ⵜⴷⵔⵓ ⵎⴰⵙⵙⴰ ⵅⴰⴷⵉⵊⴰ ⵣⵣⵓⵎⵉ, ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵓⵎⵙⴰⵡⴰⵍ ⵏ ⵉⴱⵕⵍⴰⵎⴰⵏⵏ ⴰⵄⵕⴰⴱⵏ ⵅⴼ ⵓⵣⵣⵔⴰⵢ ⴰⵏⵎⵏⴰⴹ ⵡⵉⵙ ⵚⴹⵉⵚ ⵏ ⵓⵖⴰⵡⴰⵙ ⵏ ⵜⵡⵡⵓⵔⵉ ⵏ ⵓⴳⵔⴰⵡ ⴰⴳⵔⴰⵖⵍⴰⵏ ⵏ ⵉⵎⵣⴷⴰⵖ ⴷ ⵜⴳⵎⵉ

<p style="text-align: justify;">ⵜⴷⵔⵓ ⵎⴰⵙⵙ ⵅⴰⴷⵉⵊⴰ ⵣⵣⵓⵎⵉ, ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵙ ⵏ 11 ⵎⴰⵢ 2023, ⵙ ⵓⴼⵉⵣⵢⵓⴽⵓⵏⴼⵉⵕⵓⵏⵚ, ⴳ ⵓⵎⵙⴰⵡⴰⵍ ⵏ ⵉⴱⵕⵍⴰⵎⴰⵏⵏ ⴰⵄⵕⴰⴱⵏ ⴼ ⵓⵣⵣⵔⴰⵢ ⴰⵏⵎⵏⴰⴹ ⵡⵉⵙ ⵚⴹⵉⵙ ⵏ ⵓⵖⴰⵡⴰⵙ ⵏ ⵜⵡⵡⵓⵔⵉ ⵏ ⵓⴳⵔⴰⵡ ⴰⴳⵔⴰⵖⵍⴰⵏ&nbsp; ⵉ ⵉⵎⵣⴷⴰⵖⵏ ⴷ ⵜⴳⵎⵉ, ⵍⵍⵉ ⵜⵙⵏⵎⴰⵍⴰ ⵜⵙⵇⵇⵉⵎⵜ ⵏ ⵜⵎⵜⵜⴰ ⵉⵎⵓⵏⵏ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ ⵏ ⵏ ⴳⵔⵡⵜ ⵏ ⴰⵙⵢⴰ (ⵉⵙⴽⵡⴰ) ⵙ ⵓⵎⵢⴰⵡⴰⵙ ⴷ ⵓⴼⵏⵉⵇ ⵏ ⵜⵎⵜⵜⴰ ⵎⵓⵏⵏⵉⵏ ⵉ ⵉⵎⵣⴷⴰⵖⵏ ⴷ ⵜⴰⵎⵓⵏⵜ ⵏ ⵉⵡⴰⵏⴽⵏ ⴰⵄⵕⴰⴱⵏ.</p>
<p style="text-align: justify;">ⵜⵙⴷⴷⵉⴷ ⵎⴰⵙⵙ ⵣⵣⵓⵎⵉ ⵎⴰⵙ ⴳⴰⵏⵜ ⵜⵎⵙⴰⵔⵉⵏ ⵏ ⵉⵎⵣⴷⴰⵖⵏ ⴷ ⵜⴳⵎⵉ ⵜⵉⵏⴰⵎⵎⴰⵙⵉⵏ ⴳ ⵓⵖⴰⵡⴰⵙ ⵏ ⵜⴳⵎⵉ ⵜⴰⵙⵓⵍⴰⵏⵜ ⵏ 2030, ⵜⵇⵇⴰⵏⴷ ⵜⵡⵡⵓⵔⵉ ⵉ ⵓⵙⴷⵓⵙ ⵏ ⵡⴰⵢⴷⴰ ⴷ ⵓⵙⵙⴽⵯⵜⵉ ⵏ ⵉⵙⵡⴰⵍⴰⵢⵏ ⵉⴳⵍⴷⴰⵏⵏ ⴰⵜⵜⵓⵢⵏⵉⵏ ⴷ ⵓⵣⵣⴳⵉⵔ ⵏ ⵉⵙⵖⵍⴰⴼ ⵏ ⵡⴰⵏⴰⵡ ⵓⵏⴳⵉⵎ ⴰⵎⴰⵢⵏⵓ ⴷ ⵓⵣⵣⴳⵉⵔ ⵏ ⵓⵖⴰⵡⴰⵙ ⵓⵏⴱⵉⴹ ⴷ ⵓⵙⴽⵔ ⵏ ⵓⵡⴰⵏⴽ ⴰⵏⴰⵎⵓⵏ ⴷ ⵉⵙⵡⴰⵓⵔⵏ ⵓⵏⴳⵉⵎⵏ.</p>
