ⴰⵎⴹⴰⴽⴰⵕ ⵏ ⵓⴼⵔⴰⴳ ⵏ ⵜⵎⵖⴰⵔⵉⵏ ⵜⵉⵏⵖⵎⴰⵙⵉⵏ ⴳ ⵜⵔⴰⴱⴱⵓⵜ ⵏ ⵜⵡⵓⵔⵉ ⵜⴰⵙⴳⵓⵎⴰⵏⵜ ⵉⵜⵜⵓⵙⵎⴰⴳⴰⵍ ⵙ ⵢⵉⵙⴽⵉⵍ ⴷ ⵓⵙⴰⵎⵓ ⴳ ⵓⵙⵇⵇⵉⵎ ⵏ ⵉⵎⵓⵔⴰ

<p style="text-align: justify;">ⵜⵙⵏⵎⴰⵍⴰ ⵜⵔⴰⴱⴱⵓⵜ ⵏ ⵜⵡⵓⵔⵉ ⵜⴰⵙⴳⵓⵎⴰⵏⵜ ⵉⵜⵜⵓⵙⵎⴰⴳⴰⵍ ⵙ ⵢⵉⵙⴽⵉⵍ ⴷ ⵓⵙⴰⵎⵓ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⴰⵏⵎⵓⵇⴰⵔ ⴼ ⵓⴼⵔⴰⴳ ⵏ ⵜⵎⵖⴰⵔⵉⵏ ⵜⵉⵏⵖⵎⴰⵙⵉⵏ, ⴰⵙⵉⵏⴰⵙ 6 ⵉⴱⵔⵉⵔ 2021 ⴼ “ⵓⴼⵔⴰⴳ ⵏ ⵜⵎⵖⴰⵔⵉⵏ ⵜⵉⵏⵖⵎⴰⵙⵉⵏ”, ⵜⵙⵙⵉⵅⴼ ⵜ ⵎⴰⵙⵙⴰ ⴼⴰⵟⵉⵎⴰ ⵥⵥⴰⵀⵕⴰ ⵏⴰⵣⵉⵀ ⵜⴰⵏⵙⵙⵉⵅⴼⵜ ⵏ ⵜⵔⴰⴱⴱⵓⵜ ⵙ ⵜⵡⵉⵙⵉ ⵏ ⵜⴳⵎⴰⵎⵉⵏ ⵏ ⵓⵏⵎⵓⵇⴰⵔ ⴰⵎⵖⵔⵉⴱⵉ ⵏ ⵉⵏⵖⵎⴰⵙⵏ ⵉⵄⵔⵔⵉⵎⵏ ⴷ ⵜⵎⵙⵎⵓⵏⵜ ⵙⵉⵎⵙⵉⵎ ⵜⴰⴷⵔⴰⵡⵜ ⴷ ⵜⵏⵎⵓⵔⵉ.</p>
<p style="text-align: justify;">ⴳ ⵓⵙⵎⵏⵉⴷ ⵏ ⵜⵎⵙⵙⴽⵜⵉⵜ ⴼ “ⵓⵏⵄⴰⵔ ⴰⵎⴷⵏⴰⵏ ⴼ ⵓⴼⵔⴰⴳ ⵏ ⵜⵏⵖⵎⴰⵙⵉⵏ ⴳ ⵍⵎⵖⵔⵉⴱ: ⴰⵙⵓⵔⵙ ⵏ ⵖⵉⵍⴰⴷ ⴷ ⵜⵙⵓⵎⵔⵉⵏ ⵏ ⵓⵙⵎⵖⵔ ⴰⵣⵔⴼⴰⵏ”, ⵙⴷⴷⵉⴷⵏⵜ ⵜⴳⵎⴰⵎⵉⵏ ⵏ ⵓⵏⵎⵓⵇⴰⵔ ⴰⵎⵖⵔⵉⴱⵉ ⵏ ⵉⵏⵖⵎⴰⵙⵏ ⵉⵄⵔⵔⵉⵎⵏ ⵎⴰⵙ ⵜⴽⵛⵎ ⵜⵙⵏⵜⴰⵢⵜ ⴰⴷ ⴳ ⵓⵙⴽⵔ ⵏ ⵓⵙⵏⴼⴰⵔ “ ⴰⵙⵉⵥⴹⵕ ⵏ ⵜⵎⵖⴰⵔⵜ ⴳ ⵜⵉⵍⴰⵍ ⵜⵉⵎⵣⵡⵓⵔⴰ ⴳ ⵓⵙⵏⵇⵔ ⴰⵏⴰⵎⵎⴰⵙ ⴷ ⵉⵥⵥⵍⵎⴹ ⵏ ⵉⴼⵔⵉⵇⵢⴰ: ⵍⵓⵔⴷⵓⵏ, ⵍⵎⵖⵔⵉⴱ, ⵜⵓⵏⵙ”, ⵍⵍⵉ ⵉⵡⴰⵜⵜⵙⵏ ⴰⵙⵎⵖⵔ ⵏ ⵜⵙⵓⴳⴰⵔ ⵏ ⵜⵎⵖⴰⵔⵉⵏ ⴳ ⵜⵣⵡⵉⵔⵉ ⴷ ⵓⵏⴱⴰⴹ, ⴰⵙⴷⵓⵙ ⵏ ⵜⵙⵓⴳⴰⵔ ⵏ ⵜⵎⵖⴰⵔⵉⵏ ⴷ ⵉⵔⴳⴰⵣⵏ ⴳ ⵓⵙⵡⵓⵔⵉ ⵙ ⵡⴰⵏⴰⵡ ⴰⵏⴰⵎⵓⵏ ⴳ ⵓⵙⵔⵓⵙ ⵏ ⵜⵙⵔⵜⴰⵢ.</p>
<p style="text-align: justify;">ⵜⵙⵎⵓⵏ ⵜⵎⵙⵙⴽⵜⵉⵜ ⵉⵙⵖⵍⴰⴼ ⵏ ⵉⵙⵡⴰⵡⵓⵔⵏ, ⵙⴰⵡⵍⵏ ⵉⴳⵏⵙⴰⵙⵏ ⵏ ⵓⵏⵎⵓⵇⵔ ⴼ ⵜⵎⵓⴽⵔⵉⵙⵉⵏ ⵍⵍⴰⵏⵉⵏ ⴰⵎ: ⵜⵉⴽⵕⴹⵉ ⵎⴳⴰⵍ ⵏ ⵜⵏⵖⵎⴰⵙⵉⵏ, ⴰⵔⵡⵍ ⵙⴳ ⵜⵎⵔⵔⵓⵜ, ⴰⵏⵥⵥⴻⵥ ⴳ ⵓⴷⵖⴰⵔ ⵏ ⵜⵡⵓⵔⵉ, ⴰⵙⵏⵓⵃⵢⵓ ⴳ ⵜⵖⵔⴰⴷ.</p>
<p style="text-align: justify;">ⵜⵜⵓⴼⴽⴰⵏⵜ ⴰⵡⴷ ⵛⵉⴳⴰⵏ ⵏ ⵉⵙⵖⵍⴰⴼ ⴷ ⵉⵙⵡⵓⴷⴷⵓⵜⵏ ⵉ ⵓⵙⵉⵥⴹⵕ ⵏ ⵜⵎⵖⴰⵔⵜ ⵜⴰⵏⵖⵎⴰⵙⵜ ⴷ ⵓⴼⵔⴰⴳ ⵏⵏⵙ ⴰⵎ: ⴰⵖⵉⵎⵉ ⵏ ⵉⴱⴽⴽⴰⴹⵏ, ⴰⵙⵖⵔⵜ ⵏ ⵓⵣⵔⴼ ⴳ ⵓⵚⵕⴰⴹ ⵎⵏⵉⴷ ⵏ ⵜⴳⵔⴰⵡⵉⵏ ⵜⵉⵣⵔⴼⴰⵏⵉⵏ ⵜⵉⵖⵔⵎⴰⵏⵉⵏ ⵓⵔ ⴷ ⵜⵉⵏⴱⴽⴰⴹⵉⵏ, ⴰⵙⵏⴰⵍ ⵏ ⵜⵎⵔⵙⴰⵍ ⴷ ⵜⵎⴰⴷⴷⴰⵙⵉⵏ ⵏ ⵓⵙⵏⵖⵎⵙ ⴳ ⵓⵙⴽⵔ ⵏ ⵉⵎⴰⵙⵙⵏ ⵏ ⵍⴱⵔⵉⵃ ⴰⵎⵣⵡⴰⵔ ⴷ ⵓⵎⵔⴰⵔⵓ ⴷ ⵓⵍⴳⴳⵓⴷ ⴰⵎ ⵜⵉⴱⴰⴷⵓⵜⵉⵏ ⵜⵉⵍⵉⴽⵟⵕⵓⵏⵉⵢⵉⵏ ⴷ ⵡⴰⵎⵎⴰⵙⵏ ⵏ ⵓⵎⵢⴰⵡⴰⴹ ⴳ ⵡⴰⴷⴷⴰⴷⵏ ⵏ ⵉⵖⴰⵡⴰⵍⵏ.</p>
