ⵜⵉⵔⵓⴱⴱⴰ ⵜⵉⵙⴳⵓⵎⴰⵏⵉⵏ ⵏ ⵜⵡⵓⵔⵉ ⴳ ⵓⵙⵇⵇⵉⵎ ⵏ ⵉⵎⵓⵔⴰ (ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026)
ⵉⵙⵎⵓⵏ ⵓⴳⵟⵟⵓⵎ ⵡⵉⵙ ⵎⵔⴰⵡ ⵏ ⵓⵙⵍⴳⵏ ⴰⴳⵯⵏⵙⴰⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ (ⴽⵜⵓⴱⵕ 2017) ⵜⵉⴼⴰⴷⵉⵡⵉⵏ ⵙⴰ ⵜⵜⵓⵙⴽⵉⵔⵏⵜ ⵜⵔⵓⴱⴱⴰ ⵜⵉⵙⴳⵓⵎⴰⵏⵉⵏ ⵏ ⵜⵡⵓⵔⵉ ⵖ ⵓⵙⵇⵇⵉⵎ ⵏ ⵉⵎⵓⵔⴰ, ⵖⵎⴽ ⵍⵍⵉ ⴷ ⵢⵉⵡⵉ ⴼ ⵜⵥⵍⴰⵢⵉⵏ ⴷ ⵓⵙⵏⴰⵢ ⵏⵏⵙⵏⵜ.
ⴰⴳⵣⵣⵓⵎ ⵡⵉⵙ ⵎⵔⴰⵡ: ⵜⵉⵔⵓⴱⴱⴰ ⵜⵉⵙⴳⵓⵎⴰⵏⵉⵏ ⵜⵉⵎⵙⵉⴽⵓⴷⵉⵏ ⵏ ⵜⵡⵡⵓⵔⵉ
ⴰⵢⵢⴰⵡ ⴰⵎⵣⵡⴰⵔⵓ: ⵉⵙⵍⴳⵏⵏ ⵉⵎⴰⵜⴰⵢⵏ
ⴰⵎⵏⵏⵉ 119
ⴷⴰ ⵜⵜⵓⵙⴽⵉⵔⵏⵜ ⵜⵔⵓⴱⴱⴰ ⵜⵉⵙⴳⵓⵎⴰⵏⵉⵏ ⵏ ⵜⵡⵡⵓⵔⵉ ⵙ ⵜⵖⵜⴰⵙⵜ ⵏ ⵓⵙⵉⵔⴰ ⵏ ⵓⵙⵇⵇⵉⵎ, ⵙ ⵜⵙⵏⵜⴰⵢⵜ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵏⵖ ⵙ ⵜⵓⵜⵔⴰ ⵏ ⵓⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏⵖ ⵜⴰⴳⵔⵓⵎⵎⴰ ⵜⴰⴱⵕⵍⴰⵎⴰⵏⵉⵜ.
ⴳⴰⵏⵜ ⵜⵔⵓⴱⴱⴰ ⵜⵉⵙⴳⵓⵎⴰⵏⵉⵏ ⵏ ⵜⵡⵡⵓⵔⵉ ⵜⵉⵎⵙⵉⴽⵓⴷⵉⵏ, ⴷⴰ ⵜⵜⵓⵙⵎⵉⴷⵏⵜ ⵙ ⵓⵙⵎⴰⴷ ⵏ ⵜⵙⵎⵉⴳⴰⵍ ⵅⴼ ⵜⵜⵓⵙⴽⴰⵔⵏⵜ ⵏⵖ ⵙ ⵜⵖⵜⴰⵙⵜ ⵏ ⵓⵙⵉⵔⴰ ⵏ ⵓⵙⵇⵇⵉⵎ.
