ⵜⴰⴳⵓⵔⵉ ⵏ ⵎⴰⵙⵙ ⵃⴰⴼⵉⴹ ⵡⴰⵛⴰⴽ, ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⵏ ⵓⵙⵓⵜⴳ ⵏ ⵓⵖⴰⵡⴰⵙ ⴰⵏⴰⵎⵓⵔ ⵏ ⵓⵎⵓⴽⵏ ⵏ ⵜⵎⵙⵙⵓⴳⵓⵔⵜ 2018-2021 ⴳ ⵓⵕⵥⵥⵓⵎ ⵏ ⵓⵏⵎⵓⵇⵇⴰⵔ ⴼ ⵓⵎⵓⴽⵏ ⵏ ⵜⵎⵙⵙⵓⴳⵓⵔⵜ

<p style="text-align: justify;"><strong>ⵎⴰⵙⵙⴰ ⵜⴰⵏⵙⵙⵉⵅⴼⵜ ⵏ ⵓⵙⵉⵔⴰ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ </strong></p>
<p style="text-align: justify;"><strong>ⴰⵏⴳⴳⵯⵓ ⴰⴳⵎⴰⵎ ⵏ ⵓⴱⵕⵍⴰⵎⴰⵏ ⵏ ⵍⴱⵓⵔⵜⵓⵖⴰⵍ</strong></p>
<p style="text-align: justify;"><strong>ⵎⴰⵙⵙ ⴰⵏⵙⵙⵉⵅⴼ ⵏ ⵜⵣⵓⵏⵉ ⵏ ⵓⵎⵢⴰⵡⴰⵙ ⴳ ⵜⴰⵎⵓⵏⵜ ⵏ ⵓⵕⵓⴱⴱⴰ ⴳ ⵍⵎⵖⵔⵉⴱ </strong></p>
<p style="text-align: justify;"><strong>ⵉⴷ ⵎⴰⵙⵙ ⵉⵎⵓⵣⴰⵢⵏ ⴷ ⵉⵙⵍⵎⴰⴷⵏ </strong></p>
<p style="text-align: justify;"><strong>ⵜⵉⵏⴳⴳⵯⴰ ⴷ ⵜⵉⵏⴳⴳⵯⴰ </strong></p>
<p style="text-align: justify;"><strong>ⵉⵙⵜ ⵎⴰ&nbsp; ⵙⵙⴰ ⴷ ⵉⴷ ⵎⴰⵙⵙ </strong></p>
