ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⵉⵏⴰⵡ ⴰⵎⴰⵜⴰⵢ ⵙ ⵜⵎⵍⴷⴰ ⵏ ⵓⵏⵏⵓⵕⵣⵎ ⵏ ⵜⵙⵓⵜⵍⵜ ⵜⴰⵎⵣⵡⴰⵔⵓⵜ ⵏ ⵓⵙⴳⴳⵯⴰⵙ ⵓⵣⵔⵉⴼ ⵡⵉⵙⵙ ⴽⵕⴰⴹ ⴳ ⵜⵡⴰⵍⴰ ⵜⵓⵣⵔⵉⴼⵜ ⵜⵉⵙⵙ ⵢⴰⵜ ⴷ ⵎⵔⴰⵡⵜ

ⴳ ⵎⴰ ⴰⴷ ⴰⴹⵕⵉⵚ ⵏ ⵢⵉⵏⴰⵡ ⴰⴳⵍⴷⴰⵏ ⴰⴼⵓⵥⴰⵕ :

ⵉⵔⴰ ⵕⴱⴱⵉ ⴰⴷ ⵢⵓⵜ ⵓⵏⴷⵓⴷⵉ ⵉⵀⵔⵛⵏ ⵜⴰⵎⴰⵣⵉⵔⵜ ⵏⵏⵖ, ⵉⴼⵍ ⴷ ⴰⴼⴹⴰⵏ ⵏ ⵉⵎⵜⵜⵉⵏⵏ, ⴷ ⴽⵉⴳⴰⵏ ⵏ ⵉⵎⵓⴳⴰⵙ, ⴰⴷ ⵜⵏ ⵉⵙⴷⵓⵙ ⵕⴱⴱⵉ. ⵉⴳⴰ ⵍⵀⵔⵛⴰⵏ ⵎⵇⵇⵓⵕⵏ, ⴷ ⵓⵎⵃⵃⴰⴹ, ⵉⴳⴳⵔ ⴰⵖ ⴰⴽⴽⵯ, ⴰⴳⵍⵍⵉⴷ ⵓⵍⴰ ⴰⵖⵔⴼ, ⵣⴳ ⵟⴰⵏⵊⴰ ⴰⵔ ⵍⴳⵡⵉⵔⴰ, ⵣⴳ ⵉⵎⵉⵏⴳ ⵏ ⵜⵎⴰⵣⵉⵔⵜ ⴰⵔ ⵜⴰⴳⵓⵜ ⵏⵏⵙ ⵎⴰⵢⴰⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴳ ⵍⴱⴷⵓ ⵏ ⵉⵏⴰⵡ ⴰⴷ ⴰⵎⴰⵜⴰⵢ .

ⵉⵏⵏⴰ ⵕⴱⴱⵉ : "ⵉⵏⵉ ⵓⵔ ⵔⴰⴷ ⴰⵖ ⵉⴳⴳⵔ ⴰⵎⵔ ⴰⵢⵍⵍⵉ ⴼⵍⵍⴰⵖ ⵢⵓⵔⴰ ⵕⴱⴱⵉ". ⵉⵖⵥⴰⵏ ⵕⴱⴱⵉ ⴰⵅⴰⵜⴰⵔ.ⴰⵔ ⴰⵙ ⵏⴰⵇⵇⵔⴰ ⵉ ⵕⴱⴱⵉ ⴰⴷ ⵉⵣⵣⴳⴰ ⴰⴽⴰⵍ, ⵉⵕⵃⵎ ⵉⵙⵎⴳⴰⵏ ⵏⵏⵙ ⵉⴳⵍⵍⵉⵏⵏ, ⵏⵜⵜⴰ ⴰⴷ ⵉⴳⴰⵏ ⵡⴰⴷ ⴰⴽⴽⵯ ⵉⵜⵜⵃⵃⴰⵎⵏ. ⴷ ⵉⵖ ⴰⵔ ⵉⴼⴼⴰⵍ ⵓⵏⴷⵓⴷⵉ ⴰⵙⵏⵏⵙⵜⵎ, ⵙ ⵜⵉⵔⵉⵜ ⵏⵏⵖ ⵔⴰⴷ ⵏⴰⵍⵙ ⵜⵓⵙⴽⴰ ⴷ ⵓⵙⵙⵣⴷⵖ.