<p style="text-align: justify;">ⵜⵉⵏⵉ ⵎⴰⵙⵙⴰ ⵣⵣⵓⵎⵉ ⵎⴰⵙⴷ ⵜⵉⵎⵙⴰⵔⵉⵏ ⵏ ⵜⵎⵖⴰⵔⵉⵏ ⴷ ⵉⵄⵔⵔⵉⵎⵏ ⴷ ⵓⴷⵡⴰⵙ ⴷ ⵓⵙⵙⵍⵎⴷ ⴷ ⵓⵣⵡⴰⴳ ⴳⴰⵏⵜ ⵜⵉⵎⵙⴰⵔⵉⵏ ⵜⵉⵣⵣⵔⴰⴼⵉⵏ ⵜⵉⵎⵣⵡⵓⵔⴰ ⴳ ⵓⵚⴽⵓ ⵏ ⵉⵎⴰⵍ ⴰⵙⵔⵜⴰⵏ ⴷ ⵓⴷⵎⵙⴰⵏ ⴷ ⵓⴷⵍⵙⴰⵏ ⵏ ⵡⴰⵎⵓⵏ ⵏⵏⵖ ⴷ ⵜⵓⴷⵔⵜ ⵉⵥⵉⵍⵏ ⵏ ⵜⴰⵔⵡⴰ ⵏⵏⵙ. ⵖⵎⴽ ⴰⵏⵏ ⴰⵙ ⴷ ⵉⵇⵇⴰⵏ ⵓⵙⵏⴼⵍ ⵏ ⵜⵎⴰⵎⴽⵜ ⵏ ⵓⵙⵡⵉⵏⴳⵎ ⵏⵏⵖ ⴼ ⵉⵎⵣⴷⴰⵖⵏ ⴷ ⵜⴳⵎⵉ ⵙ ⵓⵙⵕⵚⵓ ⵏ ⵉⵣⵔⴼⴰⵏ ⵏ ⵉⵡⴷⴰⵏ ⴷ ⵢⵉⵙⴽⵉⵍ ⵏⵏⵙⵏ ⴷ ⵜⵓⵎⵔⵜ ⵏⵏⵙⵏ ⴷ ⵡⴰⴷⴷⵓⵔ ⵏⵏⵙⵏ ⴳ ⵜⵓⴷⵔⵜ, ⴷ ⵓⵣⴷⴰⵢ ⵊⴰⵔ ⵉⵎⵣⴷⴰⵖ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⴳⵎⵉ ⴰⴷⵎⵙⴰⵏⵜ ⴷ ⵜⵙⵓⵍⴰⵏⵜ, ⴷ ⵓⵙⵎⴽⵍ ⴰⵎⴰⵜⴰⵢ ⵏ ⵜⵎⵙⴰⵔⵉⵏ ⴰⴷ.</p>
<p style="text-align: justify;">ⵜⵙⴰⵡⵍ ⵎⴰⵙⵙⴰ ⵣⵣⵓⵎⵉ ⴼ ⵉⵙⵍⴳⵏⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵢⵉⴳⵔ ⵏ ⵉⵎⵣⴷⴰⵖ ⴷ ⵜⴳⵎⵉ ⵜⵜⴰⵡⵙⵏⵉⵏ ⴳ ⵓⵙⵖⵓⴷⵓ ⵏ ⵜⵓⴷⵔⵜ ⴷ ⵓⵙⴷⵓⵙ ⵏ ⵜⴳⵎⵉ ⵜⴰⵙⵓⵍⴰⵏⵜ ⵙⴳ ⵓⴷⵓⵙⵜⵓⵔ&nbsp; ⵉⵙⴰⵡⵍⵏ ⴼ ⵜⴷⵎⵉ ⴷ ⵉⵎⵣⴷⴰⵖⵏ, ⴳ ⵉⵍⵍⴰ ⵓⵎⵏⵏⵉ 31 ⵉⵜⵜⵉⵏⵉⵏ ⵎⴰⵙ ⵉⵎⵎⴰⵖ ⵓⵡⴰⵏⴽ ⴼ ⵓⵙⴽⵔ ⵏ ⵜⴳⵎⵉ ⵜⴰⵙⵓⵍⴰⵏⵜ ⵉⴳⴰⴷⴷⴰⵏ, ⴷ ⵓⵙⵎⵖⵔ ⵏ ⵜⵓⴷⵔⵜ ⵜⴰⴷⵎⵙⴰⵏⵜ ⵉⴳⴰⴷⴷⴰⵏ, ⴷ ⵓⵙⵎⵖⵔ ⵏ ⵜⵓⴷⵔⵜ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ ⵏ ⵉⵏⵎⵓⵔⴰⵏ ⴷ ⵓⵙⵖⵓⴷⵓ ⵏ ⵓⵚⴽⵓ ⴰⵏⴰⴷⴷⴰⵡ ⴷ ⵜⵏⵓⴼⴰ ⵜⵉⴳⴷⵓⴷⴰⵏⵉⵏ ⴷ ⵓⵙⴽⵔ ⵏ ⵜⴳⵎⵉ ⵜⴰⴼⴰⵔⵏⵜ, ⴷ ⵓⵙⵍⴳⵏ ⴰⵙⴰⵜⵉ ⵏ ⵜⴳⵎⵉ ⵜⴰⵏⴼⴳⴰⵏⵜ,ⴷ ⵓⵙⵍⴳⵏ ⴰⵎⵖⵔⵉⴱⵉ ⵉ ⵜⵓⵡⵊⴰ ⴷ ⵓⵙⵍⴳⵏ ⴰⴰⵜⵉ ⵏ ⵜⵖⵔⵎⵉⵏ.</p>
<p style="text-align: justify;">ⵜⵉⵏⵉ ⵓⵍⴰ ⵎⴰⵙ ⵜⴱⴷⴷ ⵜⵙⵜⵔⴰⵜⵉⵊⵉⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵢⵉⴳⵔ ⵏ ⵉⵎⵣⴷⴰⵖⵏ ⴷ ⵜⴳⵎⵉ ⴼ ⵓⵙⵎⵖⵔ ⵏ ⵉⵖⴰⵡⴰⵙⵏ ⴷ ⵜⵙⵔⵜⴰⵢ ⵡⴰⵜⵜⵙⵏⵉⵏ ⴰⵙⵖⵓⴷⵓ ⵏ ⵜⵓⴷⵔⵜ ⵏ ⵉⵏⵎⵓⵔⴰⵏⴷ ⵓⵙⴷⵓⵙ ⵏ ⵜⴳⵎⵉ ⵜⴰⵙⵓⵍⴰⵏⵜ ⴳ ⵜⴳⵍⴷⵉⵜ.</p>
<p style="text-align: justify;">ⵜⵓⵎⴰ ⵜⵙⵔⴰⵜⵉⵜⵊⵉⵜ ⴰⴷ: ⴰⵙⴷⵓⵙ ⵏ ⵓⴷⵡⴰⵙ ⵏ ⵡⴰⵔⵔⴰ ⴷⴰⵔ ⵜⵎⵖⴰⵔⵉⵏ ⴷ ⵜⴼⵔⵅⵉⵏ ⵙ ⵜⵏⵓⴼⴰ ⵜⵉⴷⵓⵙⴰⵏⵉⵏ,</p>
<p style="text-align: justify;">ⴰⵙⵖⵓⴷⵓ ⵏ ⵓⵙⵙⵍⵎⴷ ⴷ ⵓⵙⴼⵔⴽ ⴰⴷⵓⵙⴰⵏ ⵏ ⵜⵎⵖⴰⵔⵜ, ⴰⵙⵎⵖⵔ ⵏ ⵉⵖⴰⵡⴰⵙⵏ ⴷ ⵉⵙⵏⴼⴰⵔⵏ ⵏ ⵓⵙⵖⵓⴷⵓ ⵏ ⵜⵓⴷⵔⵜ, ⵜⴰⵙⵏⵜⴰⵢⵜ ⵜⴰⵏⴰⵎⵓⵔⵜ ⵉ ⵜⴳⵎⵉ ⵜⴰⵏⴼⴳⴰⵏⵜ, ⵍⵍⵉ ⵉⴳⴰⵏ ⴰⵙⵏⴼⴰⵔ ⵓⵏⴳⵉⵎ ⵉⵍⵍⴰⵏ ⴷⴼⴼⵉⵔ ⵏ ⵉⵏⴰⵡ ⴰⴳⵍⴷⴰⵏ ⵏ 18 ⵎⴰⵢ 2005, ⵍⵍⵉ ⵉⵡⴰⵜⵜⵙⵏ ⴰⵙⵖⵓⴷⵓ ⵏ ⵜⵓⴷⵔⵜ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ , ⴷ ⵓⵙⵖⵓⴷⵓ ⵏ ⵜⵎⵙⵙⵓⴳⵓⵔⵜ ⵏ ⵓⵣⵡⴰⴳ ⴷ ⵓⵙⴷⵓⵙ ⵏ ⵜⵏⵏⵓⴱⴹⴰ ⵜⴰⴷⵖⴰⵔⴰⵏⵜ ⴷ ⵓⵙⵙⵔⵇⴱ ⵏ ⵜⵎⴷⵔⴰⵡⵜ ⵜⴰⵏⴰⵎⵓⵏⵜ ⴷ ⵓⵙⵉⵥⴹⵕ ⵏ ⵡⴰⵎⵓⵏⵏ ⵉⴷⵖⴰⵔⴰⵏⵏ.</p>
