ⴳ ⵓⵙⵏⵓⴱⴳ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵓⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵓⵙⵎⵓⵜⵜⵉ ⵏ ⵍⴳⴰⴱⵓⵏ, ⴰⵙⴷⴷⵉⴷ ⴼ ⵡⴰⴷⴷⴰⴷ ⵏ ⵍⴳⴰⴱⵓⵏ ⵉⵙⵏⴰⵍⵏ ⵜⴰⵢⴰⵏⵜ ⵜⴰⵏⴰⴽⴰⵍⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ

<p style="text-align: justify;">ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 12 ⴱⵕⴰⵢⵕ 2024, ⴳ ⵕⵕⴱⴰⵟ ⵎⴰⵙⵙ Jean-François Ndongou ⴰⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵓⵙⵎⵓⵜⵜⵉ ⵏ ⵜⴳⴷⵓⴷⴰⵏⵜ ⵏ ⵍⴳⴰⴱⵓⵏ ⴷ ⵓⴽⴰⴱⴰⵕ ⵏⵏⵙ, ⵉⵍⵍⴰⵏ ⴳ ⵓⵔⵣⴰⴼ ⵏ ⵜⵡⵓⵔⵉ ⵉ ⵜⴳⵍⴷⵉⵜ.</p>
<p style="text-align: justify;">ⵉⵃⴰⴹⵕ ⴳ ⵓⵏⵎⵓⵇⵇⴰⵔ ⴰⴷ ⵎⴰⵙⵙ ⵎⵓⵃⴰⵎⵎⴰⴷ ⵍⴰⵎⵉⵏ ⵃⵓⵕⵎⴰⵜ ⴰⵍⵍⴰⵀ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵍⵎⵖⵔⵉⴱ-ⵍⴳⴰⴱⵓⵏ. ⵉⵙⵎⵏⵉⴷ ⵎⴰⵙⵙ Jean-François Ndongou ⴰⵙⵎⴰⵇⵇⵍ ⴼ ⵜⴼⵔⴽⴰ ⵏ ⵓⵙⵎⵓⵜⵜⵉ ⴳ ⵍⴳⴰⴱⵓⵏ ⴷ ⵜⴽⵕⴹⴰ ⵏ ⵓⵚⴽⵓ ⵏ ⵜⵎⵔⵙⴰⵍ ⴷⵓⵙⵏⵉⵏ ⴷ ⵓⵙⴽⵔ ⵏ ⵓⵙⵎⵓⵜⵜⵉ ⴰⴷⵉⵎⵉⵇⵔⴰⵟⵉ ⵙ ⵉⵙⵜⴰⵢⵏ ⵉⵎⴰⴼⴰⵡⵏ ⵉⵡⵉⵏⵉⵏ ⴰⵎⴽⵕⴰⴹ ⵏ ⵎⴰⵕⵕⴰ ⵉⵎⵙⵜⴳⴳⴰⵔⵏ ⵉⵙⵔⵜⴰⵏⵏ ⴳ ⵍⴳⴰⴱⵓⵏ. &nbsp;</p>
<p style="text-align: justify;">ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵓⵙⵎⵓⵜⵜⵉ ⴳ ⵍⴳⴰⴱⵓⵏ ⴰⴷⴷⴰⴷ ⵏ ⵍⴳⴰⴱⵓⵏ ⴷ ⵓⵙⵏⴰⵍ ⵏⵏⵙ&nbsp; ⵉ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵎⵖⵔⵉⴱⵉⵜ ⵏ ⵚⵚⵃⵕⴰ, ⵢⵉⵏⵉ ⵎⴰⵙ ⵜⵣⵡⴰⵔ ⵍⴳⴰⴱⵓⵏ ⵉⵙ ⵜⴷⵔⵓ ⴳ ⵜⵡⴰⴷⴰ ⵜⴰⵣⴳⵣⴰⵡⵜ ⴳ 1975.</p>
<p style="text-align: justify;">ⵉⵙⵎⵏⵉⴷ ⵎⴰⵙⵙ ⵕⴰⵛⵉⴷ ⵟⴰⵍⴰⴱⵉ ⵍⵄⴰⵍⴰⵎⵉ ⵜⵉⵣⴷⴰⵢⵉⵏ ⵏ ⵜⴳⵯⵎⴰⵜ ⵊⴰⵔ ⵜⵉⵎⵉⵣⴰⵔ ⴷ ⵉⵎⴰⴷⴰⵏⵏ, ⵢⵉⵏⵉ ⵎⴰⵙ ⵢⵓⵊⴰⴷ ⵓⵙⵇⵇⵉⵎ ⵏ ⵉⵎⵓⵔⴰ ⴰⴷ ⵉⴷⵔⵓ ⵜⵉⵔⵎⵉⵜ ⵏⵏⵙ ⴳ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⴷ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴽⴷ ⵜⴰⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵓⵙⵎⵓⵜⵜⵉ ⴳ ⵍⴳⴰⴱⵓⵏ ⴳ ⵎⴰⴷ ⵉⵥⵍⵉⵏ ⵙ ⵓⵙⵎⵓⵜⵜⵉ ⴰⵎⵓⵟⵟⵓⵏ ⴷ ⵡⴰⵔⵛⵉⴼ ⴷ ⵜⵎⵙⵙⵓⴳⵓⵔⵜ ⵜⴰⴱⵕⵍⴰⵎⴰⵏⵉⵜ.</p>
<p style="text-align: justify;">ⵉⵙⵎⵏⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵓⵍⴰ ⵉⵙⴰⵡⵓⵔⵏ ⴷ ⵉⵎⵓⴽⵏⵏ ⵉⵅⴰⵜⴰⵔⵏ ⵏ ⵜⴳⵍⴷⵉⵜ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⴷ ⵎⵣⵔⵓⵢ ⴷ ⵜⵓⵚⴽⴰ ⴷ ⵜⵉⵍⴰⵍ ⵜⵉⴷⵙⵜⴰⵔⵉⵏ ⵏ ⵜⵎⵔⵙⵍⵜ ⵜⴰⵣⵣⵔⴰⴼⵜ.</p>
<p style="text-align: justify;">ⵢⵓⵎⴰ ⵓⴽⴰⴱⴰⵕ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵓⵙⵎⵓⵜⵜⵉ ⵏ ⵜⴳⴷⵓⴷⴰⵏⵜ ⵏ ⵍⴳⴰⴱⵓⵏ ⵉⴷ ⵎⴰⵙⵙ: Jean-François Ndongou, Charlotte ABOUGHE OSTAGHE, Germain BIAHODJOW, Serge Aimé ISSEMBE, Alban Stéphan OSTINGA ONANAGA..</p>