ⴰⵎⵏⵏⵉ 120
ⵃⵎⴰ ⴰⴷ ⵜⵜⵓⵙⴽⵉⵔⵏⵜ ⵜⵔⵓⴱⴱⴰ ⵜⵉⵙⴳⵓⵎⴰⵏⵉⵏ ⵏ ⵜⵡⵡⵓⵔⵉ ⴳⴰⵏⵉⵏ ⵜⵉⵎⵙⵉⴽⵓⴷⵉⵏ, ⵉⵇⵇⴰⵏ ⴷ ⴰⴷ ⵜⵥⵍⵉ ⵜⵙⵎⵉⴳⵍⵜ ⵏⵏⵙⵏⵜ ⵙ:
- ⵜⵉⵎⵥⵍⴰⵢ ⵏ ⵙⵏⴰⵜ ⵜⵙⵇⵇⵉⵎⵉⵏ ⵏⵖ ⵓⴳⴳⴰⵔ ⴳ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ;
- ⴰⵙⴽⵔ ⵏ ⵜⵣⵔⴰⵡⵉⵏ ⵏⵖ ⵉⵔⵣⵣⵓⵜⵏ ⴷ ⵓⵙⵓⵊⴷ ⵏ ⵉⵏⵇⵇⵉⵙⵏ ⴳⴰⵏⵉⵏ ⵜⵉⵍⴰم ⵏ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ ⴳ ⵓⵣⵣⵔⴰⴼ ⴷ ⵜⵉⴹⴰⴼ.
ⴰⵎⵏⵏⵉ 121
ⴰⵔ ⵉⵜⵜⵉⵍⵉ ⴳ ⵜⴰⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⵜⴰⵎⵙⵉⴽⵓⴷⵜ ⵏ ⵜⵡⵡⵓⵔⵉ ⵓⴳⵏⵙⴰⵙ ⵙⴳ ⴽⵓ ⵜⴰⵔⴰⴱⴱⵓⵜ ⴷ ⵜⴳⵔⵓⵎⵎⴰ ⵜⴰⴱⵕⵍⴰⵎⴰⵏⵉⵜ, ⵙ ⵢⵉⵙⴽⵉⵍ ⴷ ⵜⵎⵥⵍⴰⵢⵜ ⴷ ⵜⵎⵓⵥⴰⵢⵜ.
ⴰⵔ ⵉⵜⵜⵉⵍⵉ ⵓⵙⵏⴼⵍ ⵏ ⵉⴷⵖⴰⵔⵏ ⵅⵡⴰⵏⵉⵏ ⵙ ⵜⵉⵔⵎⵜ ⵏ ⴽⵓ ⵜⴰⵔⴰⴱⴱⵓⵜ ⴷ ⵜⴳⵔⵓⵎⵎⴰ ⵜⴰⴱⵕⵍⴰⵎⵏⵉⵜ.
ⴰⵎⵏⵏⵉ 122
ⴷⴰ ⵜⵜⵓⵙⴽⵉⵔⵏⵜ ⵜⵔⵓⴱⴱⴰ ⵜⵉⵙⴳⵓⵎⵉⵏⵉⵏ ⵏ ⵜⵡⵡⵓⵔⵉ ⵜⵉⵎⵙⵉⴽⵓⴷⵉⵏ ⵙⴳ ⵜⵏⵙⵙⵉⵅⴼⵜ ⴷ ⵓⵏⵙⵙⵉⵅⴼ ⴷ ⵓⵙⵉⵔⴰ ⴳ ⵍⵍⴰⵏ ⵙⵉⵏ ⵉⴳⵎⴰⵎⵏ ⵢⴰⵏ ⴷⵉⴳⵙ ⵙⴳ ⵜⵓⵣⵍⵜ.
ⴰⵔ ⵢⴰⴽⴽⴰ ⵓⵙⵉⵔⴰ ⵏ ⵓⵙⵇⵇⵉⵎ ⵜⴰⵏⵙⵙⵉⵅⴼⵜ ⵏ ⵜⵔⴰⴱⴱⵓⵜ ⵉ ⵢⴰⵏ ⵙⴳ ⵉⴳⵎⴰⵎⵏ ⵏⵏⵙ ⵙ ⵜⵔⵙⵍⵜ ⵏ ⵜⴳⵏⵙⴰⵙⵜ ⵜⴰⵙⵖⵓⵍⴰⵏⵜ.
ⴰⵎⵏⵏⵉ 123
ⴰⵔ ⵙⴽⴰⵔⵏⵜ ⵜⵔⵓⴱⴱⴰ ⵜⵉⵙⴳⵓⵎⴰⵏⵉⵏ ⵏ ⵜⵡⵡⵓⵔⵉ ⵜⵉⵎⵙⵉⴽⵓⴷⵉⵏ ⵜⴰⵡⵡⵓⵔⵉ ⵏⵏⵙⵜ ⵙ ⵜⴼⴰⴷⵉⵡⵉⵏ ⴷ ⵜⵔⵙⴰⵍ ⵜⵜⴰⵡⴱⴷⴰⵔⵏⵉⵏ ⴳ ⵓⵏⴳⵔⴰⵡ ⴰⴳⵯⵏⵙⴰⵏ ⵏ ⵓⵙⵇⵇⵉⵎ ⵙ ⵜⵙⵎⵉⴳⵍⵜ ⵍⵍⵉ ⴷ ⴼⵍⵍⴰⵙ ⵉⵙⵙⴼⵓⵖ ⵓⵙⵉⵔⴰ ⵏ ⵓⵙⵇⵇⵉⵎ ⴳ ⵜⵖⵜⴰⵙⵜ ⵏ ⵓⵙⴽⵔ ⵏⵏⵙ.
ⴰⵎⵏⵏⵉ 124
ⵉⵇⵇⴰⵏ ⴷ ⴰⴷ ⵜⵙⵓⵊⵉⴷ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⵏ ⵜⵡⵡⵓⵔⵉ ⵜⴰⵎⵙⵉⴽⵓⴷⵜ ⴰⵏⵇⵇⵉⵙ ⵏⵏⵙ ⴳ ⵎⴰⵏⵏ ⵓⵔ ⵉⵣⵔⵉⵏ ⴽⵕⴰⴹ ⵢⵢⵉⵔⵏ ⴼ ⵓⵙⴽⵔ ⵏⵏⵙ, ⵉⵖ ⴰⵙ ⵓⵔ ⵜⵓⴼⵉ, ⵉⵇⵇⴰⵏ ⴷ ⴰⴷ ⵜⵙⵎⵏⵉⴷ ⵢⴰⵏ ⵓⵏⵇⵇⵉⵙ ⴰⴼⵔⴽⴰⵏ, ⴰⵔ ⵉⵜⵜⵖⵜⵙ ⵓⵙⵉⵔⴰ ⵏ ⵓⵙⵇⵇⵉⵎ ⴼ ⵓⵏⵇⵇⵉⵙ ⴰⴷ ⵉⵙ ⵔⴰⴷ ⵜⵣⵣⵉⴳⵣ ⴳ ⵜⵙⵎⵉⴳⵍⵜ ⵏⵏⵙ ⴰⵔ ⴷⵉⵖ ⵜⵙⵎⴷ ⵏⵖ ⴰⴷ ⵉⵙⵎⴷ ⵏⵜⵜⴰⵏ ⵜⴰⵙⵎⵉⴳⵍⵜ ⴰⴷ.
