ⵕⵕⴱⴰⵟ: ⴰⵙⵏⵓⴱⴳ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵍⵎⵖⵔⵉⴱ ⵏ ⵜⵙⵓⵜⵍⵜ 17 ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⴰⵎⵓⵏⵜ ⵉ ⵓⵏⴰⵎⵎⴰⵙ ⴷ ⵓⴳⵔⴰⵡ ⵡⵉⵙ 8 ⵏ ⵉⵏⵙⵙⵉⵅⴼⵏ, 15 ⴷ 16 ⴱⵕⴰⵢⵕ 2024

<p style="text-align: justify;">ⵔⴰⴷ ⵉⵙⵏⵓⴱⴳ ⵓⵙⵇⵇⵉⵎ ⵏ ⵉⵎⵓⵔⴰ ⴰⵎⵖⵔⵉⴱⵉ ⵓⵙⵙⴰⵏ ⵏ 15 ⴷ 16 ⴱⵕⴰⵢⵕ 2024 ⴳ ⵕⵕⴱⴰⵟ ⵜⴰⵙⵓⵜⵍⵜ ⵜⵉⵙ 17 ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⴰⵎⵓⵏⵜ ⵉ ⵓⵏⴰⵎⵎⴰⵙ ⴳ ⵓⴳⵔⴰⵡ ⵡⵉⵙ ⵜⴰⵎ ⵏ ⵉⵏⵙⵙⵉⵅⴼⵏ ⴷ ⵜⵙⵎⵓⵏⴰⵢ ⵏ ⵓⵙⵉⵔⴰ ⴷ ⵓⵙⵉⵔⴰ ⴰⵎⵇⵔⴰⵏ ⴷ ⵜⵙⵎⵓⵏⴰⵢ ⵏ ⵜⵙⵇⵇⵉⵎⵉⵏ.&nbsp;</p>
<p style="text-align: justify;">ⵔⴰⴷ ⵢⵉⵍⵉ ⵓⵎⴹⴰⴽⴰⵕ ⴼ ⵉⵙⵓⵔⵙⵏ ⴳ ⵜⵙⴳⴰ ⵏ ⵢⵉⵍ ⵓⵎⵍⵉⵍ ⴰⵏⴰⵎⵎⴰⵙ ⴷ ⵜⵉⵍⴰⵍⵜ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴰⵎⵓⵏⵜ ⵏ ⵓⵏⴰⵎⵎⴰⵙ ⴳ ⵓⵎⵢⴰⵡⴰⵙ ⵓⵕⵓ-ⴰⵏⴰⵎⵎⴰⵙ ⴳ ⵜⴰⵙⵓⵜ ⵜⵉⵙ 21; ⴷ ⵓⵙⵙⴼⵍⴷ ⵏ&nbsp;“ⴰⵍⵖⵓ ⵏ ⵉⵎⴰⵍ”,&nbsp;ⵍⵍⵉ ⵙⵎⵏⵉⴷⵏ ⵉⵎⵣⵔⴰⵡⵏ ⵏ ⵜⵙⴷⴰⵡⵉⵜ ⵓⵕⵓⵜⴰⵏⴰⵎⵎⴰⵙⵜ ⴳ ⴼⴰⵙ, ⴷ ⵓⵙⵖⵣⵏ ⵏ ⵉⵏⵇⵇⵉⵙⵏ ⴷ ⵉⵙⵖⵍⴰⴼ ⵏ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ ⴷ ⵜⵔⴰⴱⴱⵓⵜ ⵏ ⵜⵡⵓⵔⵉ,&nbsp;ⴷⴰⵜ ⵏ ⵓⵙⵎⵏⵉⴷ ⵏ ⵜⵏⵙⵙⵉⵅⴼⵜ ⵏ ⵜⵎⵙⵎⵓⵏⵜ ⵉ ⵜⵙⴳⴰ ⵏ ⵉⵥⵥⵍⵎⴹ ⵏ ⵓⵏⴰⵎⵎⴰⵙ,&nbsp;ⴰⵙⵇⵇⵉⵎ&nbsp;ⵏⵉⵎⵓⵔⴰ&nbsp;ⴳ&nbsp;ⵚⴱⴰⵏⵢⴰ.&nbsp;</p>
<p style="text-align: justify;">ⵉⴳⴰ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙⴳ ⵉⵎⵙⴽⵔⵏ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⴰⵎⵓⵏⵜ ⵉ ⵓⵏⴰⵎⵎⴰⵙ, ⵉⴳ ⴰⵏⵙⵙⵉⵅⴼ ⵏⵏⵙ ⵙⴳ ⵉⴱⵔⵉⵔ 2022, ⵉⵙⵏⵓⴳ ⵜⵓⴳⵜ ⵏ ⵜⵙⵓⵜⴰⵍ ⴷ ⵜⵙⵎⵓⵏⴰⵢ ⵏ ⵜⵙⵇⵇⵉⵎⵉⵏ ⵏⵏⵙ.</p>
<p style="text-align: justify;">ⵜⴳⴰ ⵜⵎⵙⵎⵓⵏⵜ ⴰⴷ ⴰⵙⵢⴰⵔⵓⵔ ⵏ ⵓⵎⵙⴰⵡⴰⵍ ⴷ ⵓⵎⵢⴰⵡⴰⵙ, ⴰⵔ ⵜⵙⴽⵔ ⴳ ⵓⵙⵉⴷⵔⵓⵙ ⵜⵉⵖⵉⵎⵉⵜ ⵜⴰⵎⴰⵜⴰⵢⵜ ⴳ ⵓⵙⴳⴳⵯⴰⵙ, ⴳⵉⵙ ⵉⴳⵏⵙⴰⵙⵏ ⵜⵜⴰⵡⵙⵜⴰⵢⵉⵏ ⵏ ⵜⵎⵉⵣⴰⵔ ⵏ ⵜⴰⵎⵓⵏⵜ ⵏ ⵓⵕⵓⴱⴱⴰ ⴷ ⵉⵡⴰⵏⴽⵏ ⵏ ⵉⴼⴼⵓⵙ ⵏ ⵢⵉⵍ ⵓⵎⵍⵉⵍ ⴰⵏⴰⵎⵎⴰⵙ, ⴳⵉⵙ 288 ⵏ ⵓⴳⵎⴰⵎ ⵙⴳ 43 ⵏ ⵓⴱⴰⵕⵍⴰⵎⴰⵏ ⵙⴳ 42 ⵏ ⵓⵡⴰⵏⴽ ⴷ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ, ⵜⵜⵓⴱⴹⴰⵏ ⴼ ⵜⵖⵣⵔⵉⵏ ⵏ ⵓⵏⴰⵎⴰⵎⵙ.&nbsp;</p>
<p style="text-align: justify;">ⵜⵓⵎⴰ ⵜⵎⵙⵎⵓⵏⵜ ⵙⵎⵎⵓⵙⵜ ⵜⵙⵇⵇⵉⵎⵉⵏ ⵜⵉⵙⵓⵍⴰⵏⵉⵏ: ⵜⴰⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵜⵉⵙⵔⵜⴰⵏⵉⵏ ⴷ ⵜⵏⴼⵔⵓⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ, ⵜⴰⵙⵇⵇⵉⵎⵜ ⵏ ⵓⵙⵖⵓⴷⵓ ⵏ ⵡⴰⵏⴰⵡ ⵏ ⵜⵓⴷⵔⵜ ⴷ ⵉⵙⵏⴼⵍⵏ ⵊⴰⵔ ⵡⴰⵎⵓⵏⵏ ⵉⵖⵔⵎⴰⵏⵏ ⴷ ⵜⴷⵍⵙⴰ, ⵜⴰⵙⵇⵇⵉⵎⵜ ⵏ ⵉⵣⵔⴼⴰⵏ ⵏ ⵜⵎⵖⴰⵔⵜ ⴳ ⵉⵡⴰⵏⴽⵏ ⵓⵕⵓ-ⵉⵏⴰⵎⵎⴰⵙⵏ, ⵜⴰⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵜⵉⴷⵎⵙⴰⵏⵉⵏ ⴷ ⵜⵥⵕⴼⴰⵏⵉⵏ ⴷ ⵜⵏⴰⵎⵓⵏⵉⵏ ⴷ ⵓⵙⵙⵍⵎⴷ, ⵜⴰⵙⵇⵇⵉⵎⵜ ⵏ ⵜⵥⴹⴰⵕⵜ ⴷ ⵡⴰⵡⵏⴰⴹ ⴷ ⵡⴰⵎⴰⵏ, ⴷ ⵜⵔⴰⴱⴱⵓⵜ ⵏ ⵜⵡⵓⵔⵉ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵙⵥⵕⴼ ⵏ ⵜⵎⵙⵎⵓⵏⵜ ⴷ ⵓⵣⵣⵔⴰⵢ ⵏ ⵓⵏⴳⵔⴰⵡ ⴰⴳⵯⵏⵙⴰⵏ, ⴰⵔ ⵉⵣⴷⴷⵉ ⵜⵉⵡⵓⵔⵉⵡⵉⵏ ⵏⵏⵙ ⵢⴰⵏ ⵓⵙⵉⵔⴰ, ⵢⵓⵎⴰ ⵓⵙⵉⵔⴰ ⵏⵏⵙ ⴰⵎⵇⵔⴰⵏ ⴰⵙⵉⵔⴰ ⵏ ⵜⵎⵙⵎⵓⵏⵜ ⴷ ⵉⵏⵙⵙⵉⵅⴼⵏ ⵏ ⵜⵙⵇⵇⵉⵎⵉⵏ ⵜⵉⵙⵓⵍⴰⵏⵉⵏ ⴷ ⵓⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⵡⵓⵔⵉ.&nbsp;</p>