ⵜⴰⴱⵔⴰⵜ ⵉ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷⴰⵔ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵛⵛⵉⵍⵉ ⴷ ⵉⵏⵙⵙⵉⵅⴼⵏ ⵉⵎⵣⵡⵓⵔⴰ ⴷ ⵉⵎⵓⵔⴰ ⵏ ⵓⴱⵕⵍⴰⵎⴰⵏ ⵏ ⵛⵛⵉⵍⵉ ⴼ ⵓⵙⵏⴰⵍ ⵏ ⵓⵕⵥⵥⵓⵎ ⵏ ⵓⵙⴰⴽⴰ ⵏ “ⵍⴳⵔⴳⴰⵔⴰⵜ”

<p style="text-align: justify;">ⵉⵏⵏⴰ ⵎⴰⵙⵙ Diego Paulsen Kehr ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵛⵛⵉⵍⵉ, ⴷ ⴽⵉⴳⴰⵏ ⵏ ⵉⵏⵙⵙⵉⵅⴼⵏ ⵉⵎⵣⵡⵓⵔⴰ ⴷ ⵉⵎⵓⵔⴰ ⵖ ⵓⴱⵕⵍⴰⵎⴰⵏ ⵏ ⵛⵛⵉⵍⵉ ⴰⵙⵏⴰⵍ ⵏⵏⵙⵏ ⵉ ⵜⵡⵓⵔⵉ ⵏ ⵓⴼⵔⴰ ⴱⵍⴰ ⵜⴰⵎⴰⵖⵜ ⵍⵍⵉ ⵙⴽⵔⵏⵜ ⵜⴰⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⵉ ⵓⵕⵥⵥⵓⵎ ⵏ ⵜⵙⴳⴰ ⵏ ⵉⵡⵜⵜⴰ “ⵍⴳⵔⴳⴰⵔⴰⵜ” ⴷ ⵓⵙⴼⵍⵙ ⵏ ⵓⵣⴳⵔ ⵏ ⵉⵡⴷⴰⵏ ⴷ ⵜⵎⴳⵓⵔⴰ.</p>
<p style="text-align: justify;">ⵉⵍⵍⴰ ⵎⴰ ⴰⴷ ⵖ ⵜⴱⵔⴰⵜ ⵍⵍⵉ ⴷ ⵉⵍⴽⵎⵏ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵖ ⵙⴰⵡⵍⵏ ⵉⴳⵎⴰⵎⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵛⵛⵉⵍⵉ ⴼ ⵉⵅⵎⵎⵉⵎⵏ ⴷ ⵓⵙⵙⵀⵔⵛ ⵏⵏⵙⵏ ⵉ “ⴳⴰⵔ ⵙⴽⴽⵉⵔ ⵍⵍⵉ ⵜⵙⴽⵔ ⴱⵓⵍⵉⵣⴰⵔⵢⵓ ⵖ ⵜⵙⴳⴰ ⵏ ⵉⵡⵜⵜⴰ ⵍⴳⵔⴳⴰⵔⴰⵜ ⵏⴳⵔ ⵍⵎⵖⵔⵉⴱ ⴷ ⵎⵓⵕⵉⵟⴰⵏⵢⴰ”, ⴷ ⵓⵖⵉⵍⵓⴼ ⵏⵏⵙⵏ “ⵉ ⵜⵡⵓⵔⵉⵡⵉⵏ ⴰⴷ ⵍⵍⵉ ⴷ ⴽⴽⴰⵏⵉⵏ ⵢⴰⵜ ⵜⵙⴳⴰ ⵡⴰⵜⵜⵙⵏⵉⵏ ⴰⵙⵎⴷⵓⴷⵉ ⵏ ⵓⵎⵢⴰⵙ ⵏ ⵓⴼⵔⴰ ⴰⵏⵎⵏⴰⴹ, ⴷ ⵓⵙⵏⴼⵍ ⵏ ⵓⵙⵔⵓⵙ ⵓⵍⴳⵉⵏ ⴷ ⴰⵎⵣⵔⴰⵢ ⵖ ⵜⵙⴳⴰ ⴰⴷ ⵜⴰⵎⵖⵔⵉⴱⵉⵜ, ⵜⴳ ⴰⵙⴷⵉⴷⴷⵉⵢ ⵏ ⵓⵙⴱⴷⴷⵉ ⵏ ⵓⵇⵔⵢⴰⵏ”.</p>
<p style="text-align: justify;">ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵛⵛⵉⵍⵉ ⴷ ⵉⴳⵎⴰⵎⵏ ⵢⴰⴹⵏⵉⵏ ⴼ “ⵓⵙⵏⴰⵍ ⵓⵙⵔⵉⴷ ⵉⴳⴰⵏ ⵡⵉⵏ ⵜⴰⴳⵯⵎⴰⵜ, ⵍⵍⵉⵖ ⴷⵔⵓⵏ ⵙⵉⵏ ⵉⵙⵇⵇⵉⵎ ⵖ ⵉⵙⴳⴳⵯⴰⵙⵏ ⴰⴷ ⴳⴳⵓⵔⴰⵏⵉⵏ ⵢⴰⵏ ⵓⵎⵙⴰⵡⴰⵍ ⵙ ⵓⵙⵏⴰⵍ ⵏ ⵉⵏⵙⵙⵉⵅⴼⵏ ⵏ ⵖⵉⵍⴰⴷ ⴷ ⵡⵉⴷ ⵣⵔⵉⵏⵉⵏ ⵏ ⵉⵙⵇⵇⵉⵎ ⵏ ⵉⵎⵓⵔⴰ ⴰⵎⵖⵔⵉⴱⵉ ⴷ ⵓⵛⵉⵍⵉ”.</p>
<p style="text-align: justify;">ⵉⵣⵎⵎⵉⵎ ⵜⴰⴱⵔⴰⵜ ⴰⴷ: ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵛⵛⵉⵍⵉ ⵎⴰⵙⵙ Francisco Undurraga Gazitúa&nbsp; ⴷ ⵓⵎⴰⵔⵉ ⵏⵏⵙ ⴰⵎⵣⵡⴰⵔⵓ, ⴷ ⵉⵏⵙⵙⵉⵅⴼⵏ ⵉⵎⵣⵡⵓⵔⴰ ⵎⴰⵙⵙⴰ&nbsp; Maya Fernandez Allende&nbsp; ⴷ ⵎⴰⵙⵙ Iván Flores García ⴷ ⵉⴳⵎⴰⵎⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵛⵉⵍⵉ ⵎⴰⵙⵙ Jaime Naranjo Ortiz&nbsp; ⴷ ⵎⴰⵙⵙ Issa Kort Garriga.</p>