<p style="text-align: justify;">ⵓⵎⵎⵔⵖ ⴰⴷ ⵏⵏⵓⵕⵥⵎⵖ ⴰⵏⵎⵓⵇⵇⴰⵔ ⵍⵍⵉ ⵉⵙⵏⵎⴰⵍⴰ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⴼ ⵓⵎⵓⴽⵏ ⴰⵎⵙⵙⵓⴳⵓⵔ ⴳ ⵜⵎⵙⴰⴽⴰⵔ ⵏ ⵓⵎⵣⴰⵣⴰⵍ, ⴷ ⵓⵙⵓⵜⴳ ⵏ ⵓⵎⵓⴽⵏ ⴰⴷ ⴳ ⵉⵥⵕⵉ ⵏ ⵉⵎⵣⵣⵔⴰⴼⵏ, ⵉⴱⵕⵍⴰⵎⴰⵏⵉⵢⵏ ⵉⵎⵙⴽⴰⵔⵏ ⵏ ⵉⵙⵍⴳⵏⵏ, ⴷ ⵉⵎⵓⵣⴰⵢⵏ ⵍⵍⴰⵏⵉⵏ ⵊⴰⵔ ⵉⵎⵣⵣⵔⴰⴼⵏ ⴷ ⵉⵎⵣⵣⴳⴰⵔⵏ ⴷ ⵜⵎⵙⵙⵓⴳⵓⵔⵜ, ⵉⴷ ⴱⴰⴱ ⵏ ⵜⵎⵓⵣⴰⵢⵜ ⵍⵍⵉ ⵎⵓ ⵏⵙⵖⴰⵡⵙⴰ ⵙ ⵜⴰⵏⵏⴰⵢⵜ ⵏⵏⵙⵏ.</p>
<p style="text-align: justify;">ⴰⵔ ⵙⵏⵉⵎⵎⵉⵔⵖ ⵉⵎⴷⵔⴰⵡ ⵏⵏⵖ ⵜⴰⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⴷ ⵜⴰⵎⵓⵏⵜ ⵏ ⵓⵕⵓⴱⴱⴰ, ⴼ ⵓⵙⵏⴰⵍ ⵏⵏⵙⵏ ⵉ ⵓⵙⵇⵇⵉⵎ ⵏ ⵉⵎⵓⵔⴰ, ⵙⵓⵜⴳⵖ ⵜⴰⵎⴷⵔⴰⵡⵜ ⴰⴷ ⴷ ⵓⵎⵢⴰⵡⴰⵙ&nbsp; ⵉⵍⵍⴰⵏ ⴳ ⵓⵙⴰⵜⵉ ⵏ ⵓⵖⴰⵡⴰⵙ ⵏ ⵓⵙⵏⴰⵍ ⵏ ⵜⵉⵍⴰⵍⵜ ⵏ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴳ ⵓⵙⴷⵓⵙ ⵏ ⵜⴷⵉⵎⵓⵇⵕⴰⵟⵉⵜ, ⴷ ⵉⵖⴰⵡⴰⵙⵏ ⵢⴰⴹⵏⵉⵏ ⵏ ⵜⴳⵯⵎⴰⵜ ⵜⴰⵎⵔⵙⵍⴰⵏⵜ ⵍⵍⵉ&nbsp; ⵜⵙⵙⵥⵕⴼ ⵜⴰⵎⵓⵏⵜ ⵏ ⵓⵕⵓⴱⴱⴰ.</p>
<p style="text-align: justify;">ⴰⵔ ⵙⴱⵔⵔⴰⴽⵖ ⴰⵏⴳⴳⵯⵓ&nbsp; ⵍⵡⵉⵙ ⵍⵉⵜ ⵔⴰⵎⵓⵙ&nbsp; ⴰⴳⵎⴰⵎ ⵏ ⵓⴱⵕⵍⴰⵎⴰⵏ ⵏ ⵍⴱⵓⵔⵜⵓⵖⴰⵍ ⴷ ⵉⵙⵍⵎⴰⴷⵏ ⵉⵎⵓⵣⴰⵢⵏ ⴳ ⵜⵎⵉⵣⴰⵔ ⵜⵉⵎⴷⴷⵓⴽⴽⵯⴰⵍ&nbsp; ⵓⵍ ⵙⴳ ⵜⵙⴷⴰⵡⵉⵜ ⵜⴰⵎⵖⵔⵉⴱⵉⵜ.</p>
