ⵜⴰⴳⵓⵔⵉ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵓⵎⵓⵏⵜ ⵉ ⵓⵏⴰⵎⵎⴰⵙ ⴳ ⵓⵏⵏⵓⵕⵥⵎ ⵏ ⵜⵙⵓⵜⵍⵜ ⵜⵉⵙ 17 ⵏ ⵜⵎⵙⵎⵓⵏⵜ

<p style="text-align: center;" align="center"><strong>ⵙ ⵉⵙⵎ ⵏ ⵕⴱⴱⵉ</strong></p>
<p style="text-align: justify;"><strong>* </strong><strong>ⵜⵉⵏⴳⴳⵯⴰⵙ ⴷ ⵉⵏⴳⴳⵯⴰ ⵉⵏⵙⵙⵉⵅⴼⵏ ⵏ ⵉⵙⵇⵇⵉⵎⵏ ⵉⵣⵣⵔⴰⴼⵏ </strong></p>
<p style="text-align: justify;"><strong>* </strong><strong>ⵜⵉⵏⴳⴳⵯⴰ ⴷ ⵉⵏⴳⴳⵯⴰ ⵉⴳⵎⴰⵎⵏ ⵏ ⵉⴽⴰⴱⴰⵕⵏ </strong></p>
<p style="text-align: justify;"><strong>* </strong><strong>ⵉⴷ ⴱⴰⴱ ⵏ ⵜⵓⵎⵔⵜ ⵉⵎⵙⵇⵇⴰⴷⵏ </strong></p>
<p style="text-align: justify;"><strong>&nbsp;* </strong><strong>ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ </strong></p>
<p style="text-align: justify;">ⵉⴳⴰ ⵉⵢⵉ ⵜⵓⵎⵔⵜ ⴰⴷ ⵉⵡⴹⵖ ⴰⵏⵏⵓⵕⵣⵎ ⵏ ⵜⵙⵓⵜⵍⵜ ⵜⵉⵙ &nbsp;17 ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⴰⵎⵓⵏⵜ ⵉ ⵓⵏⴰⵎⵎⴰⵙ, ⵖⵉⴷ ⴳ ⵜⵎⴰⵥⵓⵏⵜ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ, ⴷⴼⴼⵉⵔ ⵎⴰⴷ ⵉⵎⵓⵏ ⵉⴳⴹⴰⵎ ⵓⴳⵔⴰⵡ ⵏ ⵉⵏⵙⵙⵉⵅⴼⵏ, ⴷ ⵜⵙⵇⵇⵉⵎⵉⵏ ⵜⵉⵙⵓⵍⴰⵏⵉⵏ ⴳ ⵜⵎⵙⵎⵓⵏⵜ ⴷ ⵓⵙⵉⵔⴰ ⵏⵏⵙ ⴰⵅⴰⵜⴰⵔ.</p>
<p style="text-align: justify;">ⵔⵉⵖ ⴰⴷ ⴷⴰⵖ ⵙⵔⵓⵏ ⵙⴱⵔⵔⴽⵖ ⵜⵉⴽⴽⵍⵉⵜ ⵢⴰⴹⵏⵉⵏ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵍⵎⵖⵔⵉⴱⵏ ⵙⵏⵉⵎⵎⵔⵖ ⴽⵯⵏ ⴼ ⵜⵉⵍⵉⵜ ⵏⵏⵓⵏ ⵍⵍⵉ ⵉⴳⴰⵏ ⵜⴰⵎⴰⵜⴰⵔⵜ ⵏ ⵜⵣⴷⴰⵢⵉⵏ ⵊⴰⵔ ⵜⵉⵎⵉⵣⴰⵔ ⵏⵏⵖ, ⴷ ⵓⵙⴽⵔ ⵏ ⵓⵙⵖⵉⵡⵙ ⵏⵏⵖ ⴰⵎⴳⵔⵓ ⵉ ⵜⵣⵣⵉⴳⵣⵜ ⵏ ⵜⵡⵓⵔⵉ ⵜⴰⴱⵕⵍⴰⵎⵏⵉⵜ ⵓⵕⵓⵜⴰⵏⴰⵎⵎⴰⵙⵜ ⵉⵛⵛⴰⵔⵏ ⴳ ⵓⵙⴰⵜⵉ ⵏ ⵜⵎⵙⵎⵓⵏⵜ ⵏⵏⵖⵏⵖ ⵉⵙⴼⵓⴳⵍⵓⵏ ⴷⴼⴼⵉⵔ ⵢⴰⵏ ⵡⴰⵢⵢⵔ, 20 ⵏ ⵓⵙⴳⴳⵯⴰⵙ ⵏ ⵜⵍⴰⵍⵉⵜ ⵏⵏⵙ, ⴷ 26 ⵏ ⵓⵙⴳⴳⵯⴰⵙ ⴼ ⵜⵉⵍⵉⵜ ⵏ ⵜⵓⵏⵖⵉⵍⵜ ⵏⵏⵙ ⵜⴰⵎⵣⵡⴰⵔⵓⵜ: ⴰⵏⵎⵓⵇⵇⴰⵔ ⴰⴱⵕⵍⴰⵎⴰⵏⵉ ⵓⵕⵓ-ⴰⵏⴰⵎⵎⴰⵙ.</p>
<p style="text-align: justify;">ⵙ ⵜⵎⵍⴷⴰ ⴰⴷ, ⵉⵇⵇⴰⵏ ⴷ ⴰⴷ ⵏⴽⵯⵜⵉ ⴰⴱⵔⵉⴷ ⵏ ⵓⵙⴽⵔ, ⵍⵍⵉ ⵓⵔ ⵉⵔⵅⵉⵏ, ⵎⴰⵛ ⵉⴳⴰ ⴰⴱⴷⴷⴰⴷ, ⵏⴽⵯⵜⵉ ⴷ ⵜⵉⵡⵉⵣⵉ ⵏ ⵉⵎⵙⴽⴰⵔⵏ : ⵉⴳⵍⵍⵉⵏ ⵏ ⵓⵙⵍⵎⴰⴷ ⵄⴰⴱⴷⵍⵡⴰⵃⴷ ⵕⵕⴰⴹⵉ ⴷ ⵉⴳⵍⵍⵉⵏ ⵏ ⵅⵓⵚⵚⵉ ⵎⴰⵔⵢⴰ ⵅⵉⵍ ⵔⵓⴱⵍⵉⵙ ⵍⵍⵉ ⵍⵓⵍⵏⵉⵏ ⴳ ⵢⴰⵏ ⵓⵙⴳⴳⵯⴰⵙ, ⴷⴷⵓⵏ ⴰⵖ ⴳ ⵓⵙⴳⴳⵯⴰⵙ ⵉⵣⵔⵉⵏ, ⴷⴷⵔⵏ ⴰⴽⴽⵯ ⵜⵉⴼⵔⴽⵉⵡⵉⵏ ⵜⵉⵎⵣⵔⴰⵢⵉⵏ ⵙ ⵉⵙⵏⴼⵍⵏ ⵏⵏⵙⵏⵜ, ⵖⵎⴽ ⵍⵍⵉ ⵔⴰⴷ ⴱⴷⵔⵖ ⵜⴰⵏⵙⵙⵉⵅⴼⵜ ⵏⵉⴽⵓⵍ ⴼⵓⵏⵟⵉⵏ ⴷ ⵡⵉⵢⵢⴰⴹ, ⵍⵍⵉ ⵉⵡⵙⵏⵉⵏ ⵙ ⵎⴰⴷ ⵉⴳⴳⵓⵜⵏ ⴳ ⵓⵙⵔⵙ ⵏ ⵜⵔⵙⴰⵍ ⵏ ⵉⵖⵉⵍ ⴰⴱⵕⵍⴰⵎⴰⵏⵉ ⵉⴹⴼⵕⵏ ⵜⴰⵡⵓⵔⵉ ⵏ ⴱⴰⵕⵛⴰⵍⵓⵏⴰ.</p>
<p style="text-align: justify;">ⵉⵍⵍⴰ ⵓⵙⴽⵔ ⴳ ⵓⵎⴰⵍⴰ ⵏ ⵉⴼⵙⵙⴰⵢⵏ ⵉⵅⴰⵜⴰⵔⵏ ⵍⵍⴰⵏⵉⵏ ⴳ ⵜⵣⴷⴰⵢⵉⵏ ⵜⵉⴳⵔⴰⵖⵍⴰⵏⵉⵏ: ⵜⵉⴳⵉⵔⴰ ⵏ ⵜⵎⴰⵖⵜ ⵜⴰⵚⵎⵎⴰⴹⵜ, ⵉⵎⴹⴰⴽⴰⵔⵏ ⵏ ⵓⵚⵍⵓ ⵍⵍⵉ ⴷ ⵉⵡⵉⵏⵉⵏ ⴰⴳⵔⴰⵡ ⵏ ⵎⴰⴷⵔⵉⴷ ⵉ ⵓⴼⵔⴰ ⴳ ⵍⵇⴱⵍⵜ ⵜⴰⵏⴰⵎⵎⴰⵙⵜ ⴷ ⵜⵎⵢⴰⵇⵇⴰⵏⵉⵏ ⵏ ⵡⴰⵛⵉⵏⵟⵓⵏ ⵍⵍⵉ ⵙⵎⴷⵏⵉⵏ ⵜⴰⵡⵓⵔⵉ ⴰⴷ, ⴷ ⵓⵏⵏⵓⵕⵥⵎ ⵏ ⵜⵡⵓⵔⵉ ⵏ ⴱⴰⵕⵛⴰⵍⵓⵏⴰ ⵍⵍⵉ ⵉⵙⵙⵕⵚⴰⵏ ⴰⵎⵏⴰⴷ ⴰⴱⵕⵍⴰⵎⴰⵏⵉ ⵉⵙⴷⴷⵉⴷ ⴼⵍⵍⴰⴷ ⴷ ⵉⵎⵉⵙⵙ ⵏ ⵓⵙⵏⴰⵍ ⵏ ⵜⵎⴷⵔⴰⵡⵜ ⵓⵕⵓⵜⴰⵏⴰⵎⵎⴰⵙⵜ.</p>
<p style="text-align: justify;">ⵎⴰⵛ ⵎⴰⵏⵣⴰ ⴰⵖ ⴳ ⵉⵏⴰⵔⵓⵣⵏ ⵍⵍⵉ ⵙⴽⵔⵏⵜ ⵎⴰⵕⵕⴰ ⵏ ⵜⴷⵉⵏⴰⵎⵉⵢⵉⵏ ⴰⴷ ?</p>
<p style="text-align: justify;">ⴳ ⵜⵉⵍⴰⵡⵜ, ⵏⵍⵍⴰ ⴷⴰⵜ ⵏ ⵜⵢⴰⴼⵓⵜ ⴱⴰⵀⵔⴰ ⴳ ⵉⵍⵍⴰ ⵓⵎⵣⴰⵔⴰⵢ.</p>
<p style="text-align: justify;">ⵙⴽⵔⵏⵜ ⵜⵎⴷⵔⴰⵡⵉⵏ ⵏⵏⵖ ⵜⵉⴷⵎⵙⴰⵏⵉⵏ ⴽⵉⴳⴰⵏ ⵏ ⵓⵎⵎⵉⵥⵏ ⵙ ⵜⵓⴷⴷⵉⵔⵜ ⴷ ⵓⵍⵜⴰⵖ ⵏ ⵢⵉⴳⵔ ⵓⵙⵍⵉⴳ ⴷ ⵓⵙⵏⴰⵍ ⵓⵏⴱⵉⴹ ⴷ ⵓⵎⵙⴽⴰⵔ ⴳ ⵙⵏⴰⵜ ⵜⵖⵣⴰⵔ, ⴷ ⵓⵙⵖⵡⵏ ⵏ ⵜⴰⵎⵓⵏⵜ ⵏ ⵓⵕⵓⴱⴱⴰ ⵍⵍⵉ ⵏⵙⵏⵉⵎⵎⵉⵔ, ⴳ ⵉⵙⵖⵏⵓⵜⵏ ⵅⴰⵜⵔⵏⵉⵏ, ⵎⴽ ⵍⵍⵉ ⵣⵣⵉⴳⵣⵏ ⵉⵙⵏⴼⵍⵏ ⴳⵏ ⵉⵎⵏⵏⴰⵡⵏ ⴷ ⵜⵎⵢⴰⵡⵇⵇⴰⵏⵉⵏ ⵜⵉⵙⵉⵏⵔⴰⵏⵉⵏ ⴷ ⵜⴳⵜⵉⵔⴰⵏⵉⵏ.</p>
<p style="text-align: justify;">ⴳⴰⵏ ⵙⵎⵎⵓⵙ ⴷ ⵎⵔⴰⵡ ⵏ ⵉⵙⴳⴳⵯⴰⵙⵏ ⵍⵍⵉ ⴹⴼⵕⵏⵉⵏ ⵜⴰⵡⵓⵔⵉ ⵏ ⴱⴰⵕⵛⴰⵍⵓⵏⴰ ⵡⵉⴷ ⴳ ⵍⵍⴰⵏ ⴽⵉⴳⴰⵏ ⵏ ⵉⵎⵙⵡⴰⵍⴰⵏ ⵉⵙⵔⵜⴰⵏⵏ ⵉⵉⴳⵜⵉⵔⴰⵏⵏ ⵊⴰⵔ ⵜⵉⵖⵣⴰⵔ ⵏ ⵓⵏⴰⵎⵎⴰⵙ ⴳ ⵉⵙⵡⵉⵔⵏ ⵓⵏⴱⵉⴹⵏ ⴷ ⵉⴱⵔⵍⴰⵎⴰⵏⵉⵢⵏ ⴷ ⵊⴰⵔ ⵜⵉⴳⵔⴰⵡⵉⵏ ⵜⵉⵏⴰⴽⴰⵍⵉⵏ, ⴷ ⵓⵙⵡⵉⵔ ⵏ ⵡⴰⵎⵎⴰⵙ ⵏ ⵜⵡⵓⵔⵉⵡⵉⵏ, ⴷ ⵜⵎⵙⵎⵓⵏⵉⵏ ⵜⵉⵖⵔⵎⴰⵏⵉⵏ, ⴷ ⵜⵙⴷⴰⵡⵉⵢⵉⵏ ⴷ ⵊⴰⵔ ⵉⴽⴰⴷⵉⵎⵉⵢⵏ, ⴰⵢⵍⵍⵉ ⵉⵙⴽⵔ ⴰⴼⵙⵙⴰⵢ ⵏ ⵜⵉⴷⵜ ⴳ ⵜⵙⴳⴰ, ⵍⵍⵉ ⵜⵜⵓⵣⵎⵎⴰⵎⵏⵜ ⴽⵉⴳⴰⵏ ⵏ ⵜⵎⵢⴰⵇⵇⴰⵏⵉⵏ ⵏ ⵜⵎⴷⵔⴰⵡⵜ ⵀⴰⵔ ⵜⴰⵎⵓⵏ ⵏ ⵓⵕⵓⴱⴱⴰ ⴷ ⵜⵎⵉⵣⴰⵔ ⵜⵉⵎⴷⵔⴰⵡⵉⵏ ⴳ ⵉⴼⴼⵓⵙ ⴷ ⵍⵇⴱⵍⵜ ⵏ ⵓⵎⴷⴰ ⵏ ⵓⵏⴰⵎⵎⴰⵙ.</p>
<p style="text-align: justify;">ⵕⵣⵎⵏⵜ ⵜⵎⴷⵔⴰⵡⵉⵏ ⴰⴷ ⴽⵉⴳⴰⵏ ⵏ ⵉⵏⵎⵏⴰⴷⵏ ⵉ ⵉⵙⵏⴼⵍⵏ ⵉⵏⵙⴱⴰⴱⵏ ⴷ ⵓⵙⵍⴻⵍⵍⵉ ⵏ ⵉⴳⴰⴷⴰⵣⵏ, ⴷ ⵓⵙⵙⴷⵖⵔ ⵏ ⵉⵙⵙⴰⵔⵓⵜⵏ ⴷ ⵓⵙⴽⵔ ⵏ ⵉⵙⵖⵏⵓⵜⵏ ⵛⵛⴰⵔⵏⵉⵏ.</p>
<p style="text-align: justify;">ⵓⵔⴰⵏⵜ ⵜⵎⴷⵔⴰⵡⵉⵏ ⵏⵏⵖ ⴽⵉⴳⴰⵏ ⵏ ⵜⵓⵍⵍⵉⵙⵉⵏ ⵏ ⵓⵎⵓⵔⵙ ⴳ ⵉⴳⵔ ⵏ ⵉⵙⵖⵏⵓⵜⵏ ⵉⵎⴳⵓⵔⴰⵏⵏ ⵛⵛⴰⵔⵏⵉⵏ ⴷ ⵡⴰⵡⵏⴰⴹ ⴷ ⵜⴷⵎⵙⴰ ⵜⴰⵣⴳⵣⴰⵡⵜ ⴷ ⵜⴼⵍⵍⴰⵃⵜ ⴷ ⵜⴳⵯⵎⵔⵜ ⵜⴰⵢⵍⴰⵏⵜ.</p>
<p style="text-align: justify;">ⵏⵙⴽⵔ ⴽⵉⴳⴰⵏ ⵏ ⵉⵡⵜⵜⴰⵙⵏ ⴳ ⵉⴳⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵎⵖⴰⵔⵉⵏ ⴷ ⵢⵉⵙⴽⵍ ⵊⴰⵔ ⵉⵡⵜⵎⴰⵏ ⴷ ⵓⵎⵢⴰⵡⴰⵙ ⵊⴰⵔ ⵡⴰⵎⵓⵏⵏ ⵉⵖⵔⵎⴰⵏⵏ, ⴷ ⵜⵏⵏⵓⴱⴹⴰ ⴷ ⵓⵙⵏⴰⵍ ⴰⵎⵔⵙⵍⴰⵏ ⵙⵍⴰⵡⵏ ⴰⴽⴽⵯ ⵙ ⵉⵖⴰⵡⴰⵙⵏ ⵏ ⵜⴳⵯⵎⴰⵜ ⵜⴰⵎⵔⵙⵍⴰⵏⵜ ⵍⵍⵉ ⵜⵙⵙⵥⵕⴼ ⵜⴰⵎⵓⵏⵜ ⵏ ⵓⵕⵓⴱⴱⴰ ⴷ ⵓⵙⵏⴰⵍ ⵉ ⵜⴳⵎⵉ.</p>
<p style="text-align: justify;">ⵉⴳ ⵜⴰⵖⴰⵡⵙⴰ ⵜⴰⵙⵉⵍⴰⵏⵜ ⴰⵢⵍⵍⵉ ⵉⵚⴰⵃⴰⵏ ⵉ ⵜⵎⵉⵣⴰⵔ ⵏⵏⵖ ⵙ ⵓⵣⴷⴰⵢ ⵏ ⵜⵏⴼⵔⵓⵜ ⴷ ⵜⵡⵓⵔⵉ ⵉⵛⵛⴰⵔⵏ ⵎⴳⴰⵍ ⵏ ⵓⴱⵔⵙⵉⵡⴷ ⴷ ⵜⵟⵟⵓⵕⴼⴰ, ⴰⵢⵍⵍⵉ ⴰⵖ ⴰⴽⴽⵯ ⵢⵉⵡⵙⵏ, ⴳ ⵓⵙⴱⴷⴷⵉ ⵏ ⴳⴰⵔ ⵉⵖⴰⵡⴰⵙⵏ ⵏ ⵓⴱⵔⵙⵙⵉⵡⴷ ⴷ ⵓⴼⵓⴽⴽⵓ ⵏ ⴽⵉⴳⴰⵏ ⵏ ⵜⵖⵔⴰⵙⵉⵏ ⵏ ⵓⴱⵔⵙⵙⵉⵡⴷ. ⵜⴰⴷ ⵜⴰⵎⵍⴷⴰ ⵏ ⵓⵣⵓⵍ ⴷ ⵓⵙⵏⵉⵎⵎⵔ ⵉ ⵉⵏⴳⵎⴰⵎⵏ ⵏ ⵜⵏⴼⵔⵓⵜ ⴳ ⵜⵎⵉⵣⴰⵔ ⵏⵏⵖ.</p>
<p style="text-align: justify;">ⵜⵙⵖⴰⵡⵙⴰ ⵜⵎⴷⵔⴰⵡⵜ, ⵙⴳ ⵎⴰⵙ ⵜⵙⵖⴰⵡⵙⴰ, ⵉⵎⵓⴽⵏⵏ ⵖⵣⴰⵏⵏⵉⵏ ⴳ ⵜⵎⵉⵣⴰⵔ ⵏ ⵉⴼⴼⵓⵙ ⵍⵍⵉ ⴳⵉⵙ ⵍⵜⵖⵏⵉⵏ, ⴳⴰⵏ ⵉⵎⵓⴽⵏⵏ ⵏ ⵓⵎⵙⴰⵙⴰ ⵟⵟⴰⴼⵏⵉⵏ ⴰⵥⴰⵥⵓ ⴰⵏⴰⵎⵓⵏ ⴷ ⵓⵥⵕⴼⴰⵏ, ⵔⴰⵏⵜ ⵙⴳ ⵉⴳⵔⴰⵏ ⴰⴳⴷⵓⴷⴰⵏ ⴷ ⵓⵙⵍⵉⴳ ⴰⴷ ⵉⵔⴰⵔ ⵉ ⵉⵙⵖⵍⵏ ⴷ ⵉⵙⵖⴰⵡⵙⴰⵜⵏ ⵏ ⵜⵉⵕⵡⵉ ⵏ ⵓⵕⵓⴱⴱⴰ ⴳ ⵜⵉⵣⵉ ⴷ ⵢⴰⵥⵏ, ⴳ ⵜⵉⵣⵉ ⵍⵍⵉⵖ ⵢⵉⵡⵉ ⵎⴰ ⴰⵏⵏ ⵜⵉⵎⵔⴰⵡⵉⵏ ⵏ ⵉⵙⴳⴳⵯⴰⵙⵏ ⵏ ⵓⵙⴳⵓⴷⵉ ⴳ ⵜⵎⵉⵣⴰⵔ ⵜⵉⴳⵎⴰⵎⵉⵏ ⴳ ⵜⴰⵎⵓⵏ ⵏ ⵓⵕⵓⴱⴱⴰ.</p>
<p style="text-align: justify;">ⵍⵍⵉⵖ ⵏⴼⵔⴽ ⵎⴰⵙ ⴷ ⵉⵎⵓⴽⵏⵏ ⴳⴰⵏ ⴰⵙⵖⴰⵡⵙⴰ ⴰⵏⴰⵎⵓⵔ ⴷ ⵓⴳⵯⵏⵙⴰⵏ, ⵓⵔ ⴷ ⵜⴰⵎⵔⴰⵔⵓⵜ ⵏ ⴽⵔⴰ ⵏ ⴱⵣⵉⵣ, ⵀⴰⵜⵉ ⵉⵇⵇⴰⵏ ⴷ ⴰⴷ ⵏⴼⵔⴽ ⵎⴰⵙ ⵉⵟⵟⴰⴼ ⵓⵎⵓⴽⵏ ⴰⵥⴰⵥⵓ ⵏⵏⵙ, ⵉⵙⵖⴰⵡⵙⴰ ⵓⵍⴰ ⵙ ⵓⵙⴳⵓⴷⵉ</p>