<p style="text-align: justify;">ⵉⵖⵔⴰ ⵡⴰⵎⵓⵏ ⴰⵖⵔⵎⴰⵏ ⵉ ⵓⵕⵥⵥⵓⵎ ⵏ ⵓⵎⴹⴰⴽⴰⵕ ⴰⴳⴷⵓⴷⴰⵏ ⵉⴼⴰⵡⵏ ⴷ ⵓⵙⵡⵓⵔⵉ ⵏ ⵉⵎⵓⵔⴰ ⵏ ⵜⵎⵜⵜⵉ ⴼ ⵜⵎⵙⴰⵔⵜ ⵏ ⵜⵎⵖⴰⵔⵉⵏ ⵜⵉⵏⵖⵎⴰⵙⵉⵏ ⵙ ⵓⵙⵓⵊⴷ ⵏ ⵜⵙⵓⵎⵔⵜ ⵏ ⵓⵙⵍⴳⵏ ⵉ ⵓⵙⵎⴽⵍ ⵏ ⵜⵎⵓⴽⵔⵉⵙⵉⵏ ⴰⴷ.</p>
<p style="text-align: justify;">ⴳ ⵓⵎⴹⴰⴽⴰⵕ, ⵜⵙⴷⴷⵉⴷ ⵜⵏⵙⵙⵉⵅⵜ ⵏ ⵜⵔⴰⴱⴱⵓⵜ ⵏ ⵜⵡⵓⵔⵉ ⵜⴰⵙⴳⵓⵎⴰⵏⵜ ⵉⵜⵜⵓⵙⵎⴰⴳⴰⵍⵏ ⵙ ⵢⵉⵙⴽⵉⵍ ⴷ ⵓⵙⴰⵎⵓ ⴼ ⵡⴰⵜⵉⴳ ⵏ ⵉⵎⵔⵙⵉ ⴰⴷ ⴷ ⵡⴰⵜⵉⴳ ⵏ ⵓⵙⴷⵓⵙ ⵏ ⵉⵣⵔⴼⴰⵏ ⵙ ⵓⵙⵍⴳⵏ ⴰⵙⴰⵜⵉ ⴼ ⵢⵉⵙⴽⵉⵍ ⴷ ⵓⵙⴰⵎⵓ ⵍⵍⵉ ⵔⴰⴷ ⵉⴼⵔⴳ ⴽⵓ ⵜⵉⵎⵖⴰⵔⵉⵏ, ⵜⵙⴰⵡⵍ ⵓⵍⴰ ⴼ ⵜⵎⵓⴽⵔⵉⵙⵉⵏ ⵏ ⵓⵏⵄⴰⵔ ⵏ ⵜⵎⵖⴰⵔⵜ ⵜⴰⵣⵣⵓⵍⴰⵏⵜ ⵙ ⵜⵙⵏⵜⴰⵢⵉⵏ ⵏ ⵉⵎⵓⵔⴰ ⵙ ⵓⵎⵣⴰⵣⴰⵍ ⴷ ⵜⵉⵏ ⵜⵏⴱⴰⴹⵜ, ⵜⵉⵏⵉ ⵎⴰⵙ ⵔⴰⴷ ⵜⵕⵥⵎ ⵜⵙⵓⵎⵔⵜ ⵏ ⵓⵙⵍⴳⵏ ⴰⵎⴹⴰⴽⴰⵕ ⴰⴳⴷⵓⴷⴰⵏ ⴼ ⵜⵎⵓⴽⵔⵉⵙⵉⵏ ⵏ ⵓⵙⵏⵖⵎⵙ ⵉ ⵚⴰⵃⴰ ⵏ ⵜⵏⵖⵎⴰⵙⵉⵏ.</p>
<p style="text-align: justify;">ⵙⴰⵡⵍⵏⵜ ⵉⵙⵜ ⵎⴰⵙⵙⴰ ⵜⵉⵎⵓⵔⴰ ⵓⵍⴰ ⴼ ⵓⵙⴷⵓⵙ ⵏ ⵓⵙⵏⵖⵎⵙ ⵃⵎⴰ ⴰⴷ ⵉⵙⴰⵡⵍ ⴼ ⵜⵏⴰⵥⴰⵕⵉⵏ ⴷⴰⵜ ⵏ ⵓⵙⵉⵥⴹⵕ ⵏ ⵜⵎⵖⴰⵔⵜ ⴷ ⵓⴼⵔⴰⴳ ⵏⵏⵙⵏⵜ ⵎⵏⵉⴷ ⵏ ⵓⵙⵏⵓⵃⵢⵓ, ⴷ ⵓⵙⵏⴼⵍ ⵏ ⵓⵙⵡⵉⵏⴳⵎ ⵢⵓⵊⴰⴷⵏ ⴼ ⵜⵎⵖⴰⵔⵜ, ⴷ ⵓⵙⵙⵔⵇⴱ ⵏ ⵜⵎⵔⵙⴰⵍ ⴼ ⵓⵙⵡⵉⵔⵉ ⴼ ⵜⵎⵢⴰⴷⴰⵙⵜ ⵏ ⵡⴰⵏⴰⵡ.</p>