<p style="text-align: justify;">ⵎⴽ ⵜⵙⵙⵏⵎ, ⵉⴳⴰ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⵜⵉⵎⵥⵍⵉⵜ ⵜⴰⴷⵙⵍⴰⵏⵜ ⵏ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⵉⵍⵍⴰⵏ ⴳ ⵓⴷⵓⵙⵜⵓⵔ ⵏ 2011 ⵍⵍⵉ ⵉⵙⵖⵣⵏ ⵓⵎⴰⴷⴰⵏ ⴰⵎⵖⵔⵉⴱⵉ, ⵉⵙⵎⵖⵔ ⵜⵉⵎⵥⵍⴰⵢ ⴰⴷⴷ ⵙ ⵓⵙⴷⵓⵙ ⵏ ⵜⵎⵙⴽⵔⵜ ⵜⴰⴷⵉⵎⵓⵇⵕⴰⵟⵉⵜ ⵜⴰⵎⵔⵙⵍⴰⵏⵜ.</p>
<p style="text-align: justify;">ⵍⵍⵉⵖ ⵉⵙⴽⵔ ⵓⵙⵇⵇⵉⵎ ⵏ ⵉⵎⵓⵔⴰ ⵙⴳ 2015 ⵜⵉⵡⵡⵓⵔⵉⵡⵉⵏ ⵏ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ, ⵍⵍⵉ ⵉⴼⴼⵖⵏ ⵙ ⵉⵙⵖⵍⴰⴼ ⴷ ⵜⵙⵓⵎⵔⵉⵏ&nbsp; ⵉ ⵓⵙⵖⵓⴷⵓ ⵏ&nbsp; ⵜⵙⵔⵜⴰⵢ, ⵉⵙⴽⵔ&nbsp; ⴳ ⵜⵣⵡⵉⵔⵉ ⵏ ⵜⵡⴰⵍⴰ ⴰⴷ ⴽⵕⴰⴹ ⵜⵙⵎⵉⴳⴰⵍ ⴼ ⵍⵎⵖⵔⵉⴱ ⴰⵣⴳⵣⴰⵡ ⴷ ⵜⵙⵔⵜⵉⵜ ⵏ ⵡⴰⵎⴰⵏ ⴷ ⵓⵖⴰⵡⴰⵙ ⵏ ⵓⵎⵓⴽⵏ ⵏ ⵜⵎⵙⵙⵓⴳⵓⵔⵜ 2018-2021, ⵜⴰⴷ ⵜⴳⴰ ⵙⴳ ⴰⵏⵎⵓⵇⵇⴰⵔ&nbsp; ⵏ ⵡⴰⵙⵙ ⴰⴷ ⵍⵍⵉ ⵉⵙⵏⵎⴰⵍⴰ ⵓⵙⵇⵇⵉⵎ ⴰⵙ ⵏ 18 ⵎⴰⵕⵚ&nbsp; ⵙ ⵜⵡⵉⵙⵉ ⵏ ⵜⵎⵔⵙⴰⵍ ⵜⵉⴷⵙⵜⴰⵔⵉⵏ&nbsp; ⴷ ⵜⴳⵔⴰⵡⵉⵏ ⵜⵉⵖⵔⵎⴰ,ⵉⵏ ⴷ ⵉⵎⵓⵣⴰⵢⵏ ⵉⵏⴰⵎⵓⵔⵏ.</p>
