ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵏ ⵉⵏⴰⵡ ⵢⴰⵜⵜⵓⵢⵏ ⵉ ⵡⴱⵕⵍⴰⵎⴰⵏ ⵙ ⵓⵣⵎⵎⵣⵓ ⵏ ⵓⵕⵥⵥⵓⵎ ⵏ ⵜⵙⵓⵜⵍⵜ ⵜⴰⵎⵣⵡⴰⵔⵓⵜ ⵏ ⵓⵙⴳⴳⵯⴰⵙ ⵓⵣⵕⵉⴼ ⴰⵎⴰⵣⵡⴰⵔⵓ ⵏ ⵓⵣⵎⵣ ⵡⵉⵙⵙ ⵎⵔⴰⵡ ⴷ ⵢⴰⵏ

ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⵎⴰⵢⴰⴷ ⵉⵎⴰⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰ ⴷ ⴱⴰⴱ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ  ⴰⵙⵙ ⵏ ⵓⵙⵉⵎⵡⴰⵙ ⵢⴰⵏ ⵉⵏⴰⵡ ⵢⴰⵜⵜⵓⵢⵏ ⵉ ⵡⴱⵕⵍⴰⵎⴰⵏ ⵙ ⵓⵣⵎⵎⵣⵓ ⵏ ⵓⵕⵥⵥⵓⵎ ⵏ ⵜⵙⵓⵜⵍⵜ ⵜⴰⵎⵣⵡⴰⵔⵓⵜ ⵏ ⵓⵙⴳⴳⵯⴰⵙ ⵓⵣⵕⵉⴼ ⴰⵎⴰⵣⵡⴰⵔⵓ ⵏ ⵓⵣⵎⵣ ⵡⵉⵙⵙ ⵎⵔⴰⵡ ⴷ ⵢⴰⵏ.

 ⵉⴽⵛⵎ ⵍⴱⴷⵓ ⵏ ⵓⵣⵎⵣ ⴰⴷ ⴳ ⴰⴽⵓⴷ ⵍⵍⵉⵖ ⵉⵕⵥⵎ ⵍⵎⵖⵔⵉⴱ ⵜⴽⵍⵉⵜ ⵜⴰⵎⴰⵢⵏⵓⵜ ⵎⴰⵢⴰⴷ ⵜⵙⵓⵜⵓⵔ ⵏ ⵜⵓⴳⴳⴰⵣ ⵅⴼ ⵉⵣⵡⴰⵔⵏ ⵉⵙⵜⵔⵜⴰⵊⵉⵊⵉⵏ ⵏ ⵜⵔⵏⵓⵏⵜ ⵏ ⵜⵡⴷⴰ ⵏ ⵜⴳⵎⵉ ⴷⴰⵜ ⵏ ⵜⵉⵥⵕⵉⵏ ⵉⴱⵕⵕⴰⵏⵢⵉⵏ ⵎⴰⵢⴰⴷ ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵉⵏⴰⵡ ⴰⴷ ⵢⴰⵜⵜⵓⵢⵏ .

"ⵏⵔⴰ ⴰⴷ ⵏⵙⴷⴷⵓⴷ ⵅⴼ ⴽⵕⴰⴹ ⵉⵎⵏⵉⴷⵏ ⵉⴷⵍⴰⵙⴰⵏⵉⵏ ⵎⴰⵢⴰⴷ ⵉⴳⴰⵏ ⵓⵙⴷⵓⵙ ⵏ ⵓⵏⵙⴰ ⵏ ⵍⵎⵖⵔⵉⴱ ⴷ ⵓⵎⵏⵣⴰⵖ ⵅⴼ ⵉⵙⴱⵖⵓⵔⵏ ⵢⴰⵜⵜⵓⵢⵏ ⵙⴰⵍⴰⵡⵏ ⴰⴽⴽⵯ ⴳ ⵜⵙⵓⵜⵍⵜ ⵍⵍⵉⵖ ⵜⵙⵙⵏ ⵎⵏⵏⴰⵡ ⵏ ⵜⵏⵥⵕⵉⵏ ⴷ ⵉⵎⵉⵣⵉⵏ ⴷ ⵉⵙⴷⵉⴷⴷⵉⵏ " ⵎⴰⵢⴰⴷ ⵉⴼⵔⴰ ⵢⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ .

ⵜⵙⴱⴰⵢⵏ ⵜⴰⵙⵙⴰⵙⵜ ⵜⴰⴱⴰⵢⵢⵓⵕⵜ ⴰⴷⵡⴰⵍ ⵏ ⵜⵏⴱⴰⴹⵜ ⴳ ⵉⵣⵡⴰⵔ ⴷ ⵓⵎⵃⵉⵣⵡⴰⵔ ⴰⴼⴰⴷ ⵏ ⵓⵙⴷⵓⵙ ⵏⵏⵙ ⴳ ⵎⵛⵜⴰ ⵏ ⵉⵎⵏⵉⴷⵏ ⴰⴷⵓⵙⴰⵏ ⴷ ⵜⵉⵥⴹⵕⴰ ⴷ ⵜⴰⵎⴳⵓⵔⵉ ⴷ ⵓⵜⵛⵉ ⴷ ⵢⴰⴹⵏⵉⵏ ; ⴷ ⵎⴰⴷ ⵉⵎⵓⵏ ⵏ ⵜⴰⵄⵚⵚⵓⴱ ⵙⴳ ⴽⵔⴰ ⵏ ⵎⴷⴷⵏ ⵎⴰⵢⴰⴷ ⵉⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴳ ⵉⵏⴰⵡ ⴰⴷ ⵢⴰⵜⵜⵓⵢⵏ . 

ⴳ ⵓⵙⴰⵜⵉ ⴷⵖ , ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵉⵅⵚⵚⴰ ⵏ ⵓⵙⵙⵙⵓⴼⵖ ⵏ ⵓⵏⴳⵔⴰⵡ ⴰⵏⴰⵎⵓⵔ ⴰⵎⵙⴷⵉ ⵉⵣⵍⵉⵏ ⵙ ⵎⵅⵣⴰⵏ ⴰⵙⵜⵔⴰⵜⵉⵊⵉ ⵏ ⵜⵎⵜⵜⴰ ⵜⵉⴷⵍⵙⴰⵏⵉⵏ ⵙⵍⴰⵡⵏ ⴰⴽⴽⵯ ⵓⵜⵛⵉ ⴷ ⴰⴷⵓⵙⴰⵏ ⴷ ⵜⵉⵥⴹⵕⴰ ⴷ ⴰⵡⵡⵓⵔⵉ ⵏ ⵓⵙⵎⴰⵢⵏⵓ ⵉⵔⵏⵓⵏ ⵏ ⵜⵜⵓⵜⵔⴰⵡⵉⵏ ⵉⵏⴰⵎⵓⵔⵉⵏ ⵎⴰⵢⴰⴷ ⵉⵙⴱⵓⵖⵍⵓ ⵜⵏⴼⵔⵓⵜ ⵜⴰⵙⵜⵔⴰⵜⵉⵊⵉⵜ ⵏ ⵜⵎⴰⵣⵉⵔⵜ. 

"ⵏⵙⴽⵔ ⵃⵎⴷⴰⵛ ⵉ ⵕⴱⴱⵉ ⵏⵛⴽⵔⴰⵛ ⵓⴳⴳⵔ ⵏ ⵜⵉⵥⴹⵕⴰ ⴳ ⵓⵔⴰⵢ ⵅⴼ ⵜⴷⵓⵙⵉ ⵏ ⵉⵏⴰⵎⵓⵔⵉⵏ ⴷ ⵓⵙⵎⵏⵉⴷ ⵏ ⵓⵏⵏⴰⵍ ⵉ ⵢⴳⵔⵏ ⴷ ⵉⵙⵎⵉⵍⵏ ⵉⵅⵛⵛⴰⵏ " ⵎⴰⵢⴰⴷ ⵉⵙⵙⵯⴽⵜⵉ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ

ⵜⵙⴽⵔ ⵜⵏⴱⴰⴹⵜ ⵎⴰⴷ ⵉⵅⵚⵚⴰⵏ ⵏ ⵜⵢⴰⴽⴽⴰ ⵏ ⵜⴳⵣⵣⴰⵢⵜ ⴼⴰⴱⵓⵕ ⵍⵍⵉ ⵢⵙⵙⵓⵜⵔ ⵉⵎⵍⴰⵢⵕ ⴷ ⵜⵜⵓⵜⵔⴰ ⵉⵅⵚⵚⴰⵏ ⴷ ⵓⵙⴼⵙⵓⵙ ⵅⴼ ⵉⵏⴰⵎⵓⵔⵉⵏ ⵏ ⵉⵛⵇⵇⴰⵏ ⵏ ⵜⴽⵍⵉⵜ ⴰⴷ ⵎⴰⵢⴰⴷ ⵉⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ .

ⵉⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ "ⴳ ⵓⵎⵎⴰⵙ ⵏ ⵉⵙⵡⵓⴷⴷⵓⵏ ⵍⵍⵉ ⵏⵕⵥⵎ ⵏⴳⴰⵏⵉ ⴰⴷ ⵉⵙⴽⵔ ⵍⵎⵖⵔⵉⴱ ⵉⵙ ⵉⵕⴰ ⵕⴱⴱⵉ ⵓⵙⵖⵍ ⵓⴳⴳⵔ 5.5% ⵏ ⵓⵙⴳⴳⵯⴰⵙ 2021 ⵎⴰⵢⴰⴷ ⵉⴳⴰⵏ ⵓⵙⵖⵏ ⵓⵔ ⵜⵜⵓⵙⴽⵉⵔⵏ ⵙⴳ ⵉⵙⴳⴳⵯⴰⵙⵏ ⴷ ⵜⴳⴰ ⴳ ⵓⵎⵎⴰⵙ ⵏ ⵢⵓⵜⵜⵓⵢⵏ ⴳ ⵓⵙⵡⵉⵔ ⴰⵏⵎⵏⴰⴹ ⴷ ⵓⵎⵏⵣⵓ .

ⴳ ⵉⵏⴰⵡ ⴰⴷ ⵢⴰⵜⵜⵓⵢⵏ ⵉⵙⴰⵡⵍ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵉⵙ ⵉⵙⵏⵎⴰⵍⵏ ⴰⴷ ⵉⵣⵎⵎⵓⵎ ⵉⴳⵔⴰ ⵏ ⵜⵏⴼⵍⴰⵃⵜ ⴳ ⵓⵙⴳⴳⵯⴰⵙ ⴰⴷ ⵜⴰⵎⵔⵏⵉⵡⵜ ⵉⴼⵓⵍⵉⴽⵏ ⵓⴳⴳⵔ 17% ⴳ ⵓⵎⵎⴰⵙ ⵏ ⵜⵓⴳⴳⴰⵣ ⵉⵔⴰⵏ ⴰⴷ ⵓⵙⵜⵔⴰⵔ ⵏ ⵉⴳⵔ ⴷ ⵜⵙⵢⴰⴼⵓⵜⵉⵏ ⵉⵖⵓⴷⴰⵏ ⵏ ⵓⵙⴳⴳⵯⴰⵙ ⴰⵏⴼⵍⵍⴰⵃ.

ⵜⵙⴽⵔ ⵉⵎⵙⴼⴹⵏ ⵉⵖⵍⵉ ⵉⵙⴱⴰⵢⵏ ⴳ ⵎⵏⵏⴰⵡ ⵏ ⵉⴳⵔⵏ ⴰⵎⵎ ⵜⵎⴳⵓⵔⵉ ⵏ ⵜⵉⵀⵉⵔⵉⵜⵏ ⴷ ⵜⵥⵟⵟⴰ ⴷ ⵜⵎⴳⵓⵔⵉⵏ ⵉⵍⵉⴽⵜⵕⵓⵏⵉⵏ ⴷ ⴽⴰⵀⵔⵓⵙⵉⴷ . ⵉⵏⵏⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ .

ⵎⵇⵇⴰⵕ ⵏ ⵜⵍⴽⴰⵎⵉⵏ ⵏ ⵜⵙⵙⴰⵙⵜ ⴰ , ⵜⵙⵓⵍ ⵜⵖⵍⵉⴼⵜ ⴳ ⵜⵎⴰⵣⵉⵔⵜ ⵏⵏⵖ ⴳ ⵜⴰⴷⵉⵏⴰⵎⵉⵜ ⵏ ⵜⴷⵎⵙⴰ ⵏⵏⵖ, ⵎⵢⴰⴷ ⵉⵙⴱⴰⵢⵏ ⵉⵙⵙⴰⵔⵓⵏ ⵉⴱⵕⵕⴰⵏⵢⵉⵏ ⵉⵙⵔⵉⴷⵏ ⵉⵇⵕⵕⴱ ⵉ 16% ⴷ ⵓⴳⴳⵔ ⵏ ⵉⵙⵏⴼⵍⵏ ⵏ ⵉⵎⵖⵔⴰⴱⵢⵉⵏ ⵣⴷⵖⵏⵉⵏ ⴳ ⴱⵕⵕⴰ ⵙ ⵍⵃⴰⵡⴰⵍ 46% ⴰⵔ ⵡⴰⵢⵢⵓⵔ ⵏ ⵖⵓⵛⵜ ⵉⵣⵔⵉⵏ . ⵉⵔⵏⴰ ⵢⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵉⵏⴰⵡ ⴰⴷ ⵢⴰⵜⵜⵓⵢⵏ.