓⵙⴱⵓⵖⵍⵓ ⴷ ⵓⵙⴼⴰⵍⴽⵉ ⴷ ⵜⵏⴼⴰⵍⵉⵜ ⵍⵍⵉ ⵉⵙⴽⴰⵔ ⵍⵎⵖⵔⵉⴱ ⴳ ⵜⵉⵣⵉ ⴰⴷ ⵉⴳⴳⵓⵔⴰⵏ.

ⴰⵡⵜⵜⴰⵙ ⵡⵉⵙⵙ ⴽⵕⴰⴹ ⵉⴳⴰ ⵜ ⴰⴷ ⵏⵙⵙⴰⴳⴳⵯ ⵉⵎⴰⵍ ⵏ ⵜⵙⵔⵜⵉⵜ ⵜⴰⵎⵖⵔⴰⴱⵉⵜ, ⴳ ⵓⵎⵏⵉⴷ ⵏ ⵜⵓⵙⴽⴰ ⵏ ⵜⴷⵉⵎⵓⴽⵔⴰⵙⵉⵜ, ⴷ ⵓⴱⵟⵟⵓ ⵏ ⵜⵜⵔⵙⴰⵍ ⵏ ⵡⴰⵡⴰⵏⴽ. ⵉⵙⵓⵍ ⵉⵏⵏⴰ ⴱⴱⴰ ⵏ ⵡⴰⴷⴷⵓⵔ .

ⵓⵔ ⴼⵍⵍⴰⵡⵏ ⵉⵏⵜⵍ ⵎⴰⵙⴷ ⴰⵎⴷⵢⴰ ⴰⴱⵕⵍⴰⵎⴰⵏ ⴰⵎⵖⴷⴰⴱⵉ ⵉⵜⵜⵓⵙⴽⴰ ⵅⴼ ⵜⵡⵡⵓⵔⵉ ⵉⵎⵉⴽⴽ ⵙ ⵉⵎⵉⴽⴽ, ⴷ ⵜⴷⵔⴰⵡⵜ ⵏ ⴰⴽⴽⵯ ⵉⴼⵔⴷⵉⵙⵏ ⵉⵙⵔⵜⴰⵏⵏ ⴷ ⵉⵏⴰⵎⵓⵏⵏ ⴷ ⵉⴷⴰⵎⵙⴰⵏⵏ ⵉⵍⵍⴰⵏ ⴳ ⵜⴳⵍⴷⵉⵜ ⵏⵏⵖ.

ⴰⵛⴽⵓ ⵏⴼⵍⵙ ⵎⴰⵙⴷ ⵜⴰⴷⵉⵎⵓⴽⵔⴰⵙⵉⵜ ⵓⵔ ⵜⴳⵉ ⵢⴰⵜ ⵜⵖⴰⵡⵙⴰ ⵉⵜⵜⵔⵙⵏ ⵓⵔ ⴰⵔ ⵜⵜⵏⴼⴰⵍ, ⵎⴰⵛⵛ ⵜⴳⴰ ⵢⴰⵜ ⵜⵓⵙⴽⴰ ⵍⵍⵉ ⵔⴰⴷ ⵏⵍⴽⵎ ⵜⴰⵙⵓⵔⵉⴼⵜ ⵙ ⵜⵙⵓⵔⵉⴼⵜ, ⵙ ⵜⴷⵔⴰⵡⵜ ⵏ ⴽⵓⵍⵍⵓ ⵉⴼⵔⴷⵉⵙⵏ ⵏ ⵡⴰⵎⵓⵏ ⴰⵎⵖⵔⴰⴱⵉ, ⵎⵉⵏ ⵏⵜⵜⵓ ⴰⴷ ⵏⴰⵙⵉ ⴳ ⵜⴷⵉⵎⵓⴽⵔⴰⵙⵉⵜ ⵜⴰⴳⵔⴰⵖⵍⴰⵏⵜ ⴷ ⵜⵎⵉⵣⴰⵔ ⵍⵍⵉ ⵏⵏ ⵉⴱⴱⵉⵏ ⴽⵉⴳⴰⵏ ⴳ ⵓⵎⵏⵉⴷ ⴰⴷ.ⵉⵔⵏ ⴰⵢⵉⵏⵏⴰ ⴱⴱⴰ ⵏ ⵡⴰⴷⴷⵓⵔ .