<p style="text-align: justify;">ⵉⵡⴰⵜⵜⵙ ⵓⵙⵇⵇⵉⵎ ⴳ ⵓⵙⵏⵎⴰⵍⴰ ⵏ ⵓⵏⵎⵓⵇⵇⴰⵔ&nbsp; ⴰⴷ ⵉⵙⵙⵏ ⵜⵉⵎⵙⴽⴰⵔ ⵜⵉⴳⵔⴰⵖⵍⴰⵏⵉⵏ, ⴷⴰⵔ ⵉⵎⴷⵔⴰⵡⵏ ⵏⵏⵖ ⵏ ⵓⵕⵓⴱⴱⴰ ⴷ ⵓⵏⵢⴰⵍⴰⴽⵎ ⴰⴽⴷ ⵉⵎⵓⵣⴰⵢⵏ&nbsp; ⵏ ⵜⵎⵉⵣⴰⵔ ⵜⵉⵎⴷⴷⵓⴽⴽⵯⴰⵍ ⵉ ⵓⵙⵙⵎⵖⵔ ⴷ ⵓⵙⴷⵓ ⵏ ⵉⵎⵓⴽⵏⵏ ⴰⴷ ⵕⵡⵓⵏ.</p>
<p style="text-align: justify;"><strong>ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ </strong></p>
<p style="text-align: justify;">ⴰⵔ ⴷ ⵙⵙⴽⵯⵜⵉⵖ ⴰⵜⵉⴳ ⵏ ⵜⵏⵓⴼⴰ ⵜⴰⵎⵙⵙⵓⴳⵓⵔⵜ ⵜⴰⴳⴷⵓⴷⴰⵏⵜ ⴳ ⵜⴷⵉⵏⴰⵎⵉⵜ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ ⴷ ⵜⴷⵍⵙⴰⵏⵜ, ⵜⴳ ⴳ ⵉⵎⵓⴽⵏⵏ ⵃⵎⴰ ⴰⴷ ⵢⵉⵍⵉ&nbsp; ⴷ ⵉⵙⵖⴰⵡⵙⴰⵜⵏ ⵏ ⵡⴰⵎⵓⵏ ⴷ ⵜⴷⵎⵙⴰ, ⵢⴰⵡⵉ ⵜⴰⵎⵢⵉⵎⴰⵏⵜ ⵏ ⵉⵏⵎⵓⵔⴰⵏ.</p>
<p style="text-align: justify;">ⵜⵉⵡⵙ ⵜⵖⴰⵡⵙⴰ ⴰⴷ ⵉ ⵓⵙⵇⵇⵉⵎ ⵏ ⵉⵎⵓⵔⴰ&nbsp; ⴰⴷ ⵉⵙⴽⵔ ⵜⴰⵡⵡⵓⵔⵉ ⴰⴷ ⵜⴰⵎⵣⵡⴰⵔⵓⵜ&nbsp; ⴳ ⵜⵡⴰⵍⴰ ⴰⴷ ⴼ ⵓⵎⵓⴽⵏ ⴰⵎⵙⵙⴳⵓⵔ, ⵢⵉⵔⵉ ⴰⴷ ⵉⵙⵙⵏ ⴰⴷⵔⵉⵣ ⵏ ⵓⵎⵓⴽⵏ ⴰⴷ ⴷ ⵉⵡⵜⵜⴰ ⵏⵏⵙ ⴷ ⵉⵙⵖⴰⵡⵙⴰⵜⵏ ⵏⵏ ⴳ ⴽⵓ ⵉⵎⵏⴰⴷⵏ ⵏⵏⵙ ⴳ ⵜⵎⵙⴽⵔⵜ&nbsp; ⵎⴰⵙ ⵇⵇⵍⵏ ⵉⵏⵎⵓⵔⴰⵏ ⴷ ⵓⴷⵖⴰⵔ ⴰⵊⵢⵓⵖⵔⴰⴼⵉ ⵃⵎⴰ ⴰⴷ ⵜⴳ ⵜⴰⵔⵏⴰⵎⵎⴰⵙⵜ ⵜⴰⵎⵙⵙⵓⴳⵓⵔⵜ ⵜⵉⴷⵜ ⵉⴼⴰⵡⵏ.</p>
