ⵜⵉⵙⵇⵇⵉⵎⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵏ ⵓⵙⴰⴳⴳⵯ
ⴳⴰⵏⵜ ⵜⵙⵇⵇⵉⵎⵉⵏ ⵏ ⵓⵙⴰⴳⴳⵯ ⵢⴰⵜ ⵜⵓⵚⴽⵉⵡⵜ ⵜⴰⵎⵙⵉⴽⵓⴷⵜ ⵏ ⵜⵙⵇⵇⵉⵎⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵖ ⵓⵙⵇⵇⵉⵎ ⵏ ⵉⵎⵓⵔⴰ, ⵥⴹⴰⵕⵏⵜ ⴰⴷ ⵜⵜⵓⵙⴽⵉⵔⵏⵜ ⵙ ⵜⵙⵏⵜⴰⵢⵜ ⵏ ⵓⴳⵍⵍⵉⴷ, ⵏⵖ ⵙ ⵜⵓⵜⵔⴰ ⵏ ⵜⵓⴳⵜ ⵏ ⵉⴳⵎⴰⵎⴰⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵏⵖ ⴰⴼⴽⵕⴰⴹ ⵏ ⵉⴳⵎⴰⵎⵏ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ, ⴰⵔ ⵙⵎⵎⵓⵏⵏⵜ ⵓⵎⵍⴰⵏ ⵣⴷⵉⵏⵉⵏ ⴷ ⴽⵔⴰ ⵏ ⵜⵎⵙⴽⴰⵔ ⴳⴰⵏⵉⵏ ⵜⵉⵎⵏⵜⴰⵢⵉⵏ, ⵏⵖ ⴰⵙⵡⵓⴷⴷⵓ ⵏ ⵜⵏⵓⴼⴰ ⵏⵖ ⵜⵉⵎⵔⵙⴰⵍ ⴷ ⵜⵎⵙⵙⵏⵜⴰⵢ ⵜⵉⴳⴷⵓⴷⴰⵏⵉⵏ, ⴰⵔ ⵙⵏⵖⵎⴰⵙⵏⵜ ⴰⵙⵇⵇⵉⵎ ⵍⵍⵉ ⵜⵏⵜ ⵉⵙⴽⵔⵏ ⵙ ⵜⵢⴰⴼⵓⵜⵉⵏ ⵏ ⵜⵡⵓⵔⵉⵡⵉⵏ ⵏⵏⵙⵏⵜ (ⵜⵉⵖⵉⵎⵉⵜⵉⵏ ⵥⵍⵉⵏⵉⵏ ⵙ ⵓⵙⵎⵏⵉⴷ ⵏ ⵜⵡⵓⵔⵉⵡⵉⵏ ⵏ ⵜⵙⵇⵇⵉⵎⵉⵏ ⵏ ⵓⵙⴰⴳⴳⵯ), ⵙ ⵓⵎⵙⴰⵙⴰ ⴷ ⵜⴼⴰⴷⵉⵡⵉⵏ ⵍⵍⴰⵏⵉⵏ ⵖ ⵓⵎⵏⵏⵉ 67 ⵏ ⵓⴷⵓⵙⵜⵓⵔ ⴷ ⵓⵙⵍⴳⵏ ⴰⵎⴰⴷⴷⴰⵙ ⵍⵍⵉ ⵉⵙⴰⵡⴰⵍⵏ ⴼ ⵓⵙⵡⵓⵔⵉ ⵏⵏⵙⵏⵜ ( ⴰⵙⵍⴳⵏ ⴰⵎⴰⴷⴷⴰⵙ ⵓⵟⵟⵓⵏ 085.13 ⵉⵣⴷⵉⵏ ⵙ ⵜⵖⴰⵔⴰⵙⵜ ⵏ ⵓⵙⵡⵓⵔⵉ ⵏ ⵜⵙⵇⵇⵉⵎⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵏ ⵓⵙⴰⴳⴳⵯ).
ⴳⴰⵏⵜ ⵜⵙⵇⵇⵉⵎⵉⵏ ⵓⵙⴰⴳⴳⵯ ⵜⵉⵎⵙⵉⴽⵓⴷⵉⵏ ⵙ ⵓⴼⵔⵉⵙ ⵏⵏⵙⵏⵜ, ⴰⵔ ⵜⵜⵀⵢⵢⵓⵏⵜ ⵜⵡⵓⵔⵉⵡⵉⵏ ⵏⵏⵙⵏⵜ ⵙ ⵓⵙⵔⵓⵙ ⵏ ⵓⵏⵇⵇⵉⵙ ⵏⵏⵙⵏⵜ ⴷⴰⵔ ⵓⵙⵉⵔⴰ ⵏ ⵓⵙⵇⵇⵉⵎ ⴰⵎⵏⵜⴰⵢ, ⴷ ⵓⵚⵕⵓⴼ ⵏⵏⵙ ⵉ ⵜⵣⵔⴼⵜ ⵙ ⵓⴼⵓⵙ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⴰⴷ ⵉⵖ ⴷ ⵉⵇⵇⴰⵏ.
ⵓⵔ ⵢⵓⴼⵉ ⴰⴷ ⵉⵍⵉⵏⵜ ⵜⵙⵇⵇⵉⵎⵉⵏ ⵏ ⵓⵙⴰⴳⴳⵯ ⴼ ⵉⵎⵊⵕⵉⵜⵏ ⴼ ⵉⵍⵍⴰ ⵓⴹⴼⵓⵕ ⵏ ⵜⵣⵔⴼⵜ, ⵖ ⵓⵣⵎⵣ ⵏⵏⴰ ⵉⵙⵓⵍ ⵓⴹⴼⵓⵕ ⴰⴷ; ⴰⵔ ⵜⵜⵀⵉⵢⵢⵓ ⵜⵙⵎⵉⴳⵍⵜ ⵏ ⴽⵔⴰⵢⴳⴰⵜ ⵜⴰⵙⵇⵇⵉⵎⵜ ⵏ ⵓⵙⴰⴳⴳⵯ ⵏⵏⴰ ⴰⴷ ⵉⵜⵜⵓⵙⴽⴰⵔⵏ, ⵉⵖ ⵜⵜⵓⵕⵥⴰⵎ ⵜⴼⵔⵉⵏⵉⴳⵜ ⵜⴰⵣⵔⴼⴰⵏⵜ ⴼ ⵉⴳⴳⵉⵜⵏ ⵍⵍⵉ ⴷ ⵉⵡⵉⵏⵉⵏ ⴰⴷ ⵜⵜⵓⵙⴽⵉⵔ.
|
ⵜⵉⵙⵇⵇⵉⵎⵉⵏ ⵏ ⵓⵙⴰⴳⴳⵯ ⵉⵜⵜⵓⵙⴽⴰⵔⵏ ⵣⵖ 1979 |
|---|
|
- ⵜⴰⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵔⵣⵣⵓ ⴷ ⵓⵣⵣⵔⴰⵢ ⵅⴼ ⵓⴼⵓⵖ ⵏ ⵜⵎⵜⵜⴰⵡⵉⵏ ⵏ ⵉⵔⵉⵎⵏ ⵏ ⵓⴱⴰⴽⴰⵍⵓⵕⵢⴰ, ⴳ ⵜⵙⵓⵜⵍⵜ ⵏ ⵎⴰⵢⵢⵓ 1979. 30 ⵎⴰⵢⵢⵓ 1979. - ⵜⴰⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⴰⴳⴳⵯ ⵅⴼ ⵜⵎⵙⴰⵔⵉⵏ ⵏ ⴼⴰⵙ ⴷⴼⴼⵉⵔ ⵏ ⵓⵙⵍⴰⴳ ⴰⵎⴰⵜⴰⵢ, 11 ⴷⵓⵊⴰⵏⴱⵉⵔ 1991. - ⵜⴰⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⴰⴳⴳⵯ ⴼ ⵉⵎⵔⵙⵉ ⵏ ⵉⵙⴷⵓⵀⴷⵓⵜⵏ, 28 ⴷⵓⵊⴰⵏⴱⵉⵔ 1995. - ⵜⴰⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⴰⴳⴳⵯ ⴼ ⵓⵙⵓⵔⵙ ⵏ ⵜⵎⵔⵙⵍⵜ ⵏ ⵓⵕⵟⵟⴰⵍ ⴰⴼⵔⴽⴰⵏ ⴷ ⵡⵉⵏ ⵜⵎⴰⵍⵍⴰⵢⵜ, ⵎⴰⵢⵢⵓ 2000. - ⵜⴰⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⴰⴳⴳⵯ ⵅⴼ ⵜⵎⵙⴰⵔⵉⵏ ⵍⵍⵉ ⵊⵕⴰⵏⵉⵏ ⴳ ⵜⵎⴷⵉⵏⵜ ⵏ ⵙⵉⴷⵉ ⵉⴼⵏⵉ, 18 ⵢⵓⵏⵢⵓ 2008. - ⵜⴰⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⴰⴳⴳⵯ ⵅⴼ ⵜⵎⵙⴰⵔⵉⵏ ⵏ ⴳⴷⵉⵎ ⵉⵣⵉⴽ, ⴷ ⵉⴳⵉⵜⵏ ⵏ ⵜⴽⵕⴹⵉ ⴷ ⵜⴱⴰⵙⵍⵉⵜ ⴳ ⵜⵎⴷⵉⵏⵜ ⵏ ⵍⵄⵢⵓⵏ, 27 ⵏⵓⵡⴰⵏⴱⵉⵔ 2011. |
|---|
ⴰⵎⴰⵏⴰⵔ ⵏ ⵜⵡⵓⵔⵉ ⵅⴼ ⵜⵙⵇⵇⵉⵎⵉⵏ ⵏ ⵓⵙⴰⴳⴳⵯ ( ⵜⴰⵄⵕⴰⴱⵜ)