ⵉⵙⵏⵎⴰⵍⴰ ⵓⵙⵇⵇⵉⵎ ⵏ ⵉⵎⵓⵔⴰ ⵜⵉⵖⵉⵎⵉⵜ ⵜⴰⴳⴷⵓⴷⴰⵏⵜ ⵉ ⵓⵙⵎⵏⵉⴷ ⴷ ⵓⵎⴹⴰⴽⴰⵕ ⵏ ⵓⵏⵇⵇⵉⵙ ⵏ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⴼ ⵓⵏⴳⵔⴰⵡ ⴰⴷⵓⵙⴰⵏ

<p style="text-align: justify;">ⵉⵙⵏⵎⴰⵍⴰ ⵓⵙⵇⵇⵉⵎ ⵏ ⵉⵎⵓⵔⴰ ⵜⵉⵖⵉⵎⵉⵜ ⵜⴰⴳⴷⴰⴷⵏⵜ, ⴰⵙⵉⵏⴰⵙ 8 ⵢⵓⵏⵢⵓ 2021, ⵉ ⵓⵙⵎⵏⵉⴷ ⴷ ⵓⵎⴹⴰⴽⴰⵕ ⵏ ⵓⵏⵇⵇⵉⵙ ⵏ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⴼ ⵓⵏⴳⵔⴰⵡ ⴰⴷⵓⵙⴰⵏ, ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ, ⴷ ⵜⵉⵍⵉⵜ ⵏ ⵎⴰⵙⵙ ⴰⵎⴰⵡⵙⴰⵙ ⵏ ⵜⴷⵓⵙⵉ ⵅⴰⵍⵉⴷ ⴰⵢⵜ ⵟⵟⴰⵍⴱ.</p>
<p style="text-align: justify;">ⴳ ⵜⵣⵡⵉⵔⵉ, ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵎⴰⵙ ⵜⵙⴽⵔ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⵜⴰⴳⴳⴰⵙ ⵜⵉⵅⴰⵜⴰⵔⵉⵏ ⵉ ⵓⵙⴱⴷⴷⵉ ⵏ ⵉⴷⵔⵉⵣⵏ ⵏ ⵓⴱⴰⵢⵢⵓⵕ ⵏ ⴽⵓⵕⵓⵏⴰ ⴽⵓⴼⵉⴷ 19, ⵉⵙⵓⵜⴳ ⴰⵙⵎⴰⵇⵍ ⵓⵏⵥⵉⵥ ⴷ ⵜⵎⵢⴰⴷⴰⵙⵜ ⵜⴰⵙⵜⴰⵔⴰⵜⵉⵊⵉⵜ ⵜⴰⵎⵣⵡⴰⵔⵓⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⵍⵍⵉ ⵢⵉⵡⵙⵏ ⵉ ⵜⵎⴰⵣⵉⵔⵜ ⵏⵏⵖ ⴳ ⵓⵙⴱⴷⴷⵉ ⵏ ⵓⴱⴰⵢⵢⵓⵕ, ⵙ ⴽⵉⴳⴰⵏ ⵏ ⵜⵙⵏⵜⴰⵢⵉⵏ ⴷ ⵜⵎⵙⴽⴰⵔ ⴷ ⵉⵙⵡⵓⴷⴷⵓⵜⵏ ⵜⵜⵓⵙⴽⴰⵔⵏⵉⵏ ⴳ ⴽⵉⴳⴰⵏ ⵏ ⵉⵙⵡⵉⵔⵏ ⵉ ⵓⵙⴱⴷⴷⵉ ⵏ ⵉⴷⵔⵉⵣⵏ ⵏ ⵓⴱⴰⵢⵢⵓⵕ, ⵉⵙⵓⵜⴳ ⵓⵍⴰ ⴰⵙⵎⴰⵜⴰ ⵏ ⵓⴼⵔⴰⴳ ⴰⵏⴰⵎⵓⵏ ⵍⵍⵉ ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ, ⵉⴳ “ⵜⴰⴳⵔⴰⵡⵍⴰ ⵜⴰⵏⴰⵎⵓⵏⵜ”.</p>
<p style="text-align: justify;">ⵉⵙⵎⵏⵉⴷ ⵎⴰⵙⵙ ⵎⵓⵚⵟⴰⴼⴰ ⵉⴱⵕⴰⵀⵉⵎⵉ, ⴰⵎⵏⴰⵇⵇⴰⵙ ⵏ ⵜⵔⴰⴱⴱⵓⵜ, ⴰⵣⴳⵣⵍ ⴼ ⵓⵏⵇⵇⵉⵙ, ⵉⵙⵙⴽⵜⵉ ⴷ ⴰⵙⴽⵔ ⵏ ⵜⵔⴰⴱⴱⵓⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⵙⴳⴳⵯⴰⵙ ⵉⵣⵔⵉⵏ, ⵜⴰⴱⵔⵉⴷⵜ ⵏ ⵜⵡⵓⵔⵉ ⵏⵏⵙ, ⴰⵙⵙⴼⵍⴷ ⵏⵏⵙ ⵉ ⴽⵉⴳⴰⵏ ⵏ ⵉⴳⵔⴰⵏ ⵓⵏⴱⵉⴹⵏ ⴷ ⵜⴳⵔⴰⵡⵉⵏ ⵜⵉⵏⴰⵎⵓⵔⵉⵏ ⴷ ⵜⴳⵔⴰⵖⵍⴰⵏⵉⵏ ⴷ ⵉⵎⵓⵥⴰⵢⵏ ⴷ ⵉⵎⵙⵡⵓⵔⵉⵢⵏ ⵉⴷⵓⵙⴰⵏⵏ, ⴷ ⵓⵙⵡⵓⵔⵉ ⴼ ⵉⵏⵇⵇⵉⵙⵏ ⴷ ⵉⵙⵓⵖⴰⵍ ⵉⵏⴰⵎⵓⵔⵏ ⴷ ⵉⴳⵔⴰⵖⵍⴰⵏⵏ ⵍⵍⵉ ⴷⵉⴷⵙ ⵣⴷⵉⵏⵉⵏ.</p>
<p style="text-align: justify;">ⵢⵉⵏⵉ ⵎⴰⵙ ⵜⵙⵔⵙ ⵜⵔⴰⴱⴱⵓⵜ ⴽⴽⵓⵥ ⵉⵙⵓⴳⴰⵎ ⵉ ⵜⵡⵓⵔⵉ ⵏⵏⵙ: ⴰⵙⴼⵍⵙ ⴰⴷⵓⵙⴰⵏ ⴷ ⵓⵙⵥⵕⴼ ⴰⴷⵓⵙⴰⵏ ⴷ ⵓⴱⴰⴹ ⵏ ⵢⵉⴳⵔ, ⵜⵉⵣⵣⵓⵍⵉⵏ ⵏ ⵜⵙⵏⵉⵊⵊⵉⵜ ⴷ ⵜⵏⵜ ⵉⵔⵡⴰⵙⵏ ⴷ ⵓⵔⵣⵣⵓ ⴰⵎⴰⵙⵙⴰⵏ, ⵜⵓⵚⴽⵉⵡⵉⵏ ⵜⵉⵏⴰⴷⴷⵉⵡⵉⵏ ⴷ ⵜⴽⵕⴹⴰ ⵜⴰⴷⵓⵙⴰⵏⵜ, ⵜⵉⵔⵙⴰⵍ ⵜⵉⵏⴰⵎⵓⵏⵉⵏ ⵏ ⵜⴷⵓⵙⵉ.</p>