<p style="text-align: justify;"><strong>ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ, </strong></p>
<p style="text-align: justify;">ⵙ ⵓⵏⵛⴽ ⵍⵍⵉ ⵙ ⵙⵖⴰⵡⵙⴰⵏⵜ ⵜⵎⵢⴰⵇⵇⴰⵏⵉⵏ ⴷ ⵉⵎⴰⵙⵙⵏ ⴰⵖ ⵉⵙⵎⵓⵏⵏ&nbsp; ⴰⴼⵔⴰⴳ ⴷ ⵓⴹⵎⵏ ⵏ ⵜⵏⴼⵔⵓⵜ ⵏⵏⵙⵏⵜ ⵜⵓⵍⴳⵉⵏⵜ, ⴷ ⵓⴼⵔⴰⴳ ⵏⵏⵙⵏⵜ ⵙⴳ ⵎⴰⴷ ⵜⵜⵉⵏⵉⵏⵜ ⵜⵔⵓⴱⴱⴰ ⵏ ⵡⵓⴷⵓⵣ, ⴷ ⵉⴷ ⴱⴰⴱ ⵏ ⵜⵏⵓⴼⴰ, ⴷ “ⵜⴰⵕⵥⵉⵡⵉⵏ ⵓⵊⴰⴷⵏⵉⵏ” ⴷ ⵓⵔⵙⵉⵍⵏ, ⵀⴰⵜⵉ ⵙⵖⴰⵡⵙⴰⵏⵜ ⵜⵎⴷⵔⴰⵡⵉⵏ ⵏⵏⵖ ⵓⵕⵓⵜⵉⵏⴰⵎⵎⴰⵙⵉⵏ ⵙ ⵓⵎⴰⵜⴰ ⵉ ⵓⵙⵎⴰⵢⵏⵓ ⴳ ⵓⵙⵡⵉⵔ ⵏ ⵓⵎⵙⴰⵡⴰⵍ ⴰⵙⵔⵜⴰⵏ ⴷ ⵓⵎⵔⵙⵍⴰⵏ ⵍⵍⵉ ⵉⵙⴰⵜⵉⵏ ⵜⵉⵣⴷⴰⵢⵉⵏ ⴷ ⵉⵙⵏⴼⵍⵏ ⵊⴰⵔ ⵉⴳⵔⴰⵏ ⴷ ⵜⵉⵍⴰⵍ ⵢⴰⴹⵏⵉⵏ.</p>
<p style="text-align: justify;">ⵉⴳⴰ ⵍⵃⴰⵍ ⵢⴰⵏ ⵓⵙⵖⴰⵡⵙⴰ ⵉⵔⴰⵏ ⵜⴰⵍⴰⵍⵉⵜ ⵏ ⵜⵎⵢⵉⵎⴰⵏⵜ ⵜⴰⵎⴰⵢⵏⵓⵜ ⴳ ⵜⵎⴷⵔⴰⵡⵉⵏ ⵏⵏⵖ, ⵉ ⵜⵎⵔⴰⵓⵔⵉⵜⵉⵏ ⵍⵍⴰⵏⵉⵏ ⴳ ⵓⵙⵡⵉⵔ ⵏ ⵉⵙⵇⵙⵉⵜⵏ ⵏ ⵓⵎⵏⴰⴹ ⵏ ⵖⵉⵍⴰⴷ, ⴷ ⵓⵙⵡⵉⵔ ⵏ ⵜⵏⴰⵥⴰⵕⵉⵏ ⵜⵉⵎⴰⵢⵏⵓⵜⵉⵏ/ⵜⵉⵇⴱⵓⵔⵉⵏ ⵍⵍⴰⵏⵉⵏ ⴷⴰⵜ ⵏ ⵜⵙⴳⴰ ⵏⵏⵖ ⵓⵕⵓⵜⴰⵏⴰⵎⵎⴰⵙⵜ.</p>
<p style="text-align: justify;">ⵙⵙⵓⵔⴼⴰⵜ ⵉⵢⵉ ⴰⴷ ⴷⵉⴷⵓⵏ ⵙⵎⵏⵉⴷⵖ ⴽⵔⴰ ⵙⴳ ⵜⵏⴰⵥⴰⵕⵉⵏ ⴰⴷ ⵍⵍⵉⴷ ⵉⵇⵇⴰⵏ ⴰⴷ ⴰⴽⴽⵯ ⵏⵙⵡⵓⵔⵉ ⵉ ⵡⴰⵍⴰⵢ ⵏⵏⵙⵏⵜ, ⵉⵖ ⵏⵔⴰ ⴰⴷ ⵉⵙⵓⵔⵔⵉ ⵓⵎⴷⴰ ⵓⵕⵓ-ⴰⵏⴰⵎⴰⵎⵙ ⵜⵉⵍⴰⵍⵜ ⵏⵏⵙ ⴷ ⵡⴰⵎⵎⴰⵙ ⵏⵏⵙ ⴰⵎⴰⴹⵍⴰⵏ ⴷ ⵓⵙⵏⵥⵕ ⵏⵏⵙ.</p>
<p style="text-align: justify;">ⵉⵟⵟⴰⴼ ⴰⵢⵍⵍⵉ ⵉⵜⵜⵓⵙⵎⵎⴰⵏ “ⵜⴰⴼⵙⵓⵜ ⵜⴰⵄⵕⴰⴱⵜ ” ⵉⴷⵔⵉⵣⵏ ⵏ ⵜⵕⵥⵉ ⴼ ⴽⵔⴰ ⵏ ⵜⵎⵉⵣⴰⵔ ⵏ ⵍⵇⴱⵍⵜ ⴷ ⵉⴼⴼⵓⵙ ⵏ ⵓⵏⴰⵎⵎⴰⵙ ⵍⵍⵉ ⵙⵎⵔⵙⵏⵜ ⴽⵔⴰ ⵏ ⵜⵔⵓⴱⴱⴰ, ⵉⵣⵎⴰⵣ ⵏ ⵓⵙⵎⵓⵜⵜⵉ, ⴷ ⵓⵛⵃⵓ ⵏ ⵓⵡⴰⵏⴽ ⵉ ⵜⵉⵍⵉⵜ ⵏ ⵓⵔⵡⴰⵢ ⴷ ⵓⵙⴱⵉⴹⵔ ⵏ ⵓⵚⴽⵓ ⵏ ⵜⵎⵔⵙⴰⵍ ⵜⵉⵏⴰⵎⵓⵏⵉⵏ. ⵉⵙⵎⵎⵖⵔ ⵓⴽⵛⵓⵎ ⴰⴱⵔⵔⴰⵏ ⴰⵛⵃⵓ ⵏ ⵉⵙⵓⵔⵙⵏ ⴰⴷ ⵍⵍⵉ ⴷ ⵉⵡⵉⵏⵉⵏ ⵜⴰⴹⴹⴰⵏⴳⵉⵡⵉⵏ ⵏ ⵓⵔⵡⵍ ⴷ ⵉⵣⵡⴰⴳⵏ ⵙ ⴽⵉⴳⴰⵏ ⵏ ⵡⴰⵏⴰⵡⵏ.</p>