ⴰⵎⵏⵏⵉ 125
ⴰⵔ ⵜⵜⵓⵚⵕⵉⴼⵏ ⵉⵏⵇⵇⵉⵙⵏ ⵏ ⵜⵔⵓⴱⴱⴰ ⵜⵉⵙⴳⵓⵎⴰⵏⵉⵏ ⵏ ⵜⵡⵡⵓⵔⵉ ⵜⵉⵎⵙⵉⴽⵓⴷⵉⵏ ⵉ ⵓⵙⵉⵔⴰ ⵏ ⵓⵙⵇⵇⵉⵎ ⵍⵍⵉ ⵉⵜⵜⴼⵖⵏ ⵙ ⵜⵖⵜⴰⵙⵜ ⴼ ⵉⵎⴰⵍ ⵏⵏⵙⵏⵜ, ⵉⵖ ⵉⴼⴼⵖ ⵙ ⵓⵣⵓⵣⵣⵔ ⵏⵏⵙ ⴳ ⵜⵖⵉⵎⵉⵜ ⵜⴰⵎⴰⵜⴰⵢⵜ, ⴰⵔ ⵜ ⵉⵜⵜⴰⵣⵏ ⵉ ⴽⵓ ⵉⴳⵎⴰⵎⵏ ⵏ ⵓⵙⵇⵇⵉⵎ ⴳ 48 ⵏ ⵜⵙⵔⴰⴳⵜ ⴳ ⵓⵙⵉⴷⵔⵓⵙ ⴷⴰⵜ ⵏ ⵓⵎⴹⴰⴽⴰⵕ ⵏⵏⵙ ⴳ ⵜⵖⵉⵎⵉⵜ ⵜⴰⵎⴰⵜⴰⵢⵜ.
ⴰⵎⵏⵏⵉ 126
ⴰⵔ ⵢⴰⴽⴽⴰ ⵓⵙⵉⵔⴰ ⵏ ⵓⵙⵇⵇⵉⵎ ⵉ ⵜⵔⵓⴱⴱⴰ ⵜⵉⵙⴳⵓⵎⴰⵏⵉⵏ ⵏ ⵜⵡⵡⵓⵔⵉ ⵜⵉⵎⵙⵉⴽⵓⴷⵉⵏ ⵍⵍⵉ ⵉⵙⴽⵔ ⴽⵓ ⵉⵎⴰⵙⵙⵏ ⴷ ⵉⴼⴳⴰⵏⵏ ⴷ ⵓⵙⴰⵏⵉⵏ ⵖ ⵍⵍⴰⵏⵜ ⵜⵎⵓⵣⴰⵢ ⴷ ⵉⵎⵛⵡⴰⵕⵏ ⵃⵎⴰ ⴰⴷ ⴰⵙ ⵢⴰⵡⵙ ⴳ ⵓⵙⴽⵔ ⵏ ⵜⵙⵎⵉⴳⵍⵜ ⵏⵏⵙ ⴳ ⵜⵎⵙⵓⵜⵍⵉⵏ ⵥⵉⵍⵏⵉⵏ.
ⴰⵢⵢⴰⵡ ⵡⵉⵙ ⵙⵉⵏ: ⵜⴰⵔⴰⴱⴱⵓⵜ ⵉⵜⵜⵓⵙⵎⴰⴳⴰⵍⵏ ⵙ ⵜⵖⴰⵡⵙⵉⵡⵉⵏ ⵏ ⵉⴼⵔⵉⵇⵢⴰ
ⴰⵎⵏⵏⵉ 127
ⵃⵎⴰ ⴰⴷ ⵢⵉⵍⵉ ⵓⵙⴷⵓⵙ ⵏ ⵜⵣⴷⴰⵢⵉⵏ ⵏ ⵓⵎⵢⴰⵡⴰⵙ ⴷ ⵜⵡⵉⵣⵉ ⴰⴽⴷ ⵉⵎⴰⴷⴰⵏⵏ ⴷ ⵜⵎⵉⵣⴰⵔ ⵏ ⵉⴼⵔⵉⵇⵢⴰ ⵉⴳⴰⵏ ⵢⴰⵏ ⵓⵙⵜⴰⵢ ⴰⵙⵜⵔⴰⵜⵉⵊⵉ;
ⵃⵎⴰ ⴰⴷ ⵢⵉⵍⵉ ⵓⵙⵎⵔⵙ ⵏ ⵓⴱⵔⵉⴷ ⵏ ⵓⵎⵢⴰⵡⴰⵙ ⴰⵙⵔⵜⴰⵏ ⴷ ⵓⴱⵕⵍⴰⵎⴰⵏⵉ ⴷ ⵓⴷⵎⵙⴰⵏ ⴷ ⵓⵏⴰⵎⵓⵏ ⴷ ⵓⴷⵍⵙⴰⵏ ⴷ ⵡⵉⵏ ⵜⵏⴼⵔⵓⵜ ⵉⴱⴷⴷⵏ ⴼ ⵜⵣⴷⴰⵢⵉⵏ ⵍⵍⵉ ⵉⵙⴽⵔ ⵍⵎⵖⵔⵉⴱ ⵙⴳ ⵉⵙⴳⴳⵯⴰⵙⵏ ⴷ ⵜⵎⵉⵣⴰⵔ ⵏ ⵉⴼⵔⵉⵇⵢⴰ;