ⵣⴳ ⵍⵍⵉⵖ ⵉⵟⵟⴼ ⵍⵎⵖⵔⵉⴱ ⵜⵉⵍⴻⵍⵍⵉ ⴷ ⵜⴷⵔⴼⵉⵜ ⵏⵏⵙ, ⵉⵎⵎⴰⵖ ⴱⴱⴰ ⵃⵍⵍⵓ ⴰⴼⵓⵥⴰⵕ, ⴱⴰⴱⴰ ⵏ ⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⵎⵎⵓⵙ ⴰⴷ ⵜ ⵉⵡⴰⵍⴰ ⵕⴱⴱⵉ ⵙ ⵜⵎⵍⵍⴰ ⵏⵏⵙ, ⴷ ⵙ ⵜⴷⵔⴰⵡⵜ ⵏ ⵉⴷⵡⴰⵙⵏ ⵉⵏⴰⵎⵓⵔⵏ, ⴼⴰⴷ ⴰⴷ ⵉⵙⴽⵔ ⵢⴰⵏ ⵓⵙⵇⵇⵉⵎ ⴰⵏⴰⵎⵓⵔ ⴰⵎⵛⵛⵉⵡⵔ, ⵍⵍⵉ ⵔⴰⴷ ⵉⴳ ⵜⵉⴼⵔⴽⵉⵜ ⴳ ⵜⵓⵙⴽⴰ ⵏ ⵜⴷⵉⵎⵓⴽⵔⴰⵙⵉⵜ, ⵎⴰⵢⴰⴷ ⵍⵍⵉ ⵉⵔⴰ ⵏⵍⴽⵎ ⵜ ⴳ ⵓⵣⵎⵣ ⵏ ⵓⴳⵍⵍⵉⴷ ⴱⴰⴱ ⵏ ⵓⴷⴷⵓⵔ ⴱⴰⴱⴰ ⵍⵃⴰⵙⴰⵏ ⵡⵉⵙⵙ ⵙⵉⵏ ⴰⴷ ⵜ ⵉⵡⴰⵍⴰ ⵕⴱⴱⵉ ⵙ ⵜⵎⵍⵍⴰ ⵏⵏⵙ.ⵉⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ .

ⵍⵍⵉⵖ ⵉⵜⵜⵓⵙⴽⴰⵔ ⵓⴷⵓⵙⵜⵓⵔ ⴰⵎⵣⵡⴰⵔⵓ ⴹⴰⵕⵜ ⵏ ⵓⵙⵍⴻⵍⵍⵉ ⵏ ⵜⴳⵍⴷⵉⵜ, ⵍⵍⵉ ⵉⵙⴽⴰⵏ ⵜⵉⴼⵔⴰⵙ ⵜⵉⵎⵣⵡⵓⵔⴰ ⵏ ⵡⴰⴽⴰⵏⴽ ⴰⵜⵔⴰⵔ, ⵉⴱⴷⴷⵏ ⵅⴼ ⵓⵙⵜⴰⵢ ⵏ ⵉⵏⴰⵎⵓⵔⵏ ⵉ ⵓⴱⵕⵍⴰⵎⴰⵏ ⴰⵎⵣⵡⴰⵔⵓ ⴳ ⵍⵍⴰⵏ ⵙⵉⵏ ⵉⵙⵇⵇⵉⵎⵏ ⴳ 1963, ⵜⵏⵏⵓⵕⵥⵎ ⵜⵎⴰⵣⵉⵔⵜ ⵏⵏⴼ, ⵙ ⵓⴼⵓⵙ ⵏ ⴱⴰⴱⴰⵜⵏⵖ ⴱⴰⴱ ⵏ ⵓⴷⴷⵓⵔ, ⵜⴰⵎⵍⵍⴰ ⵏ ⵕⴱⴱⵉ ⴼⵍⵍⴰⵙ, ⴰⴳⴳⵓⵔ ⵏ ⵜⵓⴷⵔⵜ ⵜⴰⵙⵔⵜⴰⵏⵜ ⵜⴰⴷⵓⵙⵜⵓⵔⵉⵜ, ⴷ ⵓⵎⵏⵏⴰⵡ ⵏ ⵉⴽⴰⴱⴰⵕⵏ, ⴷ ⵜⵍⴻⵍⵍⵉ ⵏ ⵓⵙⵏⵎⴰⵍⴰ, ⴷ ⵜⵍⴻⵍⵍⵉ ⵏ ⵡⴰⵡⴰⵍ, ⴳ ⵜⵉⵣⵉ ⵍⵍⵉⵖ ⵜⵍⵍⴰ ⵜⵡⵉⵏⴳⵎⵜ ⵏ ⵢⴰⵏ ⵓⴽⴰⴱⴰⵕ ⴳ ⴽⵉⴳⴰⵏ ⵏ ⵉⴷⵖⴰⵔⵏ.ⵎⴰⵢⴰⴷ ⵉⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ.