ⴰⵔ ⵏⵜⵜⵉⵏⵉ ⵎⴰⵙ ⴷ ⵉⵇⵇⴰⵏ ⴰⴷ ⵏⵙⵎⴷ ⵜⵉⵡⵉⵙⵉ ⵉ ⵜⵓⵡⵊⵉⵡⵉⵏ ⵉⵜⵜⵢⴰⴳⴰⵙⵏ, ⵏⵙⵔⴱⵉ ⴳ ⵜⵓⵍⵙⴰ ⵏ ⵜⵓⵙⴽⴰ ⵏ ⵉⴷⵖⴰⵔⵏ ⵉⵅⵔⴱⵏ, ⵏⵃⵢⵢⵍ ⵜⵉⵏⵓⴼⴰ ⵜⵉⴷⵙⵍⴰⵏⵉⵏ. ⵉⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ .

ⵎⵇⵇⴰⵔ ⵜⵎⵇⵇⵓⵔ ⵜⴱⵕⵕⴰⵏⵜ ⴰⴷ, ⴰⵢⵍⵍⵉ ⵉⵙⵙⵉⴼⵙⵓⵙⵏ ⴰⵎⵃⵃⴰⴹ ⴰⴷ ⵅⴼ ⵜⵓⴼⵔⴰⵢ ⵏⵏⵖ, ⵉⴳⴰ ⵜ ⵜⵉⵡⵉⵙⵉ ⵍⵍⵉ ⴷ ⵢⵓⵎⴰⵏⵏ ⴳ ⴷⴰⵔ ⵡⴰⵎⵓⵏ ⴰⵎⴰⴷⴰⵏ ⴷ ⴷⴰⵔ ⵉⵎⵖⵔⴰⴱⵉⵏ ⴰⴽⴽⵯ, ⴳ ⵓⴳⵏⵙ ⵏ ⵜⵎⴰⵣⵉⵔⵜ ⵓⵍⴰ ⴱⵕⵕⴰ ⵏⵏⵙ, ⵍⵍⵉⵖ ⵎⵢⴰⵡⴰⵙⵏ ⴷ ⴰⵢⵜⵎⴰⵜⵙⵏ ⵉⵛⵛⴰⵏ ⵜⴰⴽⴰⵜ. ⵎⴰⵢⴰⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ 

ⵖⵉⴽⵍⵍⵉ ⵏⵙⵙⵉⵎⵖⵓⵔ ⵙ ⴰⵢⵍⵍⵉ ⵙⴽⵔⵏⵜ ⵜⴰⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ, ⵓⵍⴰ ⵜⴰⴳⴳⴰⵍⵉⵏ ⴰⴽⴽ ⵏ ⵓⵖⵔⴰ, ⴷ ⵉⴳⵔⴰⵏ ⵉⵏⴱⴰⴹⵏ, ⴷ ⵜⵎⵀⵍⴰ ⵜⴰⴽⴰⵍⴰⵏⵜ, ⵉ ⵜⵡⵉⵙⵉ ⴷ ⵓⵊⵊⵏⵊⵎ ⵏ ⵉⵎⵣⴷⴰⵖⵏ ⵏ ⵉⴷⵖⴰⵔⵏ ⴰⴷ.ⵉⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ .

ⴰⴷ ⵓⵔ ⵏⵜⵜⵓ ⴰⴷ ⵏⵙⵏⵉⵎⵎⵔ, ⵜⵉⵎⵉⵣⴰⵔ ⵜⴰⵢⵜⵎⴰⵜⵉⵏ ⴷ ⵜⵎⴷⴷⵓⴽⴽⴰⵍ ⵏⵏⵖ, ⵍⵍⵉ ⴰⵖ ⵢⵓⵡⵙⵏ, ⴱⴷⴷⵏⵜ ⴷⵉⵜⵏⵖ ⴳ ⵡⴰⴽⵓⴷ ⴰⴷ ⵉⵛⵇⵇⴰⵏ. ⵜⵙⵙⵓⵎⴰⵏ ⴷ ⵜⴱⵕⵕⴰⵏⵜ ⴰⴷ ⵜⴰⵔⵏⵏⴰⵡⵜ ⵏ ⵜⵏⴷⵉⵜⵉⵏ ⵜⵉⵎⵖⵔⴰⴱⵉⵏ, ⵍⵍⵉ ⵙ ⵏⵣⵎⵔ ⴰⴷ ⵏⵣⵔⵉ ⵜⴰⵙⵙⴰⵙⵉⵏ ⴷ ⵜⵎⵎⴰⵔⵉⵡⵉⵏ, ⴷ ⵍⵍⵉ ⴰⵖ ⵢⴰⴽⴽⴰⵏ ⵜⴰⴷⵓⵙⵉ ⴼⴰⴷ ⴰⴷ ⵏⴹⴼⵕ ⴰⴱⵔⵉⴷ ⵙ ⵜⴼⵍⵙⵜ ⴷ ⵓⵏⴰⵔⵓⵣ. ⵎⴰⵢⴰⴷ ⵉⵙⴽⵜⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ .

ⵅⵡⵉⴷ ⴰⴷ ⵉⴳⴰⵏ ⵉⵎⴰⵏ ⴷ ⵜⵉⵏⴷⵉⵜⵉⵏ, ⵍⵍⵉ ⵉⵍⵍⴰⵏ ⴳ ⵉⴷⴰⵎⵎⵏ ⵏⵏⵖ ⴰⴽⴽⵯ, ⴷ ⵏⵜⵜⴰⵜ ⴰⵖ ⵏⵙⴽⵔ ⵜⴰⵎⵔⵙⵍⵜ ⵏ ⵜⴰⵎⵓⵏⵜ ⵏ ⵡⴰⵎⵓⵏ ⴰⵎⵖⵔⵉⴱⵉ. ⴳⴰⵏⵜ ⵜⵉⵏⴷⵉⵜⵉⵏ ⵜⵉⵏⴰⵎⵓⵔⵉⵏ, ⵉⴼⵔⴳ ⵜⵏⵜ ⵓⴷⵓⵙⵜⵓⵔ, ⵙⵎⵓⵏⵏⵜ ⵉⴼⵔⴷⵉⵙⵏ ⵏ ⵜⵎⴰⴳⵉⵜ ⵜⴰⵎⵖⵔⴰⴱⵉⵜ, ⴷ ⵓⵏⵏⵓⵕⵥⵎ ⵅⴼ ⵜⵏⴷⵉⵜⵉⵏ ⵜⵉⵎⴰⴹⵍⴰⵏⵉⵏ.

ⴰⴷ ⴳⵉⵙⵏⵜ ⵏⴱⴷⵔ, ⵜⵉⵏⴷⵉⵜⵉⵏ ⵉⵙⴽⴰⵏ ⵜⴰⵎⴰⴳⵉⵜ ⵜⴰⵏⴰⵎⵓⵔⵜ ⵜⴰⵎⵢⵉⵡⵏⵜ:

- ⴰⵎⵣⵡⴰⵔⵓ: ⵜⵉⵏⴷⵉⵜⵉⵏ ⵜⵉⵙⴳⴷⴰⵏⵉⵏ ⴷ ⵜⵉⵏⵉⵎⴰⵏⵉⵏ : ⴳ ⵉⵅⴼ ⵏⵏⵙⵏⵜ ⵜⵉⵏⴷⵉⵜⵉⵏ ⵏ ⵍⵉⵙⵍⴰⵎ ⴰⵙⵓⵏⵏ. ⴰⵎⴰⵍⴽⵉ, ⵉⴱⴷⴷⵏ ⵅⴼ ⵍⵉⵎⴰⵕⴰ ⵏ ⵉⵎⵓⵎⵏⵏ, ⵍⵍⵉ ⵉⴱⴷⴷⵏ ⵅⴼ ⵓⵏⵏⵓⵕⵥⵎ ⵅⴼ ⵡⴰⵢⵢⴰ, ⴷ ⵓⵎⵙⵓⵔⵓⴼ ⴷ ⵜⵓⴷⵔⵜ ⵔ ⵡⴰⴷ ⴷⵉⵖ ⵏⴰⵃⵢⴰ ⴳ ⵓⵙⴳⴷ ⴷ ⵜⵓⵙⵙⵏⴰ. ⵎⴰⵢⴰⴷ ⴰⴷ ⵉⵙⴽⴰⵔⵏ ⴳ ⵍⵎⵖⵔⵉⴱ ⴰⵎⴷⵢⴰ ⵏ ⵜⵓⴷⵔⵜ ⵉⵜⵜⵓⴷⵔⴰⵏ, ⴳⵔ ⵉⵎⵖⵔⴰⴱⵉⵏ, ⵉⵎⵓⵙⵍⵎⵏ ⴷ ⵓⴷⴰⵢⵏ, ⴷ ⵓⵣⵔⴰⴽ ⵉ ⵢⵉⵙⴳⴷⵏ ⴷ ⵜⵓⵙⵏⵉⵡⵉⵏ ⴰⴹⵏⵉ.

ⵡⵉⵙⵙ ⵙⵉⵏ : ⵜⵉⵏⴷⵉⵜⵉⵏ ⵜⵉⵏⴰⵎⵓⵔⵉⵏ ⵉⵙⴽⴰⵏ ⵜⵓⵎⴰⵙⵜ ⵜⴰⵎⵖⵔⴰⴱⵉⵜ, ⵉⴱⴷⴷⵏ ⵅⴼ ⵜⴳⵍⴷⵉⵜ, ⵍⵍⵉ ⵅⴼ ⴷ ⵎⵛⴰⵛⴽⴰⵏ ⵉⵎⵖⵔⴰⴱⵉⵏ ⴰⴽⴽⵯ, ⴷ ⵍⵍⵉ ⵜⵏ ⴽⵓⵍⵍⵓ ⵉⵙⵎⵓⵏⵏ, ⵜⵉⵔⵙⵍⵜ ⵏⵏⵙ ⴰⵣⴷⴰⵢ ⵉⴷⵓⵙⵏ ⴳⵔ ⵓⴷⴰⴱⵓ ⴷ ⵓⵖⵔⴼ.

ⵜⴳ ⵓⵍⴰ ⵜⴰⵢⵔⵉ ⵏ ⵜⵎⵓⵔⵜ, ⴷ ⵓⵎⵙⴰⵙⴰ ⵅⴼ ⵜⵎⵢⵉⵡⵏⵜ ⵜⴰⵏⴰⵎⵓⵔⵜ ⵜⴰⴽⴰⵍⴰⵏⵜ, ⵣⴳ ⵜⵔⵙⴰⵍ ⵏ ⵍⵎⵖⵔⵉⴱ, ⵍⵍⵉ ⵉⵙⵎⵓⵏⵏ ⵉⵎⵖⵔⴰⴱⵉⵏ, ⵙ ⵉⴼⵔⴷⵉⵙⵏ ⴰⴽⴽⵯ ⵏ ⵜⵎⴰⴳⵉⵜ ⵏⵏⵙⵏ ⵜⴰⵏⴰⵎⵓⵔⵜ ⵜⴰⵎⵢⵉⵡⵏⵜ ⵉⴱⵖⵔⵏ ⵙ ⵏⴰⵃⵢⴰ ⵏⵏⵙ.