ⵍⵍⵉⵖ ⵉⵙⵙⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⵉⵍⴰⵍⵜ ⵏⵏⵙ ⴳ ⵓⴼⵔⴰⴳ ⵏ ⵜⵣⴷⴰⵢⵉⵏ ⴰⴷ ⴷ ⵓⵙⵎⵖⵔ ⵏⵏⵙⵜ;
ⴰⵔ ⵜⴻⵜⵜⵓⵙⴽⵉⵔ ⵙ ⵜⵖⵜⴰⵙⵜ ⵏ ⵓⵙⵉⵔⴰ ⵜⴰⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⵏ ⵜⵡⵡⵓⵔⵉ ⵜⴰⵎⵙⵉⴽⵓⴷⵜ ⵖⵓⵔⵙ ⵜⴰⵙⵎⵉⴳⵍⵜ ⵏ ⵓⴹⴼⵕ ⵏ ⵉⴳⵔⴰⵏ ⵏ ⵓⵎⵢⴰⵡⴰⵙ ⵊⴰⵔ ⵍⵎⵖⵔⵉⴱ ⴷ ⵉⴼⵔⵉⵇⵢⴰ ⵙ ⵉⵎⴰⵙⵙⵏ ⵍⵍⴰⵏⵉⵏ ⴷⴰⵔ ⵓⵙⵇⵇⵉⵎ ⴳ ⵓⵣⵣⵔⴰⴼ ⴷ ⵜⵉⴹⴰⴼ ⴷ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ, ⴷ ⵓⵔⵣⵣⵓ ⵏ ⵜⵎⴰⵎⴽⵉⵏ ⵏ ⵓⵙⵏⴰⵍ ⴷ ⵓⵙⴽⵔ ⵏ ⵜⵙⵏⵜⴰⵢⵉⵏ ⵡⴰⵜⵜⵙⵏⵉⵏ ⴰⵙⴷⵓⵙ ⵏ ⵓⵎⵢⴰⵡⴰⵙ ⴰⴼⵔⵉⵇⵉ.
ⵜⴰⵔⴰⴱⴱⵓⵜ ⴰⴷ ⴰⵔ ⵜⵙⴽⴰⵔ ⵉⵏⵇⵇⵉⵙⵏ ⴷ ⵉⵔⵣⵣⵓⵜⵏ ⴷ ⵜⵣⵔⴰⵡⵉⵏ, ⴰⵔ ⵜⵙⵏⵎⴰⵍⴰ ⵉⵏⵎⵓⵇⵇⴰⵔⵏ ⵉⵎⴰⵙⵙⴰⵏⵏ ⴷ ⵉⴱⵕⵍⴰⵎⴰⵏⵉⵢⵉⵏ ⴼ ⵉⴼⵔⵉⵇⵢⴰ ⴷ ⵓⵎⵢⴰⵡⴰⵙ ⴰⵎⵖⵔⵉⴱⵉ ⴰⴼⵔⵉⵇⵉ.
ⴳ ⵓⵙⵉⴷⵔⵓⵙ, ⵜⵓⵎⴰ ⵜⵔⴰⴱⴱⵓⵜ ⴰⴳⵎⴰⵎ ⵙⴳ ⴽⵓ ⵜⴰⵔⴰⴱⴱⵓⵜ ⵏⵖ ⵜⴰⴳⵔⵓⵎⵎⴰ ⵜⴰⴱⵕⵍⴰⵎⴰⵏⵉⵜ ⵙ ⵓⵡⵇⵇⵔ ⵏ ⵉⵣⵔⴼⴰⵏ ⵏ ⵉⵎⵓⵔⴰ ⵓⵔ ⵍⵍⵉⵏⵉⵏ ⴳ ⴽⵔⴰ ⵏ ⵜⵔⴰⴱⴱⵓⵜ ⵏⵖ ⵜⴰⴳⵔⵓⵎⵎⴰ.
