ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵖ ⵓⵙⴱⴷⴰⴷ ⵏ ⵓⵏⵙⵙⵉⵅⴼ ⴰⵙⵉⵏⵉⴳⴰⵍⵉ "ⵎⴰⴽⵉ ⵙⴰⵍ"

<p style="text-align: justify;">ⵉⵍⵍⴰ ⵡⴰⴷⴷⵓⵔ ⴷⴰⵔ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵖ ⵓⴳⵏⵙⴻⵙ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵃⴼⴹ ⵕⴱⴱⵉ, ⵖ ⵜⴼⵓⴳⵍⴰ ⵏ ⵓⵙⴱⴷⴰⴷ ⵏ ⵓⵏⵙⵙⵉⵅⴼ ⵏ ⵙⵙⵉⵏⵉⴳⴰⵍ ⴰⵅⴰⵜⴰⵔ ⵎⴰⵙⵙ «&nbsp;ⵎⴰⴽⵉ ⵙⴰⵍ&nbsp;» ⴰⵙⵙ ⵏ ⵓⵙⵉⵏⴰⵙ 02 ⵉⴱⵔⵉⵔ 2019 ⵖ ⴹⴰⴽⴰⵕ ⵜⴰⵎⴰⵥⵓⵏⵜ ⵏ ⵙⵙⵉⵏⵉⴳⴰⵍ.</p>
<p style="text-align: justify;">ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⵜⴰⴱⵔⴰⵜ ⵏ ⵓⵙⵔⵖⴷ ⵉ ⵓⵅⴰⵜⴰⵔ ⵎⴰⵙⵙ «&nbsp;ⵎⴰⴽⵉ ⵙⴰⵍ&nbsp;», ⵙ ⵓⵣⵎⵣⵣⵓ ⵍⵍⵉⵖ ⴷⴰⵖ ⵉⵜⵜⵓⵙⵜⴰⵢ ⴰⴷ ⵉⴳ ⴰⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⵙⵙⵉⵏⵉⴳⴰⵍ, ⵢⵉⵡⵉ ⴷ ⴳⵉⵙ ⴱⴰⴱ ⵏ ⵡⴰⴷⴷⵓⵔ ⴼ ⵓⵙⵔⵖⴷ&nbsp; ⴷ ⵓⵙⵉⵜⵎ ⵏⵏⵙ ⵉ ⵎⴰⵙⵙ «&nbsp;ⵎⴰⴽⵉ ⵙⴰⵍ&nbsp;» ⵙ ⵓⵎⵓⵔⵙ ⵉⵙⵎⴷⵏ ⵖ ⵜⵡⴰⵍⴰ ⴰⴷ ⵜⴰⵎⴰⵢⵏⵓⵜ.&nbsp;</p>
<p style="text-align: justify;">ⵢⵉⵏⵉ ⵓⴳⵍⵍⵉⴷ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⴷ ⵉⵎⵍⴰ ⵓⵎⴰⴷⴰⵏ ⴰⵙⵉⵏⵉⴳⴰⵍⵉ ⵜⵓⵙⵙⵏⴰ ⵏⵏⵙ ⵙ ⵜⵖⴰⵔⵉⵡⵉⵏ ⵜⵉⵅⴰⵜⴰⵔⵉⵏ ⵏ ⵓⵏⵙⵙⵉⵅⴼ ⵎⴰⵙⵙ «&nbsp;ⵎⴰⴽⵉ ⵙⴰⵍ&nbsp;» ⵍⵍⵉⵖ ⵜ ⵉⵙⵜⵉ ⵖ ⵜⵉⴽⴽⵍⵉⵜ ⵜⴰⵎⵣⵡⴰⵔⵓⵜ ⴰⴷ ⴷⴰⵖ ⵉⴳ ⴰⵏⵙⵙⵉⵅⴼ ⵏ ⵜⵎⴰⵣⵉⵔⵜ, ⵖⵎⴽ ⴰⵏⵏ ⵓⵍⴰ ⴷ ⵜⵓⴳⴳⴰⵙ ⵏⵏⵙ ⵣⵣⵉⴳⵣⵏⵉⵏ ⴰⴷ ⵜⵍⴽⵎ ⵜⵎⴰⵣⵉⵔⵜ ⵏ ⵙⵙⵉⵏⵉⴳⴰⵍ ⵜⴰⴼⵔⴽⴰ ⵏⵏⵙ ⵜⴰⵏⴰⵎⵓⵏⵜ ⴷ ⵜⴷⵎⵙⴰⵏⵜ ⵉⵥⵉⵍⵏ, ⴷ ⵓⵙⵏⴰⵍ ⵏⵏⵙ ⵉ ⵉⵙⵜⴰⵢⵏ ⵉⵙⵔⵜⴰⵏⵏ ⵏ ⵓⵏⵙⵙⵉⵅⴼ, ⴷ ⵓⵙⵓⵜⴳ ⵏⵏⵙ ⵉ ⵜⵡⵓⵔⵉ ⵉⵙⵜⴰⵡⵀⵎⵎⴰⵏ ⵍⵍⵉ ⵉⵙⴽⵔ ⵉ ⵜⵎⴰⵣⵉⵔⵜ.</p>
<p style="text-align: justify;">ⵖ ⵜⵣⴷⴰⵢⵉⵏ ⵏⴳⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴳⴷⵓⴷⴰⵏⵜ ⵏ ⵙⵙⵉⵏⵉⴳⴰⵍ, ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⴷ ⵍⵎⵖⵔⵉⴱ ⴷ ⵙⵙⵉⵏⵉⴳⴰⵍ ⵓⵔ ⵜⵏ ⵀⵍⵍⵉ ⵜⵙⵎⵓⵏ ⵜⵎⴷⵔⴰⵡⵜ ⵉⴳⴰⵏ ⵜⴰⵎⵥⵍⵉⵜ, ⵎⴰⵛⵛ ⵎⵓⵏⵏ ⵓⵍⴰ ⵙ ⵉⵣⴷⴰⵢⵏ ⵉⵎⵣⵔⴰⵢⵏ ⴱⴷⴷⵏⵉⵏ ⴼ ⵜⴳⵯⵎⴰⵜ ⴷ ⵜⵉⴷⴷⵓⴽⵍⴰ ⴷ ⵜⵡⵉⵣⵉ. ⵉⵙⴷⴷⵉⴷ ⵓⴳⵍⵍⵉⴷ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⵉⴱⴷⴷ ⴰⴷ ⵢⵉⵍⵉ ⵓⵙⴷⵓⵙ ⵏ ⵜⵣⴷⴰⵢⵉⵏ ⴰⴷ ⵥⵉⵍⵏⵉⵏ, ⵜⵉⵍⵉ ⵜⵡⵓⵔⵉ ⵜⴰⵙⵉⵏⵔⴰⵏⵜ ⵍⵍⵉ ⵔⴰⴷ ⵉⵣⵣⵉⴳⵣ ⵙ ⵜⵎⴷⵔⴰⵡⵜ ⵏⴳⵔ ⵍⵎⵖⵔⵉⴱ ⴷ ⵙⵙⵉⵏⵉⴳⴰⵍ ⵃⵎⴰ ⴰⴷ ⵜⵍⴽⵎ ⵉⵙⵡⵉⵔⵏ ⴰⵜⵜⵓⵢⵏⵉⵏ, ⵖ ⵉⵍⵍⴰ ⵚⴰⵃⴰ ⵏ ⵙⵉⵏ ⵉⵎⴰⴷⴰⵏⵏ ⴳⴰⵏⵉⵏ ⴰⵢⵜⵎⴰⵜⵏ, ⴷ ⴰⵢⵍⵍⵉ ⵔⴰⴷ ⵢⴰⵡⵉ ⵙ ⵓⵙⵎⵖⵔ ⵏ ⵜⴳⵎⵉ ⵜⴰⵎⴰⵜⴰⵢⵜ ⴷ ⵜⵙⵓⵍⴰⵏⵜ ⵖ ⵓⵎⵏⵥⴰⵡ ⵏⵏⵖ.</p>
<p style="text-align: justify;">&nbsp;</p>
<p>&nbsp;</p>