<p style="text-align: justify;">ⵜⵖⵔ ⵜⵎⴰⵔⵉⵜ ⵏ ⵓⵏⵙⵙⵉⵅⴼ ⵏ ⵓⵙⵇⵉⵎⵎ ⵏ ⵉⵎⵓⵔⴰ ⵙ ⵓⵙⵎⵓⵙⵙⵓ ⵏ ⵜⵓⴳⴳⴰⵙ ⵏ ⵉⴱⵕⵍⴰⵎⴰⵏⵉⵢⵏ ⵉ ⵓⵙⴷⵓⵙ ⵏ ⵓⵣⵣⴳⵉⵔ ⵏ ⵜⵖⴰⵜⴰⵙⵉⵜ ⵜⵉⴳⵔⴰⵖⵍⴰⵏⵉⵏ ⴳ ⵉⴳⵔⴰⵏ ⵏ ⵉⵎⵣⴷⴰⵖⵏ ⴷ ⵜⴳⵎⵉ ⵜⴰⵙⵓⵍⴰⵏⵜ ⴷ ⵓⵙⵎⵖⵔ ⵏ ⵜⵙⵔⵜⴰⵢ ⵏⵏⵙ ⴳ ⵓⵎⵏⵉⴷ ⵏ ⵓⵣⵣⵔⴰⴼ ⴷ ⵜⵉⴹⴰⴼ ⴷ ⵓⵙⴽⵔ ⵏ ⵜⵏⴱⴰⴹⵟ ⵙ ⵜⵉⵍⴰⵍ ⵏⵏⵙ ⴷ ⵜⵉⵍⵉⵜ ⵏ ⵜⵎⵙⴰⵙⵜⵍⵜ, ⴷ ⵜⵉⵍⵉⵜ ⵏ ⵜⵎⵓⵛⴰ ⴷⵓⵙⴰⵏⵉⵏ ⵙⴳ ⵜⵉⵏⴱⴰⴹⵉⵏ ⴳⵎⴰ ⴷⵉⵥⵍⵉⵏ ⵙ ⵉⵙⵓⴳⴰⵎ.</p>
<p style="text-align: justify;">ⵙⴷⴷⵉⴷⵏ ⵉⴱⵕⵍⴰⵎⴰⵏⵉⵢⵏ ⴷⵔⵓⵏⵉⵏ ⴳ ⵜⵙⵎⵓⵏⵉ ⴰⴷ ⴼ ⵓⵙⵎⵖⵔ ⵏ ⵓⵎⵢⴰⵡⴰⵙ ⵉ ⵓⵙⵏⴼⵍ ⵏ ⵜⵎⵓⵛⴰ ⴷ ⵓⵙⴼⵙⵉ ⵏⵏⵙⵏ, ⴷ ⵓⵙⴽⵔ ⵏ ⵓⵏⴳⵔⴰⵡ ⴰⵎⵓⵟⵟⵓⵏ ⴳ ⵡⴰⴷⴷⴰⴷ ⵏ ⵜⴰⵙⵙⴰⵙⵉⵏ ⴷ &nbsp;ⵓⵎⵙⴰⵙⴰ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴳ ⵉⴳⵔⴰⵏ ⵏ ⵜⵎⵙⴰⵙⵜⵍⵜ ⴷ ⵉⵡⵜⵜⴰⵙⵏ ⵏ ⵜⵉⵍⴰⵡⵜ ⴷ ⵜⵏⴰⵥⴰⵕⵉⵏ ⵏⵏⵙⵏ.</p>
<p style="text-align: justify;">ⵜⴽⵛⵎ ⵜⵙⵎⵓⵏⵉ ⴰⴷ ⴳ ⵓⵙⴰⵜⵉ ⵏ ⵜⵡⵡⵓⵔⵉ ⵏ ⵓⵣⵣⵔⴰⵢ ⵡⵉⵙ ⵎⵔⴰⵡ ⵏ ⵓⵙⵉⵡⴹ ⵏ ⵍⵇⴰⵀⵉⵔⴰ ⵏ 2013 ⴷ ⴰⴳⵣⵣⵓⵎ ⵏ ⵓⵙⵎⵏⵉⴷ ⴷ ⵓⵙⵓⵜⴳ ⵏ ⵓⵖⴰⵡⴰⵙ ⵏ ⵜⵡⵡⵓⵔⵉ ⵏ ⵓⴳⵔⴰⵡ ⴰⴳⵔⴰⵖⵍⴰⵏ ⵏ ⵉⵎⵣⴷⴰⵖⵏ ⴷ ⵜⴳⵎⵉ ⴷⴼⴼⵉⵔ ⵏ 30 ⵏ ⵓⵙⴳⴳⵯⴰⵙ ⵙⴳ 1994.</p>