<p style="text-align: justify;">ⵉⴳⴰ ⵓⵎⵏⵣⴰⵖ ⴳ ⵍⵇⴱⵍⵜ ⵜⴰⵏⴰⵎⵎⴰⵙⵜ ⴰⵛⴰⵎⵓⵛ ⵏ ⵉⵎⵏⵣⴰⵖⵏ ⵉⵏⵎⵏⴰⴹⵏ, ⵉⵙⴼⴼⵓⵖⴷ ⴽⵉⴳⴰⵏ ⵏ ⵉⵎⵏⵣⴰⵖⵏ ⵢⴰⴹⵏⵉⵏ. ⵜⴳ ⵜⵎⵙⴰⵔⵜ ⵏ ⵓⵎⴰⴷⴰⵏ ⵏ ⴼⴰⵍⵉⵙⵟⵉⵏ ⵓⵍ ⵏ ⵡⴰⵔⴰⵔⴳⴳⵉⴳ ⴳ ⵍⵇⴱⵍⵜ ⵜⴰⵏⴰⵎⵎⴰⵙⵜ. ⴳ ⵓⵎⵏⵣⴰⵖ ⴰⴷ, ⵉⵇⵇⴰⵏ ⴷ ⴰⴷ ⵏⴼⵜⵓ ⵙ ⵡⵓⵍ ⵏ ⵓⵎⵓⴽⵔⵉⵙ ⵍⵍⵉ ⵉⴳⴰⵏ ⴰⵙⵎⴰⴷ ⵏ ⵓⵙⴷⵓⵔⵔⵉ ⵏ ⵉⴽⴰⵍⵉⵡⵏ ⵏ ⴼⴰⵍⵉⵙⵟⵉⵏ ⵜⵜⵢⴰⵎⴰⵥⵏⵉⵏ, ⵏⴼⴽ ⵉ ⵓⵎⴰⴷⴰⵏ ⵏ ⴼⴰⵍⵉⵙⵟⵉⵏ ⴰⵣⵔⴼ ⵏⵏⵙ ⴳ ⵜⵙⵉⵎⴰⵏⵜ ⴷ ⵓⵙⴽⵔ ⵏ ⵓⵡⴰⵏⴽ ⵏⵏⵙ ⴰⵏⵙⵉⵎⴰⵏ ⴼ ⵡⴰⴽⴰⵍ ⵏⵏⵙ ⴰⵏⴰⵎⵓⵔ, ⴰⵡⴰⵏⴽ ⵉⵍⵍⴰⵏ ⵜⵉⵅⵅⵓⵜⵔⴰ, ⴳ ⵜⵍⵍⴰ ⵜⵓⴷⵔⵜ, ⵜⴷⴷⵔ ⴳ ⵓⴼⵔⴰ ⴷ ⵜⵎⵢⵉⴷⵉⵔⵜ ⴰⴽⴷ ⵉⵡⴰⵏⴽⵏ ⵢⴰⴹⵏⵉⵏ ⵏ ⵜⵙⴳⴰ.</p>
<p style="text-align: justify;">ⴳ ⵎⴰⴷ ⵢⴰⵥⵏ, ⵉⵇⵇⴰⵏⴷ ⴰⴷ ⵓⵔ ⵜⵇⴱⵍⵜ ⵜⵔⴰⴱⴱⵓⵜ ⵜⴰⴳⵔⴰⵖⵍⴰⵏⵜ ⴰⴱⵍⴰ ⵙ ⵜⵉⵍⵉⵜ ⵏ ⵓⵣⵔⴼ ⵏ ⵓⵎⴰⴷⴰⵏ ⵏ ⴼⴰⵍⵉⵙⵟⵉⵏ ⴳ ⵓⵡⴰⵏⴽ ⵏⵏⵙ ⴰⵙⵉⵎⴰⵏ ⵙ ⵜⵎⴰⵥⵓⵏⵜ ⵏⵏⵙ ⵍⵇⵓⴷⵙ ⵏ ⵍⵇⴱⵍⵜ, ⴷ ⵜⵉⵍⵉⵜ ⵏ ⵓⴼⵔⴰ, ⵃⵎⴰ ⴰⴷ ⵢⴰⵎⵥ ⴰⵣⵔⴼ ⵏⵏⵙ ⴳ ⵜⵓⴷⵔⵜ, ⴷ ⵜⵏⴼⵔⵓⵜ&nbsp; ⴷ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⴷ ⵜⵎⴰⴳⵉⵜ.</p>
<p style="text-align: justify;">ⵜⵉⴽⴽⵍⵉⵜ ⵢⴰⴹⵏⵉⵏ, ⴰⵜⵉⴳⵏ ⵉⵏⴼⴳⴰⵏⵏ ⵍⵍⴰⵏ ⴰⵙⵙ ⴰⴷ ⴳ ⵉⵔⵉⵎ&nbsp; ⵏⵜⵜⵏⵉ ⴷ ⵓⴼⵔⴰⴽ ⴰⵏⴼⴳⴰⵏ ⴷⴰⵜ ⵏ ⵜⵎⴰⵙⴰⵢⵉⵏ ⵜⵉⵎⵣⵔⴰⵢⵉⵏ.</p>
<p style="text-align: justify;">ⵉⵇⵇⴰⵏ ⴷ ⴰⴷ ⴱⴷⴷⴰ ⵏⴽⵯⵜⵉ ⵎⴰⵙ ⴷ ⵉⵖ ⵓⵔ ⵉⵍⵍⵉ ⵓⴼⵙⵙⴰⵢ ⵏ ⵜⵎⵙⴰⵔⵉⵏ ⵏ ⵍⵇⴱⵍⵜ ⵜⴰⵏⴰⵎⵎⴰⵙⵜ ⵙ ⵓⵣⵔⴼ ⴷ ⵓⵙⵍⴳⵏ ⴰⴳⵔⴰⵖⵍⴰⵏ, &nbsp;ⵀⴰⵜⵉ ⵜⴰⴷ ⴱⴷⴷⴰ ⵜⴳ ⵜⵙⴳⴰ ⵏⵏⵖ ⵓⵕⵓⵜⴰⵏⴰⵎⴰⵎⵙⵜ ⵜⴰⵏⴽⵔⵓⴼⵜ ⵏ ⴰⵔⴻⵔⴳⴳⵉⴳ ⴷ ⵉⵎⵏⵣⴰⵖⵏ ⴷ ⵓⵔⵡⴰⵢ.</p>
<p style="text-align: justify;">ⵙ ⵓⵎⵣⵔⵓⵢ, ⵏⵖ ⵜⴰⵊⵢⵓⵖⵔⴰⴼⵉⵜ ⵜⴰⵙⵔⵜⴰⵏⵜ, ⵙ ⵉⵙⵎ ⵏ ⵓⴼⵔⴰⴽ ⴰⵏⴼⴳⴰⵏ ⴷ ⵡⴰⵜⵉⴳⵏ,&nbsp; ⴷ ⵜⵏⵓⴼⴰ, ⴷ ⵜⵎⴰⵖⵜ ⴼ ⵉⵎⴰⵍ ⵀⴰⵜⵉ ⴰⴼⵙⵙⴰⵢ ⵏ ⵓⵎⵏⵣⴰⵖ ⴰⵄⵕⴰⴱ ⴷ ⵉⵚⵕⴰⵉⵍ ⴷ ⵡⵓⵍ ⵏⵏⵙ ⵜⴰⵎⵙⴰⵔⵜ ⵏ ⴼⴰⵍⵉⵙⵟⵉⵏ ⵉⴳⴰ ⵜⴰⵎⴰⵙⴰⵢⵜ ⵓⵕⵓⵜⵏⴰⵎⴰⵎⵙⵜ ⵙ ⵜⵣⵡⵉⵔⵉ. ⵉⴳⴰ ⵜⴰⵎⵍⴷⴰ ⵏ ⵓⵙⵓⵔⵔⵉ ⵏ ⵜⵉⵍⴰⵍⵜ ⵏ ⵜⵔⴰⴱⴱⵓⵜ ⵏⵏⵖ ⴳ ⵓⵙⴱⴷⴷⵉ ⵏ ⵉⵕⵥⵉ ⴰⴷ ⴰⵙⵜⵔⴰⵜⵉⵊⵉ ⴰⵅⴰⵜⴰⵔ ⴳ ⵎⴰⵕⵕⴰ ⵉⵎⵏⴰⴷⵏ.</p>
<p style="text-align: justify;"><strong>ⵜⵉⵏⴳⴳⵯⴰ ⴷ ⵉⵏⴳⴳⵯⴰ </strong></p>
<p style="text-align: justify;">ⵍⵍⴰⵏⵜ ⴽⵉⴳⴰⵏ ⵏ ⵜⵏⴰⵥⴰⵕⵉⵏ ⵍⵍⵉ ⴰⴽⴽⵯ ⵏⵙⵙⵏ ⵎⵇⵇⴰⵔ ⵎⵎⵣⵔⵉⵏⵜ ⵜⵎⵢⴰⴷⴰⵙⵉⵏ ⵏⵏⵖ ⵎⵏⵉⴷ ⵏⵏⵙⵏⵜ.</p>
<p style="text-align: justify;">ⴳ ⵎⴰⴷ ⵉⵣⴷⵉⵏ ⴷ ⴰⵔⴻⵔⴳⵉⴳ, ⵏⵎⵎⴰⵖ ⴰⴽⴽⵯ ⴷ ⵜⵟⵟⵓⵕⴼⴰ ⴷ ⵓⴱⵔⵙⵙⵡⵉⴷ, ⵍⵍⵉ ⵉⵜⵜⴰⴼⵉⵏ ⴰⴽⴰⵍ ⵏⵏⵙ ⵏ ⵓⵎⵖⴰⵢ ⴳ ⵓⵔⵡⴰⵢ ⴷ ⵓⵥⵍⴰⴹ ⴷ ⵜⴰⴱⴱⴰⵢⵜ ⵏ ⵜⵎⵔⵙⴰⵍ. ⵉⵖ ⴷ ⵉⵇⵇⴰⵏ ⴰⴷ ⵏⵣⵣⵉⴳⵣ ⴳ ⵓⵣⴱⴷⴷⵉ ⴰⵏⴼⵔⴰⵏ ⵉ ⵉⴷ ⴱⴰⴱ ⵏ ⵓⵙⵡⵓⴷⴷⵓ ⴷ ⵓⵙⵙⵥⵕⴼ ⴷ ⵓⵣⵣⴳⵉⵔ ⵏ ⵉⵙⵏⴼⴰⵔⵏ ⵏ ⵓⴱⵔⵙⵙⵉⵡⴷ, ⵀⴰⵜⵉ ⵉⵇⵇⵏ ⴷ ⵓⵙⵖⵔ ⵏ ⵉⵖⴱⵓⵍⴰ ⵏ ⵓⴱⵔⵙⵙⵉⵡⴷ ⴷ ⵓⵙⴱⴷⴷⵉ ⵏ ⵡⴰⵡⵏⴰⴹ ⵍⵍⵉ ⵜ ⵉⵙⵏⵓⴱⴳⵏ, ⴳ ⵜⵉⵣⵉ ⵏⵉⵜ ⴳ ⵉⵣⵣⵉⴳⵣ ⵓⵙⵕⵚⵓ ⵏ ⵜⴷⵔⴼⴰⵢ ⴷ ⵜⴷⵉⵎⵇⵓⵔⴰⵟⵉⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵓⵣⵓⵣⵣⵔ ⵏ ⵜⴷⵍⵙⴰ ⵏ ⵜⵎⵢⵉⴷⵉⵔⵜ ⵉⵛⵛⴰⵔⵏ.</p>
<p style="text-align: justify;">ⴰⵔ ⵜⵜⴰⵡⵙⵏⵜ ⵜⵏⴰⵥⴰⵕⵉⵏ ⴰⴷ ⴷ ⵉⵎⵏⵜⵍⵏ ⴷ ⵡⵉⵢⵢⴰⴹ ⵙⴳ ⴱⵕⵕⴰ ⵏ&nbsp; ⵓⵙⴰⵢⵔⵓⵔ ⵓⵕⵓ-ⴰⵏⴰⵎⵎⴰⵙ, ⴷ ⴹⴰⵕⴰⵜ ⵏⵏⵙ ⴳ ⵜⵣⵣⵉⴳⵣⵜ ⵉⴼⴰⵡⵏ ⵏ ⵜⵓⵎⴰⵏⵜ ⵏ ⵓⵣⵡⴰⴳ ⴰⵔⵓⵍⴳⵉⵏ ⴷ ⵓⵔⵡⵍ, ⴷ ⵎⴰⴷ ⴷⵉⴷⵙⵏ ⵉⵎⵓⵏ ⴳ ⵜⴰⵙⵙⴰⵙⵉⵏ ⵜⵉⵏⴼⴳⴰⵏⵉⵏ. ⵉⵎⵎⴰⵜⵉ ⵢⵉⵍ ⵓⵎⵍⵉⵍ ⴰⵏⴰⵎⵎⴰⵙ ⵉⴳ ⴰⵙⵣⴳⵔ ⵏ ⵜⵎⵜⵜⴰⵏⵜ ⵏ ⵉⴼⴹⵡⴰⵏ ⵏ ⵉⵄⵔⵔⵉⵎⵏ ⵜⵜⵍⵍⵉⵏⵉⵏ ⵙ ⵓⵏⴰⵔⵓⵣ ⴳ ⵜⵡⵓⵔⵉ, ⵏⵖ ⵜⵉⵔⵎⵜ ⵏ ⵜⵓⴷⵔⵜ, ⵏⵖ ⵜⴰⵏⴼⵔⵓⵜ ⵏⵖ ⵜⵉⵍⴻⵍⵍⵉ ⵏⵖ ⴰⴼⵔⴰⴳ ⵙⴳ ⵓⴽⵕⴰⵥ ⴰⵇⴱⵉⵍ ⵏⵖ ⴰⵥⵓⵕⴰⵏ.</p>
<p style="text-align: justify;">ⵎⴽ ⵍⵍⵉ ⵏⵏⵉⵖ ⴷⴰⵜ ⵏ ⵉⴷ ⵎⴰⵙⵙ ⵉⵏⵙⵙⵉⵅⴼⵏ, ⵉⵖ ⴳⴰⵏ ⵉⵣⵡⴰⴳⵏ ⴳ ⵓⵎⴷⴰ ⵏⵏⵖ ⴰⵏⴰⵎⵎⴰⵙ ⴳ ⵓⵎⵣⵔⵓⵢ ⴰⵇⴱⵓⵔ ⴷ ⵓⵏⴰⵎⵎⴰⵙ ⴷ ⵓⵜⵔⴰⵔ, ⵜⵓⵎⴰⵏⵜ ⵏ ⵓⵙⴱⵓⵖⵍⵓ ⴷ ⵓⵏⵢⴰⵍⴽⴰⵎ ⴷ ⵓⵙⴷⵍⵙ ⴰⵏⴼⴳⴰⵏ ⵉⴳⴳⵓⵜⵏ, ⵉⴱⵓⵖⵍⴰⵏ ⴷ ⵓⵡⵍⴰⵡⴰⵍ, ⵙ ⵓⵖⵉⵍⵓⴼ ⴳⴰⵏ ⴰⵙⵙ ⴰⴷ ⴰⵙⴳⵎ ⵏ ⵉⵎⵏⵣⴰⵖⵏ ⴷ ⵜⵥⵓⵕⴰⵏⵜ ⴷ ⵓⵙⵏⵓⵃⵢⵓ, ⴷ ⵉⵎⵉⵙⵙ ⵏ ⵓⵙⵎⵜⵔ ⵏ ⵡⴰⵢⵢⴰⴹ, ⴰⵢⵍⵍⵉ ⵉⴳⴰⵏ ⵓⵜⵛⵓ ⵏ ⵓⵙⵏⵖⵎⵙ ⵏ ⵜⴽⵔⴽⴰⵙ. ⵓⴳⴳⴰⵔ ⴰⴽⴽⵯ, ⵉⴳⴰ ⵓⵣⵡⴰⴳ ⴰⵙⵙ ⴰⴷ ⴳ ⵓⴳⵯⵏⵙ ⵏ ⵉⵎⴰⵖⵏ ⵉⵎⵙⵜⴰⵢⵏ ⴳ ⴽⵉⴳⴰⵏ ⵏ ⵉⵡⴰⵏⴽⵏ ⵏ ⵜⵖⵣⵔⵜ ⵏ ⵉⵥⵥⵍⵎⴹ ⵏ ⵓⵎⴷⴰ ⵏ ⵓⵏⴰⵎⵎⴰⵙ, ⵍⵍⴰⵏⵜ ⵜⵓⴷⵉⵏ ⵏ ⵉⵎⵣⵡⴰⴳ ⴷ ⵉⴱⵕⵕⴰⵏⵉⵢⵏ ⴳ ⵉⵖⴰⵡⴰⵙⵏ ⵏ ⴽⵉⴳⴰⵏ ⵏ ⵉⴽⴰⴱⴰⵕⵏ ⵉⵙⵔⵜⴰⵏⵏ ⵜⴳ ⵜⴰⵏⴼⵓⵍⵜ ⴳ ⵉⵎⴰⵖⵏ ⵉⵎⵙⵜⴰⵢⵏ, ⴷ ⵉⵎⵉⵙⵙ ⵏ ⵓⵎⵎⵉⵥ ⴰⵎⵙⵜⴰⵢ.</p>
<p style="text-align: justify;">ⴳ ⵓⵎⵏⵉⴷ ⴰⴷ, ⵉⵇⵇⴰⵏ ⴷ ⴰⴷ ⵓⵔ ⵏⵜⵜⵓ ⴰⵏⴰⵡⵏ ⵔⵎⵙⵏⵉⵏ ⵏ ⵓⵙⵉⴷⴼ ⴷ ⵓⵙⵡⵓⴷⴷⵓ ⵉⵛⵛⴰⵔⵏ ⵉⵎⵔⵙⵏ ⵏ ⵜⵓⵎⴰⵏⵜ ⵏ ⵓⵣⵡⴰⴳ ⴰⵔⵓⵍⴳⵉⵏ ⵊⴰⵔ ⵉⵥⵥⵍⵎⴹ ⴷ ⵉⴼⴼⵓⵙ, ⵎⴽ ⵉⴳⴰ ⵡⴰⵏⴰⵡ ⵍⵍⵉ ⴱⴰⵀⵔⴰ ⵙⵙⵏⵖ, ⴰⵏⴰⵡ ⵏ ⵓⵎⵢⴰⵡⴰⵙ ⴰⴳⵜⵉⵔⴰⵏ ⵊⴰⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴳⵍⴷⵉⵜ ⵏ ⵚⵏⴰⵢⴰ ⴳ ⵓⵙⵎⴽⵍ ⵏ ⵓⵣⵡⴰⴳ. ⵉⵇⵇⴰⵏⴷ ⴼ ⵎⴰⵕⵕⴰ ⵉⴷⵉⵎⵓⵇⵔⴰⵟⵉⵢⵏ ⵙⴳ ⵉⴽⴰⴱⴰⵕⵏ ⴷ ⵓⴷⴷⵉⵙⵏ ⴷ ⵉⵎⴰⵙⵙⴰⵏⵏ ⴷ ⵜⵎⵔⵙⴰⵍ, ⴳ ⵉⵥⵥⵍⵎⴹ, ⴰⴷ ⵙⵡⵓⵔⵉⵏ ⵉ ⵓⵙⵏⴼⵍ ⵏ ⵓⴷⵎ ⵏ ⵓⵣⴷⴰⵢ ⵏ ⵜⵎⵓⴽⵔⵉⵙⵉⵏ ⴳ ⵡⴰⵎⵏⵏ ⵏ ⵓⵕⵓⴱⴱⴰ ⴷ ⵜⵓⵎⴰⵏⵜ ⵏ ⵓⵣⵡⴰⴳ ⴷ ⵓⵙⴱⴷⴷⵉ ⵏ ⵉⵏⴰⵡ ⵏ ⵜⴰⴳⵯⵉⵜ ⵏ ⵉⴱⵕⵕⴰⵏⵉⵢⵏ, ⴷ ⵓⴽⵯⵜⴰⵢ ⵏ ⵜⵉⵍⴰⵍ ⵜⵉⵎⵣⵔⴰⵢⵉⵏ ⵏ ⵉⵎⵣⵡⴰⴳ ⴳ ⵜⴷⵎⵙⴰⵏⵉⵏ ⵏ ⴽⵉⴳⴰⵏ ⵏ ⵜⵎⵉⵣⴰⵔ ⵏ ⵓⵕⵓⴱⴱⴰ, ⴷ ⵜⵡⵉⵣⵉ ⵏ ⴽⵉⴳⴰⵏ ⴷⴳⵉⵙⵏ ⴷ ⵜⴰⵔⵡⴰ ⵏⵏⵙⵏ ⴷ ⵉⵏⵎⵓⵔⴰⵏ ⵏⵏⵙⵏ, ⴷ ⵓⵙⵏⵥⵕ ⴰⵎⴰⵙⵙⴰⵏ ⴷ ⵓⴷⵍⵙⴰⵏ ⴷ ⵓⵎⴰⵏⵓⵏ ⵏ ⵜⵎⵉⵣⴰⵔ ⴰⴷ.</p>
<p style="text-align: justify;"><strong>ⵉⵙⵜ ⵎⴰⵙⵙ ⴷ ⵉⴷ ⵎⴰⵙⵙ </strong></p>
<p style="text-align: justify;"><strong>ⵜⵉⵏⴳⴳⵯⴰ ⴷ ⵉⵏⴳⴳⵯⴰ </strong></p>
<p style="text-align: justify;">ⵣⵎⵎⵉⵎⵏⵜ ⵜⵙⵖⴰⵍ ⵏ ⵜⵔⵖⵉ ⴳ ⵜⵙⴳⴰ ⵓⵕⵓⵜⴰⵏⴰⵎⵎⴰⵙⵜ ⴳ ⵓⵙⴳⴳⴰⵙ ⵏ 2023 ⵜⵉⵙⵖⴰⵍ ⴰⴽⴽ ⴰⵜⵜⵓⵢⵏⵉⵏ, ⵙⵙⵅⵙⵔⵏ ⵉⵀⴷⵉⵔⵏ ⵜⴰⴳⴰⵏⵉⵏ ⴳⴳⵓⵜⵏⵉⵏ. ⴰⵢⵍⵍⵉ ⵉⵎⵎⴰⵍⴰⵏ ⵎⴰⵙ ⴷ ⴰⴷⴰ ⴰⵏⴰⵎⵎⴰⵙ ⴳⵉⵙ ⵜⵉⵎⵓⴽⵔⵉⵙⵉⵏ ⵏ ⵓⵏⵣⵡⵉ ⴷ ⵉⴷⵔⵉⵣⵏ ⵏⵏⵙⵏⵜ ⵓⴳⴳⴰⵔ ⵏⵜⵎⵉⵣⴰⵔ ⵢⴰⴹⵏⵉⵏ ⵏ ⵓⵎⴰⴹⴰⵍ. ⵉⵣⴰⵢⴷ ⵎⴰ ⵏⵏⴰ ⴷ ⵓⵕⵎⵓⵢ ⵏ ⵡⴰⴽⴰⵍ ⴷ ⵓⵅⵍⴰ ⵏ ⵜⴰⴳⴰⵏⵉⵏ, ⴷ ⵓⵙⵎⵔⵙ ⵉⴳⴳⵓⵜⵏ ⵏ ⵜⴱⵖⵓⵔⵉⵏ ⵜⴰⵢⵍⴰⵍⵉⵏ ⴷ ⵜⵖⴰⵔⵜ.</p>
<p style="text-align: justify;">ⵜⵉⴽⴽⵍⵉⵜ ⵢⴰⴹⵏⵉⵏ, ⵏⵍⵍⴰ ⴷⴰⵜ ⵏ ⵜⵎⴰⵙⴰⵢⵜ ⵏ ⵜⵖⴰⵔⵉⵡⵉⵏ ⴳ ⵓⴼⵔⴰⴳ ⵏ ⵡⴰⵎⴷⴰ ⴰⵏⴰⵎⵎⴰⵙ ⴷ ⵓⵖⵓⵍ ⵏ ⵓⴱⵓⵔⵣ ⵏ ⵡⴰⵡⵏⴰⴹ ⵏⵏⵙ. ⴷⴰⵜ ⵏ ⵎⴰⴷ ⵙⴽⴰⵔⵏ ⵉⵎⵏⵜⵉⵍⵏ ⴰⴷ ⵏ ⵉⵣⵡⴰⴳⵏ ⴷ ⵓⵙⵙⵥⵍⴹ, ⵀⴰⵜⵉ ⵜⴰⵏⴼⴳⴰⵏⵜ ⴰⵔ ⴰⵙ ⵉⵜⵜⴷⴷⵓ ⵙ ⵓⵙⴳⵓⴼⵙⵓ ⵉⴳⴳⵓⵜⵏ ⵏ ⵓⵎⴷⴰ ⴰⵏⴰⵎⵎⴰⵙ, ⵢⴰⵏ ⵙⴳ ⵉⵖⴱⵓⵍⴰ ⵏ ⵓⵜⵛⵓ&nbsp; ⵉⴱⵓⵖⵍⴰⵏ ⵉⴳⴰⵏ ⴰⵎⵏⵏⵡⴰ ⴷ ⴱⴰⴱ ⵏ ⵚⴰⵃⴰ ⴼ ⵓⵎⴰⴹⴰⵍ, ⴷ ⵢⴰⵏ ⵓⴼⵔⴷⵉⵙ ⵉⵙⵜⴰⵡⵀⵎⵎⴰⵏ ⵏ ⵡⴰⵢⴷⴰ ⴰⴳⴰⵎⴰⵏ ⴷ ⵓⵏⴼⴳⴰⵏ ⵍⵍⵉ ⴼ ⵜⵜⵓⵙⴽⴰⵔ ⵢⴰⴳ ⵜⵖⵔⵎⴰ ⴱⴰⵀⵔⴰ ⵉⵇⴱⵔⵏ. &nbsp;</p>
<p style="text-align: justify;"><strong>ⵜⵉⵏⴳⴳⵯⴰ ⴷ ⵉⵏⴳⴳⵯⴰ </strong></p>
<p style="text-align: justify;">ⵉⴳⴰ ⵓⵙⵙⴽⵯⵜⵉ ⵏ ⵜⵏⴰⵥⴰⵕⵉⵏ ⵍⵍⵉⴷ ⵏⵎⵎⴰⵖ, ⵙⴳ ⵜⴰⵎⴰⵙⴰⵢⵜ ⴷ ⵓⵙⵡⵓⵔⵉ ⵉ ⵓⵙⵎⵖⵔ ⵏ ⵜⵎⴷⵔⴰⵡⵉⵏ ⵏⵏⵙ, ⵉⵖ ⴰⴽⴽⵯ ⵏⵙⵙⵏ ⵎⴰⵙ ⴷ ⴰⵏⴰⵡⵏ ⵏ ⵓⵎⵓⵔⵙ ⵏ ⵜⵎⴷⵔⴰⵡⵉⵏ ⴰⴷ ⴷ ⵓⵎⵢⴰⵡⴰⵙ ⴷ ⵓⵙⵏⴼⵍⵓⵍ ⴳⴳⵓⵜⵏ ⴱⴰⵀⵔⴰ, ⴰⵢⵍⵍⵉ ⴳⵉⵙⵏ ⵉⴳⴰⵏ ⴱⴰⵀⵔⴰ ⴰⵎⴰⵢⵏⵓ ⵉⵟⵟⴼ ⵜⴰⵎⴰⵜⴰⵔⵜ ⵉⴳ ⴰⵎⵣⵔⵓⵢ ⵉⴳⴰ ⵍⵍⵉⵖ ⵢⵓⵎⵥ ⵍⵎⵖⵔⵉⴱ ⴷ ⵚⴱⴰⵏⵢⴰ ⴷ ⵍⴱⵓⵔⵜⵓⵖⴰⵍ ⴰⴷⴷⵓⵔ ⵏ ⵓⵙⵏⵎⴰⵍⴰ ⵏ ⵓⴽⴰⵙ ⵏ ⵓⵎⴰⴹⴰⵍ ⴳ 2030, ⵙ ⵎⴰⴷ ⵉⵟⵟⴰⴼ ⴳ ⵓⵥⴰⵥⵓ ⴰⵎⵣⵔⴰⵢ ⴷ ⵓⵖⵔⵎⴰⵏ ⴷ ⵓⴷⵍⵙⴰⵏ, ⴷ ⵜⵣⴷⴰⵢⵉⵏ ⵜⵉⵎⵣⵔⴰⵢⵉⵏ ⵜⵉⵡⵍⴰⵡⴰⵍⵉⵏ ⵊⴰⵔ ⵉⵎⴰⴷⴰⵏⵏ ⵏⵏⵖ.</p>
<p style="text-align: justify;">ⵎⴽ ⵍⵍⵉ ⴰⵡⵏ ⴱⴷⴷⴰ ⵉⴼⴰⵡ, ⵀⴰⵜⵉ ⵍⵎⵖⵔⵉⴱ, ⵉⴳⴰ ⴰⵎⵙⵓⵎⵓ ⵉ ⵜⵎⵢⵓⵔⵉⵏ ⵏ ⵜⵎⵢⵉⴷⵉⵔⵜ, ⴷ ⵜⵓⴷⵔⵜ ⵉⵛⵛⴰⵔⵏ, ⴷ ⵓⵡⴰⵏ, ⴷ ⵜⵍⴻⵍⵍⵉ, ⵔⴰⴷ ⴱⴷⴷⴰ ⵉⵣⵣⵉⴳⵣ ⴳ ⵓⵍⵜⴰⵖ ⵏⵏⵙ ⵉⵥⵉⵍⵏ ⵉⴳⴰⵏ ⴰⵎⵙⴽⴰⵔ ⴳ ⵓⵙⵎⴰⵢⵏⵓ ⵏ ⵜⵎⴷⵔⴰⵡⵜ ⵓⵕⵓⵜⴰⵏⴰⵎⴰⵎⵙⵜ, ⴰⵙⵇⵇⵉⵎ ⵏ ⵉⵎⵓⵔⴰ ⴰⵎⵖⵔⵉⴱⵉ ⵉⴳⴰⵏ ⴰⵎⵙⴽⴰⵔ ⴰⴷⵙⵍⴰⵏ ⵏ ⵓⵎⵏⴰⴷ ⴰⴱⵕⵍⴰⵎⴰⵏⵉ ⵓⵕⵓ-ⴰⵏⴰⵎⵎⴰⵙ ⴷ ⵓⵙⵎⵖⵔ ⵏⵏⵙⵏ, ⵔⴰⴷ ⵉⵣⵣⵉⴳⵣ ⴳ ⵓⵙⵖⵡⵏ ⵏⵏⵙ ⵉⵥⵉⵍⵏ ⴳ ⵓⵙⴰⵜⵉ ⵏ ⵜⵡⵓⵔⵉ ⴰⴷ, ⴷ ⵜⵉⵍⵉⵜ ⵏⵏⵙ ⵉⵍⴰⵏ ⵜⴰⵙⵓⵎⵔⵜ ⵙ ⵓⴱⴷⴷⴰⴷ ⴼ ⵜⵣⴷⴰⵢⵉⵏ ⵏⵏⵙ ⴰⴽⴷ ⵎⴰⵕⵕⴰ ⵉⴼⵔⴷⴰⵙ ⵏ ⵜⵎⴷⵔⴰⵡⵜ ⵓⵕⵓⵜⴰⵏⴰⵎⴰⵎⵙⵜ ⴷ ⵜⵎⵓⵣⴰⵢⵜ ⵏⵏⵙ ⵜⴰⵎⵔⵙⵍⴰⵏⵜ ⵍⵍⵉ ⴷ ⵉⵜⵜⴰⴳⵯⵎⵏ ⵙⴳ ⵡⴰⵏⴰⵡ ⵏⵏⵙ ⴰⴷⵉⵎⵓⵇⵔⴰⵟⵉ ⴰⵎⵔⵙⴰⵍ ⴰⵎⵣⵡⴰⵔⵓ ⴷ ⵓⵎⵣⵔⴰⵢ, ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ.</p>
<p style="text-align: justify;">ⵔⴰⴷ ⴱⴷⴷⴰ ⵏⵎⵎⴰⵖ&nbsp; ⴷ ⴰⵔ ⵏⴰⵇⵔⴰ ⵉ ⵓⵡⵇⵇⵔ ⵏ ⵉⵙⵖⴰⵡⵏ ⵜⵜⵓⵙⵏⴼⴰⵍⵏⵉⵏ ⴷ ⴰⵔⴰⴽⵛⵓⵎ ⴳ ⵜⵖⴰⵡⵙⵉⵡⵉⵏ ⵜⵉⴳⵯⵏⵙⴰⵏⵉⵏ ⵏ ⵡⵉⵢⵢⴰⴹ, ⵙ ⵓⵡⵇⵔ ⵏ ⵜⵢⴰⵏⵜ ⵜⴰⵏⴰⴽⴰⵍⵜ ⴷ ⵜⵅⵅⵓⵜⵔⴰ ⵏ ⵉⵡⴰⵏⴽⵏ ⵍⵍⵉ ⵉⴳⴰⵏ ⴰⵣⵔⵉⵔⵉⴳ ⴰⵥⴳⴳⵯⴰⵖ ⴳ ⵜⵎⵢⵓⵔⵉⵏ ⵜⵉⴳⵔⴰⵖⵍⴰⵏⵉⵏ ⵜⵉⵜⵔⴰⵔⵉⵏ.</p>
<p style="text-align: justify;"><strong>ⴰⵔ</strong><strong>ⴷⴰⵖ</strong><strong>ⵙⵔⵓⵏ</strong><strong>ⵙⴱⵔⵔⴰⴽⵖ</strong><strong>ⴷ</strong><strong>ⴰⵔ</strong><strong>ⴽⵯⵏ</strong><strong>ⵙⵏⵉⵎⵎⵉⵔⵖ</strong><strong>ⴼ</strong><strong>ⵓⵙⵙⴼⵍⴷ</strong><strong>ⵏⵏⵓⵏ</strong><strong>ⵉⵥⵉⵍⵏ</strong></p>