ⵙ ⵉⵙⵡⴰⵍⴰⵢⵏ ⵉⴳⵍⴷⴰⵏⵏ ⴰⵜⵜⵓⵢⵏⵉⵏ, ⵉⴳⵏⵙⴻⵙ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⴳ ⵜⴼⴼⵓⴳⵍⴰ ⵏ ⵓⵖⵉⵎⵉ ⵏ ⵓⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⵖⵉⵏⵢⴰ ⵍⵉⵙⵜⵉⵡⴰⵉⵢⵢⴰ

<p style="text-align: justify;"><span lang="tzm-Tfng-MA">ⵙ ⵉⵙⵡⴰⵍⴰⵢⵏ ⴰⵜⵜⵓⵢⵏⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⵉⴳⵏⵙⴻⵙ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⴼⴼⵓⴳⵍⴰ ⵏ ⵓⵖⵉⵎⵉ ⵏ ⵓⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⵖⵉⵏⵢⴰ ⵍⵉⵙⵜⵉⵡⴰⵉⵢⵢⴰ ⵎⴰⵙⵙ ⵜⵢⵓⴷⵓⵔⵓ ⵓⴱⵢⴰⵏⴳ ⵏⴳⵉⵎⴰ ⵎⴱⴰⵙⵓⴳⵓ, ⴰⵙⵙ ⵏ ⵓⴽⵡⴰⵙ 8 ⴷⵓⵊⴰⵏⴱⵉⵔ 2022 ⴳ ⵜⵎⴰⵥⵓⵏⵜ ⵎⴰⵍⴰⴱⵓ.</span></p>
<p style="text-align: justify;"><span lang="tzm-Tfng-MA">ⵉⵃⴰⴹⵕ ⴳ ⵜⴼⴼⵓⴳⵍⴰ ⴰⴷ ⵓⵍⴰ ⵎⴰⵙⵙ ⵖⵓⵍⴰⵎ ⵎⵉⵛⴰⵏ ⴰⵎⵙⵇⵇⴰⴷ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵜⴳⴷⵓⴷⴰⵏⵜ ⵏ ⵖⵉⵏⵢⴰ ⵍⵉⵙⵜⵉⵡⴰⵉⵢⵢⴰ, ⵉⵙⴰⵡⴰⵍ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴼ ⵓⵙⵓⵜⴳ ⴷ ⵓⵙⵏⵉⵎⵎⵔ ⵏ ⵜⵙⵎⵉⴳⵍⵜ ⴰⴷ ⵍⵍⵉ ⴰⵙ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⴰⵎⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ.&nbsp;</span></p>
<p style="text-align: justify;"><span lang="tzm-Tfng-MA">ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⵖⵉⵏⵢⴰ ⵍⵉⵙⵜⵉⵡⴰⵉⵢⵢⴰ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙ ⵍⵍⴰⵏⵜ ⵜⵣⴷⴰⵢⵉⵏ ⵏ ⵜⴷⴷⵓⴽⴽⵯⵍⴰ ⵜⵉⵙⵉⵏⵔⴰⵏⵉⵏ ⴷ ⵜⴳⵜⵉⵔⴰⵏⵉⵏ ⵊⴰⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴳⴷⵓⴷⴰⵏⵜ ⵏ ⵖⵉⵏⵢⴰ ⵍⵉⵙⵜⵉⵡⴰⵉⵢⵢⴰ.&nbsp;</span></p>
<p style="text-align: justify;"><span lang="tzm-Tfng-MA">ⵉⵎⴹⴰⴽⴰⵕ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵉⵎⵙⵜⴳⴳⴰⵔⵏ ⵏ ⵜⴳⴷⵓⴷⴰⵏⵜ ⴳ ⵉⵍⵍⴰ ⵓⵎⴰⵔⵉ ⵏ ⵓⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⴷ ⵓⵎⴰⵡⵙⴰⵙ ⵏ ⵓⵡⴰⵏⴽ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⴰⵡⵙⴰⵙ ⵏ ⵓⵡⴰⵏⴽ ⵉ ⵜⵡⵡⵓⵔⵉⵡⵉⵏ ⵜⵉⴳⴷⵓⴷⴰⵏⵉⵏ ⴷ ⵓⵎⴰⵡⵙⴰⵙ ⵏ ⵜⵣⵔⴼⵜ, ⵖⵎⴽ ⴰⵏⵏ ⴷ ⵉⵏⵙⵙⵉⵅⴼⵏ ⵏ ⵓⴱⵕⵍⴰⵎⴰⵏ.&nbsp;</span></p>
<p style="text-align: justify;"><span lang="tzm-Tfng-MA">ⵢⵉⵏⵉ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙ ⵜⴳⴰ ⵜⴼⴼⵓⴳⵍⴰ ⴰⴷ ⵜⴰⵎⵍⴷⴰ ⵏ ⵓⵏⵎⵓⵇⵇⴰⵔ ⴰⴽⴷ ⵉⵅⴰⵜⴰⵔⵏ ⵏ ⵉⵡⴰⵏⴽⵏ ⵃⴰⴹⵕⵏⵉⵏ ⴷ ⵉⵏⵙⵙⵉⵅⴼⵏ ⵏ ⵜⵏⴱⴰⴹⵉⵏ ⴷ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ, ⴳⵉⵙⵏ ⵉⵏⵙⵙⵉⵅⴼⵏ ⵏ ⵜⵎⵉⵣⴰⵔ ⵏ ⵍⴽⵓⵏⴳⵓ ⴱⵔⴰⵥⴰⴼⵉⵍ ⴷ ⴱⵓⵔⵓⵏⴷⵉ ⴷ ⵉⴼⵔⵉⵇⵢⴰ ⵜⴰⵏⴰⵎⵎⴰⵙⵜ ⴷ ⵙⴰⵡⵜⵓⵎⵉ ⴷ ⴱⵔⵉⵏⵙⵉⴱ, ⴷ ⵓⵎⴰⵡⵙⴰⵙ ⴰⵎⴰⵣⵡⴰⵔⵓ ⴰⵏⵉⵊⵉⵔⵉ, ⴷ ⵓⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⵏ ⵜⴳⵣⵉⵔⵉⵏ ⵏ ⵍⵇⵓⵎⵓⵕ ⴷ ⵓⵎⵛⵛⵉⵡⵕ ⵏ ⵓⵏⵙⵙⵉⵅⴼ ⴰⵎⵉⵚⵕⵉ ⴷ ⵉⴽⴰⴱⴰⵕⵏ ⵏ ⵇⴰⵟⴰⵕ ⴷ ⵙⵙⴰⵄⵓⴷⵉⵢⵢⴰ.&nbsp;</span></p>