<p style="text-align: justify;">ⵎⴰⵢⴰ ⵏⵏ ⵉⴳⴰ ⴰⵙⴷⵓⵙ ⵏ ⵜⵎⵢⵉⵎⴰⵏⵜ ⴳ ⵜⵏⵓⴼⴰ ⵜⴰⴳⴷⵓⴷⴰⵏⵜ ⵖⵎⴽ ⴰⵏⵏ ⵓⵍⴰ ⴳ ⵜⵎⵔⵙⴰⵍ ⴷ ⵡⴰⵍⴰⵢ ⵉ ⵓⵙⵎⵓⵙⵙⵓ ⵉ ⵜⵏⴰⵥⵔⵉⵏ ⵜⵉⵅⴰⵜⴰⵔⵉⵏ ⵏ ⵓⵎⵓⴽⵏ ⵍⵍⵉ ⵜⵙⴽⴰⵔ ⵜⵎⴰⵣⵉⵔⵜ ⵏⵏⵖ ⵏⵏⵖ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ.</p>
<p style="text-align: justify;">ⵜⴳⴰ ⵜⵎⴰⴼⴰⵡⵜ ⵏ ⵜⵎⵙⴽⴰⵔ ⵜⵉⵎⵙⵙⵓⴳⵓⵔⵉⵏ ⴷ ⵓⵙⵉⴱⵙⵓⵙ ⵏ ⵜⴱⵔⵉⴷⵉⵏ&nbsp; ⵜⴰⵎⵔⴰⵔⵓⵜ&nbsp; ⵏ ⵉⵣⵔⴼⴰⵏ ⵉⴷⵙⵍⴰⵏⵏ ⵏ ⵓⵏⵎⵓⵔⵉ: ⴰⵣⵔⴼ ⴳ ⵜⵏⴳⴰⴷⴷⴰⵢⵜ ⴷⴰⵜ ⵏ ⵜⵎⵙⵙⵓⴳⵓⵔⵜ, ⴳ ⵜⵎⴰⴼⴰⵡⵜ, ⵉⵎⵉⵥ ⵏ ⵜⵎⵓⵛⴰ ⴷ ⵜⴻⵜⴳⴰⵔⵉⵏ, ⴳⵉⵏ ⵉⴼⵔⴷⴰⵙ ⵉⴷⵙⵍⴰⵏⵏ ⴳ ⵓⵏⵣⵡⵉ ⵏ ⵜⵡⵡⵓⵔⵉⵏ ⴷ ⵢⵓⵙⴰⵏ, ⴷ ⵜⵎⵢⵉⵎⴰⵏⵜ ⵏ ⵉⵎⴷⵔⴰⵡⵏ ⴷ ⵉⵎⵙⴽⴰⵔⵏ ⴳ ⵜⴷⵎⵙⴰ ⴷ ⵓⵙⵙⴰⵔⵓ.</p>
<p style="text-align: justify;"><strong>ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ </strong></p>
