ⵉⵙⵏⵓⴱⴳ ⵍⵉⵎⴱⵕⵟⵓⵕ ⵏ ⵍⵢⴰⴱⴰⵏ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ

<p style="text-align: justify;">ⵉⵙⵏⵓⴱⴳ ⵍⵉⵎⴱⵕⵟⵓⵕ ⵏ ⵍⵢⴰⴱⴰⵏ ⵏⴰⵔⵓⵀⵉⵜⵓ ⴳ ⵓⴳⴰⴷⵉⵔ ⵏⵏⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵢⵏⴰⵙ 6 ⵎⴰⵕⵚ 2023.</p>
<p style="text-align: justify;">ⴳ ⵓⵏⵎⵓⵇⵇⴰⵔ ⴰⴷ, ⵉⵙⵏⵉⵎⵎⵔ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵏⴰⵍ ⵉⵣⵣⵉⴳⵣⵏ ⵏ ⵍⵢⴰⴱⴰⵏ ⵉ ⵍⵎⵖⵔⵉⴱ, ⵉⵙⴷⴷⵉⴷ ⵜⴰⴷⵓⵙⵉ ⵏ ⵜⵣⴷⴰⵢⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ, ⵢⵉⵏⵉ ⵎⴰⵙ ⴷ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⵜⵔⴰ ⴰⴷ ⵜⵙⵉⴳⵓⵜ ⵉⵎⴷⵔⴰⵡⵏ ⵜⴷⵔⵓ ⵜⵉⵔⵎⵉⵜⵉⵏ ⵉ ⵚⴰⵃⴰ ⴷ ⵥⵥⵀⵕⵜ ⵏ ⵓⴼⴳⴰⵏ, ⴷ ⵓⴼⵔⴰ ⴷ ⵜⵏⴼⵓⵔⵓⵜ ⴷ ⵜⴳⵎⵉ ⴳ ⵓⵎⴰⴹⴰⵍ.</p>
<p style="text-align: justify;">ⵉⵙⴰⵡⵍ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⵓⵍⴰ ⴼ ⵡⴰⵜⵉⴳ ⵏ ⵓⵣⴷⴰⵢ ⴷ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⵉⵛⵛⴰⵔⵏ ⴷ ⵓⵙⵏⴼⵍ ⵏ ⵉⵔⵣⴰⴼⵏ ⴷ ⵜⵉⵔⵎⵉⵜⵉⵏ ⴷ ⵜⵎⵓⵣⴰⵜⵉⵏ, ⵢⵉⵏⵉ ⵎⴰⵙ ⵉⵡⴰⵜⵜⵙ ⵓⵔⵣⴰⴼ ⴰⴷ ⴰⵙⵏⴰⵍ ⵏ ⵜⵓⴳⴳⴰⵙ ⵏ ⵓⵎⵢⴰⵡⴰⴹ ⴷ ⵓⵎⵙⴰⵡⴰⵍ ⵙⵓⵍⵏⵉⵏ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵙⵏⴰⵜ ⵜⵎⵉⵣⴰⵔ ⵉ ⵓⵙⴷⵓⵙ ⵏ ⵏ ⵓⵎⵢⴰⵡⴰⵙ ⴷ ⵓⵣⴷⴰⵢ ⴰⴱⵕⵍⴰⵎⴰⵏⵉ ⴰⵙⵉⵏⵔⴰⵏ ⴷ ⵓⴳⵜⵉⵔⴰⵏ.</p>
<p style="text-align: justify;">ⵉⵏⵏⴰ ⵍⵉⵎⴱⵕⴰⵟⵓⵕ ⵏ ⵍⵢⴰⴱⴰⵏ ⵏⴰⵔⵓⵀⵉⵜⵓ ⵎⴰⵙ ⵏⵏ ⵉⴽⴽⴰ ⵍⵎⵖⵔⵉⴱ ⴳ 1991 ⵍⵍⵉⵖ ⵢⴰⴷ ⵉⴳⴰ ⴰⴳⵍⴷⵓⵏ ⵏⵜⵜⴰⵏ ⴷ ⴱⴰⴱⴰⵙ ⵍⵉⵎⴱⵕⴰⵟⵓⵕ ⴰⴽⵉⵀⵉⵜⵓ, ⵍⵍⵉⵖ ⵏⵏ ⵉⴽⴽⴰ ⵜⵉⵖⵔⵎⵉⵏ ⵏ ⵕⵕⴱⴰⵟ ⴷ ⵜⴳⵎⵎⵉ ⵜⵓⵎⵍⵉⵍⵜ ⴷ ⵡⴰⵎⵓⵔ ⵏ ⵡⴰⴽⵓⵛ ⴷ ⴼⴰⵙ, ⵉⵙⵓⵜⴳ ⵜⵓⴳⴳⴰⵙ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵓⵙⴱⴷⴷⵉ ⵏ ⵉⴷⵔⵉⵣⵏ ⵏ ⵉⵙⵏⴼⵍⵏ ⵏ ⵓⵏⵣⵡⵉ ⴷ ⵓⵣⵓⵣⵣⵔ ⵏ ⵓⴼⵔⴰ ⴷ ⵜⵏⴼⵔⵓⵜ ⴳ ⵓⵎⴰⴹⴰⵍ.</p>