ⵎⵇⵇⴰⵔ ⵍⵍⴰⵏⵜ ⵜⵓⴳⵜⵜ ⵏ ⵜⵏⴼⴰⵍⵉⵏ ⵜⵉⵣⵉ ⴰⴷ, ⵎⴰⵛⵛ ⵜⴰⵎⵏⵏⴰⵡⵜ ⵜⴰⴱⵕⵍⴰⵎⴰⵏⵜ ⵜⵍⵍⴰ ⴱⴷⴷⴰ ⴳ ⵜⵎⴰⴷⵉⵔⵜ ⵏⵏⴼ ⵍⵍⵉ ⵉⴳⴰⵏ ⵡⴰⵥ, ⵉⵍⵉⵏ ⵜⵓⴳⵜⵜ ⵏ ⵉⴽⴰⴱⴰⵕⵏ ⵢⵓⵙⵉⵏ ⵜⴰⵎⴰⵙⵙⴰⵢⵜ, ⴰⵙⵉⵏ ⵉⵙⵏⴼⴰⵕⵏ ⵉⵎⴰⵢⵏⵓⵜⵏ ⵍⵍⵉ ⵔⴰⴷ ⵉⵙⴱⵓⵖⵍⵓ ⵜⴰⵎⴰⵣⵉⵖⵜ ⵏⵏⵖ, ⵢⵉⵍⵉ ⵡⴰⵎⵓⵏ ⴰⵎⴰⴷⴰⵏ, ⵍⵍⵉ ⴷ ⵉⴼⴽⴰⵏ ⴰⵎⵙⴰⵡⴰⵍ ⵉⴷⵓⵙⵏ ⵍⵍⵉ ⴷ ⴷⴰⵖ ⵢⵉⵡⵉⵏ ⵉⵙⴼⴰⵍⴽⵉⵜⵏ ⵏ ⵓⴷⵓⵙⵜⵓⵔ ⴳ ⵉⵙⴳⴳⵯⴰⵙⵏ ⵏ 70 ⴷ 80 ⵏ ⵜⴰⵙⵓⵜⴰ ⵍⵍⵉ ⵉⵣⵔⵉⵏ, ⵍⵍⵉ ⵔⴰⴷ ⵢⴰⵡⵙ ⵓⴳⴳⴰⵔ ⴳ ⵜⵓⵙⴽⴰ ⵜⴷⵉⵎⵓⴽⵔⴰⵙⵉⵜ.ⵉⵏⵏⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ.

ⴰⴳⵣⵣⵓⵎ ⵉⴳⴳⵓⵔⴰ ⴳ ⵜⴰⵙⵓⵜⴰ ⵍⵍⵉ ⵉⵣⵔⵉⵏ ⵜⵉⵡⵙ ⴽⵉⴳⴰⵏ ⴳ ⵜⵓⵙⴽⴰ ⵏ ⵜⴷⵉⵎⵓⴽⵔⴰⵙⵉⵜ ⴷ ⵜⵔⵙⴰⵍ ⵜⵉⵏⴰⵎⵓⵔⵉⵏ, ⴳ ⵓⵙⵡⵉⵔ ⴰⴷⵖⵔⴰⵏ, ⴷ ⵓⵙⵙⴷⵓⵙ ⵏ ⵜⵔⵙⴰⵍ ⵜⵉⵏⴰⵎⵓⵔⵉⵏ, ⴷ ⵓⵙⴽⴽⵉⵔ ⵏ ⵉⵙⴼⴰⵍⴽⵉⵜⵏ ⵉⵎⵇⵔⴰⵏⵏ ⴳ ⵓⴷⵓⵙⵜⵓⵔ ⵏ 1992 ⴷ 1996.ⵉⵙⵓⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ.