ⵜⴰⴳⵓⵔⵉ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⵏⵏⵓⵕⵥⵎ ⵏ ⵜⵡⵡⵓⵔⵉⵡⵉⵏ ⵏ ⵜⵙⵇⵇⵉⵎⵜ ⵏ ⵜⵎⵙⴰⵔⵉⵏ ⵜⵉⵏⴰⵎⵓⵏⵉⵏ ⴷ ⵜⴷⵓⵙⵉ ⴷ ⵜⴳⵎⵉ ⵜⴰⵙⵓⵍⴰⵏⵜ ⴷ ⵜⵙⵎⵓⵏⵉ ⵏ ⵓⵥⵟⵟⴰ ⵏ ⵉⴱⵕⵍⴰⵎⴰⵏⵉⵢⵏ ⵉ ⵡⴰⵡⵏⴰⴹ ⵉⴼⵓⵍⴽⵉⵏ ⴹⴼⵕⵏⵉⵏ ⵜⴰⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ

<p style="text-align: justify;"><strong>ⵜⵉⵏⴳⴳⵯⴰ</strong><strong>ⴷ</strong><strong>ⵉⵏⴳⴳⵯⴰ</strong><strong>,</strong></p>
<p style="text-align: justify;"><strong>ⵉⵙⵜ</strong><strong>ⵎⴰⵙⵙⴰ</strong><strong>ⴷ</strong><strong>ⵉⴷ</strong><strong>ⵎⴰⵙⵙ</strong><strong>,</strong></p>
<p style="text-align: justify;">ⵜⵎⵓⵏⵎ ⴷⴰⵖ ⴳ ⵜⵙⵇⵇⵉⵎⵜ ⵏ ⵜⵎⵙⴰⵔⵉⵏ ⵜⵉⵏⴰⵎⵓⵏⵉⵏ ⴷ ⵜⴷⵓⵙⵉ ⴷ ⵜⴳⵎⵉ ⵜⴰⵙⵓⵍⴰⵏⵜ ⴷ ⵓⵥⵟⵟⴰ ⴰⴱⵕⵍⴰⵎⴰⵏⵉ ⵉ ⵡⴰⵡⵏⴰⴹ ⵉⵖⵓⵙⵏ ⴳ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ, ⵉ ⵜⵡⵉⵣⵉ ⵜⴰⴱⵕⵍⴰⵎⴰⵏⵉⵜ ⵜⵓⵛⵛⵉⵍⵜ ⵉ ⵜⵙⵔⵜⴰⵢ ⵜⵉⴳⵔⴰⵖⵍⴰⵏⵉⵏ ⵜⵉⵣⵔⴼⴰⵏⵉⵏ ⴳ ⵉⴳⵔⴰⵏ ⴷ ⵜⵎⵙⴰⵔⵉⵏ ⵍⵍⴰⵏⵉⵏ ⴳ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⴳⵎⵉ ⵜⴰⵙⵓⵍⴰⵏⵜ ⴷ ⵜⵣⵔⴼⵜ ⴷ ⵓⵏⴰⵔⵓⵣ ⴰⵎⴳⵔⵓ ⵉ ⵥⵥⵀⵕⵜ ⵉⵛⵛⴰⵔⵏ.</p>
<p style="text-align: justify;">ⴰⵔ ⴽⵏ ⵙⵏⵉⵎⵎⵉⵔⵖ ⵍⵍⵉ ⵉⵢⵉ ⵜⵖⵔⴰⵎ ⴰⴷ ⵏⵏⵓⵕⵥⵎⵖ ⵜⵉⵡⵡⵓⵔⵉⵡⵉⵏ ⵏⵏⵓⵏ ⴷ ⵉⵏⴱⴳⵉ ⵏ ⵡⴰⴷⴷⵓⵔ, ⴰⵔ ⵙⴷⴷⵉⴷⵖ ⵜⵉⴽⴽⵍⵉⵜ ⵢⴰⴹⵏⵉⵏ ⵎⴰⵙ ⵏⵎⵎⵔ ⴳ ⵓⴱⵕⵍⴰⵎⴰⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙ ⵓⵙⵏⵓⴱⴳ ⵏⵏⵓ, ⴳ ⵜⵖⵔⵎⵜ ⵏ ⵡⴰⵎⵓⵔ ⵏ ⵡⴰⴽⵓⵛ, ⵜⵉⵖⵔⵎⵜ ⵉⵍⴰⵏ ⴰⵎⵏⴰⴷ ⴰⵎⴰⴹⵍⴰⵏ, ⴷ ⵓⵎⵣⵔⵓⵢ ⵉⴷⵔⴰⵏ ⵉⵎⵎⴰⵍⴰⵏ ⵜⴰⴷⵓⵙⵉ ⵏ ⵓⵡⴰⵏⴽ ⴰⵎⵖⵔⵉⴱⵉ ⴳ ⵜⴰⵙⵓⵜⵉⵏ, ⴷ ⵓⵏⵏⵓⵕⵣⵎ ⵍⵍⵉ ⵙ ⵜⵜⵓⵙⵙⴰⵏ, ⵙ ⵓⴷⵔⵓ ⵏⵏⵙ ⴰⴼⵔⵉⵇⵉ ⴷ ⵜⵓⴷⴷⵊⵓⵕⴰ ⵏⵏⵙ ⴰⴽⴷ ⵓⵕⵓⴱⴱⴰ. ⴰⵎⵓⵔ ⵏ ⵡⴰⴽⵓⵛ ⵓⵔ ⵜⴳⵉ ⵖⴰⵙ ⵜⵉⵖⵔⵎⵜ ⵏ ⵜⵎⴰⵍⵍⴰⵢⵜ ⵜⴰⵎⴰⴹⵍⴰⵏⵜ, ⵎⴰⵛⵛ ⵜⴳⴰ ⵜⵉⵖⵔⵎⵜ ⵉⵙⵏⵓⴱⴳⵏ ⵉⴳⵔⴰⵡⵏ ⵉⴳⵔⴰⵖⵍⴰⵏⵏ ⴳ ⵎⴰⵕⵕⴰ ⵏ ⵉⴳⵔⴰⵏ ⴳ ⴽⵉⴳⴰⵏ ⵏ ⵜⵎⴰⴷⴷⴰⵙⵉⵏ.</p>
<p style="text-align: justify;">ⴳ ⵡⴰⴽⴰⵍ ⴰⴷ, ⴰⵖ ⵉⵍⵍⴰ ⵓⵙⵖⵣⵏ ⵏ ⵜⵖⵜⴰⵙⵉⵏ ⵜⵉⴳⵔⴰⵖⵍⴰⵏⵉⵏ ⵅⴰⵜⵔⵏⵉⵏ ⴰⵎ ⵜⴰⵍⴰⵍⵉⵜ ⵏ ⵜⵎⴰⴷⴷⴰⵙⵜ ⵏ ⵓⵙⵖⵏⵣⵉ ⴰⴳⵔⴰⵖⵍⴰⵏ ⴷ ⵓⵣⵎⵎⴻⵎ ⵏ ⵜⴻⵜⴳⴰⵔⵉⵏ ⵏ ⵉⵎⴹⴰⴽⴰⵕⵏ ⵏ ⵓⵙⵖⵏⵣⵉ ⴷ ⵉⵔⴳⴰⵢⵏ ⵏ ⵍⴰⴷⵡⴰⵏ ⵉⵜⵜⵓⵙⵙⴰⵏⵏ ⵙ ⵍⴳⴰⵟ ⴳ 1994, ⴰⵢⵍⵍⵉ ⵉⵙⴽⵔⵏ ⵜⴰⴼⵔⴽⴰ ⵜⴰⵎⴰⵢⵏⵓⵜ ⴳ ⵓⵙⵖⵏⵣⵉ ⴰⴳⵔⴰⵖⵍⴰⵏ.&nbsp; ⴰⵎⵓⵔ ⵏ ⵡⴰⴽⵓⵛ ⴰⴷ ⵉⵙⵏⵓⴱⴳⵏ ⴰⴳⵔⴰⵡ ⵏ ⵜⵎⵜⵜⴰ ⵎⵓⵏⵏⵉⵏ ⵉ ⵉⵙⵏⴼⵍⵏ ⵏ ⵓⵏⵣⵡⵉ ⴳ 2016&nbsp; ⴳ ⵜⵙⵓⵜⵍⵜ ⵏⵏⵙ ⵜⵉⵙ 22, ⴰⵢⵍⵍⵉ ⵉⴼⴽⴰⵏ ⵉ ⵉⵎⵉⵙⵙ ⴰⴷ ⴰⴳⵔⴰⵖⵍⴰⵏ ⵢⴰⵏ ⵓⵎⵏⴰⴷ ⴰⴼⵔⵉⵇⵉ ⵉⵥⵍⵉⵏ. ⴳ ⵡⴰⵎⵓⵔ ⵏ ⵡⴰⴽⵓⵛ ⴳ ⴷⵓⵊⴰⵏⴱⵉⵔ 2018 ⴰⴳ ⵉⵍⵍⴰ ⵓⵙⵖⵣⵏ ⴳ ⵓⵙⴰⵜⵉ ⵏ ⵓⴳⵔⴰⵡ ⵓⵏⴱⵉⴷ ⴰⴳⵔⴰⵖⵍⴰⵏ ⵏ ⵓⵎⵇⵇⵏ ⴰⵎⴰⴹⵍⴰⵏ ⴼ ⵓⵣⵡⴰⴳ ⵏ ⵓⴼⵔⴰ ⴷ ⵓⵍⴳⵉⵏ ⵙⴳ 150 ⵏ ⵓⵡⴰⵏⴽ.</p>
<p style="text-align: justify;">ⵍⵍⴰⵏⵜ ⵜⵎⵙⴰⵔⵉⵏ ⵏ ⵓⵖⴰⵡⴰⵙ ⵏⵏⵓⵏ ⴳ ⵓⵙⵙⴰⵏ ⴰⴷ, ⴳ ⵓⴳⵯⵏⵙ ⵏ ⵜⴼⵍⵙⴰⴼⵜ ⵏ ⵉⴳⵔⴰⵡⵏ ⴷ ⵉⵏⵎⵓⵇⵇⴰⵔⵏ ⵉⴳⵔⴰⵖⵍⴰⵏⵏ ⴷ ⵜⵖⵜⴰⵙⵉⵏ ⵏⵏⵙ, ⴰⵢⵍⵍⵉ ⵉⵎⵎⴰⵍⴰⵏ ⴰⵙⵖⵡⵏ ⵉⵖⵥⴰⵏ ⵏ ⵜⵎⴰⵣⵉⵔⵜ ⵏⵖ ⵉⴳⴰⵏ ⴰⵙⵓⵍⴰⵏ ⵉ ⵡⴰⵜⵉⴳⵏ ⵉⵏⴼⴳⴰⵏⵏ, ⴷ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⴷ ⵜⵣⵔⴼⵜ ⵜⴰⵏⴰⵎⵓⵏⵜ, ⴷ ⵜⵣⵔⴼⵜ ⴳ ⵜⵣⴷⴰⵢⵉⵏ ⵜⵉⴳⵔⴰⵖⵍⴰⵏⵉⵏ, ⴷ ⵓⴱⵓⵖⵍⵓ ⵉⵛⵛⴰⵔⵏ. ⴰⵏⴰⵎⴽ ⵏ ⵎⴰ ⴰⵏⵏ, ⵎⴰⵙ ⵏⵟⵟⴰⴼ ⴳ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰⵏ ⴷ ⵜⵔⴰⴱⴱⵓⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏ ⵙ ⵓⵎⴰⵜⴰ, ⵉⵙⵓⵖⴰⵍ ⵉⴳⵔⴰⵖⵍⴰⵏⵏ ⴼ ⵉⵍⵍⴰ ⵓⵎⵙⴰⵙⴰ, ⵣⴷⵉⵏⵉⵏ ⴷ ⵓⵙⵡⵓⵔⵉ ⵏⵏⵖ. ⴰⵢⵍⵍⵉ ⴷ ⵢⵉⵡⵉⵏ ⵎⴰⵙ ⴷ ⵜⴰⵎⵓⴽⵔⵉⵙⵜ, ⵎⴰⵕⵕⴰ ⵜⴰⵎⵓⴽⵔⵉⵙⵜ, ⵜⵍⵍⴰⴳ ⵓⵣⵣⴳⵉⵔ, ⴷ ⵓⵙⵖⵡⵏ ⴰⵎⴳⵔⵓ, ⴷ ⵓⵖⵣⴰⵏ ⵏ ⵜⵖⵜⴰⵙⵉⵉⵏ, ⵙ ⵓⵙⴽⴰⵔ ⵙ ⵉⵇⴰⵡⵍⵏ.</p>
<p style="text-align: justify;">ⵎⴽ ⵍⵍⵉ ⴰⵖ ⵜⵙⵙⵎⵢⴰⵔ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⴰⴱⴱⴰ ⴷ ⵉⵏⴳⵎⴰⵎⵏ ⵏⵏⵙ, ⵉⵥⵉⵍ ⴰⵙ ⵍⵍⵉⵖ ⵜⵙⵜⵉ ⵉⵎⵔⵙⵉⵡⵏ ⵍⵍⵉ ⵔⴰⴷ ⵜⵖⵔⵎ ⴰⵙⵙ ⴰⴷ ⴷ ⵓⵣⴽⴽⴰ. ⴰⵙⵜⴰⵢ ⵏ ⵓⴼⵔⴰⴳ ⵏ ⵜⴷⵉⵎⵓⵇⵔⴰⵟⵉⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⴼⵔⴰⴳ ⵏ ⵡⴰⵡⵏⴷ ⴳ ⵓⵎⵏⴰⴹ ⵏ ⵜⵎⴰⴹⵍⴰⵏⵜ ⴷ ⵓⵙⵖⵏⵣⵉ ⴰⴳⵔⴰⵖⵍⴰⵏ ⵉⵏⵏⵓⵕⵣⵎⵏ ⵉⴱⴷⴷⵏ ⴼ ⵓⴳⴰⴷⴰⵣ, ⴰⴷ ⴰⴷ ⵢⵉⵍⵉ ⴳ ⵉⵎⴹⴰⴽⵕⵏ ⵏⵏⵓⵏ, ⴰⵔ ⵉⵎⵎⴰⵍ ⴰⴼⵔⴰⴽ ⵙ ⵉⵙⴷⵓⴷⴷⵉⵢⵏ ⴷⴰⵜ ⵏ ⵜⴷⵉⵎⵓⵇⵔⴰⵟⵉⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵎⴰⵕⵕⴰ ⵓⴷⵎⵡⴰⵏ ⵏⵏⵙ.</p>
<p style="text-align: justify;">ⴳ ⵎⴰⴷ ⵉⵎⵥⵍⵉⵏ ⵙ ⵓⴼⵔⴰⴳ ⵏ ⵜⴷⵉⵎⵓⵇⵔⴰⵟⵉⵜ ⴳ ⵉⵎⵏⴰⴷⵏ ⵏⵏⵙ ⵉⵙⵔⵜⴰⵏⵏ ⴷ ⵉⵎⵔⵙⵍⴰⵏⵏ, ⵉⴳⴰ ⵍⵃⴰⵍ ⵜⴰⵏⴰⵥⴰⵕⵜ ⵜⴰⵎⴰⴹⵍⴰⵏ ⵍⵍⵉ ⴷ ⵉⵇⵇⴰⵏ ⵓⵙⵎⵓⵙⵙⵓ ⵏ ⵓⴷⴷⵉⵔⵏ ⴼⵔⴽⵏⵉⵏ ⵙ ⵜⵎⵏⵏⴰⵡⵜ ⴷ ⵓⵏⵏⵓⵕⵥⵎ ⴷ ⵓⵎⵙⵓⵔⵓⴼ ⴷ ⵜⵡⵉⵣⵉ ⴳ ⵓⵙⴱⴷⴷⵉ ⵏ ⵓⵙⵏⵓⵃⵢⴰ ⴷ ⵡⴰⵔⴰⵏⵏⵓⵕⵥⵎ ⴷ ⵓⵙⵓⵔⵔⵉ ⴷ ⵉⵙⵡⵉⵏⴳⵉⵎⵏ ⴳⴰⵏⵉⵏ ⵎⴳⴰⵍ ⵏ ⵜⵎⵔⵙⵙⴰⵍ, ⵙⵍⴰⵡⴰⵏ ⴰⴽⴽⵯ ⵉⴱⵕⵍⴰⵎⵏⵏ ⴷ ⵔⵓⵔⴷⴰ ⴳ ⵜⵉⵍⵉⵜ ⵏⵏⵙⵏ ⴷ ⵓⵛⵛⵉⵍ ⵏ ⵜⵡⵡⵓⵔⵉ ⴷ ⵓⵙⵖⵡⵏ ⴰⵙⵔⵜⴰⵏ. &nbsp;</p>
<p style="text-align: justify;">ⵉⵍⵍⴰ ⴼ ⵉⴱⵕⵍⴰⵎⴰⵏⵏ ⴷ ⵉⴼⵔⴷⴰⵙⵏ ⵏⵏⵙ ⵉⵙⵔⵜⴰⵏⵏ ⵜⴰⵎⴰⵙⴰⵢⵜ ⵉⵥⵍⵉⵏ ⵏ ⵜⵎⴰⵖⵜ ⴼ ⵜⴷⵉⵎⵓⵇⵔⴰⵟⵉⵜ&nbsp; ⵙ ⵖⵎⴽ ⴰⴷ: 1) ⴰⴷ ⵜⴻⵟⵟⴼ ⴰⴷⵔⵉⵣ ⴼ ⵡⴰⵎⵓⵏ ⴷ ⵜⵓⴷⵔⵜ ⵏ ⵉⵡⴷⴰⵏ. 2) ⵉⵡⵉⵣ ⴼ ⵓⵙⵖⵣⵏ ⵏ ⵜⵎⵔⵙⴰⵍ ⴷ ⵓⵙⴽⵔ ⵏ ⵉⵙⵖⵡⵏ ⴷ ⵜⵉⵍⴰⵡⵜ. 3) ⴰⴷ ⴰⵎⵥⵏ ⵉⴱⵕⵍⴰⵎⴰⵏⵏ ⵉⵅⵎⵎⵉⵎⵏ ⵏ ⵉⵏⵎⵓⵔⴰⵏ ⵙⴽⵔⵏ ⵉⴼⵙⵙⴰⵢⵏ ⴼ ⵉⵍⵍⴰ ⵓⵎⵙⴰⵙⴰ ⵏⵏⵓⵕⵥⵎⵏ ⵓⵍⴰ ⴼ ⵡⴰⵎⵓⵏ. 4) ⴰⵙⴷⵔⵓ ⵏ ⵡⴰⵎⵓⵏ ⵙ ⵉⵎⴰⵙⵙⵏ ⵏ ⵜⴷⵉⵎⵓⵇⵔⴰⵟⵉⵜ ⵜⴰⵎⴷⵔⴰⵡⵜ ⴳ ⵜⵡⵡⵓⵔⵉⵡⵉⵏ ⵏ ⵉⴱⵕⵍⴰⵎⴰⵏⵏ.</p>
<p style="text-align: justify;">ⴷⴰⵜ ⵏ ⵜⵎⵓⴽⵔⵉⵙⵉⵏ ⴳⴰⵏⵉⵏ ⴳ ⵓⴳⵯⵏⵙ ⵎⴳⴰⵍ ⵏ ⵜⴷⵉⵎⵓⵇⵔⴰⵟⵉⵜ, ⵍⵍⴰⵏⵜ ⴷⴰⵜ ⵏ ⵜⴷⵉⵎⵓⵇⵔⴰⵟⵉⵜ ⵜⵉⵏⴰⵥⴰⵕⵉⵏ ⵏ ⴱⵕⵕⴰ ⴰⵎ ⵉⵙⴷⵓⴷⴷⵉⵢⵏ ⵏ ⵓⴱⵔⵙⵙⵉⵡⴷ ⴷ ⵓⵙⵡⵉⵏⴳⵎ ⴰⵎⴰⵜⴰⵢ ⵉⴳⴰⵏ ⵡⵉⵏ ⵜⴻⵟⵟⵓⵕⴼⴰ, ⴷ ⵉⵎⵉⵣⵉⵜⵏ ⵏ ⵓⵙⵉⵣⴷⵔ ⵏ ⵓⵡⴰⵏⴽ ⴷ ⵓⴳⵓⵣ ⵏⵏⵙ ⵏⵙ ⵉⵙⵡⵉⵏⴳⵉⵎⵏ ⵉⴳⵯⵏⵙⴰⵏⵏ ⴷ ⵡⴰⵔⴰⵎⵓⵔⵙ ⵏ ⵓⵚⴽⵓ ⵏ ⵓⵡⴰⵏⴽ ⴰⵏⴰⵎⵓⵔ ⵙ ⵎⴰⵙ ⵜⵜⵓⵙⵙⴰⵏ ⴳ ⵓⵎⴰⴹⴰⵍ, ⴷ ⵉⵎⵉⵣⵉⵜⵏ ⵏ ⵜⴻⵟⵟⵓⵕⴼⴰ ⴷ ⵓⴼⵙⴰⵢ ⵏ ⵉⵡⴰⵏⴽⵏ.&nbsp; ⵍⵍⵉⵖ ⵓⵔ ⵍⵍⵉⵏ ⵉⵣⵔⴼⴰⵏ, ⵙ ⵉⴷⵓⵙⵜⵓⵔⵏ ⴷ ⵉⵣⵣⵔⴰⴼⵏ ⵉⴷⵉⵎⵓⵇⵔⴰⵟⵉⵢⵏ ⴱⴷⴷⵏⵉⵏ ⴼ ⵉⵎⵇⵇⵏⵏ ⴷ ⵜⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ, ⵜⴰⵔ ⵜⴰⴷⵉⵎⵓⵇⵔⴰⵟⵉⵜ ⵜⴰⵎⵔⵙⵍⴰⵏⵜ ⴳ ⵉⵙⵡⵉⵔⵏ ⵉⴷⵖⴰⵔⴰⵏⵏ ⴷ ⵉⵙⴳⴰⵡⴰⵏⵏ ⴷ ⵉⵏⴰⵎⵓⵔⵏ, ⵜⵉⵏⴰⵥⴰⵕⵉⵏ ⴷⴰⵜ ⵏ ⵜⴷⵉⵎⵓⵇⵔⴰⵟⵉⵜ ⴳⴰⵏⵜ ⵏⵉⵜ ⵜⵉⵏ ⵉⵣⵔⴼⴰⵏ ⵏ ⵓⴼⴳⴰⵏ ⵍⵍⵉ ⴳⴰⵏⵉⵏ ⴷⴰⵜ ⵏ ⵜⵔⵥⵉ ⴳ ⴽⵉⴳⴰⵏ ⵏ ⵡⴰⴽⵓⴷⵏ ⴷ ⵉⵎⵏⴰⴷⵏ.</p>
<p style="text-align: justify;">ⵍⵍⵉⵖ ⵜⵥⴹⴰⵕ ⵜⴷⵉⵎⵓⵇⵔⴰⵟⵉⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⵉ ⵉⵣⵣⵔⴰⴼⵏ ⴷ ⵜⵎⵔⵙⴰⵍ ⴷ ⵉⵎⴰⵙⵙⵏ ⵍⵍⵉ ⵔⴰⴷ ⵜⵜ ⵉⴹⵎⵏ, ⵜⵙⵖⴰⵡⵙⴰ ⵓⵍⴰ ⵉ ⵜⵥⴹⴰⵕⵉⵏ ⴷ ⵉⵙⵓⴳⴰⵎ ⵍⵍⵉ ⵔⴰⴷ ⴰⵙⵉⴼⴽ ⴰⵏⴰⵎⴽ ⵉⴼⴰⵡⵏ, ⴰⵢⵍⵍⵉ ⵔⴰⴷ ⵢⴰⵊⵊ ⵉⵡⴷⴰⵏ ⴰⴷ ⵥⵔⵉⵏ ⵉⵣⵔⴼⴰⵏ ⵙⵎⵔⵙⵏ ⵜⵏ. ⵖⵉⴷ ⴰⵖ ⵜⵍⵍⴰ ⵜⵣⴷⴰⵢⵜ ⵊⴰⵔ ⵜⴷⵉⵎⵓⵇⵔⴰⵟⵉⵜ ⴷ ⵜⴳⵎⵉ, ⴷ ⵉⵙⵏⴼⵍⵏ ⵉⵏⵙⴱⴰⴱⵏ ⵉⴳⵔⴰⵖⵍⴰⵏⵏ ⴷ ⵜⵎⴰⴹⵍⴰⵏⵜ ⵏ ⵜⴷⵎⵙⴰ ⵍⵍⵉ ⴷ ⴰⴳ ⴳⵉⵙ ⵢⵉⵍⵉ ⵚⴰⵃⴰ ⵉ ⵡⴰⵎⵓⵏⵏ ⴽⵓⵍⵍⵓⵜⵏ.</p>
<p style="text-align: justify;">ⵉⵖ ⵉⴳⴰ ⵙⴳ ⵉⵡⵜⵜⴰⵙⵏ ⵏ ⵓⵙⵍⴻⵍⵍⵉ ⵏ ⵓⵙⵖⵏⵣⵉ ⴰⵎⴰⴹⵍⴰⵏ, ⴰⴷ ⵢⵉⵍⵉ ⵓⴱⵓⵖⵍⵓ ⴳ ⵓⵎⴰⴹⴰⵍ, ⵀⴰⵜⵉ ⴰⵏⴰⵔⵓⵣ ⴰⴷ ⵢⴰⴳⴳⵓⴳ ⵓⴽⴰⵏ ⵙⵓⵍ, ⵉⵎⵣⵔⴰⵢⵏ ⴳ ⵜⴳⵎⵉ ⴷ ⵓⴱⵓⵖⵍⵓ ⵏ ⵜⵣⵣⵉⴳⵣⵜ ⵜⴰⵜⵉⴽⵏⵓⵍⵓⵊⵉⵜ ⴷ ⵜⵢⵢⴰⴼⵓⵜ ⵏ ⵓⵙⵖⵏⵣⵉ ⴰⴳⵔⴰⵖⵍⴰⵏ, ⵣⵣⵉⴳⵣⵏ ⴳ ⵡⴰⵎⴰⵓⵏ ⵉⴳⴰⵏ ⵢⴰⵏ, ⵊⴰⵔ ⵉⵥⵥⵍⵎⴹ ⴷ ⵉⴼⴼⵓⵙ. ⵎⴽ ⵉⴳⴰ ⵍⵃⴰⵍ ⴷ ⵜⴳⵔⴰⵡⵍⵍⴰ ⵏ ⵜⵎⴳⵓⵔⵉ ⵍⵍⵉ ⴷ ⵉⴹⴼⵕ ⵓⵎⵣⵔⴰⵢ ⴰⵅⴰⵜⴰⵔ ⴳ ⵜⵣⵣⵉⴳⵣⵜ ⵊⴰⵔ ⵉⵥⵥⵍⵎⴹ ⴷ ⵉⴼⴼⵓⵙ, ⴰⵙⵉⵏⴰⵕⵢⵓ ⴰⴷ ⴷⴰ ⵉⵜⵜⵓⵍⵉⵙ ⵙ ⵜⴳⵔⴰⵡⵍⵍⴰ ⵜⴰⵎⵓⵟⵟⵓⵏⵜ ⵏ ⵖⵉⵍⴰⴷ ⵉⴹⴼⵕⵏ ⵜⴰⵎⴰⴹⵍⴰⵏⵜ, ⵍⵍⵉⵖ ⵓⵔ ⵚⴰⵃⴰⵏⵜ ⵉ ⵉⵡⴷⴰⵏ ⴷ ⵉⵎⴰⴷⴰⵏⵏ ⴳⴳⵓⵜⵏⵉⵏ ⵉⵚⴰⵃⴰⵜⵏ ⵏ ⵜⵓⵙⵙⵏⴰ ⴷ ⵜⴷⵎⵙⴰ ⴷ ⵜⵎⴰⵙⵙⴰⵏⵜ ⴷ ⵜⵏⵓⴼⴰ ⵏ ⵜⴼⵔⴽⴰ ⵜⴰⵎⵓⵟⵟⵓⵏⵜ.</p>
<p style="text-align: justify;">ⵜⴰⵣⵣⵉⴳⵣⵜ ⴰⴷ ⵓⵔ ⵉⴳⴰⴷⴷⴰⵏ ⴷⴰ ⵜⵜⵉⵎⵖⵓⵔ ⵙ ⵓⴼⵔⴰⴽ ⵙ ⵓⵖⵉⵍⵓⴼ ⵍⵍⵉ ⵓⵔ ⵍⴽⵉⵎⵜ ⴽⵓⵢⴰⵏ ⵜⵏⵓⴼⴰ ⵜⵉⵏⴰⵎⵓⵏⵉⵏ ⵙⵍⴰⵡⴰⵏ ⴰⴽⴽⵯ ⵙ ⵓⵥⴰⵥⵓ ⵏ ⵓⵕⵟⵟⴰⵍ ⵏ ⴱⵕⵕⴰ.</p>
<p style="text-align: justify;">&nbsp;ⴳ ⵜⵙⴳⴰ ⵢⴰⴹⵏⵉⵏ, ⴰⵔ ⴷ ⵉⵜⵜⴰⵡⵉ ⵓⵎⵃⵣⴰⵡⴰⵔ ⵉⴳⴳⵓⵜⵏ ⴼ ⵉⴳⴰⴷⴰⵣⵏ ⴰⵙⵎⵔⵙ ⵉⴳⴳⵓⵜⵏ ⵏ ⵉⵙⵓⴳⴰⵎ ⵉⵎⴰⴳⴰⵏⵏ, ⵉⵙⵎⵖⵔ ⵜⵉⵖⵔⵎⵉⵏ ⴳⴳⵓⵜⵏⵉⵏ ⴰⵢⵍⵍⵉ ⵉⵜⵜⴰⵡⵉⵏ ⵙ ⵜⵎⵓⴽⵔⵉⵙⵉⵏ ⵏ ⵓⵏⵣⵡⵉ ⵍⵍⵉ ⵉⴳⴰⵏ ⵎⴳⴰⵍ ⵏ ⵉⵡⴷⴰⵏ ⵥⵍⴷⵏⵉⵏ ⴷ ⵜⵎⵉⵣⴰⵔ ⵟⵟⴰⴼⵏⵉⵏ ⵉⴽⵛⵓⵎⵏ ⴷⵔⵓⵙⵏⵉⵏ, ⵍⵍⵉ ⵓⵔ ⵟⵟⴰⴼⵏⵉⵏ ⴽⵔⴰⵢⴰⴳⴰⵜ ⵜⴰⵎⴰⵙⴰⵢⵜ ⴼ ⵜⵎⵔⴽⵉⵜ&nbsp; ⵏ ⵡⴰⴽⴰⵍ, ⵎⴽ ⵏⵉⵜ ⵉⴳⴰ ⵍⵃⴰⵍ ⵉ ⵉⴼⵔⵇⵉⵇⵢⴰ. ⴰⵎⵏⵥⴰⵡ ⵏⵏⵖ ⵍⵍⵉ ⵙⵙⵉⵃⵍⵏⵜ ⵜⵎⵓⴽⵔⵉⵙⵉⵏ ⴰⴷ ⵙ ⵜⵖⴰⵔⴰ ⴷ ⵉⵏⴳⴰⵢⵏ ⴷ ⵓⵙⵉⵣⴷⵔ ⵏ ⵡⴰⵢⴷⴰ ⵏⵏⵙ, ⵎⵇⵇⴰⵔ ⵓⵔ ⵜⵜⴰⵡⵙ, ⴰⴷ ⵜ ⵏⵙⵙⴽⵯⵜⵉ, ⵖⴰⵙ ⵙ 4 % ⵏ ⵉⴳⴰⵣⵏ ⵜⵜⴰⵡⵙⵏⵉⵏ ⴳ ⵡⴰⵍⴰⵢ ⵏ ⵜⵔⵖⵉ ⵏ ⵡⴰⴽⴰⵍ.</p>
<p style="text-align: justify;">ⴰⵎ ⵜⵉⵡⵡⵉⵔⵉⵡⵉⵏ ⵥⵉⵍⵏⵉⵏ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⴷ ⵜⵎⵙⵎⵓⵏⵜ ⵏⵏⵙ ⵜⴰⴱⵕⵍⴰⵎⴰⵏⵉⵜ ⴳ ⵢⵉⴳⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵟⵟⴰⴼⵏⵉⵏ ⴰⵙⵓⵜⴳ ⴰⴳⵔⴰⵖⵍⴰⵏ ⴰⵅⴰⵜⴰⵔ, ⵉⵇⵇⴰⵏ ⴷ ⴼ ⵓⵥⵟⵟⴰ ⴰⴱⵕⵍⴰⵎⴰⵏⵉ ⵉ ⵡⴰⵡⵏⴰⴹ ⵉⴼⵓⵍⴽⵉⵏ ⵉⵡⴰⵍⴰⵏ ⵜⴰⵎⵙⵎⵓⵏⵜ ⵏⵏⵖ ⵜⴰⴱⵕⵍⴰⵎⴰⵏⵉⵜ ⴰⴷ ⵉⵙⵓⵊⵉⴷ ⴰⵙⴼⵙⵉ ⵢⵓⴼⴰⵏ ⵉ ⵓⵥⴰⵥⵓ ⵉⵀⵔⵛⵏ ⵏ ⵡⴰⵡⵏⴰⴹ ⴳ ⵓⵕⵓⴱⴱⴰ ⴷ ⵜⵙⴳⴰ ⵓⵕⵓⵜⴰⵏⴰⵎⵎⴰⵙⵜ ⴷ ⵓⵎⴰⴹⴰⵍ.</p>
<p style="text-align: justify;">ⵉⴽ ⵏⵏⴰ ⴳⴰⵏ ⵉⵙⴼⵉⵙⵉⵜⵏ, ⴰⵢⵍⵍⵉ ⵉⴳⴰⵏ ⴰⴷⵙⵍⴰⵏ ⴰⴷ ⵉⵟⵟⴼ ⵓⵏⵃⴰⵕ ⴰⴱⵕⵍⴰⵎⴰⵏⵉ ⴼ ⵜⵎⵙⴰⵔⵉⵏ ⵏ ⵡⴰⵡⵏⴰⴹ ⴰⵙⵙⴼⵍⴷ ⴷⴰⵔ ⵓⴷⴷⵉⵙⵏ ⵉⴷⵎⵙⴰⵏⵏ ⵉⵅⴰⵜⴰⵔⵏ, ⴷ ⵜⵎⵙⵙⵓⵔⵉⵏ ⵜⵉⵅⴰⵜⴰⵔⵉⵏ ⵟⵟⴰⴼⵏⵉⵏ ⴰⵙⵡⵉⵔ ⴳ ⵜⵖⵜⴰⵙⵜ ⵜⴰⴷⵎⵙⴰⵏⵜ ⴷ ⵜⵙⵔⵜⴰⵏⵜ ⵜⴰⴳⵔⴰⵖⵍⴰⵏⵜ, ⴳ <strong><span style="text-decoration: underline;">ⵓⵎⵣⵡⴰⵔⵓ</span></strong>, ⵙ ⵓⵙⴽⵔ ⵏ ⵉⵙⵖⵡⴰⵏ ⵉⴳⵔⴰⵖⵍⴰⵏⵏ ⴳ ⵓⵙⴱⴷⴷⵉ ⵏ ⵉⵙⵏⴼⵍⵏ ⵏ ⵓⵏⵣⵡⵉ, <strong><span style="text-decoration: underline;">ⵡⵉⵙ</span></strong><strong><span style="text-decoration: underline;">ⵙⵉⵏ</span></strong>, ⵙ ⵓⵙⵙⵥⵕⴼ ⵏ ⵜⴷⵎⵙⴰ ⵜⴰⵣⴳⵣⴰⵡⵜ ⴷ ⵓⵙⵏⴰⵍ ⵏ ⵓⵙⵎⴰⵜⵜⵉ ⴰⵥⴹⴰⵕⴰⵏ, <strong><span style="text-decoration: underline;">ⵡⵉⵙ</span></strong><strong><span style="text-decoration: underline;">ⴽⵕⴰⴹ</span></strong>, ⴰⴷ ⵉⵔⵅⵓ ⵓⵙⵎⵓⵜⵜⵉ ⵏ ⵜⴻⵜⵉⴽⵏⵓⵍⵓⵊⵉⵜⵙⴳ ⵉⵥⵥⵍⵎⴹ ⴰⵔ ⵉⴼⴼⵓⵙ, ⵙⵍⵡⴰⵏ ⴰⴽⴽⵯ ⵙ ⵉⴼⵔⵉⵇⵢⴰ ⴷ ⵎⴰⵔⵉⴽⴰⵏ ⵜⴰⵍⴰⵜⵉⵏⵉⵜ, ⴷ ⵓⵙⵉⵣⴷⵔ ⵏ ⵡⴰⵜⵉⴳ ⵏⵏⵙ ⵃⵎⴰⴷ ⵉⵥⴹⵉⵔⵏⵜ ⵜⵎⵉⵣⴰⵔ ⵏ ⵉⴼⴼⵓⵙ ⴰⵙⵎⵔⵙ ⵏ ⵜⴻⵜⵉⴽⵏⵓⵍⵓⵊⵉⵜ ⵏ ⵜⴷⵎⵙⴰ ⵜⴰⵣⴳⵣⴰⵡⵜ ⴳ ⵓⴼⴰⵔⵙ ⵏ ⵜⵥⴹⴰⵕⵜ ⵜⴰⵎⴰⵢⵏⵓⵜ ⵉⵖⵓⵙⵏ, ⵉ ⵜⴷⵎⵙⴰ ⴳ ⵡⴰⵎⴰⵏ ⴷ ⵓⵙⵎⵓⵙⵙⵓ ⵏⵏⵙ.</p>
<p style="text-align: justify;">ⵉⵥⴹⴰⵕ ⵎⴰ ⴰⵏⵏ ⴰⴷ ⵢⴰⵣⵏ ⵜⴰⴱⵔⴰⵜ ⵉ ⵓⴳⴷⵓⴷ ⴳ ⵜⵎⵉⵣⴰⵔ ⴰⴷ ⴼ ⵓⵖⵣⴰⵏ ⵏ ⵜⵡⵉⵣⵉ ⵜⴰⴳⵔⴰⵖⵍⴰⵏⵜ ⵉ ⵓⴼⵔⴰⴳ ⵏ ⵡⴰⵡⵏⴰⴹ ⵉⴳⴰⵏ ⴰⴼⵔⴰⴳ ⵏ ⵉⵎⴰⵍ ⵏ ⵓⴼⴳⴰⵏ. ⵉⵇⵇⴰⵏ ⴷ ⴰⴽⴽⵯ ⴰⴷ ⵏⵙⵓⵜⴳ ⴰⵥⴰⵥⵓ ⵏ ⵓⵙⵎⵓⵜⵜⵉ ⴰⴷ, ⴰⴷ ⵓⵥⴰⵥⵓ ⵉⴳⴳⵓⵜⵏ ⵏ ⵉⵎⴰⵙⵙⵏ ⵜⵜⴰⵡⵙⵎⵔⴰⵙⵏⵉⵏ ⴳ ⵓⴼⴰⵔⵙ ⵏ ⵜⵥⴹⴰⵕⵜ ⵉⵖⵓⵙⵏ, &nbsp;ⴷ ⵓⵙⵓⵊⴷ ⵏ ⵡⴰⵡⵏⴰⴹ ⵉⵖⵓⵙⵏ ⵙ ⵎⴰⴷ ⵉⴳⴰⵏ ⵙⴳ ⵉⵣⵔⴼⴰⵏ ⵉⴷⵙⵍⴰⵏⵏ ⵉⵎⴰⵢⵏⵓⵜⵏ ⵏ ⵓⴼⴳⴰⵏ. ⵓⵔ ⴳⵉⵙ ⵜⵓⵔⴷⴰ ⵎⴰⵙ ⵜⵍⵍⴰ ⵜⵔⴰⴱⴱⵓⵜ ⵜⴰⴳⵔⴰⵖⵍⴰⵏⵜ ⴷ ⵓⴼⵔⴰⴽ ⴰⵎⴰⴷⵍⴰⵏ ⴷⴰⵜ ⵏ ⵉⵔⵉⵎ ⵅⴼ ⵜⵉⵍⵉⵜ ⵏ ⵓⵙⵎⵓⵜⵜⵉ ⴰⵥⴹⴰⵕⴰⵏ ⵉ ⴽⵓ ⵢⴰⵏ ⴷ ⵓⴽⵛⵓⵎ ⵙ ⵜⴻⵜⵉⴽⵏⵓⵍⵓⵊⵉⵜ ⵉⵜⵜⴰⵡⵙⵏ ⴳ ⵎⴰ ⴰⵏⵏ. ⴰⵔ ⵜⵙⴽⴰⵔ ⵜⵣⵔⴼⵜ ⵜⴰⵏⴰⵎⵓⵏⵜ ⵜⴰⴳⵔⴰⵖⵍⴰⵏⵜ ⴷ ⵜⵡⵉⵣⵉ ⴰⴷⵔⴰⵡ ⵏ ⵜⵉⵢⵢⴰⴼⵓⵜⵉⵏ ⴷ ⵉⵢⴰⴼⵓⵜⵏ ⵉⵜⵉⴽⵏⵓⵍⵓⵊⵉⵢⵏ ⴷ ⵓⵥⴰⵥⵓ ⴰⴳⵔⴰⵖⵍⴰⵏ ⵏ ⵢⵎⴽⵔⵉⵙⵉⵏ ⵏ ⵓⵏⵣⵡⵉ, ⵉⵇⵇⴰⵏ ⴰⴷ ⵏⴼⴽ ⵓⴷⵎ ⴰⵏⴼⴳⴰⵏ ⵉ ⵜⵎⴰⴹⵍⴰⵏⵜ ⵃⵎⴰ ⴰⴷ ⵢⴰⵡⵉ ⴽⵓⵢⴰⵏ ⵜⵉⵢⵢⴰⴼⵓⵜⵉⵏ ⵏⵏⵙ, ⵜⴰⵣⵣⵉⴳⵣⵜ ⵙ ⵜⴰⵣⵣⵍⵉⵡⵉⵏ ⴱⴰⵀⵔⴰ ⵎⵎⵣⵔⵉⵏⵉⵏ ⴳ ⵜⴳⵎⵉ ⴷ ⵜⵣⵣⵉⴳⵣⵜ ⵓⵔ ⴳⵉⵏ ⴳ ⵚⴰⵃⴰ ⵏ ⵓⵔⴳⴳⵉⴳ ⴰⵎⴰⴷⵍⴰⵏ.</p>
<p style="text-align: justify;"><strong>ⵜⵉⵏⴳⴳⵯⴰ</strong><strong>ⴷ</strong><strong>ⵉⵏⴳⴳⵯⴰ</strong><strong>,</strong></p>
<p style="text-align: justify;"><strong>ⵉⵙⵜ</strong><strong>ⵎⴰⵙⵙⴰ</strong><strong>ⴷ</strong><strong>ⵉⴷ</strong><strong>ⵎⴰⵙⵙ</strong><strong>,</strong></p>
<p style="text-align: justify;">ⵙⴳ ⵉⵔⵙⵉⵡⵏ ⵏ ⵓⵖⴰⵡⴰⵙ ⵏⵏⵓⵏ, ⵓⵛⵛⵉⵍ ⵏ ⵜⴷⵓⵙⵉ ⵜⴰⴳⴷⵓⴷⴰⵏⵜ ⴷ ⵓⵙⴽⵔ ⵏ ⵜⵎⵢⴰⴷⴰⵙⵜ ⵜⴰⴳⵔⴰⵖⵍⴰⵜ ⵢⵓⵎⴰⵏ ⵉ ⵓⵙⵓⵊⴷ ⵏ ⵓⵙⴰⴼⴰⵔ, ⵉⵥⵉⵍ ⵍⵍⵉⵖ ⵜⵙⵜⵉⵎ ⵉⵎⵔⵙⵉ ⴰⴷ ⴷⴼⴼⵉⵔ ⵎⴰⴷ ⵉⵎⵍⴰ ⵓⵙⵎⵔⵙ ⴰⴳⵔⴰⵖⵍⴰⵏ ⴰⴽⴷ ⵓⴱⴰⵢⵢⵓⵕ ⵏ ⴽⵓⴼⵉⴷ 19, ⵍⵍⵉⵖ ⵣⵣⵉⴳⵣⵏⵜ ⵜⵏⵉⵎⴰⵏⵉⵏ ⵜⵉⵏⴰⵎⵓⵔⵉⵏ ⴳ ⵓⴼⴰⵔⵙ ⴷ ⵓⵙⵡⵓⴷⴷⵓ ⴷ ⵓⵙⵓⵊⴷ ⵏ ⵉⴳⵣⴰⵢⵏ ⴷ ⵉⵎⴰⵙⵙⵏ ⵏ ⵜⵙⵏⵉⵊⵊⵉⵜ ⴷ ⵓⴼⵔⴰⴳ, ⵖⵉⵎⵉⵏⵜ ⵜⵎⵉⵣⴰⵔ ⵥⵍⴹⵏⵉⵏ ⴷⴰⵜ ⵏ ⵓⴱⴰⵢⵢⵓⵕ ⵙ ⵓⵎⴰⵡⴰ ⵏⵏⵙⵏⵜ ⴰⴷⵙⵍⴰⵏ ⵉⴷⵔⵓⵙⵏ.</p>
<p style="text-align: justify;">ⵉⵖ ⵉⵙⵎⵖⵔ ⵓⴱⴰⵢⵢⵓⵕ ⵏ ⴽⵓⴼⵉⴷ 19 ⵜⴰⵙⵙⴰⵙⵜ ⵜⴰⴷⵓⵙⴰⵏⵜ ⴷ ⵜⵎⵙⴰⵙⵜⵍⵉⵏ ⵜⵉⴳⴷⵓⴷⴰⵏⵉⵏ, ⵉⵙⴱⴷⴷ ⵜⵉⴷⵉⵏⴰⵎⵉⵜⵉⵏ ⵜⵉⴷⵎⵙⴰⵏⵉⵏ ⴳ ⵓⵎⴰⴹⴰⵍ, ⵀⴰⵜⵉ ⵉⵟⵟⴰⴼ ⵓⵍⴰ ⵉⴷⵔⵉⵣⵏ ⵀⵔⵛⵏⵉⵏ ⴼ ⵜⵏⵓⴼⴰ ⵜⵉⴷⵓⵙⴰⵏⵉⵏ ⴷ ⵜⵎⴽⵕⴰⴹ ⵜⵉⴳⴷⵓⴷⴰⵏⵉⵏ, ⴳ ⵜⵎⵉⵣⴰⵔ ⵏ ⵉⴼⴼⵓⵙ.</p>
<p style="text-align: justify;">ⴰⵔ ⴰⵖ ⵙⵇⵙⴰⵏⵜ ⵜⵎⵙⴰⵔⵉⵏ ⵏ ⴽⵓⴼⵉⴷ 19 ⴰⵙⵙ ⴰⴷ ⴼ ⵓⵙⵉⴷⴼ ⵏ ⴽⵓ ⵢⴰⵏ ⵙ ⵉⵙⴰⴼⴰⵔⵏ ⴷ ⵜⵏⵓⴼⴰ ⵜⵉⴷⵓⵙⴰⵏⵉⵏ ⴷ ⵉⵙⵏⵉⵊⵊⵉⵜⵏ. ⵙ ⵓⵙⴷⴷⴻⴷ ⴰⵔ ⴰⵖ ⵢⴰⵇⵔⴰ ⵎⴰ ⴰ ⴷ ⴷ ⵜⵔⴰⴱⴱⵓⵜ ⵜⴰⴱⵕⵍⴰⵎⴰⵏⵉⵜ ⵉ ⵓⵏⵄⴰⵕ ⵉⵖⵣⴰⵏⵏ, ⴷ ⵓⵙⵎⵔⵙ ⵏ ⵜⵏⴱⴰⴹⵉⵏ ⵏⵏⵖ ⵜⵉⴱⵕⵍⴰⵎⴰⵏⵉⵢⵉⵏ ⵉ ⵓⵙⵉⵜⵜⵉ ⵏ ⵜⴱⴱⴰⵢⴹⴰⵕⵉⵏ ⴷⴰⵜ ⵏ ⵓⵙⵓⵊⴷ ⵏ ⵜⵙⵏⵉⵊⵊⵉⵜⵉⵏ ⴷ ⵉⵙⴰⴼⴰⵔⵏ ⵉ ⴽⵓ ⵢⴰⵏ, ⴷ ⵓⵙⵔⵅⵓ ⵏ ⵓⵙⵎⴰⵜⵜⵉ ⵏ ⵜⴻⵜⵉⴽⵏⵓⵍⵓⵊⵉⵜ ⵜⴰⵙⵏⵉⵊⵊⵉⵜ, ⴷ ⵓⵙⴱⴷⴷⵉ ⵏ ⵓⵙⵎⵔⵙ ⵉⴳⴳⵓⵜⵏ ⵏ ⵉⵙⵍⴽⵉⵏⵏ ⵏ ⵜⵡⴰⴼⵉⵜ ⴳ ⵉⴳⵔ ⵏ ⵉⵙⴰⴼⴰⵔⵏ ⴷ ⵓⵎⴰⵡⴰ ⵏ ⵜⵏⵙⵉⵊⵊⵉⵜ ⵍⵍⵉ ⵉⴳⴰⵏ ⵖⵉⵍⴰⴷ ⴰⵖⴱⴰⵍⵓ ⵏ ⵓⴱⵓⵖⵍⵓ ⵏ ⵓⵏⵛⴽ ⵉⴷⵔⵓⵙⵏ ⵏ ⵜⵎⵙⵙⵓⵔⵉⵏ ⵜⵉⴱⵕⵕⴰⵏⵉⵏ. ⵜⵉⴽⴽⵍⵉⵜ ⵢⴰⴹⵏⵉⵏ, ⵉⵍⵍⴰ “ⵓⴼⵔⴰⴽ ⴰⴳⵔⴰⵖⵍⴰⵏ” ⴷ “ⵜⵡⵉⵣⵉ ⵜⴰⴳⵔⴰⵖⵍⴰⵏⵜ” ⴷⴰⵜ ⵏ ⵉⵔⵉⵎ ⵏ ⵜⵖⴰⵔⵉⵡⵉⵏ ⴷ ⵜⵙⵔⵜⴰⵏⵜ ⴷⴰⵜ ⵏ ⵜⴰⵙⵙⴰⵙⵜ ⵏ ⴽⵉⴳⴰⵏ ⵏ ⵜⵎⵉⵣⴰⵔ ⵏ ⵉⴼⴼⵓⵙ ⵙⵍⴰⵡⴰⵏ ⴰⴽⴽⵯ ⴳ ⵉⴼⵔⵉⵇⵢⴰ. &nbsp;</p>
<p style="text-align: justify;">ⵉⵥⵉⵍ ⵍⵍⵉⵖ ⵜⵙⵜⵉⵎ ⵉⵎⵔⵙⵉ ⵏ ⵓⵣⵔⴼ ⴳ ⵜⵣⴷⵓⵖⵜ ⵉⵥⵉⵍⵏ ⴷ ⴰⵙⴳⵓⵎ ⵢⴰⴹⵏⵉⵏ ⵏ ⵜⵙⵎⵓⵏⴰⵢ ⵏⵏⵓⵏ, ⴰⵢⵍⵍⵉ ⵉⵙⴱⴷⴷⴰⴷⵏ ⴰⵔⴳⴳⵉⴳ ⵏ ⵜⵓⵡⵊⴰ ⴷ ⵡⴰⵎⴰⵓⵏ ⴷ ⵓⵙⵎⵖⵔ ⵏ ⵉⵡⴷⴰⵏ ⴷ ⵓⵎⵛⴰⴱⴱⴰⴽ ⵏ ⵡⴰⵎⵓⵏ. ⵍⵍⵉⵖ ⵣⵣⵉⴳⵣⵏⵜ ⵜⵖⵔⵎⵉⵏ ⴷ ⵓⵣⴷⴷⵓⵖ, ⴷ ⵜⵎⵓⴽⵔⵉⵙⵉⵏ ⵏ ⵜⵖⵔⵎⵉⵏ ⴳ ⵉⴳⵔⴰⵏ ⵏ ⵜⵏⵓⴼⴰ&nbsp; ⴷ ⵡⴰⵡⵏⴰⴷ ⴷ ⵓⵙⵎⵔⵙ, ⵉⵍⵍⴰ ⵓⵙⵖⴰⵡⵙⴰ ⵙ ⵜⵉⵍⵉⵜ ⵏ ⵜⵣⴷⵓⵖⵜ ⵙ ⵡⴰⵜⵉⴳ ⵉⴼⵉⵍⴽⵉⵏ, ⵜⴰⵣⴷⵓⵖⵜ ⵙ ⴽⵓ ⵎⴰ ⴷⵜⵍⴰ, ⴷ ⵡⴰⵙⵙⴰⵢ ⴰⵖⵔⵎⴰⵏ, ⴷ ⵉⴷⵖⴰⵔⵏ ⵏ ⵜⵣⴳⵣⵓⵜ ⴷ ⵉⵙⴰⵢⵔⵓⵔⵏ ⵏ ⵓⵙⵓⵏⴼⵓ ⴷ ⵜⵎⵔⵙⴰⵍ ⵏ ⵜⵏⵓⴼⴰ ⵜⵉⵏⴰⵎⵓⵏⵉⵏ ⴳ ⵓⵙⵙⵍⵎⴷ ⴷ ⵓⴷⵡⴰⵙ ⴷ ⵜⵓⵏⵏⵓⵏⵜ ⴷ ⵜⴷⵍⵙⴰ. ⵙ ⵓⵙⴷⴷⴻⴷ, ⵔⴰⴷ ⵢⴰⵡⵙ ⵓⵍⴰ ⵡⴰⵡⵏⴰⴹ ⵉⵖⵓⵙⵏ ⴷ ⵉⴳⴰⴷⴷⴰⵏ ⴳ ⵓⴼⴰⵔⵙ ⵏ ⵜⴰⵙⵓⵜⵉⵏ ⵏⵏⵓⵕⵣⵎⵏⵉⵏ ⵟⵟⴰⴼⵏⵉⵏ ⴰⴷⴷⵓⵔ ⵙ ⵜⵉⵍⵉⵜ ⵙ ⵓⵎⵏⴰⴷ ⴷ ⵜⴰⵎⵓⵔⵜ ⵏⵏⵙⵏ.</p>
<p style="text-align: justify;">ⴳ ⵓⵎⵏⴰⴹ ⴰⴷ, ⵜⵍⵍⴰ ⵜⵎⵓⴽⵔⵉⵙⵜ ⵏ ⵜⵥⴹⴰⵕⵉⵏ, ⴷ ⵉⵖⴱⵓⵍⴰ ⵏ ⵓⵙⵙⵥⵕⴼ ⴷ ⵓⵥⴰⵥⵓⵢ ⵉⵍⵍⴰⵏ ⴼ ⵜⵎⴽⵕⴰⴹ ⵜⵉⴳⴷⵓⴷⴰⵏⵉⵏ, ⴷ ⵓⵥⴰⵥⵓ ⵏ ⵓⴼⴰⵔⵙ ⵏ ⵜⵣⴷⵓⵖⵜ ⴷ ⵓⵚⴽⵓ ⵏ ⵜⵖⵔⵎⵉⵏ ⵟⵟⴰⴼⵏⵉⵏ ⵜⵉⵏⵓⴼⴰ ⴷⵓⵙⴰⵏⵉⵏ.</p>
<p style="text-align: justify;">ⵉⵖ ⵏⴻⵏⵄⵕ ⴷ ⵉⴱⵕⵍⴰⵎⴰⵏⵉⵢⵏ ⴼ ⵉⵣⵔⴼⴰⵏ ⴰⴷ, ⵀⴰⵜⵉ ⵏⵡⴰⵜⵜⵙ ⴰⵙⵉⴷⴼ ⴷ ⵓⵙⴱⴷⴷⵉ ⵏ ⵓⵙⵉⵜⵜⵉ ⴷ ⵓⵥⵍⴰⴹ ⵖ ⵉⵍⵍⴰ ⵡⴰⵡⵏⴰⴷ ⵏ ⵜⴻⵟⵟⵓⵕⴼⴰ ⴷ ⵓⴼⴰⵔⵙ ⵏ ⴳⴰⵔ ⴰⵙⵡⵉⵏⴳⵎ ⵏ ⵓⵙⵏⵓⵃⵢⴰ. &nbsp;ⵉⵖ ⵏⵓⵎⵥ ⴳ ⵜⵡⵉⵣⵉ ⵜⴰⴳⵔⴰⵖⵍⴰⵏⵜ, ⵉⵙ ⵏⵔⴰ ⴰⴷ ⵢⵉⵍⵉ ⵓⵎⵢⴰⵙⴰ ⴳ ⵜⵣⴷⴰⵢⵉⵏ ⵜⵉⴳⵔⴰⵖⵍⴰⵏⵉⵏ ⴷ ⵉⵙⵏⴼⵍⵏ ⵙ ⵓⵛⵛⵉⵍ ⵏ ⵜⵖⴰⵔⵡⵉⵡⵉⵏ ⴷ ⵓⵙⵔⵜⴰⵏ ⵍⵍⵉ ⵉⵎⵍⴰⵏ ⵜⵉⵕⵡⵉ ⵏⵏⵙ. ⵜⵎⵇⵇⵓⵔ ⵓⵕⵓⴱⴱⴰ ⴷⴼⴼⵉⵔ ⵏ ⵜⵎⴰⵖⵜ ⵜⴰⵎⴰⴹⵍⴰⵏⵜ ⵜⵉⵙ ⵙⵏⴰⵜ ⵙ ⵓⴼⵔⴰ ⴰⴳⵯⵏⵙⴰⵏ ⵉⵣⵔⵉⵏ ⵉⵡⵜⵜⴰ, ⵙ ⵓⵙⵏⴼⴰⵔ ⵏ ⵎⴰⵕⵛⴰⵍ ⵉ ⵓⵖⵓⵍ ⵏ ⵓⵚⴽⵓ.</p>
