ⵜⴰⴳⵓⵔⵉ ⵏ ⵎⴰⵙⵙ ⴰⵏⵙⵙⵉⵅⴼ ⴷⴼⴼⵉⵔ ⵏ ⵓⵙⵜⴰⵢ ⵏⵏⵙ
<p style="text-align: left;" dir="ltr" align="center"><span>ⵉⵜⵜⵓⵙⵜⴰⵢ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵉ ⵎⴰⴷ ⵢⴰⴳⵓⵔⵏ ⴳ ⵜⵡⴰⵍⴰ ⵜⴰⵣⵣⵔⴰⴼⵜ 2021-2026, ⴳ ⵜⵖⵉⵎⵉⵜ ⵜⴰⴳⴷⵓⴷⴰⵏⵜ, ⴰⵙⵉⵎⵡⴰⵙ 12 ⵉⴱⵔⵉⵔ 2024, ⵢⵉⵡⵉ 264 ⵏ ⵉⵎⵙⵍⵉ ⵙⴳ 324. ⵉⵙⵎⵏⵉⴷ ⵜⴰⴳⵓⵔⵉ ⴰⴷ:</span></p>
<p style="text-align: center;" dir="ltr" align="center"><strong>ⵙ ⵉⵙⵎ ⵏ ⵕⴱⴱⵉ, ⵜⴰⵥⴰⵍⵍⵉⵜ ⴷ ⵓⴼⵔⴰ ⴼ ⵓⵕⵇⵇⴰⵚ ⵏⵏⵙ</strong></p>
<p style="text-align: left;" dir="ltr" align="right"><strong>ⵜⵉⵏⴳⴳⵯⴰ ⴷ ⵉⵏⴳⴳⵯⴰ ⵄⵣⵣⴰⵏⵉⵏ,</strong></p>
<p style="text-align: left;" dir="ltr" align="right"><strong>ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ,</strong></p>
<p style="text-align: left;" dir="ltr" align="right">ⴳ ⵜⵣⵡⵉⵔⵉ, ⴰⵔ ⴽⵯⵏ ⵙⵏⵉⵎⵎⵉⵔⵖ ⵍⵍⵉ ⴳⵉⴳⵉ ⵜⵙⵎⴰⵢⵏⵓⵜⵎ ⵜⴰⵎⵢⵉⵎⴰⵏⵜ ⵏⵏⵓⵏ ⵙ ⵡⴰⵍⴰⵙ ⵏ ⵓⵙⵜⴰⵢ ⵉⵏⵡ ⴷ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵉ ⵓⴳⵣⵣⵓⵎ ⵡⵉⵙ ⵙⵉⵏ ⵏ ⵜⵡⴰⵍⴰ ⵜⴰⵣⵣⵔⴰⴼⵜ ⵜⵉⵙ 11, ⵏⵏⵓⵔⵣⵖ ⴰⴷ ⴳⵖ ⴳ ⵓⵙⵡⵉⵔ ⵏ ⵜⵎⴰⵙⴰⵢⵜ, ⴷ ⵍⴰⵎⴰⵏⵜ ⴰⴷ ⴰⴷ ⴰⴽⴽⵯ ⵏⵣⵣⵉⴳⵣ ⵉ ⵚⴰⵃⴰ ⵏ ⵜⵎⴰⵣⵉⵔⵜ ⵏⵏⵖ ⴷ ⵉⵏⴰⵔⵓⵣⵏ ⵏⵏⵙ ⵙ ⵜⵏⴰⵔⴰ ⵉⵥⵉⵍⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⵍⵍⵉ ⵉⵣⵣⵉⴳⵣⵏ ⵙ ⵍⵎⵖⵔⵉⴱ ⵙ ⵜⵓⵏⵥⵉⵥⵜ ⵉ ⵉⵎⵏⴰⴷⵏ ⵓⵙⵄⴰⵏⵉⵏ ⵏ ⵜⵣⵣⵉⴳⵣⵜ ⴷ ⵥⵥⵀⵕⵜ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ, ⵉⵙⵙⵕⵚⴰ ⵜⴰⵏⴽⵔⴰ ⵜⴰⵎⵖⵔⵉⴱⵉⵜ ⵉⵕⵥⵎⵏ ⴼ ⵓⵎⴰⴹⴰⵍ, ⵉⴱⴷⴷⵏ ⴼ ⵜⴳⵍⴷⵉⵜ ⵜⴰⴷⵙⵜⴰⵔⵜ ⵜⴰⴷⵉⵎⵓⵇⵔⴰⵟⵉⵜ ⴷ ⵜⵏⴰⵎⵓⵏⵜ, ⵉⵟⵟⴰⴼⵏ ⵉⵥⵓⵕⴰⵏ ⵏⵏⵙ ⴳ ⵓⵎⵣⵔⵓⵢ.</p>
<p style="text-align: left;" dir="ltr" align="right">ⵔⵉⵖ ⴰⴷ ⴰⵍⵙⵖ ⴰⴼⵔⴰⴽ ⵍⵍⵉ ⴼ ⴱⴷⴷⴰ ⴰⴷⴷⵉⴷⵖ, ⵍⵍⵉ ⵉⴳⴰⵏ ⵉⵙ ⴳⵉⵖ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵎⴰⵕⵕⴰ ⵉⴼⵔⴷⴰⵙ ⵏⵏⵙ, ⵜⵓⵣⵍⵜ ⵓⵍⴰ ⵜⵓⴳⵜ. ⵔⴰⴷ ⵙⵡⵓⵔⵉⵖ ⴱⴷⴷⴰ ⵙ ⵜⵔⵙⵍⵜ ⴰⴷ, ⵙ ⵎⴰⴷ ⵉⵍⵍⴰⵏ ⴳ ⵓⴷⵓⵙⵜⵓⵔ ⴷ ⵓⵏⴳⵔⴰⵡ ⴰⴳⵯⵏⵙⴰⵏ ⵏ ⵓⵙⵇⵇⵉⵎ. ⵙ ⵖⵎⴽ ⴰⵏⵏ, ⴰⵔ ⴽⵯⵏ ⵙⵏⵉⵎⵎⵉⵔⵖ ⵎⴰⵕⵕⴰ, ⵡⵉⵍⵍⵉ ⵉⵢⵉ ⵙⵜⵉⵏⵉⵏ, ⵓⵍⴰ ⵡⵉⴷ ⴰⵟⵟⴰⴼⵏⵉⵏ ⵜⴰⵏⵏⴰⵢⵜ ⵢⴰⴹⵏⵉⵏ ⵍⵍⵉ ⵜⵜⵓⵇⵇⴰⵔⵖ ⴰⵡⵇⵇⵔ ⵉⵙⵎⴷⵏ.</p>
<p style="text-align: left;" dir="ltr" align="right">ⵉⴳⴰ ⵍⵃⴰⵍ ⵜⵉⴽⴽⵍⵉⵜ ⵢⴰⴹⵏⵉⵏ, ⴰⵍⴰⵖⵎⵓ ⴰⴷⵉⵎⵓⵇⵔⴰⵟⵉ ⴰⵏⵎⵢⴰⵔ ⴳ ⵓⵡⴰⵏⴽ ⵏ ⵜⵎⵔⵙⴰⵍ ⴷ ⵜⵎⵏⵏⴰⵡⵜ ⵜⴰⵙⵔⵜⴰⵏⵜ ⵖ ⵜⵟⵟⴰⴼ ⵜⵓⵣⵍⵜ ⵓⵍⴰ ⵜⵓⴳⵜ ⵜⵉⵍⴰⵍⵉⵏ, ⵎⵇⵇⴰⵔ ⵎⵎⵣⵔⵉⵏⵜ, ⵕⵡⴰⵏⵜ ⵉ ⵜⴷⵉⵎⵓⵇⵔⴰⵟⵉⵜ. ⴷⴰⵔⵏⵖ ⴰⴱⵓⵔⵣ ⴳ ⵍⵎⵖⵔⵉⴱ ⵙ ⵜⵓⵎⴰⵢⵜ ⵏ ⵓⴷⵓⵙⵜⵓⵔ ⵏⵏⵖ ⵉⵣⵣⵉⴳⵣⵏ ⵉⵍⴻⵍⵍⵉ, ⵍⵍⵉ ⵉⴼⴽⴰⵏ ⵉ ⵜⵓⵣⵍⵜ ⵜⴰⴱⵕⵍⴰⵎⴰⵏⵉⵜ ⴰⴷⵖⴰⵔ ⴰⵙⵉⵍⴰⵏ ⴳ ⵓⵏⴳⵔⴰⵡ ⴰⵎⵔⵙⵍⴰⵏ ⵍⵍⵉ ⵉⴱⴷⴷⵏ ⴼ ⵓⵎⵢⴰⵙⴰ ⴷ ⵜⵉⵍⵉⵜ ⵏ ⵉⵣⵔⴼⴰⵏ ⵉ ⴽⵓⵢⴰⵏ.</p>