<p style="text-align: justify;">ⵉⴱⴷⴷ ⵓⵏⵇⵇⵉⵙ ⴼ ⵜⵎⵓⴽⵔⵉⵙⵉⵏ ⵏ ⵓⵏⴳⵔⴰⵡ ⴰⴷⵓⵙⴰⵏ ⴳ ⵓⵎⵏⵉⴷ ⵏ ⵓⵣⵣⵔⴰⴼ, ⴰⵣⵣⵔⴰⵢ ⴷ ⵓⵙⵏⴼⵍ ⵏ ⵉⵙⵍⴳⵏⵏ ⵍⵍⴰⵏⵉⵏ, ⴰⵙⵔⵓⵙ ⵏ ⵉⴹⵕⵉⵚⵏ ⵉⵣⵔⴼⴰⵏⵏ ⵉⵎⴰⵢⵏⵓⵜⵏ ⴷ ⵉⴹⵕⵉⵚⵏ ⵉⵎⴰⴷⴷⴰⵙⵏ, ⴰⵙⴽⵔ ⵏ ⵜⵎⵔⵙⴰⵍ ⵍⵍⴰⵏⵉⵏ ⴳ ⵉⵣⵣⵔⴰⴼⵏ, ⴰⵙⵔⵓⵙ ⵏ ⵓⵙⵍⴳⵏ ⴰⵎⴰⵜⴰⵢ ⵉ ⵓⵣⵣⵔⴰⴼ ⴰⴷⵓⵙⴰⵏ.</p>
<p style="text-align: justify;">ⵉⵙⴰⵡⵍ ⵓⵍⴰ ⴼ ⵜⵏⴰⵥⴰⵕⵉⵏ ⵜⵉⵎⴰⴷⴷⴰⵙⵉⵏ ⵏ ⵢⵉⴳⵔ ⴰⴷⵓⵙⴰⵏ ⴷ ⵓⵛⵃⴰ ⵏ ⵜⵓⵚⴽⵉⵡⵉⵏ ⵜⵉⵏⴰⴷⴷⵉⵡⵉⵏ ⴷ ⵜⵏⴰⴱⴱⴰⵢⵜ ⵏ ⵜⵣⵔⴼⵜ ⵜⴰⴷⵖⴰⵔⴰⵏⵜ ⴳ ⵓⴱⵟⵟⵓ ⵏⵏⵙⵏⵜ, ⴰⵛⵃⵓ ⵏ ⵓⵎⴰⵡⴰ ⵉⴹⵎⵏⵏ ⵜⵉⵕⵡⵉ ⵏ ⵜⵏⵓⴼⴰ ⵏ ⵜⵙⵏⵉⵊⵊⵉⵜ ⴷ ⵜⵉⴷ ⵜⵏⵜ ⵔⵡⴰⵙⵏⵉⵏ, ⴰⵛⵃⵓ ⵏ ⵓⴱⴰⴹ ⴷ ⵓⵙⵙⵥⵕⴼ ⴰⴷⵓⵙⵏ, ⴰⵛⵃⵓ ⵏ ⵉⵙⵓⴳⴰⵎ ⵉⵏⴼⴳⴰⵏⵏ ⵙ ⵓⵙⵎⵣⴰⵣⴰⵍ ⴷ ⵉⵙⵖⵍⴰⵏ ⵏ ⵜⵎⴰⴷⴷⴰⵙⵜ ⵜⴰⵎⴰⴹⵍⴰⵏⵜ ⵏ ⵜⴷⵓⵙⵉ.</p>
<p style="text-align: justify;">ⵢⵉⵡⵉ ⴷ ⵓⵏⵇⵇⵉⵙ ⵜⵉⵙⵓⵎⵔⵉⵏ ⵉ ⵓⵕⵥⵥⵓⵎ ⴼ ⵜⵎⴰⵎⴽⵉⵏ ⵜⵉⵎⴰⵢⵏⵓⵜⵉⵏ ⴰⵎ ⴰⵙⴽⵔ ⵏ ⵜⵉⵔⵎⵉⵜⵉⵏ ⵏ ⵓⵙⵙⵓ ⴷ ⵓⵙⵡⵉⵏⴳⵎ ⴳ ⵓⵙⵙⵥⵕⴼ ⴰⵎⴰⵢⵏⵓ ⵢⵓⵙⵉⵏ ⵜⵉⵎⵙⴽⴰⵔ ⵥⵉⵍⵏⵉⵏ ⴳ ⵜⵉⵔⵎⵉⵜⵉⵏ ⵜⵉⴳⵔⴰⵖⵍⴰⵏⵉⵏ ⴳ ⵢⵉⴳⵔ ⵏ ⵓⵔⵣⵣⵓ ⴳ ⵜⵎⴰⵙⵙⴰⵏⵉⵏ ⵏ ⵜⴷⵓⵙⵉ ⴷ ⵓⴼⴳⴰⵏ.</p>