<p style="text-align: justify;"><strong>ⵜⵉⵏⴳⴳⵯⴰ</strong><strong>ⴷ</strong><strong>ⵉⵏⴳⴳⵯⴰ</strong><strong>,</strong></p>
<p style="text-align: justify;">ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⵉⵟⵟⴰⴼⵏ ⴰⴷⴷⵓⵔ ⴰⴷ ⴽⵏ ⵜⵙⵏⵓⴱⴳ ⴰⵙⵙ ⴰⴷ, ⵜⵙⴽⵔ ⴽⵉⴳⴰⵏ ⴳ ⵢⵉⴳⵔ ⵏ ⵓⴼⵔⴰⴳ ⴷ ⵓⵡⵇⵇⵔ ⵏ ⵉⵣⵔⴼⴰⵏ ⴰⴷ, ⵙⴳ ⵉⵎⵣⵡⵓⵔⴰ ⵏⵏⵙ ⵉⵣⵔⴼⴰⵏ ⵉⵏⴼⴳⴰⵏⵏ ⵉⴷⵙⵍⴰⵏⵏ. ⵓⵔ ⴰⵔ ⵏⵜⵜⵉⵏⵉ ⵎⴰⵙ ⵏⵟⵟⴰⴼ ⴰⴷⴷⵓⵔ ⵏ ⵜⵣⵡⵉⵔⵉ ⴳ ⵓⵎⵏⴰⴹ ⵏⵏⵖ ⵉⵇⵇⵔⴱⵏ ⴷ ⵢⴰⴳⴳⵓⴳⵏ, ⵎⴰⵛⵛ ⵖⵓⵔⵏⵖ ⴰⴷⴷⵓⵔ ⵙ ⵎⴰⴷ ⵏⵙⴽⵔ ⴷ ⵎⴰⵙ ⵏⵙⴽⴰⵔ, ⵙ ⵉⵡⵉⵣ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⵍⵍⵉ ⵉⵎⵎⴰⵖⵏ ⴼ ⵓⵙⵉⵥⴹⵕ ⴰⵙⵔⵜⴰⵏ ⴷ ⵓⴷⵎⵙⴰⵏ ⴷ ⵓⵏⴰⵎⵓⵏ ⵏ ⵎⴰⵕⵕⴰ ⵜⵉⵏⵎⵓⵔⴰⵜⵉⵏ ⴷ ⵉⵏⵎⵓⵔⴰⵏ.</p>
<p style="text-align: justify;">ⵜⴰⵎⵏⵏⴰⵡⵜ ⵜⴰⵙⵔⵜⴰⵏⵜ ⴷ ⵜⴷⵍⵙⴰⵏⵜ ⴷ ⵜⵍⴻⵍⵍⵉ ⵏ ⵜⴰⵏⵏⴰⵢⵜ ⴷ ⵡⴰⵡⴰⵍ, ⴳⴰⵏ ⴰⴳⵣⵣⵓⵎ ⵙⴳ ⵓⵥⵟⵟⴰ ⵏ ⵡⴰⵎⵓⵏ ⵏⵏⵖ ⴷ ⵜⵎⵉⵜⴰⵔ ⵏ ⵜⵉⵍⵉⵜ ⵏⵏⵖ. ⴰⴼⵔⴰⴳ ⴰⵏⴰⵎⵓⵏ ⴷ ⵓⵙⴼⵍⵙ ⴰⴷⵓⵙⴰⵏ, ⵍⵍⵉⵖ ⴳⴰⵏ ⴰⵙⴽⵔ ⵏ ⵉⵣⵔⴼⴰⵏ ⵉⵏⴰⵎⵓⵏⵏ, ⴳⴰⵏ ⴰⵙⴰⵡⵓⵔ ⴰⵏⴰⵎⵓⵏ ⵢⵉⵡⵙⵏ ⴳ ⵜⵉⵣⵉ ⵉⴷⵔⵓⵙⵏ ⵉ 23 ⵎⵍⵢⵓⵏ ⵏ ⵓⵏⵎⵓⵔⵉ ⴷ ⵜⵏⵎⵓⵔⵉⵜ ⴳ ⵓⵙⴼⵍⵙ ⴰⴷⵓⵙⴰⵏ, ⵍⵇⵎⵏⴻⵏⵏ ⵉ ⵉⴷ ⵍⵎⵏⴰⵢⵏ ⵏ ⵉⵎⵖⵔⵉⴱⵉⵢⵏ ⵟⵟⴰⴼⵏⵉⵏ ⴰⵣⵔⴼ ⴰⴷ. ⴰⵣⵔⴼ ⴳ ⵜⵣⴷⵓⵖⵜ ⴷ ⵢⵓⵙⴰⵏ, ⵉⴳⴰ ⵉⵎⵔⵙⵉ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴳⴳⵓⵜⵏⵉⵏ ⵙⴳ ⵓⴳⴳⴰⵔ ⵏ ⴽⵕⴰⴹⵜ ⵜⵎⵔⴰⵡⵉⵏ , ⵢⵉⵡⵙ ⵉ ⵜⵎⵉⴹⵉⵡⵉⵏ ⵏ ⵉⴼⴳⴹⵏ ⵏ ⵜⴰⵡⵊⵉⵡⵉⵏ ⴰⴷ ⵟⵟⵉⴼⵏⵜ ⵜⴰⵣⴷⵓⵖⵜ ⵉⵎⵙⴰⵙⴰⵏ ⵍⵍⵉ ⵉⵙⵏⴰⵍ ⵓⵡⴰⵏⴽ.</p>
<p style="text-align: justify;">ⴼ ⵜⵓⴳⴳⴰⵙ ⵏ ⵜⵎⴰⵣⵉⵔⵜ ⵏⵏ ⴳ ⵓⵙⴱⴷⴷⵉ ⵏ ⵜⵎⵓⴽⵔⵉⵙⵉⵏ ⵏ ⵓⵏⵣⵡⵢⵉ, ⵜⴰⵔⴰⴱⴱⵓⵜ ⵜⴰⴳⵔⴰⵖⵍⴰⵏⵜ ⵜⴳⴰ ⵜⵉⵏⵉⴳⵉⵜ ⴼ ⵜⵉⵕⵡⵉ ⵏ ⵜⵙⵔⵜⴰⵢ ⵍⵍⵉ ⵜⵙⴽⴰⵔ ⵜⴳⵍⴷⵉⵜ ⵉ ⵜⴷⵎⵙⴰ ⵜⴰⵣⴳⵣⴰⵡⵜ ⴷ ⵓⴰⵔⵙ ⵏ ⵜⵥⴹⴰⵕⵜ ⵙⴳ ⵉⵖⴱⵓⵍⴰ ⵖⵓⵙⵏⵉⵏ ⴷ ⵓⵙⵎⵓⵙⵙⵓ ⵏ ⵡⴰⵎⴰⵏ, ⴳⴰⵏ ⵉⵖⴰⵡⴰⵙⵏ ⵍⵍⴰⵏⵉⵏ ⴳ ⵡⴰⴽⴰⵍ ⴰⵏⴰⵎⵓⵔ ⵙⴳ ⵟⴰⵏⵊⴰ ⴰⵔ ⴷⴷⴰⵅⵍⴰ, ⵉⵍⵉⵏ ⴳ ⵢⵉⴳⵔ ⵏ ⵜⴼⵍⵍⴰⵃⵜ ⴳ ⵓⴳⴳⴰⵔ ⵏ 15 ⵏ ⵜⵎⴰⵣⵉⵔⵜ ⴳ ⵉⴼⵔⵉⵇⵢⴰ.</p>
<p style="text-align: justify;">ⴳ ⵜⵡⵡⵓⵔⵉⵡⵉⵏ ⵏⵏⵓⵏ, ⵔⴰⴷ ⵙⵡⵓⵔⵉⵏ ⵉⴷ ⵎⴰⵙⵙ ⴷ ⵉⵙⵜ ⵎⴰⵙⵙⴰ ⵉⵎⴰⵡⵙⴰⵙⵏ ⴷ ⵉⵎⵙⵜⴳⴳⴰⵔⵏ ⵉⵎⵖⵔⵉⴱⵉⵢⵏ ⴼ ⵓⵙⵎⵏⵉⴷ ⵏ ⴽⵉⴳⴰⵏ ⵏ ⵜⵙⵔⵜⴰⵢ ⴷ ⵉⵖⴰⵡⴰⵙⵏ ⵉⴳⴷⵓⴷⴰⵏⵏ ⵍⵍⵉ ⵙⴷⴷⵉⴷⵏⵉⵏ ⴰⵙⵖⵡⵏ ⵏ ⵜⵎⴰⵣⵉⵔⵜ ⵏⵏⵖ ⵉ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⴷⵓⵙⵉ ⴷ ⵜⵣⴷⵓⵖⵜ ⵉ ⴽⵓ ⵢⴰⵏ ⴷ ⵓⵍⵜⴰⵖ ⴳ ⵜⵓⴳⴳⴰⵙ ⵜⵉⴳⵔⴰⵖⵍⴰⵏⵉⵏ ⵉ ⵓⵙⴱⴷⴷⵉ ⵏ ⵜⵎⵏⵜⵍⵉⵏ ⵏ ⵜⵎⵓⴽⵔⵉⵙⵉⵏ ⵏ ⵓⵏⵣⵡⵉ.</p>
<p style="text-align: justify;"><strong>ⵜⵉⵏⴳⴳⵯⴰ</strong><strong>ⴷ</strong><strong>ⵉⵏⴳⴳⵯⴰ</strong><strong>,</strong></p>
<p style="text-align: justify;">ⴰⴷ ⵓⵔ ⵜⵜⵓⵖ ⴰⴷ ⵙⵓⵜⴳⵖ ⵙ ⵉⵙⵎ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⴰⵎⴹⴰⵕⴰⵡⵜ ⵉⴳⴰⵏ ⴰⵏⴰⵡ ⵉⵖⵣⴰⵏⵏ ⵉⵟⵟⴰⴼⵏ ⵜⴰⵎⴰⵙⴰⵢⵜ ⴷ ⵜⵉⵢⵢⴰⴼⵓⵜ ⵉⵍⵍⴰⵏ ⵊⴰⵔ ⵓⴱⵕⵍⴰⵎⴰⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ, ⵉ ⵓⴼⵔⴰⴳ ⵏ ⵜⴷⵉⵎⵓⵇⵔⴰⵟⵉⵜ ⴷ ⵓⵙⵏⴰⵍ ⵏ ⵜⵎⴷⵔⴰⵡⵜ ⵉⵍⵍⴰⵏ ⵊⴰⵔ ⵍⵎⵖⵔⵉⴱ ⴷ ⵓⵙⵇⵇⵉⵎ ⵏ ⵓⵕⵓⴱⴱⴰ ⴷ ⵊⴰⵔ ⵍⵎⵖⵔⵉⴱ ⴷ ⵉⴳⵎⴰⵎⵏ ⵏ ⵓⵙⵇⵇⵉⵎ ⴳ ⵓⵙⴰⵜⵉ ⴰⵙⵉⵏⵔⴰⵏ. ⵍⵍⵉⵖ ⵉⴳⴰ ⵍⵎⵖⵔⵉⴱ ⴰⵎⴷⵔⴰⵡ ⵉ ⵜⴷⵉⵎⵓⵇⵔⴰⵜⵉⵜ ⴷⴰⵔ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⵙⴳ 2011, ⵉⴳ ⵍⵎⵖⵔⵉⴱ ⵜⴰⵎⴰⵣⵉⵔⵜ ⵜⴰⵎⴷⵔⴰⵡⵜ ⵜⴰⵎⵣⵡⴰⵔⵓⵜ ⵉ ⵜⴷⵉⵎⵓⵇⵔⴰⵟⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⴳ ⵜⴷⵉⵎⵓⵇⵔⴰⵟⵉⵜ ⵜⴰⴷⵖⴰⵔⴰⵏⵜ, ⴷ ⵜⴽⵕⴹⴰ ⵏ ⵓⴱⵔⵉⴷ 2022-2025 ⵍⵍⵉ ⵉⴳⴰⵏ ⴰⵙⴰⵜⵉ ⵏ ⵓⵎⵢⴰⵡⴰⵙ ⴰⵙⵜⵔⴰⵜⵉⵊⵉ ⵊⴰⵔ ⵓⵙⵇⵇⵉⵎ ⵏ ⵓⵕⵓⴱⴱⴰ ⴷ ⵜⴳⵍⴷⵉⵜ ⵏ ⵍⵎⵖⵔⵉⴱ, ⴳⴰⵏⵜ ⴰⴽⴽⵯ ⵜⴰⵎⴰⵜⴰⵔⵜ ⵏ ⵜⵎⵢⵉⵎⴰⵏⵜ ⵉⵜⵜⵓⵙⵏⴼⴰⵍⵏ, ⴷ ⵜⴷⵔⴰⵡⵜ ⵏ ⵜⵣⴷⴰⵢⵉⵏ ⵊⴰⵔ ⵍⵎⵖⵔⵉⴱ ⴷ ⵓⵙⵇⵇⵉⵎ ⵍⵍⵉ ⴱⴷⴷⵏⵉⵏ ⴼ ⵓⵙⵏⴼⵍ ⵏ ⵜⵏⵓⴼⴰ ⴷ ⵓⵡⵇⵇⵔ ⵉⵜⵜⵓⵙⵏⴼⴰⵍⵏ ⴷ ⵡⴰⵜⵉⴳⵏ ⵍⵍⵉ ⵏⴷⵔⵓ.</p>
<p style="text-align: justify;">ⵔⵉⵖ ⵙ ⵜⵎⵍⴷⴰ ⴰⴷ ⴰⴷ ⵙⴷⴷⵉⴷⵖ ⴼ ⵓⵍⵜⴰⵖ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⴷⵉⵏⴰⵎⵉⵜ ⴰⴷ ⵉⵥⵉⵍⵏ ⴷ ⵡⴰⵜⵉⴳ ⵏ ⵜⵣⵣⵉⴳⵣⵜ ⵏⵏⵙ ⴼ ⵜⵎⵢⵉⵎⴰⵏⵜ ⴷ ⵜⵎⴷⵔⴰⵡⵜ, ⵙⵓⵜⴳⵖ ⵜⵓⴳⴳⴰⵙ ⵏ ⵜⵏⴱⴰⴹⵉⵏ ⵜⵉⵙⵔⵜⴰⵏⵉⵏ ⴳ ⵓⵙⵇⵇⵉⵎ ⵏ ⵓⵕⵓⴱⴱⴰ ⴷ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵓⵙⴷⵓⵙ ⵏ ⵜⵎⴷⵔⴰⵡⵉⵏ ⵏⵏⵖ, ⴳⵉⵙⵏ ⵏⵉⵜ ⵜⴰⵙⵉⵔⴰ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⴳ ⵍⵎⵖⵔⵉⴱ ⴷ ⵡⵉⴷⴰ ⵍⵍⴰⵏⵉⵏ ⴼ ⵉⵖⴰⵡⴰⵙⵏ ⵏ ⵓⵎⵢⴰⵡⴰⵙ ⴰⵜⵉⵇⵏⵉ ⵊⴰⵔ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴷ ⵜⵎⵙⵎⵓⵏⵜ &nbsp;ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ.</p>
<p style="text-align: justify;"><strong>ⴰⵔ</strong><strong>ⴽⵏ</strong><strong>ⴷⴰⵖ</strong><strong>ⵙⵏⵉⵎⵎⵉⵔⵖ</strong><strong>ⴷ</strong><strong>ⴰⵔ</strong><strong>ⵙⵙⵉⵜⵉⵎⵖ</strong><strong>ⴰⵎⵓⵔⵙ</strong><strong>ⵉ</strong><strong>ⵜⵡⵡⵓⵔⵉⵡⵉⵏ</strong><strong>ⵏⵏⵓⵏ</strong></p>