<p style="text-align: left;" dir="ltr" align="right"><strong>ⵜⵉⵏⴳⴳⵯⴰ ⴷ ⵉⵏⴳⴳⵯⴰ,</strong></p>
<p style="text-align: left;" dir="ltr" align="right">ⴷⴰⵜ ⵏⵏⵖ, ⴳ ⵓⴳⵣⵣⵓⵎ ⵡⵉⵙ ⵙⵉⵏ ⵏ ⵜⵡⴰⵍⴰ ⵜⴰⵣⵣⵔⴰⴼⵜ ⵜⵉⵙ 11, ⴽⵉⴳⴰⵏ ⵏ ⵜⵏⴰⵥⴰⵕⵉⵏ, ⵜⵇⵇⴰⵏⴷ ⵜⵡⵓⵔⵉ ⵉ ⵡⴰⵍⴰⵢ ⵏⵏⵙⵏⵜ ⵙⴳ ⵓⴼⵖⴰⵔ ⵏⵏⵖ, ⴷ ⵜⵥⵍⴰⵢⵉⵏ ⵏⵏⵖ ⵜⵉⴷⵙⵜⴰⵔⵉⵏ ⴷ ⵜⵎⵔⵙⵍⴰⵏⵉⵏ. ⵍⵍⴰⵏⴷ ⴷⴰⵔⵏⵖ ⴽⵉⴳⴰⵏ ⵏ ⵓⵛⵛⵉⵍⵏ ⵍⵍⵉ ⴷ ⵉⵇⵇⴰⵏ ⴰⴷ ⵜⵏ ⵏⵙⴽ ⵙ ⵜⵡⵓⵔⵉ ⵉⵕⵡⴰⵏ ⵍⵍⵉ ⵔⴰⴷ ⵉⴳ ⵜⵉⵎⵔⵙⵍⵜ ⴳ ⵓⴳⵯⵏⵙ ⵏ ⵜⴷⵉⵏⴰⵎⵉⵜ ⵏ ⵓⵎⵓⴽⵏ ⴷ ⵜⴳⵎⵉ.</p>
<p style="text-align: left;" dir="ltr" align="right">ⵔⴰⴷ ⴰⴽⴽⵯ ⵏⵎⵎⴰⵖ ⵉ ⵎⴰ ⴰⵏⵏ, ⵙ ⵓⵚⴽⵓ ⴼ ⵎⴰⴷ ⵉⵜⵜⵓⵙⴽⴰⵔⵏ ⴳ ⵜⵥⵍⴰⵢⵉⵏ ⵏ ⵓⵣⵣⵔⴰⴼ ⴷ ⵜⵉⴹⴰⴼ ⵏ ⵜⵡⵓⵔⵉ ⵜⵓⵏⴱⵉⴹⵟ ⵙ ⵉⴽⵛⵛⵓⵎⵏ ⵏⵏⵙ ⴰⴽⴽⵯ, ⴷ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ, ⴷ ⵜⵙⵎⵉⴳⴰⵍ ⵢⴰⴷⵏⵉⵏ, ⴰⵎ ⴰⵙⵡⵓⵔⵉⵏⵏ ⴳ ⵢⵉⴳⵔ ⵏ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⵍⵍⵉⵖ ⵏⵙⴳⵓⴷⵉ ⴽⵉⴳⴰⵏ ⵏ ⵜⵎⵙⴽⴰⵔ ⴷ ⵜⵎⵓⵣⴰⵢⵉⵏ ⴷ ⵉⵖⴰⵡⴰⵙⵏ ⵏ ⵜⵡⵓⵔⵉ ⴷ ⵜⵎⵢⵓⵔⵉⵏ ⵜⵉⵎⵔⵙⵍⴰⵏⵉⵏ ⵜⵉⵎⵖⵔⵉⴱⵉⵢⵉⵏ, ⵉⵇⵇⴰⵏⴷ ⵓⵙⵎⵖⵔ ⴷ ⵓⵙⵕⵚⵓ.</p>
<p style="text-align: left;" dir="ltr" align="right">ⴳ ⵓⵎⵏⴰⴹ ⴰⴷ, ⵉⵇⵇⴰⵏ ⴰⴷ ⴰⴷⴷ ⵏⵙⵙⴽⵯⵜⵉ ⵎⴰⴷ ⵉⵍⵍⴰⵏ ⴳ ⵜⴱⵔⴰⵜ ⵜⴰⵎⴰⵜⵜⵓⵢⵜ ⵍⵍⵉ ⵉⵙⵎⵏⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⵉ ⵉⵎⴷⵔⴰⵡⵏ ⴳ ⵜⵉⵏⴰⵡⵜ ⵜⴰⵏⴰⵎⵓⵔⵜ ⴳ 17 ⵉⵏⵏⴰⵢⵔ 2024 ⵙ ⵜⵎⵍⴷⴰ ⵏ ⵓⵙⴼⵓⴳⵍⵓ ⵏ ⵓⴽⵜⵓⵢ ⵡⵉⵙ 60 ⵏ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⵉⵜⵜⵓⵙⵜⴰⵢⵏ, ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ: “ⵜⵙⴽⵔ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⴷ ⵜⴷⵉⵎⵓⵇⵔⴰⵟⵉⵜ ⵏ ⵜⵎⵔⵙⴰⵍ ⵜⵉⵏⵡⵉⵜ ⵎⵇⵇⵓⵔⵏ ⴳ ⵓⵙⵡⵉⵔ ⵏ ⵜⵥⵍⴰⵢⵉⵏ ⴷ ⵓⵙⴽⵔ ⵏⵏⵙⵏⵜ, ⵖⵎⴽ ⴰⵏⵏ ⵙ ⵓⵏⵏⵓⵕⵥⵎ ⴼ ⵡⴰⵎⵓⵏ ⴰⵖⵔⵎⴰⵏ, ⴷ ⵓⵙⵏⵎⴰⵍⴰ ⴷ ⵓⵙⵡⵓⴷⴷⵓ ⵏ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ, ⴷ ⵓⵣⵎⵎⴻⵎ ⵏ ⵜⵎⴷⵔⴰⵡⵉⵏ ⴰⴽⴷ ⵉⴱⵕⵍⴰⵎⴰⵏⵏ ⵉⵏⴰⵎⵓⵔⵏ ⵢⴰⴹⵏⵉⵏ”.</p>
<p style="text-align: left;" dir="ltr" align="right">ⵉⵇⵇⴰⵏ ⴰⴷ ⴰⵖ ⵢⴰⵡⵙ ⵉⵏⴰⵡ ⴰⴷ ⴰⴳⵍⴷⴰⵏ ⴰⵎⴰⵜⵜⵓⵢ ⵉ ⴽⵉⴳⴰⵏ ⵏ ⵜⵓⴳⴳⴰⵙ ⵉ ⵓⵙⵎⵖⵔ ⵉⴳⴳⵓⵜⵏ ⵏ ⵜⵡⵓⵔⵉⵡⵉⵏ ⵏⵏⵖ.</p>
<p style="text-align: left;" dir="ltr">ⵎⴽ ⵍⵍⵉ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ : “ⵎⵇⵇⴰⵔ ⴰⵢⵍⵍⵉ ⵉⵜⵜⵓⵙⴽⴰⵔⵏ ⴳ ⵢⵉⴳⵔ ⴰⴷ, ⵉⵇⵇⴰⵏ ⴷ ⵓⵙⵎⵖⵔ ⵏ ⵜⵓⴳⴳⴰⵙ ⵉ ⵓⵙⵎⵖⵔ ⵏ ⵜⴷⵉⵎⵓⵇⵔⴰⵟⵉⵜ ⵜⴰⴳⵯⵏⵙⴰⵙⵜ ⵉ ⵓⵙⵡⵉⵔ ⵍⵍⵉ ⴰⵙ ⵏⵔⴰ, ⵍⵍⵉ ⵉⴳⴰⵏ ⴰⴷⴷⵓⵔ ⵉ ⵍⵎⵖⵔⵉⴱ”.</p>
<p style="text-align: left;" dir="ltr">ⵉⵇⵇⴰⵏ ⴷ ⴰⴷ ⵏⵎⵎⴰⵖ ⵉ ⵓⵙⵎⵖⵔ ⵏ ⵓⵎⵙⴰⵡⴰⵍ, ⵊⴰⵔ ⵏⵏⵖ, ⵉⴱⴷⴷⵏ ⴼ ⵜⵢⴰⴼⵓⵜ ⴷ ⵜⵉⵕⵡⵉ, ⴷ ⵓⵏⵢⴰⵍⴽⴰⵎ ⴰⴽⴷ ⵎⴰⵙ ⵉⵇⵇⵍ ⵡⴰⵎⵓⵏ ⴷ ⵓⵙⵕⵚⵓ ⵏ ⵜⵎⵔⵙⵍⵜ ⴷ ⴰⵙⴰⵢⵔⵓⵔ ⵏ ⵓⵙⵡⵓⴷⴷⵓ ⵏ ⵉⵎⵣⵔⴰⵢⵏ , ⴷ ⵜⵙⵓⵎⵔⵜ ⴷ ⵓⵙⴷⵔⴰⵃ.</p>