ⴰⵢⵢⴰⵡ ⵡⵉⵙ ⴽⵕⴰⴹ: ⵜⵉⵔⵓⴱⴱⴰ ⵥⵍⵉⵏⵉⵏ ⴷ ⵜⵖⴰⵡⵙⵉⵡⵉⵏ ⵜⵉⵏⴰⵎⵓⵔⵉⵏ ⴷ ⵜⴳⵔⴰⵖⵍⴰⵏⵉⵏ ⴷ ⵓⵙⵍⴳⵏ ⴰⴳⵔⴰⵖⵍⴰⵏ ⴰⵏⴼⴳⴰⵏ
ⴰⵎⵏⵏⵉ 128
ⴳ ⵓⵙⴰⵜⵉ ⵏ ⵜⵔⵙⴰⵍ ⵏ ⵜⵙⵔⵜⵉⵜ ⵏ ⴱⵕⵕⴰ ⵏ ⵍⵎⵖⵔⵉⴱ ⵉⴱⴷⴷⵏ f ⵓⵏⵏⵓⵕⵣⵎ ⴷ ⵜⵎⵢⵉⴷⵉⵔⵜ ⴷ ⵓⵎⵢⴰⵡⴰⴹ ⵊⴰⵔ ⴽⵓ ⵉⵎⴰⴷⴰⵏⵏ ⴷ ⵓⵏⵄⴰⵕ ⵏ ⵜⵎⵙⴰⵔⵉⵏ ⵜⵉⵣⵔⴼⴰⵏⵉⵏ ⵖ ⴽⵓ ⴰⴷⵖⴰⵔ ⴳ ⵓⵙⴰⵜⵉ ⵏ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵙ ⵓⵡⵇⵇⵔ ⵏ ⵜⵎⵥⵍⴰⵢⵉⵏ ⵏ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ, ⴷⴰ ⵜⵜⵓⵙⴽⵉⵔⵏⵜ ⵜⵔⵓⴱⴱⴰ ⵜⵉⵙⴳⵓⵎⴰⵏⵉⵏ ⵏ ⵜⵡⵡⵓⵔⵉ ⵜⵉⵎⵙⵉⴽⵓⴷⵉⵏ ⴽⵓ ⵢⴰⵜ ⴳ ⵉⴳⵔ ⵏ ⵜⵎⵥⵍⴰⵢ ⵏⵏⵙ, ⴼ:
- ⵜⴰⵎⵙⴰⵔⵜ ⵜⴰⵏⴰⵎⵓⵔⵜ ⵜⴰⵎⵣⵡⴰⵔⵓⵜ ⵏ ⵍⵎⵖⵔⵉⴱ: ⵜⴰⵎⵙⴰⵔⵜ ⵏ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵜⴳⵍⴷⵉⵜ;
- ⴰⵚⴽⵓ ⴰⵎⵖⴰⵔⵉⴱⵉ;
- ⴰⵎⵢⴰⵡⴰⵙ ⴰⵄⵕⴰⴱ ⵓⵙⵍⵉⵎ ⵓⵕⵓⴱⴱⵉ ⴰⵎⵉⵔⵉⴽⴰⵏⵉ ⴷ ⴰⵙⵢⴰⵡⵉ;
- ⵜⴰⵎⵙⴰⵔⵜ ⵜⴰⴼⵉⵍⵙⵟⵉⵏⵉⵜ ⵜⴰⵣⵔⴼⴰⵏⵜ.
