ⵉⵎⴹⴰⴽⴰⵕⵏ ⵉⴱⵕⵍⴰⵎⴰⵏⵉⵢⵏ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⴳ ⵚⵚⵉⵏ

<p style="text-align: justify;">ⵉⵎⴹⴰⴽⴰⵕ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⴽⴰⴱⴰⵕ ⵏ ⵜⵓⴳⵜ ⴷ ⵜⵓⵣⵍⵜ, ⴰⴽⵡⴰⵙ ⴳ ⵚⵚⵉⵏ, ⴷ ⵎⴰⵙⵙ ⵜⵛⴰⵡ ⵍⵓ ⵊⵉ, ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵜⴰⵙⵓⵍⴰⵏⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵓⵎⴰⴷⴰⵏ ⵏ ⵚⵚⵉⵏ, ⴷ ⵎⴰⵙⵙ ⵡⴰⵏⴳ ⵀⵓ ⵏⵉⵏⴳ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵓⴳⵔⴰⵡ ⴰⵎⵛⴰⵡⴰⵕ ⴰⵙⵔⵜⴰⵏ ⵏ ⵓⵎⴰⴷⴰⵏ ⵏ ⵚⵚⵉⵏ.</p>
<p style="text-align: justify;">ⵢⵓⵎⴰ ⵓⴽⴰⴱⴰⵔ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴷ ⵎⴰⵙⵙ ⵎⵓⵃⴰⵎⵎⴰⴷ ⵛⴰⵡⴽⵉ, ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ, ⴷ ⵎⴰⵙⵙ ⴰⵃⵎⴰⴷ ⵜⵡⵉⵣⵉ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⵥⵖⵓⵕⵜ ⴷ ⵜⵎⴰⵜⵔⴰⵔⵜ, ⴷ ⵎⴰⵙⵙ ⵄⴰⴱⴷ ⵕⵕⴰⵃⵉⵎ ⵛⴰⵀⵉⴷ, ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵜⴰⵙⵔⵎⵓⵏⵜ, ⴷ ⵎⴰⵙⵙ ⵕⴰⵛⵉⴷ ⵃⵎⵓⵏⵉ, ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵡⴰⵍⴰⵢ ⴷ ⵜⵙⵔⵎⵓⵏⵜ ⴷ ⵎⴰⵙⵙⴰ ⵃⴰⵙⴰⵏ ⴱⵏⵄⵓⵎⴰⵕ.</p>
<p style="text-align: justify;">ⵉⵃⴰⴹⵕ ⵖ ⵉⵏⵎⵓⵇⵇⴰⵔⵏ ⵎⴰⵙⵙ ⵄⴰⴱⴷ ⵍⵇⴰⴷⵔ ⴰⵍⴰⵏⵚⴰⵕⵉ ⴰⵎⵙⵇⵇⴰⴷ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵚⵚⵉⵏ. ⴳⴰⵏ ⵜⴰⵎⵍⴷⴰ ⴳ ⵉⵙⵓⵜⴳ ⵎⴰⵙⵙ ⵜⵛⴰⵡ ⵍⵓ ⵊⵉ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵜⴰⵙⵓⵍⴰⵏⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⴳ ⵚⵚⵉⵏ, ⴷ ⵎⴰⵙⵙ ⵡⴰⵏⴳ ⵀⵓ ⵏⵉⵏⴳ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵓⴳⵔⴰⵡ ⴰⵎⵛⴰⵡⴰⵕ ⴰⵙⵔⵜⴰⵏ ⵏ ⵓⵎⴰⴷⴰⵏ ⵏ ⵚⵚⵉⵏ, ⴷ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵉⵙⴰⵡⵓⵔⵏ ⵏ ⵜⴳⵎⵉ ⵉⵍⵍⴰⵏ ⴳ ⵍⵎⵖⵔⵉⴱ ⴷ ⵚⵚⵉⵏ ⴳ ⴽⵉⴳⴰⵏ ⵏ ⵉⴳⵔⴰⵏ ⵙ ⵜⵏⴰⵔⴰ ⵉⵥⵉⵍⵏ ⵏ ⵉⵅⴰⵜⴰⵔⵏ ⵏ ⵙⵏⴰⵜ ⵜⵎⵉⵣⴰⵔ, ⴷ ⵜⵣⵣⵉⴳⵣⵜ ⵏ ⵓⵎⵢⴰⵡⴰⵙ ⵊⴰⵔ ⵙⵏⴰⵜ ⵜⵎⵉⵣⴰⵔ ⵙⴳ ⴰⵔⵣⴰⴼ ⴰⵎⵣⵔⴰⵢ ⵍⵍⵉ ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⵉ ⵚⵚⵉⵏ ⴳ ⵎⴰⵢ 2016, ⴷ ⵉⵎⴹⴰⴽⴰⵔⵏ ⵍⵍⵉ ⵉⵙⴽⵔⴰ ⴱⴰⴱ ⵏ ⵡⴰⴷⴷⵓⵔ ⴷ ⵎⴰⵙⵙ ⵛⵉ ⵊⵉⵏ ⴱⵉⵏⴳ ⴰⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⵚⵚⵉⵏ, ⴷ ⵓⵣⵎⵎⴻⵎ ⴷ ⵓⵙⵉⵡⴹ ⵉⵛⵛⴰⵔⵏ ⵅⴼ ⵜⵎⴷⵔⴰⵡⵜ ⵜⴰⵙⵜⵔⴰⵜⵉⵊⵉⵜ ⵊⴰⵔ ⵙⵏⴰⵜ ⵜⵎⵉⵣⴰⵔ.</p>
<p style="text-align: justify;">ⵉⵙⵏⵉⵎⵎⵔ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⵉⵎⵙⵜⴳⴳⴰⵔⵏ ⵏ ⵚⵚⵉⵏ ⴼ ⵓⵔⵣⴰⴼ ⴰⴷ, ⴰⵢⵍⵍⵉ ⵉⵎⵎⴰⵍⴰⵏ ⵜⴰⴷⵓⵙⵉ ⵏ ⵜⵣⴷⴰⵢⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ, ⵙⴷⴷⵉⴷⵏ ⵎⴰⵙ ⵉⴽⵛⵎ ⵓⵔⵣⴰⴼ ⴰⴷ ⴰⵙⴷⵓⵙ ⵏ ⵓⵙⵎⴰⵇⵇⵍ ⵏ ⵉⵅⴰⵜⴰⵔⵏ ⵏ ⵙⵏⴰⵜ ⵜⵎⵉⵣⴰⵔ, ⴷ ⵓⵙⴷⵓⵙ ⵏ ⵜⴷⴷⵓⴽⴽⵯⵍⴰ ⵜⴰⵎⵖⵔⵉⴱⵉⵜ ⴷ ⵜⵚⵉⵏⵉⵜ, ⴷ ⵓⵎⵢⴰⵡⴰⵙ ⴳ ⴽⵉⴳⴰⵏ ⵏ ⵉⴳⵔⴰⵏ ⵙⵍⴰⵡⵏ ⴰⴽⴽⵯ ⴳ ⵓⵙⵡⵉⵔ ⴰⴱⵕⵍⴰⵎⴰⵏⵉ.</p>