<p style="text-align: left;" dir="ltr" align="right"><strong>ⵜⵉⵏⴳⴳⵯⴰ ⴷ ⵉⵏⴳⴳⵯⴰ,</strong></p>
<p style="text-align: left;" dir="ltr" align="right">ⵓⵔ ⵔⴰⴷ ⵣⵡⵓⵔⵖ ⴳ ⵓⵙⵙⵏ ⵏ ⵓⵖⴰⵡⴰⵙ ⴰⵣⵣⵔⴰⴼ ⵉ ⵎⴰⴷ ⵉⵖⴰⵎⴰⵏ ⴳ ⵜⵡⴰⵍⴰ ⵜⴰⵣⵣⵔⴰⴼⵜ, ⵎⴰⵛⵛ ⵉⴼⴰⵡ ⵉⵙ ⵔⴰⴷ ⵜⴳ ⵜⴰⴷ ⵉⴱⵓⵖⵍⴰⵏ, ⵜⵙⵖⴰⵡⵙⴰ ⵙ ⵓⵙⵎⵓⵙⵙ ⵏⵏⵖ ⴰⵎⴳⵔⵓ ⵃⵎⴰ ⴰⴷ ⵏⴰⵎⵥ ⵜⴰⵏⴰⵥⴰⵕⵜ ⵏ ⵉⵎⵓⴽⵏⵏ ⵍⵍⵉ ⴼ ⵉⴱⵉⴷⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴳⵉⵙⵏ ⴰⵣⵣⵔⴰⵢ ⵏ ⵓⵙⵍⴳⵏ ⵏ ⵜⵓⵡⵊⴰ ⵍⵍⵉ ⴷⴰⵔⵏⵖ ⵉⵟⵟⴰⴼⵏ ⴰⴷⵖⴰⵔ ⵏⵏⵙ ⵉⵥⵍⵉⵏ ⴷ ⵓⴼⵔⴰⴳ ⵍⵍⵉ ⵏⵉⵜ ⵜⵟⵟⴰⴼ ⴷⴰⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⴷⵓⵏ ⵏ ⵉⵎⵓⵎⵏⵏ.</p>
<p style="text-align: left;" dir="ltr" align="right">ⵉ ⵓⴹⵕⵉⵚ ⴰⴷ ⴷ ⵉⴹⵕⵉⵚⵏ ⵢⴰⴷⵏⵉⵏ ⴷ ⵜⵎⵙⴰⵔⵉⵏ ⵟⵟⴰⴼⵏⵉⵏ ⴰⴼⵔⵉⵙ ⴷ ⵓⵎⵏⴰⴷ ⴰⵏⴰⵎⵓⵏ, ⵀⴰⵜⵉ ⵜⵉⵖⴰⵡⵉⵙⵉⵏ ⴳ ⵍⵎⵖⵔⵉⴱ, ⴰⵔ ⵣⵣⵉⴳⵣⵏⵜ ⴳ ⵓⵙⴰⵜⵉ ⵏ ⵓⵎⵙⴰⵙⴰ ⴰⵏⴰⵎⵓⵏ ⴷ ⵓⵙⵔⵜⴰⵏ ⴷ ⵓⵎⵔⵙⵍⴰⵏ, ⴷ ⵓⵡⵇⵇⵔ ⵙⵇⵇⵉⵇⵏ ⵏ ⵓⴷⵓⵙⵜⵓⵔ.</p>
<p style="text-align: left;" dir="ltr" align="right">ⵉⵙⴷⴷⵉⴷ ⵓⵎⵣⵔⵓⵢ ⵏ ⵍⵎⵖⵔⵉⴱ ⴰⵜⵔⴰⵔ, ⵎⴰⵙ ⴷ ⵉⵎⵓⴽⵏⵏ ⵉⵅⴰⵜⴰⵔⵏ, ⵜⵜⵓⵙⴽⴰⵔⵏ ⴱⴷⴷⴰ ⴳ ⵓⵙⴰⵜⵉ ⵏ ⵓⵎⵙⴰⵙⴰ ⴰⴷ ⵉⴱⴷⴷⵏ ⴼ ⵓⵎⵙⴰⵡⴰⵍ ⴷ ⵓⵙⴷⵔⴰⵃ ⴷ ⵜⵉⵍⵉⵜ ⵏ ⵜⵏⵓⴼⴰ ⴰⵜⵜⵓⵢⵏⵉⵏ ⵏ ⵜⵎⴰⵣⵉⵔⵜ.</p>