<p style="text-align: justify;">ⵉⵙⴷⴷⵉⴷ ⵓⵏⵇⵇⵉⵙ ⵓⵍⴰ ⴼ ⵡⴰⵜⵉⴳ ⵏ ⵓⵅⵎⵎⴻⵎ ⴳ ⵓⵙⵉⵍⵖ ⴳ ⵜⵎⴰⵙⵙⴰⵏⵉⵏ ⵜⵉⴷⵓⵙⴰⵏⵉⵏ ⴰⵎ ⵜⴰⴷⵎⵙⴰ ⵏ ⵜⴷⵓⵙⵉ ⵍⵍⵉ ⵉⴳⴰⵏ ⵜⴰⵎⵣⵡⴰⵔⵓⵜ ⵉ ⵓⵙⴷⵓⵙ ⵏ ⵓⵏⴳⵔⴰⵡ ⵏ ⵓⵙⵉⵍⵖ ⴷ ⵓⵔⵣⵣⵓ ⴰⵎⴰⵙⵙⴰⵏ ⵉⵥⵍⵉⵏ, ⴷ ⵓⵙⵎⵖⵔ ⵏ ⵓⴷⴳⴰⵔ ⴰⵏⴼⴳⴰⵏ ⵉⵥⴹⴰⵕⵏ ⴰⴷ ⵉⴹⴼⵕ ⴰⵎⴰⵢⵏⵓ ⴳ ⵢⵉⴳⵔ ⴰⴷ ⴰⵎⴰⵙⵙⴰⵏ ⵉⴳⴰⵏ ⵓⴷⴷⵉⵔ.</p>
<p style="text-align: justify;">ⵢⴰⵡⵉ ⴷ ⵓⵏⵇⵇⵉⵙ ⴰⵙⴽⵔ ⵏ ⵓⵙⵍⴳⵏ ⵉⵥⵍⵉⵏ ⵙ ⵓⵏⴳⵔⴰⵡ ⴰⴷⵓⵙⴰⵏ, ⵔⴰⴷ ⵉⴳ ⵉⵎⵉⵙⵙ ⴰⵣⵔⴼⴰⵏ ⵢⵓⵎⴰⵏ ⵉ ⵓⵣⵣⵔⴰⵢ ⵏ ⵜⵎⵓⴽⵔⵉⵙⵉⵏ&nbsp; ⴷ ⵜⵏⴰⵥⴰⵕⵉⵏ, ⴷ ⵓⵙⴽⵔ ⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵜⴷⵓⵙⵉ ⴷ ⵜⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵏ ⵉⵙⴰⴼⴰⵔⵏ.</p>
<p style="text-align: justify;">ⴳ ⵜⴽⵛⵛⵓⵎⵉⵏ, ⵏⵏⴰⵏ ⵉⵎⵓⵔⴰ ⴷ ⵜⵎⵓⵔⴰ ⵜⵉⵏⴰⵥⴰⵕⵉⵏ ⵏ ⵢⵉⴳⵔ ⴰⴷⵓⵙⴰⵏ ⴳ ⵍⵎⵖⵔⵉⴱ, ⴳ ⵉⵍⵍⴰ ⵓⵙⵙⵥⵕⴼ ⴰⴷⵓⵙⴰⵏ ⵉⴳⴰⵏ ⴰⵏⴰⵥⴰⵕ ⴷⴰⵜ ⵏ ⵓⵎⵓⴽⵏ ⵏ ⵢⵉⴳⵔ ⴰⴷⵓⵙⴰⵏ, ⵉⵏⵉⵏ ⵎⴰⵙ ⵓⵔ ⵉⵜⵜⵢⵓⴼⴰ ⴰⴷ ⵢⵉⵍⵉ ⵓⵙⵎⵖⵔ ⵏ ⵉⵙⵓⴳⴰⵎ ⵉⵏⴼⴳⴰⵏⵏ ⵜⴰⵔ ⵏ ⵡⴰⵍⴰⵢ ⵏ ⵜⵎⵙⴰⵙⵜⵍⵜ ⵏ ⵢⵉⴳⵔ, ⵃⵎⴰ ⴰⴷ ⵜⵜⵓⵍⴽⵉⵎⵏⵜ ⵜⵙⵓⵎⵔⵉⵏ ⵏ ⵜⵎⴰⴷⴷⴰⵙⵜ ⵏ ⵜⴷⵓⵙⵉ.</p>