ⵖⵎⴽ ⵍⵍⵉ ⵜⵜⵓⵙⴽⴰⵔ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⵜⴰⵎⵙⵉⴽⵓⴷⵜ ⵉⵥⵍⵉⵏ ⵙ ⵓⵙⵍⴳⵏ ⴰⴳⵔⴰⵖⵍⴰⵏ ⴰⵏⴼⴳⴰⵏ, ⵉⴳⴰⵏ ⴰⵏⴳⵔⴰⵡ ⵏ ⵓⵙⵎⴰⴷ ⵏ ⵉⴱⴹⵉⵢⵏ ⵏ ⵓⵙⵍⴳⵏ ⴰⴳⵔⴰⵖⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵉⴳⴰ ⴳ ⵜⵙⵎⵉⴳⴰⵍ ⵏⵏⵙ ⴰⴷ ⵜⴼⴽ ⵜⵉⵙⵓⵎⵔⵉⵏ ⴳ ⵓⵙⵎⵙⴰⵙⴰ ⵊⴰⵔ ⴰⵣⵣⵔⴰⴼ ⴰⵎⵖⵔⵉⴱⵉ ⴷ ⵉⴱⴹⵉⵢⵏ ⵏ ⵓⵙⵍⴳⵏ ⴰⴳⵔⴰⵖⵍⴰⵏ ⴰⵏⴼⴳⴰⵏ ⴷ ⵓⵣⵓⵣⵔⵔ ⵏ ⵉⴱⴹⵉⵢⵏ ⵏⵏⵙ ⴷ ⵓⵙⵎⵖⵔ ⵏ ⵜⴷⵍⵙⴰ ⵏⵏⵙ.
ⴰⵔ ⵜⵙⴽⴰⵔ ⵜⵔⴰⴱⴱⵓⵜ ⴰⴷ ⵜⴰⵙⴳⵓⵎⴰⵏⵜ ⵜⵉⵣⵔⴰⵡⵉⵏ ⴷ ⵉⵔⵣⵣⵓⵜⵏ ⵍⵍⵉ ⵓⵔ ⴳⵉⵏⵉⵏ ⵜⵉⵎⵥⵍⴰⵢ ⵏ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ ⴳ ⵓⵣⵣⵔⴰⴼ ⴷ ⵜⵉⴹⴰⴼ.
**************************************
ⵜⴰⵔⴰⴱⴱⵓⵜ ⵏ ⵜⵡⵡⵓⵔⵉ ⵉⵜⵜⵓⵙⵎⴰⴳⴰⵍⵏ ⵙ ⵓⵣⵣⵔⴰⵢ ⵏ ⵜⵙⵏⵙⵉ ⵏ ⵓⵙⵍⴳⵏ 103.13 ⵉⵥⵍⵉⵏ ⵙ ⵓⵙⴱⴷⴷⵉ ⵏ ⵜⴽⵕⴹⵉ ⵎⴳⴰⵍ ⵏ ⵜⵎⵖⴰⵔⵉⵏ
ⵜⴰⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⵏ ⵜⵡⵡⵓⵔⵉ ⵉⵜⵜⵓⵙⵎⴰⴳⴰⵍⵏ ⵙ ⵓⵎⵓⴽⵏ ⵏ ⵜⵎⵙⵙⵓⴳⵓⵔⵜ
ⵜⴰⵔⴰⴱⴱⵓⵜ ⵏ ⵜⵡⵡⵓⵔⵉ ⵜⴰⵙⴳⵓⵎⴰⵏⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵣⵣⵔⴰⵢ ⵏ ⵜⵙⵔⵜⵉⵜ ⵏ ⵡⴰⵎⴰⵏ
ⵜⴰⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⵏ ⵜⵡⵡⵓⵔⵉ ⵉⵜⵜⵓⵙⵎⴰⴳⴰⵍⵏ ⵙ ⵓⵣⵣⵔⴰⵢ ⵏ ⵜⵙⵔⵜⵉⵜ ⵜⴰⴳⴷⵓⴷⴰⵏⵜ ⴼ ⵓⵖⴰⵡⴰⵙ ⵏ ⵍⵎⵖⵔⵉⴱ ⴰⵣⴳⵣⴰⵡ