<p style="text-align: left;" dir="ltr" align="right">ⵉ ⵓⵙⴱⴷⴷⵉ ⵏ ⵜⵏⴰⵥⴰⵕⵉⵏ ⴰⴷ ⵜⵉⴱⵕⵕⴰⵏⵉⵏ, ⵃⵎⴰ ⴰⴷ ⵏⴰⵎⵥ ⵚⴰⵃⴰ ⵏ ⵜⵏⴰⵥⴰⵕⵉⵏ ⵏ ⵜⴳⵎⵉ ⴷ ⵉⵎⵓⴽⵏⵏ, ⵓⵔ ⴰⴽⴽⵯ ⴱⴰⵀⵔⴰ ⵏⵎⵎⵣⵔⵉ, ⵓⵔ ⵉⴳⵉ ⵍⵃⴰⵍⴰ ⵜⴰⵎⴰⵖⵜ ⵊⴰⵔ ⵜⵓⴳⵜ ⴷ ⵜⵓⵣⵍⵜ, ⵉⵖ ⴰⵙ ⵉⵜⵜⴰⵡⵙ ⴽⵓⵢⴰⵏ ⴳ ⵓⵙⴽⵔ ⵏⵏⵙ, ⵉⵖ ⵉⵔⴰ ⵍⵄⴰⵍ ⵜⴰⵡⵓⵔⵉ ⵜⴰⵏⵎⵓⵔⴰⵢⵜ ⴷ ⵜⵏⴰⵎⵓⵔⵜ ⵉⵟⵟⴰⴼⵏ ⴰⴷⴷⵓⵔ ⴳ ⵍⵎⵖⵔⵉⴱ ⵎⴰⵙ ⴳⴰⵏⵜ ⵙⴳ ⵍⵊⵉⵏⴰⵜ ⵏ ⵜⵙⵔⵜⵉⵜ ⴳ ⵜⵎⴰⵣⵉⵔⵜ. ⵓⵔ ⵏⵥⴹⴰⵕ ⴰⴷ ⵏⵙⵔⵙ ⵜⴰⵢⴰⴼⵓⵜ ⵏ ⵎⴰ ⴰⵏⵏ ⴳ ⵎⴰⴷ ⵉⴳⴰⵏ ⵖⴰⵙ ⴰⵎⵜⵜⵉⵡ ⴷ ⵓⵏⴳⵉⵎ, ⵎⴰⵛ ⵉⵣⵔⵉ ⵜ ⵙ ⵓⵙⴷⵓⵙ ⵏ ⵜⵎⵔⵙⴰⵍ ⴷ ⵓⵙⴷⵓⵙ ⵏ ⵜⴷⵉⵎⵓⵇⵔⴰⵟⵉⵜ, ⴰⵢⵍⵍⵉ ⵢⴰⴽⴽⴰⵏ ⵉ ⵜⴳⵎⵉ ⵉⵎⴰⵏ ⵏⵏⵙ ⴷ ⵉⵎⵏⴰⴷⵏ ⵏⵏⵙ ⵉⵣⵔⴼⴰⵏⵏ ⴷ ⵉⵙⵔⵜⴰⵏⵏ.</p>
<p style="text-align: left;" dir="ltr" align="right">ⴳ ⵓⵙⴽⵔ ⵏ ⵜⵎⵥⵍⵉⵜ ⵏ ⵜⵉⴹⴰⴼ ⵏ ⵓⵙⵇⵇⵉⵎ, ⴳ ⵢⵉⴳⵔ ⵏ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ, ⵉⵇⵇⴰⵏ ⴷ ⴰⴷ ⵏⴱⴷⴷ ⴼ ⵜⵉⵢⴰⴼⵓⵜ ⴷ ⵓⴹⴼⵕ ⵏ ⵓⵎⵙⴰⵙⴰ ⵊⴰⵔ ⵜⵉⵏⴱⴰⴹⵉⵏ ⵜⴰⵣⵣⵔⴰⴼⵜ ⴷ ⵜⵎⵙⵙⴳⴰⵔⵜ, ⴷ ⵎⴰⵙ ⵜⵇⴰⵍ ⵜⵏⴱⴰⴹⵜ ⴳ ⵢⵉⴳⵔ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ, ⴰⵡⵜⵜⴰⵙ ⴰⵎⵣⵡⴰⵔⵓⴷ ⵓⵎⴳⴳⴰⵔⵓ ⴰⴷ ⵥⵕⵉⵏ ⵉⵏⵎⵓⵔⴰⵏ ⴰⴷⵔⵉⵣ ⵏ ⵜⵙⵔⵜⴰⵢ ⴰⴷ ⴷ ⵓⴷⵔⵉⵣ ⴷ ⵜⵎⴽⵕⴰⴹ ⵜⵉⴳⴷⵓⴷⴰⵏⵉⵏ.</p>
<p style="text-align: left;" dir="ltr" align="right">ⴳ ⵜⵙⴳⴰ ⵢⴰⴹⵏⵉⵏ, ⵜⵙⵙⵏ ⴰⴽⴽⵯ, ⵜⵉⵏⴳⴳⵯⴰ ⴷ ⵉⵏⴳⴳⵯⴰ, ⴰⵎⵏⴰⴹ ⴰⴳⵔⴰⵖⵍⴰⵏ ⴳ ⵍⵍⴰⵏ ⵉⵙⵏⴼⵍⵏ ⴳⴳⵓⵜⵏⵉⵏ ⴳ ⵉⵙⵡⵉⵔⵏ ⵉⵊⵢⵓⵙⵔⵜⴰⵏⵏ ⴷ ⵉⴷⵎⵙⴰⵏ, ⴷ ⵉⴷⵔⵉⵣⵏ ⴼ ⵎⴰⵕⵕⴰ ⵜⵉⵎⵉⵣⴰⵔ, ⴷ ⵓⵚⴽⵓ ⵏ ⵜⵎⵓⵏⵉⵏ ⵜⵉⴳⵔⴰⵖⵍⴰⵏⵉⵏ.</p>