<p style="text-align: justify;">ⵉⵇⵇⴰⵏ ⴷ ⵓⵙⵕⵚⵓ ⵏ ⵜⵎⵙⵙⵓⴳⵓⵔⵜ ⵜⴰⵎⴰⵢⵏⵓⵜ&nbsp; ⵉⵔⴰⵔⵏ ⵉ ⵜⵎⵔⴰⵔⵓⵜⵉⵏ ⵏ ⵓⵣⵎⵣ, ⵉ ⵓⴹⴼⵕ ⵏ ⵉⵎⵓⴽⵏⵏ ⵉⵅⴰⵜⴰⵔⵏ ⵍⵍⴰⵏⵉⵏ ⴳ ⵜⵎⴰⵣⵉⵔⵜ ⵏⵏⵖ. ⴳ ⵓⵎⵏⵉⴷ ⴰⴷ ⴰⵔ ⵏⵙⴷⴷⵉⴷ ⴼ ⵎⴰⴷ ⵢⵓⵛⴽⴰⵏ ⴳ ⵜⴱⵔⴰⵜ ⵜⴰⵎⴰⵜⵜⵓⵢⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵄⵣⵣⵓ ⵕⴱⴱⵉ ⵉ ⵓⵏⵎⵓⵇⵇⴰⵔ ⴰⵏⴰⵎⵓⵔ&nbsp; ⵉ ⵜⵡⵡⵓⵔⵉ ⵜⴰⴳⴷⵓⴷⴰⵏⵜ ⵜⴰⵎⵜⵜⵓⵢⵜ ⵍⵍⵉ ⵜⵙⵏⵎⴰⴰⵍ ⵜⵎⴰⵡⴰⵙⵜ ⵏ ⵓⵎⵓⴽⵏ ⵏ ⵜⵎⵙⵙⵓⴳⵓⵔⵜ ⴷ ⵜⵡⵡⵓⵔⵉ ⵜⴰⴳⴷⵓⴷⴰⵏⵜ ⴳ ⵚⵚⵅⵉⵕⴰⵣⵜ ⴰⵙⵙ ⵏ 27 ⴱⵕⴰⵢⵕ 2018: “ⵜⴳⴰ ⵜⵎⵓⴽⵔⵉⵙⵜ ⵏ ⵓⵙⵡⵓⴷⴷⵓ ⵉⵕⵡⴰⵏ ⵏ ⵉⵙⵓⴳⴰⵎ ⴷ ⵉⵙⵖⴰⵡⵙⴰⵜⵏ ⵏ ⵓⵙⵎⵖⵔ&nbsp; ⵏ ⵜⴳⵎⵉ ⵜⴰⵎⴰⵜⴰⵢⵜ,&nbsp; ⵉⵙⵔⵙ ⵜⴰⵎⵓⴽⵔⵉⵙⵜ ⵏ ⵜⵉⵕⵡⵉ&nbsp; ⵏ ⵜⵎⵙⵙⵓⴳⵓⵔⵜ ⵜⴰⴳⴷⵓⴷⴰⵏⵜ&nbsp; ⴷ ⵜⵎⵔⵙⴰⵍ ⵏ ⵓⵡⴰⵏⴽ, ⴰⵢⵍⵍⵉ ⴷ ⵢⵉⵡⵉⵏ ⴰⴷ ⵢⵉⵍⵉ ⵓⵣⵣⵔⴰⵢ ⵏ ⵜⵎⴰⵎⴽⵉⵏ ⵏ ⵜⵡⵡⵓⵔⵉ ⵏⵏⵙ, ⴷ ⵜⴱⵔⵉⴷⵉⵏ ⵏ ⵓⵙⵡⵓⴷⴷⵓ ⵏ ⵉⵙⵓⴳⴰⵎ ⵉⴳⴷⵓⴷⴰⵏⵏ ⵉ ⵓⵙⵎⵔⵙ ⵉⵕⵡⴰⵏ ⵏ ⵜⵥⴹⴰⵕⵉⵏ ⵍⵍⴰⵏⵉⵏ”. ⵉⵙⵎⴷ ⵡⴰⵡⴰⵍ ⵏ ⴱⴰⴱ ⵏ ⵡⴰⴷⴷⵓⵔ.</p>
<p style="text-align: justify;">ⵉⴳⴰ ⵓⵏⵎⵓⵇⵇⴰⵔ ⵏ ⵡⴰⵙⵙ ⴰⴷ ⴳ ⵓⵙⵖⵏⵓ ⵏ ⵓⵏⴳⵔⴰⵡ ⵏ ⵓⵙⵓⵜⴳ ⵍⵍⵉ ⵉⵕⵥⵎ ⵓⵙⵇⵇⵉⵎ, ⴷ ⵓⴹⴼⵕ ⵏ ⵜⵡⵡⵓⵔⵉ ⵏ ⵜⵔⴰⴱⴱⵓⵜ ⴰⴷ ⵜⴰⵙⴳⵓⵎⴰⵏⵜ ⴳ ⵉⵍⵍⴰ ⵓⵙⵙⴼⵍⴷ&nbsp; ⵉ ⵉⵎⵙⵜⴳⴳⴰⵔⵏ ⵓⵏⴱⵉⴹⵏ&nbsp; ⴷ ⵜⵎⵔⵙⴰⵍ ⵜⵉⴷⵙⵜⴰⵔⵉⵏ&nbsp; ⴷ ⵜⴳⵔⴰⵡⵉⵏ ⵏ ⵓⵏⴱⴰⴹ, ⴷ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ&nbsp; ⴷ ⵉⵙⵍⵎⴰⴷⵏ ⴷ ⵉⵎⵓⵥⴰⵢⵏ ⴷ ⵜⴳⵔⴰⵡⵉⵏ ⵏ ⵡⴰⵎⵓⵏ ⴰⵖⵔⴰⵎⵏ, ⴷ ⵉⵔⵣⴰⴼⵏ ⵃⵎⴰ ⴰⴷ ⵏⵙⵙⵏ ⴰⵙⵓⵔⵙ ⵏ ⵓⵣⵣⴳⵉⵔ ⵏ ⵓⵖⴰⵡⴰⵙ ⴰⵏⴰⵎⵓⵔ&nbsp; ⴳ ⵓⵙⵡⵉⵔ ⴰⴷⵖⴰⵔⴰⵏ, ⵏⵙⴽⵔ ⴰⴷ ⵉⵔⵣⴰⴼⵏ ⵉ ⵜⵙⴳⴰ ⵏ ⴼⴰⵙ ⵎⴽⵏⴰⵙ, ⵔⴰⴷ ⵏⵔⵣⴼ ⵓⵍⴰ ⵜⴰⵙⴳⴰ ⵏ ⴷⴷⴰⵅⵍⴰ ⵡⴰⴷⵉ ⴷⴷⴰⵀⴰⴱ, ⵟⴰⵏⵊⴰ ⵜⵉⵟⵡⴰⵏ ⵍⵃⵓⵙⵉⵎⴰ ⵃⵎⴰ ⴰⴷ ⵏⵙⴽ ⵉⵏⵎⵓⵇⵇⴰⵔⵏ ⴷ ⵉⵎⵙⵜⴳⴳⴰⵔⵏ ⴷ ⵉⵏⵙⵙⵉⵅⴼⵏ ⵏ ⵜⴳⵔⴰⵡⵉⵏ ⵜⵉⵏⴰⴽⴰⵍⵉⵏ ⴷ ⵉⵎⵙⴽⴰⵔⵏ ⵉⴷⵖⴰⵔⴰⵏⵏ ⵃⵎⴰ ⴰⴷ ⵉⴱⵓⵖⵍⵓ ⵓⵎⴹⴰⴽⴰⵕ ⴼ ⵜⵓⵎⴰⵢⵜ ⴷ ⵜⵎⵙⴽⴰⵔ ⵏ ⵓⵖⴰⵡⴰⵙ ⴰⵏⴰⵎⵓⵔ.</p>
<p style="text-align: justify;">ⵏⴻⵏⵏⵓⵔⵣ ⴰⴷ ⵏⵙⴽⵔ ⵜⵉⵎⵙⴽⴰⵔ ⵏ ⵓⵎⵣⴰⵣⴰⵍ ⴷⴰⵔ ⵉⵎⴷⴷⵓⴽⴽⵯⴰⵍ ⴷ ⵉⵎⴷⵔⴰⵡⵏ ⴼ ⵜⴱⵔⵉⴷⵉⵏ ⵏ ⵓⵙⵓⵜⴳ ⴷ ⵜⵙⵓⵎⵔⵉⵏ ⴷ ⵜⵓⵎⴰⵢⵜ ⵏ ⵓⵙⵓⵜⴳ, ⴰⵡⵜⵜⴰⵙ ⴰⵙⵖⵓⴷⵓ ⵏ ⵜⵎⵙⴽⵔⵜ ⵏ ⵓⵙⵇⵇⵉⵎ ⵎⵓ ⵉⴳⴰ ⵓⵙⵓⵜⴳ ⵏ ⵜⵡⵡⵓⵔⵉ ⵜⴰⴳⴷⵓⴷⴰⵏⵜ ⵙⴳ ⵜⵉⵎⵥⵍⴰⵢ ⵏⵏⵙ ⵎⴽ ⵉⵍⵍⴰⵏ ⴳ ⵡⴰⵏⴰⵡ ⵓⵏⴳⵉⵎ ⴰⵎⴰⵢⵏⵓ.</p>
<p style="text-align: justify;">ⵜⴰⵏⵎⵎⵉⵔⵜ ⵏⵏⵓⵏ ⴷ ⴱⵔⵔⴽⴰⵜ</p>