ⵜⴰⴷⵉⵎⵓⵇⵔⴰⵟⵉⵜ ⵜⴰⵎⴰⴷⵔⴰⵡⵜ

ⵙ ⵜⵓⵎⴰⵢⵜ ⵏ ⵓⴷⵓⵙⵜⵓⵔ (ⴰⵎⴰⴳⵔⴰⴷ 33), ⵉⵍⵍⴰ ⵖ ⵜⵥⵍⴰⵢⵉⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵎⵖⵔⵉⴱⵉ, ⴰⴷ ⵉⵙⵙⴷⵔⵓ ⴰⴳⴷⵓⴷ ⵙⵍⴰⵡⴰⵏ ⴰⴽⴽⵯ ⵉⵄⵔⵔⵉⵎⵏ ⵖ ⵜⵡⵓⵔⵉⵡⵉⵏ ⵏⵏⵙ ⴷ ⵜⵉⵍⴰⵍ ⵍⵍⵉ ⵙⴽⴰⵔⵏ ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵎⵓⵔⴰ ⵉⵜⵜⵓⵙⵜⴰⵢⵏ , ⵉⵎⵎⴰⵖ ⵓⵍⴰ ⴰⴷ ⵢⵉⵍⵉ ⵓⵙⵎⵖⵔ ⴷ ⵓⵙⵓⴳⵜ ⵏ ⵜⵡⵉⵙⵉ ⵏ ⵉⵄⵔⵔⵉⵎⵏ ⵖ ⵜⴳⵎⵉ ⵜⴰⵏⴰⵎⵓⵏⵜ ⴷ ⵜⴷⵎⵙⴰⵏⵜ ⴷ ⵜⴷⵍⵙⴰⵏⵜ ⴷ ⵜⵙⵔⵜⴰⵏⵜ ⵏ ⵜⵎⴰⵣⵉⵔⵜ… ;

ⵙ ⵓⵙⴽⴰⵔ ⵙ ⵓⵏⴳⵔⴰⵡ ⴰⴳⵯⵏⵙⴰⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ (ⴰⵎⵏⵏⵉ 137) ⵍⵍⵉ ⴷ ⵢⵉⵡⵉⵏ ⴼ ⵓⵏⵢⴰⵍⴽⴰⵎ ⴷ ⵉⵏⴳⵎⴰⵎⵏ ⵏ ⵡⴰⵎⵓⵏ ⵓⵖⵔⵉⵎ ⴷ ⵜⵎⵢⴰⵖⵜ ⵜⵓⵎⵏⵉⴳⵜ ⴷ ⵉⵅⵎⵎⵉⵎⵏ ⵏⵏⵙ ;

ⵙ ⵓⵙⴽⴰⵔ ⵙ ⵜⵉⵔⴰⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵍⵍⵉⵖ ⵉⵔⴰ  ⴰⴷ ⴰⵡⵙⵏ ⵉⵄⵔⵔⵉⵎⵏ ⵖ ⵜⵡⵓⵔⵉ ⵜⴰⵣⵣⵔⴰⴼⵜ ⵃⵎⴰ ⴰⴷ ⵉⵙⵙⵏ ⵉⵏⴰⵔⵓⵣⵏ ⵏⵏⵙⵏ ⴷ ⵉⵎⵏⵉⴷⵏ ⵏⵏⵙⵏ ⴼ ⵜⵎⵙⴰⵔ ⵏⵏⵙⵏ, ⵜⵜⵓⴼⴽⵉⵏ ⵉⴼⵙⵙⴰⵢⵏ ⵉ ⵜⵏⵥⴰⵕ ⵍⵍⵉ ⴷ ⵎⵎⴰⵖⵏ .