<p style="text-align: left;" dir="ltr" align="right">ⵉⵔⴰ ⴳⵉⵏⵖ ⵓⵎⵏⴰⴹ, ⵓⴳⴳⴰⵔ ⵏ ⵎⴰⴷ ⵉⵣⵔⵉⵏ, ⴰⵙⵎⵓⵙⵙⵓ ⴷ ⵜⴰⵎⵓⵏ ⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵜ ⵉⵏⵚⵕ ⵕⴱⴱⵉ ⵉ ⵜⵣⵣⵉⴳⵣⵜ ⵏ ⵓⵎⵣⴰⵖ ⵏ ⵉⵣⵔⴼⴰⵏ ⵏⵏⵖ ⴷ ⵜⵎⵙⴰⵔⵉⵏ ⵏⵏⵖ ⵜⵓⵍⴳⵉⵏⵉⵏ , ⴳ ⵜⵣⵡⵉⵔⵉ ⵏⵏⵙⵏⵜ ⵏ ⵜⵢⴰⵏⵜ ⵏⵏⵖ ⵜⴰⵏⴰⴽⴰⵍⵜ.</p>
<p style="text-align: left;" dir="ltr" align="right">ⵉⵇⵇⴰⵏ ⴷ ⴰⴷ ⵢⵉⵍⵉ ⵓⵙⵎⵓⵙⵙⵓ ⵏⵏⵖ ⴳ ⵓⵙⴰⵜⵉ ⵏ ⵜⵎⴰⴷⴷⴰⵙⵉⵏ ⵜⵉⴱⵕⵍⴰⵎⴰⵏⵉⵢⵉⵏ, ⴳ ⵓⵙⴰⵜⵉ ⵏ ⵜⵣⴷⴰⵢⵉⵏ ⵏⵏⵖ ⴰⴽⴷ ⵉⴱⵕⵍⴰⵎⴰⵏⵏ ⵏ ⵓⵎⴰⴹⴰⵍ, ⵉ ⵓⵎⵣⴰⵖ ⵏ ⵜⵓⵏⵓⴼⴰ ⵏ ⵜⵎⴰⵣⵉⵔⵜ ⵏⵏⵖ ⵙ ⵜⵉⴹⴰⴼ ⴷ ⵜⵣⵡⵉⵔⵉ ⵉⴱⴷⴷⵏ ⴼ ⵜⵍⵍⵓⴳⵏⴰ ⵏ ⵜⵎⵙⴰⵔⵉⵏ ⵏⵏⵖ, ⴳ ⵜⵣⵡⵉⵔⵉ ⵏⵏⵙⵏⵜ ⵜⴰⵎⵙⴰⵔⵜ ⵏ ⵜⵢⴰⵏⵜ ⵏⵏⵖ ⵜⴰⵏⴰⴽⴰⵍⵜ, ⴷ ⵜⵔⵙⵍⵜ ⵏ ⵜⴷⵉⴱⵍⵓⵎⴰⵙⵉⵜ ⵜⴰⵏⴰⵎⵓⵔⵜ ⴼ ⵉⵍⵍⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵜ ⵉⵏⵚⵕ ⵕⴱⴱⵉ.</p>
<p style="text-align: left;" dir="ltr" align="right"><strong> ⵜⵉⵏⴳⴳⵯⴰ ⴷ ⵉⵏⴳⴳⵯⴰ,</strong></p>
<p style="text-align: left;" dir="ltr" align="right">ⴳ ⵓⵎⵏⴰⴹ ⴰⴷ, ⴰⵔ ⴽⵯⵜⵜⵉⵖ ⵜⵉⴽⴽⵍⵉⵜ ⵢⴰⴹⵏⵉⵏ ⵎⴰⴷ ⵉⵍⵍⴰⵏ ⴳ ⵜⴱⵔⴰⵜ ⵜⴰⴳⵍⴷⴰⵏⵜ ⵙ ⵜⵎⵍⴷⴰ ⵏ ⵓⴽⵜⵓⵢ ⵡⵉⵙ 60 ⵏ ⵓⵙⴽⵔ ⵏ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⵉⵣⵡⴰⵔⵏ ⵖ ⵉⵍⵍⴰ ⵓⵛⵛⵓⵍ ⵏ : “ⵓⵙⵎⵖⵔ ⵏ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ” ⴷ “ⵓⵙⵎⵖⵔ ⵏ ⵜⵏⵓⴼⴰ ⴰⵜⵜⵓⵢⵏⵉⵏ ⵏ ⵜⵎⵓⵔⵜ ⴷ ⵉⵏⵎⵓⵔⴰⵏ ⴼ ⵍⵃⵙⵓⴱⴰⵜ ⵏ ⵜⵙⵔⵜⵉⵜ, ⴷ ⵜⵎⴰⴼⴰⵡⵜ ⵏ ⵜⵓⴷⵔⵜ ⵜⴰⴱⵕⵍⴰⵎⴰⵏⵉⵜ ⵙ ⵓⵙⵖⵣⵏ ⵏ ⵓⵍⵓⴳⵏ ⵏ ⵜⵖⴰⵔⵉⵡⵉⵏ ⴳ ⵜⵎⵔⵙⵍⵜ ⵜⴰⵣⵣⵔⴰⴼⵜ ⵙ ⵙⵉⵏ ⵉⵙⵇⵇⵉⵎⵏ ⵏⵏⵙ ⵉⵟⵟⴰⴼⵏ ⴰⴼⵔⵉⵙ ⴰⵣⵔⴼⴰⵏ ⵉⴳⴰⵏ ⵓⵛⵛⵉⵍ”. ⴰⵢⵍⵍⵉ ⵔⴰⴷ ⵢⵉⵍⵉ ⴳ ⵜⵣⵡⵉⵔⵉ ⵏ ⵓⵖⴰⵡⴰⵙ ⵏ ⵓⵙⵇⵇⵉⵎ ⴳ ⵜⵙⵓⵜⵍⵜ ⵜⴰⵣⵣⵔⴰⴼⵜ ⵍⵍⵉ ⵏⵕⵥⵎ ⴰⵙⵙ ⴰⴷ ⵖ ⴷ ⵉⵇⵇⴰⵏ ⵓⵙⵖⵣⵏ ⵏ ⵓⵍⵓⴳⵏ ⵙ ⵜⵓⵎⴰⵢⵉⵏ ⴼⴰⵡⵏⵉⵏ ⴳⴰⵏⵉⵏ ⵜⵓⵛⵛⵉⵍⵉⵏ.</p>
<p style="text-align: left;" dir="ltr" align="right">ⵖⵎⴽ ⴰⵏⵏ, ⴰⴼ ⴷ ⵉⵇⵇⴰⵏ ⴰⴷ ⵏⵙⵡⵓⵔⵉ ⵙ ⵉⵙⵡⴰⵍⴰⵢⵏ ⴰⴷ ⵉⴳⵍⴷⴰⵏⵏ, ⵏⵙⴽⵔ ⴳ ⵓⴽⵜⵓⵢ ⵡⵉⵙ 60 ⵏ ⵓⵙⴽⵔ ⵏ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴰⵎⵣⵡⵓⵔⵓ, ⵜⴰⵔⵙⵍⵜ ⵍⵍⵉ ⵔⴰⴷ ⵉⵙⴽⵔ ⵜⴰⴷⵉⵏⴰⵎⵉⵜ ⵜⴰⵎⴰⵢⵏⵓⵜ ⴳ ⵜⵎⵙⴽⵔⵜ ⵏⵏⵖ ⵜⴰⵎⵔⵙⵍⴰⵏⵜ, ⴷ ⵓⵙⵖⵓⴷⵓ ⵏ ⵡⴰⵡⵍⴰⴼ ⵏ ⵜⵎⵔⵙⵍⵜ ⴷⴰⵔ ⵓⵎⵏⴰⴷ ⴰⵎⴰⵜⵢ, ⵙ ⵎⴰⴷ ⵉⵙⴷⵓⵙⵏ ⵜⴰⵎⵢⵉⴰⵏⵜ ⴳ ⵜⵎⵔⵙⴰⵍ, ⵢⴰⵡⵙ ⴽⵓⵢⴰⵏ ⴳ ⵓⵚⴽⵓ.</p>
<p style="text-align: left;" dir="ltr" align="right">ⵜⴰⴼⴼⵓⴳⵍⴰ ⵏⵏⵓⵏ ⵉⵎⵎⵔⵏ, ⴰⴷ ⵜⴳ ⵜⵉⵏ ⵜⵓⵎⵔⵜ ⴷ ⵜⴷⵓⵙⵉ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⴷⵓⵏ ⵏ ⵉⵎⵓⵎⵏⵏ, ⴰⴷ ⵉⴱⴰⵔⴽ ⵕⴱⴱⵉ ⴳ ⵡⴰⵡⵜⴰⵢ ⵏⵏⵙ ⵃⵎⴰ ⴰⴷ ⵉⵣⵣⵉⴳⵣ ⵜⴰⵏⴰⵔⴰ ⵏ ⵜⵎⴰⵣⵉⵔⵜ ⴰⴷ ⵉ ⴽⵉⴳⴰⵏ ⵏ ⵓⵙⵓⵜⴳ ⴷ ⵓⴱⵓⵔⵣ.</p>
<p style="text-align: left;" dir="ltr" align="right"><strong>ⵜⴰⵏⵎⵎⵉⵔⵜ ⵏⵏⵓⵏ</strong></p>