<p style="text-align: justify;">ⵙⴷⴷⵉⴷⵏ ⴼ ⵓⵛⵛⵉⵍ ⵏ ⵓⵙⵎⵓⵏ ⵏ ⵓⴱⴰⴹ ⴷ ⵓⵙⵡⵓⴷⴷⵓ ⵏ ⵓⵙⴼⵍⵙ ⴰⴷⵓⵙⴰⵏ ⴳ ⵢⴰⵏ ⵓⵛⴰⵎⵓⵛ ⵃⵎⴰ ⴰⴷ ⵜⴱⵉⴷⴷ ⵜⴱⴹⵉⵜ ⵏ ⵉⵙⵓⴳⴰⵎ, ⴷ ⵓⵙⵖⵓⴷⵓ ⵏ ⵓⴱⵟⵟⵓ ⵏ ⵉⴷⵔⵉⵎⵏ ⵍⵍⴰⵏⵉⵏ, ⵖⵔⵉⵏ ⵉ ⵓⵙⵙⴰⵔⵓ ⴳ ⵜⴷⵓⵙⵉ ⵉⴳⴰⵏ ⵉⴳⵔ ⵏ ⵓⴼⴰⵔⵙ ⴷ ⵜⴷⵎⵙⴰ ⵉ ⵜⴰⵙⵓⵜⵉⵏ ⵓⵔ ⴷ ⵖⴰⵙ ⵉⴳⵔ ⴰⵏⴰⵎⵓⵏ, ⴷ ⵓⵙⵡⴰⵍⴰ ⵏ ⵉⴷⵔⵉⵎⵏ ⵏ ⵡⴰⵔⵔⴰⵣ ⵙ ⵉⵎⴰⵙⵙⵏ ⵏ&nbsp; ⵓⴼⵔⴰⴳ ⴰⵏⴰⵎⵓⵏ ⴷ ⵓⵣⵎⵎⴻⵎ ⴰⵏⴰⵎⵓⵏⵏ ⵉⵎⵓⵏⵏ ⴳ ⵉⵍⵍⴰ ⵓⵙⵙⵥⵕⴼ ⵏ ⵜⴰⴳⴳⵯⴰⵜ ⵏ ⵜⴷⵓⵙⵉ.</p>
<p style="text-align: justify;">ⵖⵔⵉⵏ ⵉⴷ ⵎⴰⵙⵙ ⵉⵎⵓⵔ ⵉ ⵓⵙⵎⴰⵢⵏⵓ ⵏ ⵓⵙⵙⵥⵕⴼ ⵙ ⵜⵉⵍⵉⵜ ⵏ ⵉⵔⴳⴰⵢⵏ ⵥⵍⵉⵏⵉⵏ ⵙ ⵜⴷⵓⵙⵉ, ⴰⵏⵏⵓⵕⵥⵎ ⴼ ⵉⴳⵔⴰⵏ ⵓⵏⴱⵉⴹⵏ ⴷ ⵜⵎⵏⴰⴹⵉⵏ ⴷ ⵢⵉⴳⵔ ⵓⵙⵍⵉⴳ, ⴰⵙⵔⵓⵙ ⵏ ⵜⵎⴰⵎⴽⵉⵏ ⵏ ⵓⵙⵎⵖⵔ ⵏ ⵢⵉⴳⵔ ⴰⴷ ⵙ ⵓⵙⵙⵥⵕⴼ ⵏ ⵓⵔⵣⵣⵓ ⴰⵎⴰⵙⵙⴰⵏ ⴷ ⵉⵙⵍⵍⵡⵉ, ⴷ ⵓⵙⵔⵓⵙ ⵏ ⵜⵙⵔⵜⵉⵜ ⵉⵕⵡⴰⵏ ⵏ ⵉⵙⴰⴼⴰⵔⵏ ⵉ ⵚⴰⵃⴰ ⵏ ⵉⵎⵖⵔⵉⴱⵉⵢⵏ, ⴷ ⵓⵣⵣⵔⴰⵢ ⵏ ⵉⴹⵕⵉⵚⵏ ⵉⵣⵣⵔⴰⴼⵏ ⴷ ⵉⵎⴰⴷⴷⴰⵙⵏ ⵏ ⵓⵏⴳⵔⴰⵡ ⴰⴷⵓⵙⴰⵏ.</p>
