ⴰⵙⵉⵡⴹ ⵉⵛⵛⴰⵔⵏ ⴼ ⵉⵎⴹⴰⴽⴰⵕⵏ ⵊⴰⵔ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵜⴳⴷⵓⴷⴰⵏⵜ ⵏ ⵏⵏⴰⵎⵙⴰ

<p style="text-align: justify;">ⵉⵙⵓⵜⴳ ⵎⴰⵙⵙ Wolfgang Sobotka ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵜⴳⴷⵓⴷⴰⵏⵜ ⵏ ⵏⵏⴰⵎⵙⴰ ⴷ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵉⵎⵡⴰⵙ 16 ⴷⵓⵊⴰⵏⴱⵉⵔ 2022, ⵜⴰⴷⵓⵙⵉ ⵏ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ ⴳⴰⵏⵉⵏ ⵉⵎⴷⵔⴰⵡⵏ ⴳ ⵓⴼⵔⴰⴳ ⵏ ⵜⵏⴼⵔⵓⵜ ⴷ ⵓⴼⵔⴰ ⵉⴳⵔⴰⵖⵍⴰⵏⵏ.</p>
<p style="text-align: justify;">ⵖⵎⴽ ⵍⵍⵉ ⵙⴰⵡⵍⵏ ⴼ ⵡⴰⵜⵉⴳ ⵏ ⵜⵉⵍⴰⵍ ⵏ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵓⵙⴷⵓⵙ ⵏ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ ⴳ ⵓⵙⴰⵜⵉ ⵏ ⵓⵙⴼⵓⴳⵍⵓ ⵏ ⵓⴽⵜⵜⴰⵢ ⵡⵉⵙ 240 ⵏ ⵜⵣⴷⴰⵢⵉⵏ ⵊⴰⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴳⴷⵓⴷⴰⵏⵜ ⵏ ⵏⵏⴰⵎⵙⴰ.</p>
<p style="text-align: justify;">ⵉⵍⵍⴰ ⵓⵎⴹⴰⴽⴰⵔ ⵓⵍⴰ ⴼ ⵉⴳⵔⴰⵏ ⵏ ⵓⵎⵢⴰⵡⴰⵙ ⵍⵍⵉ ⵔⴰⴷ ⵢⵉⵎⵖⵓⵔ ⵊⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵓⵙⵇⵇⵉⵎ ⴰⵏⴰⵎⵓⵔ ⵏ ⵜⴳⴷⵓⴷⴰⵏⵜ ⵏ ⵏⵏⴰⵎⵙⴰ ⵉ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⴰⵙⵉⵏⵔⴰⵏ ⴷ ⵓⴳⵜⵉⵔⴰⵏ.</p>
<p style="text-align: justify;">ⵙⴰⵡⵍⵏ ⵙⵉⵏ ⵉⵎⵙⵜⴳⴳⴰⵔⵏ ⵓⵍⴰ ⴼ ⵡⴰⵜⵉⴳ ⵏ ⵓⵙⴷⵓⵙ ⵏ ⵓⵏⵔⴰⵎⴰⵙ ⵉⵛⵛⴰⵔⵏ ⴷ ⵓⵔⴳⴳⵉⴳ ⴷ ⵜⴳⵎⵉ ⵜⴰⴷⵎⵙⴰⵏⵜ ⵉ ⵓⵙⵙⵔⵇⴱ ⵏ ⵓⵙⴽⵔ ⵏ ⵜⴷⵔⴰⵡⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ, ⵍⵍⵉⵖ ⵉⴳⴰ ⴰⵎⴷⵔⴰⵡ ⴰⴷⵙⵍⴰⵏ ⵏ ⵜⴰⵎⵓⵏⵜ ⵏ ⵓⵕⵓⴱⴱⴰ ⴷ ⵓⵎⵙⴽⴰⵔ ⵉⵙⵜⴰⵡⵀⵎⵎⴰⵏ ⴳ ⵉⴼⵔⵉⵇⵢⴰ.</p>