ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⴷⵔⵉⵎⵜ ⴷ ⵜⴳⵎⵉ ⵜⴰⴷⵎⵙⴰⵏⵜ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⴰⴽⴰⴱⴰⵕ ⵏ ⵜⵎⵙⵎⵓⵏⵜ ⵜⴰⵣⵣⵔⴰⴼⵜ ⵙⴳ ⴱⵓⵕⴽⵉⵏⴰⴼⴰⵚⵓ

<p style="text-align: justify;"><span lang="tzm-Tfng-MA">ⵉⵙⵏⵓⴱⴳ ⵎⴰⵙⵙ ⵎⵓⵃⴰⵎⵎⴰⴷ ⵛⴰⵡⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵜⴷⵔⵉⵎⵜ ⴷ ⵜⴳⵎⵉ ⵜⴰⴷⵎⵙⴰⵏⵜ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵎⴰⵙⵙ ⵄⴰⵍⴰⴷⴷⵉⵏ ⵍⴱⵃⵔⴰⵡⵉ ⴰⵏⴼⵍⵓⵙ ⵏ ⵜⵙⵇⵇⵉⵎⵜ ⴰⵙⵙ ⵏ 7 ⵏⵓⵡⴰⵏⴱⵉⵔ 2023 ⵉⵎⵙⴰⵙⴰⵏ ⴷ 22 ⵕⴰⴱⵉⵄ ⵡⵉⵙ ⵙⵉⵏ 1445 ⴳ ⵜⵉⵙ 10, ⴰⴽⴰⴱⴰⵕ ⵏ ⵜⵎⵙⵎⵓⵏⵜ ⵜⴰⵣⵣⵔⴰⴼⵜ ⵏ ⴱⵓⵕⴽⵉⵏⴰⴼⴰⵚⵓ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵙⴰⵏⵓ ⵢⴰⵢⴰ ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⴷⵔⵉⵎⵜ ⵉⵔⵣⴼⵏ ⵜⴰⵎⴰⵣⵉⵔⵜ ⵏⵏⵖ ⵙⴳ 2 ⴰⵔ 11 ⵏⵓⵡⴰⵏⴱⵉⵔ 2023.&nbsp;&nbsp;</span></p>
<p style="text-align: justify;"><span lang="tzm-Tfng-MA">ⵉⵍⵍⴰ ⵓⵎⴹⴰⴽⴰⵕ ⴼ ⵓⵎⵢⴰⵡⴰⵙ ⴳ ⵓⵙⵏⴼⵍ ⵏ ⵜⵉⵔⵎⵉⵜⵉⵏ ⴷ ⵜⵎⵓⵣⴰⵢⵉⵏ, ⴷ ⵓⵙⵙⵏ ⵏ ⵜⵉⵔⵎⵉⵜ ⵏ ⵜⵙⵇⵇⵉⵎⵜ ⵏ ⵜⴷⵔⵉⵎⵜ ⴷ ⵜⴳⵎⵉ ⵜⴰⴷⵎⵙⴰⵏⵜ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵖⵔⵉ ⵏ ⵉⵙⵍⴳⵏⵏ ⵏ ⵜⴷⵔⵉⵎⵜ ⴷ ⵜⴱⵔⵉⴷⵉⵏ ⵏ ⵓⵣⵣⵔⴰⴼ ⴰⵥⵕⴼⴰⵏ ⴷ ⵜⵉⴹⴰⴼ ⵜⴰⵥⵕⴼⴰⵏⵜ.&nbsp;</span></p>
<p style="text-align: justify;"><span lang="tzm-Tfng-MA">ⴳ ⵜⵣⵡⵉⵔⵉ, ⵉⵍⵍⴰ ⵓⴱⴷⴷⴰⴷ ⵜⵓⵙⴷⴰⴷⵜ ⵏ ⵓⴼⵙⵙⵓ ⴷ ⵜⴰⵎⵍⵍⴰ ⴼ ⵓⵏⴳⵉⵙⵏ ⵏ ⵓⵎⴷⵓⴷⵉ ⵏ ⵡⴰⵎⵓⵔ ⵏ ⵡⴰⴽⵓⵛ ⴷ ⵍⵃⴰⵡⵣ, ⵉⵙⴱⵔⵔⴽ ⵓⵏⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⴷⵔⵉⵎⵜ ⴰⴽⴰⴱⴰⵕ ⴰⴱⵓⵕⴽⵉⵏⴰⴱⵉ</span><span lang="tzm-Tfng-MA">,&nbsp;</span><span lang="tzm-Tfng-MA">ⵉⵜⵜⵔ ⴰⵙ ⴰⴷⵖⴰⵔ ⵉⵥⵉⵍⵏ ⴳ ⵜⵎⵓⵔⵜ ⵏⵏⵙ ⵜⵉⵙ ⵙⵏⴰⵜ ⵜⴰⴳⵍⴷⵉⵜ ⵏ ⵍⵎⵖⵔⵉⴱ.</span><span lang="tzm-Tfng-MA">&nbsp;</span><span lang="tzm-Tfng-MA">ⴷⴼⴼⵉⵔ ⵉⴼⴽⴰ ⵓⴽⴰⴱⴰⵕ ⴰⴱⵓⵕⴽⵉⵏⴰⴱⵉ ⵉⵙⵇⵙⵉⵜⵏ ⵏ ⵜⴱⵔⵉⴷⵉⵏ ⵏ ⵜⵖⵔⵉ ⴷ ⵓⵙⵜⴰⵢ ⵏ ⵉⵙⵏⴼⴰⵔⵏ ⵏ ⵉⵙⵍⴳⵏⵏ ⵏ ⵜⴷⵔⵉⵎⵜ, ⴷ ⵜⵉⵔⵎⵉⵜ ⵜⴰⴱⵕⵍⴰⵎⴰⵏⵉⵜ ⵜⴰⵎⵖⵔⵉⴱⵉⵜ ⴳ ⵢⵉⴳⵔ ⵏ ⵓⵣⵣⵔⴰⴼ ⴰⵥⵕⴼⴰⵏ ⴷ ⵜⵉⴹⴰⴼ ⴷ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ.</span><span lang="tzm-Tfng-MA">&nbsp;</span><span lang="tzm-Tfng-MA">&nbsp;</span></p>
<p style="text-align: justify;"><span lang="tzm-Tfng-MA">ⵉⵙⴰⵡⵍ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⴷⵔⵉⵎⵜ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵜⵉⵔⵎⵉⵜⵉⵏ ⵏ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴳ ⵜⵖⵔⵉ ⵏ ⵉⵙⵍⴳⵏⵏ ⵏ ⵓⵥⵕⴼ ⵙⴳ ⴰⴷⵓⵙⵜⵓⵔ ⴰⵍⵣⵡⴰⵔⵓ ⵏ ⵜⴳⵍⴷⵉⵜ ⴳ 1963 ⴰⵔ ⵡⵉⵏ 2011, ⵢⵉⵏⵉ ⵎⴰⵙ ⵜⵣⵣⵉⴳⵣ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⴳ ⵓⵎⴹⴰⴽⴰⵕ ⴷ ⵜⵖⵔⵉ ⵏ ⵉⵙⵏⴼⴰⵔⵏ ⵏ ⵉⵙⵍⴳⵏⵏ ⵏ ⵓⵥⵕⴼ, ⴷ ⵜⵡⵓⵔⵉ ⵏ ⵜⵙⵇⵇⵉⵎⵜ ⵏ ⵜⴷⵔⵉⵎⵜ ⴳ ⵜⵖⵔⵉ ⵏ ⵓⵖⴰⵡⴰⵙ ⵓⵏⴱⵉⴹ. ⵉⵙⴰⵡⵍ ⴼ ⵜⴱⵔⵉⴷⵜ ⵜⴰⵣⵣⵔⴰⴼⵜ ⵏ ⵉⵙⵍⴳⵏⵏ ⵏ ⵓⵥⵕⴼ, ⵙⴳ ⴰⵙⵔⵓⵙ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⵏ ⵓⵥⵕ ⴳ ⵓⵣⵎⵣ ⵏⵏⵣ ⴰⵣⵔⴼⴰⵏ (20 ⴽⵟⵓⴱⵕ) ⴷⴰⵔ ⵜⵎⵔⵙⵍⵜ ⵜⴰⵣⵣⵔⴰⴼⵜ, ⴷ ⵉⵏⴰⵡ ⵏ ⵓⵎⴰⵡⵙⴰⵙ ⵉⵜⵜⵓⵙⵎⴰⴳⴰⵍⵏ ⵙ ⵜⴷⵔⵉⵎⵜ ⴷⴰⵜ ⵏ ⵜⵖⵉⵎⵉⵜ ⵜⴰⵎⴰⵜⴰⵢⵜ ⵉⵛⵛⴰⵔⵏ ⵊⴰⵔ ⵉⵙⵇⵇⵉⵎⵏ ⵏ ⵓⴱⵕⵍⴰⵎⴰⵏ, ⴷ ⵓⵙⵎⵏⵉⴷ ⴰⵜⵉⵇⵏⵉ ⵍⵍⵉ ⵉⵙⵎⵏⵉⴷ ⴷⴰⵜ ⵏ ⵜⵙⵇⵇⵉⵎⵜ ⵏ ⵜⴷⵔⵉⵎⵜ ⴳ ⵓⵙⵇⵇⵉⵎ ⵏ ⵉⵎⵓⵔⴰ, ⴷ ⵓⵎⴹⴰⴽⴰⵕ ⴰⵎⴰⵜⴰⵢ ⴷ ⵉⵣⵓⵣⵣⵔⵏ, ⴷ ⵓⵙⵓⵊⴷ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⴳ ⵜⵓⴳⵜ ⴷ ⵜⵓⵣⵍⵜ ⵏ ⵉⵙⵏⴼⵍⵏ ⴼ ⵓⵙⵏⴼⴰⵔ ⵏ ⵓⵙⵍⴳⵏ ⵏ ⵓⵥⵕⴼ</span><span lang="tzm-Tfng-MA">,&nbsp;</span><span lang="tzm-Tfng-MA">ⴷ ⵓⵙⵜⴰⵢ ⵏ ⵉⵙⵏⴼⵍⵏ ⴷ ⵓⴳⵣⵣⵓⵎ ⴰⵎⵣⵡⴰⵔⵓ ⵉⵣⴷⵉⵏ ⴷ ⵉⵙⵓⴳⴰⵎ ⵙⴳ ⵓⵙⵏⴼⴰⵔ ⵉⵜⵜⵓⴱⴷⴰⵔⵏ, ⴷ ⵓⴳⵣⵣⵓⵎ ⴰⵎⵣⵡⴰⵔⵓ&nbsp;&nbsp;ⵉⵣⴷⵉⵏ ⴷ ⵜⵎⴽⵕⴰⴹ ⴳ ⵓⵡⵇⵇⵔ ⵏ ⵓⴷⵓⵙⵜⵓⵔ ⴷ ⵓⵙⵍⴳⵏ ⴰⵎⴰⴷⴷⴰⵙ ⵏ ⵜⴷⵔⵉⵎⵜ ⴷ ⵓⵏⴳⵔⴰⵡ ⴰⴳⵯⵏⵙⴰⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ.&nbsp;</span></p>
<p style="text-align: justify;"><span lang="tzm-Tfng-MA">ⵉⵙⵎⵏⵉⴷ ⵓⵏⵙⵙⵉⵅⴼ ⵏ ⵜⴷⵔⵉⵎⵜ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⵜⵉⵎⵥⵍⴰⵢ ⵏ ⵜⵉⴹⴰⴼ ⵏ ⵜⵙⵇⵇⵉⵎⵜ ⵙ ⵓⵙⴽⵔ ⵏ ⵜⵙⵎⵓⵏⴰⵢ ⵏ ⵜⵖⵔⵉ ⵏ ⵉⵎⵔⵙⵉⵡⵏ ⵣⴷⵉⵏⵉⵏ ⴷ ⵜⵉⴹⴰⴼ ⵏ ⵜⵡⵓⵔⵉ ⵜⵓⵏⴱⵉⴹⵜ ⵙ ⵜⵓⵜⵔⴰ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵍⵍⴰⵏⵉⵏ ⴳ ⵓⵙⵇⵇⵉⵎ ⵏ ⵉⵎⵓⵔⴰ.&nbsp;</span></p>
<p style="text-align: justify;"><span lang="tzm-Tfng-MA">ⴳ ⵜⴳⵉⵔⴰ, ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⴷⵔⵉⵎⵜ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵓⵙⴷⵓⵙ ⵏ ⵓⵎⵢⴰⵡⴰⵙ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵍⵎⵖⵔⵉⴱ ⴷ ⴱⵓⵕⴽⵉⵏⴰⴼⴰⵚⵓ ⴷ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⴳ ⵉⴳⵔⴰⵏ ⵏ ⵜⵖⵔⵉ ⵏ ⵉⵙⵍⴳⵏⵏ ⵏ ⵓⵥⵕⴼ ⴷ ⵜⵖⵔⵉ ⵏ ⵜⵎⵙⴰⵙⵜⵍⵜ ⴷ ⵓⵙⵡⵓⴷⴷⵓ ⵏⵏⵙ.&nbsp;</span></p>
<p style="text-align: justify;"><span lang="tzm-Tfng-MA">ⴳ ⵓⵎⵏⵉⴷ ⵏⵏⵙ, ⵉⵙⵏⵉⵎⵎⵔ ⵓⵏⵙⵙⵉⵅⴼ ⵏ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵙⴳ ⵜⵎⵙⵎⵓⵏⵜ ⵜⴰⵣⵣⵔⴰⴼⵜ ⴳ ⴱⵓⵕⴽⵉⵏⴰⴼⴰⵚⵓ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⴷⵔⵉⵎⵜ ⴷ ⵜⴳⵎⵉ ⵜⴰⴷⵎⵙⴰⵏⵜ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵓⵙⵏⵓⴱⴳ ⵉⵥⵉⵍⵏ ⴷ ⵜⵎⵔⴰⵔⵓⵜⵉⵏ ⴼⴰⵡⵏⵉⵏ ⴼ ⵉⵙⵇⵙⵉⵜⵏ ⵏⵏⵙⵏ.&nbsp;</span></p>