ⵡⵉⵙⵙ ⴽⵕⴰⴹ : ⵜⵉⵏⴷⵉⵜⵉⵏ ⵏ ⵜⵡⵉⵣⵉ ⴷ ⵓⵎⵢⴰⵡⴰⵙ ⴰⵏⴰⵎⵓⵏ, ⴳⵔ ⵉⵏⴰⵡⵏ ⴷ ⵜⴰⵙⵓⵜⵉⵏ ⴷ ⵜⵙⴳⵉⵡⵉⵏ, ⵍⵍⵉ ⵢⵓⵊⵊⴰⵏ ⵉⵎⵖⵔⴰⴱⵉⵏ ⴰⴷ ⴳⵏ ⵢⴰⵏ ⵓⴼⵓⵙ, ⴰⵔ ⵜⵜⴰⵡⵙⵏ ⵏⴳⵔⴰⵜⵙⵏ ⵎⴰⵢⴰⴷ ⵉⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ.

ⴰⵔ ⴰⵙⵏ ⵏⴰⵇⵇⵔⴰ ⴰⴷ ⵛⴱⴱⵔⵏ ⴳ ⵜⵉⵏⴷⵉⵜⵉⵏ ⴰⴷ, ⵍⵍⵉ ⵉⵙⴷⵓⵙⵏ ⵜⴰⵎⵢⵉⵡⵏⵜ ⵜⴰⵏⴰⵎⵓⵔⵜ, ⵜⵙⵙⴷⵓⵙ ⵜⴰⵡⵊⴰ, ⴷ ⵜⴷⵔⴼⵉⵜ ⵜⴰⵏⴰⴼⴳⴰⵏⵜ, ⵜⴰⵡⵙ ⴳ ⵜⵣⵔⴼⵜ ⵜⴰⵏⴰⵎⵓⵏⵜ. ⵙⵍⴰⵡⴷ ⴰⴽⴽⵯ ⴳ ⵓⵣⵎⵣ ⵍⵍⵉⵖ ⵍⵍⴰⵏⵜ ⵜⵓⴳⵜⵜ ⵏ ⵜⵏⴼⴰⵍⵉⵏ ⴳ ⵜⵏⴷⵉⵜⵉⵏ.

ⴰⵎⵏⵉⴷ ⴰⴷ ⵏ ⵜⵏⴷⵉⵜⵉⵏ ⵜⵉⵏⴰⵎⵓⵔⵉⵏ, ⵍⵍⵉ ⵉⵜⵜⵣⵔⴰⴽⵏ ⵜⴰⵡⵊⴰ ⴷ ⵜⵣⴷⴰⵢⵜ ⵜⴰⵡⵊⴰⵡⴰⵏⵜ, ⴰⴷ ⴳ ⵜⴽⵛⵎ ⵜⴱⵔⴰⵜ ⵍⵍⵉ ⵏⵓⵣⵏ ⵉ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴼⴰⴷ ⴰⴷ ⴰⵍⵙⵏ ⵉ ⵜⵓⴳⵔⵉⵡⵜ ⵏ ⵜⵓⵡⵊⴰ.

