ⵜⵎⴹⴰⴽⴰⵕ ⵎⴰⵙⵙⴰ ⵣⵉⵏⴰ ⵉⴷⵃⵍⵉ, ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴷ ⵓⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵚⵉⵏⵉⵜ ⵏ ⵓⵏⵔⴰⵎⴰⵙ ⴰⴳⵔⴰⵖⵍⴰⵏ

<p style="text-align: justify;">ⵜⵎⴹⴰⴽⴰⵕ ⵎⴰⵙⵙⴰ ⵣⵉⵏⴰ ⵉⴷⵃⵍⵉ, ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵡⴰⵙ 21 ⴷⵓⵊⴰⵏⴱⵉⵔ 2023 ⴳ ⵓⵙⵖⵉⵎ ⵏ ⵓⵙⵇⵇⵉⵎ ⴳ ⵕⵕⴱⴰⵟ, ⴷ ⵎⴰⵙⵙ Ji Bingxuan ⴰⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵚⵉⵏⵉⵜ ⵏ ⵓⵏⵔⴰⵎⴰⵙ ⴰⴳⵔⴰⵖⵍⴰⵏ ⴷ ⵓⵎⴰⵔⵉ ⵉⵣⵔⵉⵏ ⵏ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵜⴰⵙⵓⵍⴰⵏⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵎⵓⵔⴰ ⵏ ⵓⵎⴰⴷⴰⵏ ⵏ ⵚⵚⵉⵏ, ⵍⵍⵉ ⵉⵍⵍⴰⵏ ⴳ ⵓⵔⵣⴰⴼ ⵉ ⵍⵎⵖⵔⵉⴱ ⵙⴳ 20 ⴰⵔ 23 ⴷⵓⵊⴰⵏⴱⵉⵔ 2023.</p>
<p style="text-align: justify;">ⴳ ⵓⵏⵎⵓⵇⵇⴰⵔ, ⵉⵍⵍⴰ ⵓⵙⵎⵏⵉⴷ ⵏ ⵓⴷⵎⴰⵡⵏ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ ⵊⴰⵔ ⵍⵎⵖⵔⵉⴱ ⴷ ⵚⵚⵉⵏ, ⵜⵙⵓⵜⴳ ⵜⵎⴰⵔⵉⵜ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⴰⴷⵓⵙⵉ ⵏ ⵓⵎⵢⴰⵡⴰⵙ ⵊⴰⵔ ⵙⵏⴰⵜ ⵜⵎⵉⵣⴰⵔ ⵜⵉⵎⴷⴷⵓⴽⴽⵯⴰⵍ ⵎⵓⵏⵏⵉⵏ ⵙ ⵜⵣⴷⴰⵢⵉⵏ ⵜⵉⵎⵣⵔⴰⵢⵉⵏ, ⵜⵉⵏⵉ ⵎⴰⵙ ⵉⵣⵣⵉⴳⵣ ⵓⵎⵢⴰⵡⴰⵙ ⴰⴷ ⵎⵇⵇⴰⵔ ⵓⴳⴳⵓⴳ ⴰⵊⵢⵓⵖⵔⴰⴼⵉ ⵉⵍⵍⴰⵏ ⵏⴳⵔⴰⵜⵜⵙⵏ.</p>
<p style="text-align: justify;">ⴳ ⵓⵎⵏⵉⴷ ⵏⵏⵙ, ⵉⵙⵓⵜⴳ ⵓⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵚⵉⵏⵉⵜ ⵏ ⵓⵏⵔⴰⵎⴰⵙ ⴰⴳⵔⴰⵖⵍⴰⵏ ⵓⵎⵎⵉⵥⵏ ⵍⵍⵉ ⵉⵙⴽⵔ ⵍⵎⵖⵔⵉⴱ ⴳ ⵉⵙⴳⴳⵯⴰⵙⵏ ⵉⵎⴳⴳⵓⵔⴰ ⴳ ⴽⵉⴳⴰⵏ ⵏ ⵉⴳⵔⴰⵏ, ⵢⵉⵏⵉ ⵎⴰⵙ ⵉⵡⴰⵜⵜⵙ ⵓⵔⵣⴰⴼ ⴰⴷ ⴰⵙⴷⵓⵙ ⵏ ⵜⴷⴷⵓⴽⴽⵯⵍⴰ ⴷ ⵓⵎⵢⴰⵡⴰⵙ ⵊⴰⵔ ⵚⵚⵉⵏ ⴷ ⵍⵎⵖⵔⵉⴱ ⵉ ⵚⴰⵃⴰ ⵏ ⵜⵏⵓⴼⴰ ⵛⵛⴰⵔⵏⵉⵏ ⵊⴰⵔ ⵏⵏⵙⵏ.</p>
<p style="text-align: justify;">ⴰⵔ ⵉⵙⴽⴰⵔ ⵓⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵚⵉⵏⵉⵜ ⵏ ⵓⵏⵔⴰⵎⴰⵙ ⴰⴳⵔⴰⵖⵍⴰⵏ ⴰⵔⵣⴰⴼ ⵏⵏⵙ ⵉ ⵍⵎⵖⵔⵉⴱ ⵙ ⵜⵖⵔⵉ ⵏ ⵜⵎⵙⵎⵓⵏⵜ ⵜⴰⵎⵖⵔⵉⴱⵉⵜ ⵏ ⵜⴷⴷⵓⴽⴽⵯⵍⴰ ⴷ ⵓⵙⵏⴼⵍ ⵍⵎⵖⵔⵉⴱ-ⵚⵚⵉⵏ.</p>