ⵉⵜⵜⵓⵙⴽⴰⵔ ⵢⴰⵏ ⵓⵙⴰⵢⵔⴰⵔ ⵉⵥⵍⵉⵏ ⵉ ⵜⴷⵉⵎⵓⵇⵔⴰⵟⵉⵜ ⵜⴰⵎⴰⴷⵔⴰⵡⵜ, ⵖ ⵉⵥⴹⴰⵕ ⴽⵓ ⵢⴰⵏ, ⵙ ⵓⵙⵎⵔⵙ ⵏ ⵜⴻⵜⵉⵇⵏⵉⵢⵉⵏ ⵜⵉⵎⴰⵢⵏⵓⵜⵉⵏ,  ⴰⴷ:

- ⵢⴰⵡⵙ ⵖ ⵓⵣⵣⵔⴰⴼ ⵙ ⵜⵉⴽⴽⵉ ⵏ ⵉⵎⵏⵉⴷⵏ ⵏⵏⵙ ⴼ ⵜⵙⵓⵎⴰⵔ ⵏ ⵉⵙⵍⴳⵏⵏ ⴷ ⵉⵙⵏⴼⴰⵔⵏ ⵏ ⵉⵙⵍⴳⵏⵏ ⴼ ⵜⵍⵍⴰ ⵜⵖⵔⵉ ⴷⴰⵔ ⵜⵙⵇⵇⵉⵎⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵖ ⴽⵓ ⵉⴳⵔⴰⵏ ⵖ ⵜⵖⵎⵔⵜ ⵏ “ⴼⴽ ⴰⵎⵏⵉⴷ”, ⵍⵍⵉ ⵉⴳⴰⵏ ⵢⴰⵜ ⵜⵖⴰⵔⴰⵙⵜ ⵍⵍⵉ ⵙ ⵔⴰⴷ ⵢⵉⵍⵉ ⵓⵙⴼⵍⴷ ⵉ ⵉⵎⵏⵉⴷⵏ  ⴰⴷ ⵖ ⵓⴳⵯⵏⵙ ⵏ ⵉⵎⴷⴰⵡⴰⵍⵏ ⵏ ⵜⵙⵇⵇⵉⵎⵉⵏ ⵖ ⵉⵍⵍⴰ  ⵓⵣⵣⵔⴰⵢ ⵏ ⵜⵓⴳⵜ ⵏ ⵜⵡⵓⵔⵉⵡⵉⵏ ⵏ ⵓⵙⵇⵇⵉⵎ ;

- ⵉⵙⴽⵔ ⵙ ⵓⵣⵔⴼ ⵏ ⵜⵏⴽⴷⴰ ⵏ ⵜⵓⵍⴽⵉⵎⵉⵏ ⴷ ⵜⵓⵜⵔⵉⵡⵉⵏ ⵖ ⵢⵉⴳⵔ ⵏ ⵓⵣⵣⵔⴰⴼ, ⵍⵍⵉ ⵉⴳⴰⵏ ⵢⴰⵜ ⵖ ⵜⵖⴰⵡⵙⵉⵡⵉⵏ ⵜⵉⵎⴰⵢⵏⵓⵜⵉⵏ ⵏ ⵓⴷⵓⵙⵜⵓⵔ, ⵉⴳ ⵢⴰⵜ ⵜⵖⴰⵔⴰⵙⵜ ⵍⵍⵉ ⵉⵙⴽⵔ ⵓⵙⵇⵇⵉⵎ  ⵏ ⵉⵎⵓⵔⴰ ⵙ ⴽⵓ ⵉⴼⵔⴷⴰⵙ ⵏⵏⵙ ⵃⵎⴰ ⴰⴷ ⵢⵉⵍⵉ ⵓⵙⴷⵓⵙ ⵏ  ⵜⴷⵔⴰⵡⵜ  ⵏ ⵜⵎⵓⵔⵉ, ⵜⵉⵍⵉ ⵜⵓⴳⵉ ⵏ ⵜⵙⵇⵇⵉⵎⵜ ⵏ ⵜⵓⵍⴽⵉⵎⵉⵏ ⵍⵍⵉ ⵔⴰⴷ ⵉⵣⵣⵔⴰⵢ ⴼ ⵜⵓⵍⴽⵉⵎⵉⵏ ⵍⵍⵉ ⴷ ⵉⵍⴽⴽⵎⵏ ⴷⴰⵔ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ.