ⵜⵙⵖⵣⵏ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⵏ ⵜⵡⵓⵔⵉ ⴼ ⵓⵏⴳⵔⴰⵡ ⴰⴷⵓⵙⴰⵏ ⴰⵏⵇⵇⵉⵙ ⵏⵏⵙ

<p style="text-align: justify;">ⵉⵙⵙⵉⵅⴼ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵉⵏⴰⵙ 1 ⵢⵓⵏⵢⵓ 2021 ⴳ ⵓⵙⵖⵉⵎ ⵏ ⵓⵙⵇⵇⵉⵎ, ⵜⴰⵙⵎⵓⵏⵉ ⵏ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⵏ ⵜⵡⵓⵔⵉ ⵉⵜⵜⵓⵙⵎⴰⴳⴰⵍⵏ ⵙ ⵓⵏⴳⵔⴰⵡ ⴰⴷⵓⵙⴰⵏ, ⵉ ⵓⵙⵖⵣⵏ ⵏ ⵓⵏⵇⵇⵉⵙ ⵏⵏⵙ.</p>
<p style="text-align: justify;">ⵉⵙⵙⴽⵜⵉ ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵎⴰⵙ ⵜⵜⵓⵙⴽⴰⵔ ⵜⵔⴰⴱⴱⵓⵜ ⴰⴷ ⵜⴰⵙⴳⵓⵎⴰⵏⵜ ⵏ ⵜⵡⵓⵔⵉ ⵙ ⵉⵙⵡⴰⵍⴰⵢⵏ ⴰⵉⴳⵍⴷⴰⵏⵏ ⴰⵜⵜⵓⵢⵏⵉⵏ ⵖⵔⴰⵏⵉⵏ ⵉ ⵓⵣⵓⵛⵛⵍ ⵏ ⵓⵙⵎⵖⵔ ⵏ ⵓⵏⴳⵔⴰⵡ ⴰⴷⵓⵙⴰⵏ ⴷ ⵓⵙⵎⴰⵜⴰ ⵏ ⵓⴼⵔⴰⴳ ⴰⵏⴰⵎⵓⵏ ⴷ ⵓⵙⴱⴷⴷⵉ ⵏ ⵉⴷⵔⵉⵣⵏ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ ⵏ ⵓⴱⴰⵢⵢⵓⵕ ⵏ ⴽⵓⴼⵉⴷ 19, ⵢⵉⵏⵉ ⵎⴰⵙ ⴱⵓⵔⵣⵏ ⵉⵎⵖⵔⵉⴱⵉⵢⵏ ⵙ ⵓⵙⵎⴰⵇⵍ ⵓⵏⵥⵉⵥ ⴷ ⵜⵎⵢⴰⴷⴰⵙⵜ ⵜⴰⵙⵜⵔⴰⵜⵉⵊⵉⵜ ⴷ ⵜⵎⵣⵡⴰⵔⵓⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⵍⵍⵉ ⵙ ⵜⵥⴹⴰⵕ ⵜⵎⴰⵣⵉⵔⵜ ⵏⵏⵖ ⴰⴷ ⵜⵙⴱⴷⴷ ⴰⴱⴰⵢⵢⵓⵕ ⵙ ⵜⵙⵏⵜⴰⵢⵉⵏ ⴷ ⵜⵎⵙⴽⴰⵔ ⴷ ⵉⵙⵡⵓⴷⴷⵓⵜⵏ ⵥⵍⵉⵏⵉⵏ ⵜⵜⵓⵙⴽⴰⵔⵏⵉⵏ ⵉ ⵓⵙⴱⴷⴷⵉ ⵏ ⵓⴱⴰⵢⵢⵓⵕ, ⴰⵢⵍⵍⵉ ⵉⵙⴽⵔⵏ ⴳ ⵍⵎⵖⵔⵉⴱ ⵢⴰⵏ ⵡⴰⵏⴰⵡ ⵉⵥⵉⵍⵏ ⴳⵔ ⴽⵉⴳⴰⵏ ⵉⵡⴰⵏⴽⵏ ⴳ ⵓⵎⴰⴹⴰⵍ.</p>
<p style="text-align: justify;">ⵉⵙⴷⴷⵉⴷ ⵎⴰⵙⵙ ⵍⵎⴰⵍⴽⵉ ⴼ ⵡⴰⵜⵉⴳ ⵏ ⵓⵏⵇⵇⵉⵙ ⵏ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⴳ ⵜⵎⵙⵓⵜⵍⵜ ⴰⴷ ⵉⵥⵍⵉⵏ ⴳ ⵜⵍⵍⴰ ⵜⵎⴰⵣⵉⵔⵜ ⵏⵏⵖ ⴷ ⵓⵎⴰⴹⴰⵍ ⴷⴼⴼⵉⵔ ⵏ ⵓⵙⴼⵔⵓⵔⵜ ⵏ ⵓⴱⴰⵢⵢⵓⵕ ⵏ ⴽⵓⵕⵓⵏⴰ ⴽⵓⴼⵉⴷ 19, ⵉⵙⵓⵜⴳ ⵜⵉⵕⵡⵉ ⵏ ⵜⵡⵓⵔⵉ ⴷ ⵓⵎⵢⴰⵡⴰⵙ ⵏ ⵉⴳⵔⴰⵏ ⴷ ⵜⵎⵔⵙⴰⵍ ⴷ ⵉⵎⵓⵥⴰⵢⵏ ⴷ ⵉⵎⵔⵣⵓⵜⵏ ⵍⵍⵉ ⴷⵔⵓⵏⵉⵏ ⴷ ⵜⵎⵔⵙⵍⵜ ⵜⴰⵣⵣⵔⴰⴼⵜ ⴰⵙⵎⴰⵇⵍ ⵏⵏⵙⵏ ⵉ ⵓⵏⴳⵔⴰⵡ ⴰⴷⵓⵙⴰⵏ, ⵉⵣⵎⵎⵉⵎ ⵎⴰⵙ ⵜⵙⵡⵓⵔⵉ ⵜⵔⴰⴱⴱⵓⵜ ⵙ ⵜⵎⵢⴰⴷⴰⵙⵜ ⵜⴰⵎⴰⵙⵙⴰⵏⵜ ⴷ ⵜⵎⴰⴷⵔⴰⵡⵜ ⵖ ⴷⵔⵓⵏ ⴽⵓ ⵉⵎⵙⴽⴰⵔⵏ ⵏ ⵓⵏⴳⵔⴰⵡ ⴰⴷⵓⵙⴰⵏ, ⵜⵙⴽⵔ ⵜⵉⵖⵉⵎⵉⵜⵉⵏ ⵏ ⵓⵙⵙⴼⵍⴷ ⴳ ⵍⵍⴰⵏ ⵉⵙⵎⵏⵉⴷⵏ ⴷ ⵓⵎⵍⴰⵏ ⴼ ⵜⵉⵍⴰⵡⵜ ⴷ ⵉⵎⵏⵉⴷⵏ ⵏ ⵓⵏⴳⵔⴰⵡ ⴰⴷⵓⵙⴰⵏ.</p>
<p style="text-align: justify;">ⵉⵖⵔ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵉ ⵓⵣⵣⴳⵉⵔ ⵏ ⵜⵙⵓⵎⵔⵉⵏ ⵍⵍⴰⵏⵉⵏ ⴳ ⵓⵏⵇⵇⵉⵙ ⵏ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⵏ ⵜⵡⵓⵔⵉ, ⵙⴳ ⵓⴱⵕⵍⴰⵎⴰⵏ ⴷ ⵜⵏⴱⴰⴹⵜ ⴷ ⵜⵎⵔⵙⴰⵍ ⵜⵉⴳⴷⵓⴷⴰⵏⵉⵏ&nbsp; ⴷ ⵉⵎⵙⴽⴰⵔⵏ ⵏ ⵓⵏⴳⵔⴰⵡ ⴰⴷ, ⵜⵉⵙⵓⵎⵔⵉⵏ ⴰⴷ ⴳⴰⵏⵉⵏ ⵜⵉⴷ ⵙⵜⴰⵡⵀⵎⵎⴰⵏⵉⵏ ⴼ ⵓⵙⴼⵍⵙ ⴷ ⵓⵙⵙⵥⵕⴼ ⴷ ⵓⵏⴱⴰⴹ ⵏ ⵓⵏⴳⵔⴰⵡ ⴰⴷⵓⵙⴰⵏ, ⴷ ⵜⵣⵣⵓⵍⵉⵏ ⵏⵏⵙ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵜⵓⵚⴽⵉⵡⵉⵏ ⵜⵉⵏⴰⴷⴷⴰⵡⵉⵏ ⴷ ⵜⴽⵕⴹⴰ ⵜⴰⴷⵓⵙⴰⵏⵜ. &nbsp;</p>
<p style="text-align: justify;">ⴷⴼⴼⵉⵔ ⵏ ⵓⵙⵎⴰⴷ ⵏ ⵜⵡⵓⵔⵉⵡⵉⵏ ⵏ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⵏ ⵜⵡⵓⵔⵉ ⴷ ⵓⵙⵖⵣⵏ ⵏ ⵓⵏⵇⵇⵉⵙ ⵏⵏⵙ, ⵔⴰⴷ ⵜⵉⵍⵉ ⵜⵖⵉⵎⵉⵜ ⵜⴰⴳⴷⵓⴷⴰⵏⵜ ⴳ ⵉⵎⴰⵍⴰⵙⵙ ⴷ ⵢⵓⵛⴽⴰⵏ ⵉ ⵓⵙⵎⵏⵉⴷ ⴷ ⵓⵎⴹⴰⴽⴰⵕ ⵏ ⵓⵏⵇⵇⵉⵙ ⵙⴳ ⵉⵎⵓⵔⴰ.</p>