<p style="text-align: justify;">ⴳ ⵓⵎⵏⵉⴷ ⵏⵏⵙⵏ, ⵙⴱⵔⵔⴽⵏ ⵉⵎⵙⵜⴳⴳⴰⵔⵏ ⵏ ⵚⵚⵉⵏ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⴽⴰⴱⴰⵕ ⵏⵏⵙ, ⵙⴷⴷⵉⴷⵏ ⵎⴰⵙ ⵟⵟⴰⴼⵏⵜ ⵙⵏⴰⵜ ⵜⵎⵉⵣⴰⵔ ⵜⴰⵖⵔⵎⴰ ⴷ ⵜⴷⵍⵙⴰ ⵜⴰⵎⵣⵔⴰⵢⵜ, ⴷ ⵜⵏⵓⴼⴰ ⵛⵛⴰⵔⵏⵉⵏ, ⴷ ⵡⴰⵜⵉⴳⵏ ⵣⴷⵉⵏⵉⵏ ⴷ ⵓⵙⴽⵔ ⵏ ⵜⵣⴷⴰⵢⵉⵏ ⵜⵉⴳⵔⴰⵖⵍⴰⵏⵉⵏ ⴱⴷⴷⵏⵉⵏ ⴼ ⵓⴼⵔⴰ ⴷ ⵜⵏⴼⵔⵓⵜ, ⴷ ⵓⵡⵇⵇⵔ ⵏ ⵜⵅⵅⵓⵜⵔⴰ ⵏ ⵉⵡⴰⵏⴽⵏ ⴷ ⵜⵢⴰⵏⵜ ⵜⴰⵏⴰⴽⴰⵍⵜ ⴷ ⴰⵔⴰⴽⵛⵓⵎ ⴳ ⵜⵖⴰⵡⵙⵉⵡⵉⵏ ⵏⵏⵙⵏⵜ ⵜⵉⴳⵯⵏⵙⴰⵏⵉⵏ.</p>
<p style="text-align: justify;">ⴷ ⵓⵙⵎⵔⵙ ⵏ ⵜⵥⴹⴰⵕⵉⵏ ⵏ ⵉⵎⴰⴷⴰⵏⵏ ⵉ ⵜⴳⵎⵉ ⴷ ⵓⴱⵓⵖⵍⵓ ⴳ ⵉⴳⵔⴰⵏ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ ⴷ ⵉⴷⵍⵙⴰⵏⵏ ⴷ ⵓⵙⵏⴼⵍ ⵏ ⵉⵎⵣⵔⴰⵡⵏ, ⴷ ⵓⵙⴽⵔ ⵏ ⵜⴰⵍⴽⵉⵡⵉⵏ ⴳ ⵓⵙⵡⵉⵔ ⵏ ⵜⵎⴰⵍⵍⴰⵢⵜ ⵍⵍⵉ ⵜⵟⵟⴰⴼ ⵜⴳⵍⴷⵉⵜ ⵏ ⵍⵎⵖⵔⵉⴱ ⵜⵉⵥⴹⴰⵕⵉⵏ, ⴷ ⵜⵖⵜⴰⵙⵜ ⵜⵓⵏⵥⵉⵥⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵍⵍⵉ ⵉⴽⴽⵉⵙⵏ ⵍⴼⵉⵣⴰ ⵉ ⵉⵎⵓⵔⴰⵏ ⵏ ⵚⵚⵉⵏ.</p>
<p style="text-align: justify;">ⵉⵍⵍⴰ ⵓⵎⴹⴰⴽⴰⵕ ⴼ ⵜⵎⵙⴰⵔⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵛⵛⴰⵔⵏⵉⵏ, ⴳ ⵓⵙⴰⵜⵉ ⵏ ⵜⵎⵙⵙⴽⵯⵜⵉⵜ ⵏ ⵓⵏⵔⴰⵎⴰⵙ ⵉⵜⵜⵓⵣⵎⵎⴰⵎⵏ ⴳ 2021, ⵙⴰⵡⵍⵏ ⴼ ⵜⵉⵔⴰⵜ ⵉ ⵓⵙⴷⵓⵙ ⵏ ⵓⵎⵢⴰⵡⴰⵙ ⴷ ⵓⵎⵛⴰⵡⴰⵕ ⴰⴱⵕⵍⴰⵎⴰⵏⵉ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⴷ ⵓⵙⴷⵓⵙ ⵏ ⵜⵔⵓⴱⴱⴰ ⵏ ⵜⴷⴷⵓⴽⵯⵍⴰ ⵜⴰⴱⵕⵍⴰⵎⴰⵏⵉⵜ.</p>
<p style="text-align: justify;">ⵉⵎⴹⴰⴽⴰⵕ ⵓⴽⴰⴱⴰⵕ ⴰⵎⵖⵔⵉⴱ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⴷ ⵎⴰⵙⵙ ⵡⴰⵏⴳ ⵛⵉⵢⴰⵡ ⵀⴰⵡⵉ ⴰⵏⴼⵍⵓⵙ ⵏ ⵜⵙⵇⵇⵉⵎⵜ ⵏ ⵓⴽⴰⴱⴰⵕ ⴰⵛⵉⵢⵓⵄⵉ ⴳ ⵙⵉⵜⵛⵡⴰⵏ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵜⴰⵙⵓⵍⴰⵏⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵙⴳⴰ, ⴷ ⵎⴰⵙⵙ ⵜⵛⴰⵡ ⴱⵉ ⴷⴰⵀ ⴰⵏⴼⵍⵓⵙ ⵏ ⵓⴽⴰⴱⴰⵕ ⴰⴷ ⴳ ⵜⵙⴳⴰ ⵏ ⵛⵉⵏⵙⵉ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵜⴰⵙⵓⵍⴰⵏⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵙⴳⴰ.</p>
<p style="text-align: justify;">ⵉⵍⵍⴰ ⵓⵎⴹⴰⴽⴰⵕ ⴼ ⵜⵣⴷⴰⵢⵉⵏ ⵜⵉⵎⵣⵔⴰⵢ ⵊⴰⵔ ⵍⵎⵖⵔⵉⴱ ⴷ ⵚⵚⵉⵏ, ⴷ ⵉⵎⵏⴰⴷⵏ ⵏ ⵓⵙⴷⵓⵙ ⵏⵏⵙⵏⵜ ⵉ ⵚⴰⵃⴰ ⵏ ⵜⴳⵎⵉ ⴷ ⵜⵏⵓⴼⴰ ⵛⵛⴰⵔⵏⵉⵏ ⵉ ⵙⵏⴰⵜ ⵜⵎⵉⵣⴰⵔ, ⴷ ⵓⵙⵏⴼⵍ ⵏ ⵜⵉⵔⵎⵉⵜⵉⵏ ⴷ ⵓⴷⵔⴰⵡ ⵏ ⵜⵎⵓⵣⴰⵢⵉⵏ ⴳ ⵉⴳⵔⴰⵏ ⵛⵛⴰⵔⵏⵉⵏ. &nbsp;</p>
<p style="text-align: justify;">ⵉⵍⵍⴰ ⵓⵔⵣⴰⴼ ⴰⴷ ⵙ ⵜⵖⵔⵉ ⵏ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵜⴰⵙⵓⵍⴰⵏⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⴳ ⵚⵚⵉⵏ, ⵉ ⵓⵙⴷⵓⵙ ⵏ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⴷ ⵓⵣⴷⴰⵢ ⴳ ⵉⵏⵎⵓⵇⵇⴰⵔⵏ ⵉⴱⵕⵍⴰⵎⴰⵏⵉⵢⵏ ⵉⴳⵔⴰⵖⵍⴰⵏⵏ, ⴷ ⵓⵙⵕⵚⵓ ⵏ ⵓⵎⵙⴰⵡⴰⵍ ⴷ ⵓⵎⵢⴰⵡⴰⴹ ⴰⴱⵕⵍⴰⵎⴰⵏⵉ ⴰⵙⵓⵍⴰⵏ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵜⵎⵙⴰⵔⵉⵏ ⵛⵛⴰⵔⵏⵉⵏ.</p>
<p style="text-align: justify;">ⵖⵎⴽ ⵍⵍⵉ ⵉⵙⴽⵔ ⵎⴰⵙⵙ ⵜⵛⴰⵡ ⵍⵓ ⵊⵉ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵜⴰⵙⵓⵍⴰⵏⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵎⵓⵔⴰ ⵏ ⵚⵚⵉⵏ, ⴰⵔⵣⴰⴼ ⵏⵜⵜⴰⵏ ⴷ ⵓⴽⴰⴱⴰⵕ ⴰⵅⴰⵜⴰⵔ ⵉ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵎⴰⵢ 2023 ⵙ ⵜⵖⵔⵉ ⵏ ⵓⵏⵙⵙⵉⵅ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵚⵚⵉⵏ.</p>