<p style="text-align: justify;">ⴳ ⵓⵎⵏⵉⴷ ⵏⵏⵙ, ⵉⵙⵓⵜⴳ ⵎⴰⵙⵙ ⴰⵎⴰⵡⵙⴰⵙ ⵏ ⵜⴷⵓⵙⵉ ⵅⴰⵍⵉⴷ ⴰⵢⵜ ⵟⵟⴰⵍⴱ ⵜⴰⵏⵏⴰⵢⵉⵏ ⴷ ⵜⵢⴰⴼⵓⵜⵉⵏ ⴷ ⵉⵙⵖⵍⴰⴼ ⵏ ⵓⵏⵇⵇⵉⵙ ⵏ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⴼ ⵓⵏⴳⵔⴰⵡ ⴰⴷⵓⵙⴰⵏ, ⴷ ⵓⵎⴹⴰⴽⴰⵕ ⵉⵕⵡⴰⵏ ⵉⵍⵍⴰⵏ ⴳ ⵜⴽⵛⵛⵓⵎⵉⵏ ⵏ ⵉⴷ ⵎⴰⵙⵙ ⴷ ⵉⵙⵜ ⵎⴰⵙⵙⴰ ⵓⵎⵓⵔⴰ ⴳ ⵜⵖⵉⵎⵉⵜ ⵜⴰⵎⴰⵜⴰⵢⵜ.</p>
<p style="text-align: justify;">ⵉⵙⴷⴷⵉⴷ ⵓⵎⴰⵡⵙⴰⵙ ⵎⴰⵙ ⵉⵟⵟⴰⴼ ⵓⴷⵡⴰⵙ ⴰⵜⵉⴳ ⵏⵏⵙ ⴳ ⵓⵙⴰⵜⵉ ⵏ ⵜⵏⴼⵔⵓⵜ ⵜⴰⵏⴰⵎⵓⵏⵜ ⵏ ⵜⵎⵓⵔⵜ ⴷ ⵉⵏⵎⵓⵔⴰⵏ ⴷ ⵓⴼⵔⴰⴳ ⵏ ⵜⴷⵓⵙⵉ ⵜⴰⵎⴰⵜⴰⵢⵜ, ⴰⵙⵖⵓⴷⵓ ⵏⵏⵙ ⵉⴳⴰ ⴰⵡⵜⵜⴰⵙ ⴰⵙⵜⵔⴰⵜⵉⵊⵉ ⴰⵎⵇⵔⴰⵏ ⴷⴰⵔ ⵜⵏⴱⴰⴹⵉⵏ ⵜⵉⴳⴷⵓⴷⴰⵏⵉⵏ ⴳ ⵜⵎⴰⵣⵉⵔⵜ ⵏⵏⵖ,&nbsp; ⵉⵙⴰⵡⵍ ⵓⵍⴰ ⴼ ⵜⵙⵏⵜⴰⵢⵉⵏ ⵏ ⵜⵏⴱⴰⴹⵜ ⵉ ⵓⵙⵎⵖⵔ ⵏ ⵓⵏⴳⵔⴰⵡ ⴰⴷⵓⵙⴰⵏ ⴰⵏⴰⵎⵓⵔ.</p>
<p style="text-align: justify;">ⵉⵙⵎⵏⵉⴷ ⵓⵎⴰⵡⵙⴰⵙ ⵜⵉⵎⵓⴽⵔⵉⵙⵉⵏ ⵏ ⵢⵉⴳⵔ ⴰⴷⵓⵙⴰⵏ ⴳ ⵜⵎⴰⵣⵉⵔⵜ ⵏⵏⵖ, ⵢⵉⵏⵉ ⵎⴰⵙ ⵜⵙⵡⵓⵔⵉ ⵜⵎⴰⵡⴰⵙⵜ ⴼ ⵓⵖⴰⵡⴰⵙ ⵏ ⵓⵎⵓⴽⵏ ⵉⴱⴷⴷⵏ ⴼ ⴽⴽⵓⵥⵜ ⵜⵔⵙⴰⵍ: ⴰⵙⵓⵜⴳ ⵏ ⵉⵙⵓⴳⴰⵎ ⵉⵏⴼⴳⴰⵏⵏ, ⴰⵙⵎⵖⵔ ⵏ ⵜⵏⵓⴼⴰ ⵜⵉⴷⵓⵙⴰⵏⵉⵏ ⴳ ⵓⵙⵡⵉⵔ ⴰⵏⵎⵏⴰⴹ, ⴰⴱⴰⴹ ⴰⵎⴰⵢⵏⵓ ⵏ ⵓⵏⴳⵔⴰⵡ ⴰⴷⵓⵙⴰⵏ, ⴰⵙⵎⵖⵔ ⵏ ⵓⵏⴳⵔⴰⵡ ⵏ ⵓⵎⵍⴰⵏ ⵉ ⵓⵙⵡⵓⴷⴷⵓ ⵏ ⵓⵎⵍⴰⵏ ⵏ ⵓⵏⴳⵔⴰⵡ ⴰⴷⵓⵙⴰⵏ.&nbsp;</p>