ⵜⴰⵡⵊⴰ ⵜⴳⴰ ⵜⵉⵔⵙⵍⵜ ⵜⴰⵎⵣⵡⴰⵔⵓⵜ ⵏ ⵡⴰⵎⵓⵏ, ⴳ ⵓⴷⵓⵙⵜⵓⵔ, ⵖⴰⵏ ⴰⴷ ⵅⴼ ⵏⵔⴰ ⴰⴷ ⵜⵜ ⵏⵙⵙⴷⵓⵙ.ⴰⵎⵓⵏ ⵓⵔ ⵔⴰⴷ ⵉⴼⴰⵍⴽⵉ, ⴰⵎⵔ ⵉⴼ ⵜⴼⵓⵍⴽⵉ, ⴷ ⵉⵖ ⵜⵏⴼⴰⵙⵙⴰⵢ ⵜⵓⵡⵊⴰ ⵔⴰⴷ ⵉⵊⵍⵓ ⵡⴰⵎⵓⵏ.ⵉⴼⵔⴰ ⵢⵉⵏⵏⴰ ⴱⴰⴱ ⵏ ⵡⴰⴷⴷⵓⵔ.

ⵅⴼ ⵎⴰⵢⴰⴷ, ⵏⴼⵔⴳ ⵜⵜ ⴱⴷⴷⴰ ⵙ ⵓⵎⵓⴽⵏ ⵉⵎⵇⵕⴰⵏⵏ, ⴳⵉⵙⵏ ⴰⵙⵎⴰⵜⴰ ⵏ ⵓⴼⵔⴰⴳ ⴰⵏⴰⵎⵓⵏ, ⵍⵍⵉ ⵉⴳⴰⵏ ⵜⵉⵔⵙⵍⵜ ⵏ ⵓⵎⴷⵢⴰ ⵏⵏⵖ ⴰⵏⴰⵎⵓⵏ ⵏ ⵜⵏⴼⴰⵍⵉⵜ. ⵉⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ .

ⵔⴰⴷ ⵏⵙⵙⵏⵜⵉ, ⵙ ⵜⵡⵉⵙⵉ ⵏ ⵕⴱⴱⵉ, ⴳ ⵜⴳⵉⵔⴰ ⵏ ⵓⵙⴳⴳⵯⴰⵙ ⴰⴷ, ⴰⵖⴰⵡⴰⵙ ⵏ ⵜⵏⴰⵍⵉⵜ ⵜⴰⵏⴰⵎⵓⵏⵜ ⵜⵓⵙⵔⵉⴷⵜ.ⴰⵖⴰⵡⴰⵙ ⴰⴷ ⵓⵔ ⵔⴰⴷ ⴳⵉⵙ ⵖⴰⵙ ⵜⴰⵏⴰⵍⵉⵜ ⵉ ⵜⴰⵡⵊⵉⵡⵉⵏ, ⵎⴰⵛⵛ ⵓⵍⴰ ⴽⵔⴰ ⵏ ⵉⵏⵙⵎⵉⵍⵏ ⵉⵏⴰⵎⵓⵏⵏ ⵉⵙⵖⴰⵡⵙⴰⵏ ⵙ ⵜⵡⵉⵙⵉ. ⵎⴰⵢⴰⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ .

ⵔⴰⴷ ⵜⵍⴽⵎ ⵜⵏⴰⵍⵉⵜ ⴰⴷ ⵜⴰⵣⵣⴰⵏⵉⵏ ⵉⵍⵍⴰⵏ ⴳ ⵡⴰⵡⵜⴰⵢ ⵏ ⵜⵖⵔⵉ, ⴷ ⵜⴰⵣⵣⴰⵏⵉⵏ ⴳ ⵡⴰⴷⴷⴰⴷ ⵉⵥⵍⵉⵏ, ⴷ ⵜⴰⵣⵣⴰⵏⵉⵏ ⵃⵔⴰ ⵉⵍⵓⵍⵏ, ⴷ ⵜⴰⵡⵊⵉⵡⵉⵏ ⵜⵉⵎⵥⵍⴰⴹ, ⵎⵉⵏ ⵜⴰⵣⵣⴰⵏⵉⵏ ⵙⵍⴰⵡⵏⴷ ⴰⴽⴽⵯ ⵜⵉⵍⵍⵉ ⵢⵓⵙⵉⵏ ⵎⴷⴷⵏ ⵎⵇⵇⵓⵕⵏⵉⵏ.