ⵜⵙⵏⵎⴰⵍⴰ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⵏ ⵢⵉⵙⴽⵉⵍ ⴷ ⵜⵏⴳⴰⴷⴷⴰⵢⵜ ⴰⵙⵙ ⵏ ⵜⵖⵔⵉ, ⴰⵙⵉⵎⴰⵡⵙ 8 ⵎⴰⵕⵙ 2024

<p style="text-align: justify;" dir="ltr" align="right">ⵜⵙⴼⵓⴳⵍⴰ ⵜⵔⴰⴱⴱⵓⵜ ⵏ ⵜⵡⵓⵔⵉ ⴼ ⵢⵉⵙⴽⵉⵍ ⴷ ⵜⵏⴳⴰⴷⴷⴰⵢⵜ ⴰⵙⵙ ⴰⵎⴰⴹⵍⴰⵏ ⵏ ⵜⵎⵖⴰⵔⵜ, ⴰⵙⵉⵎⵡⴰⵙ 8 ⵎⴰⵕⵙ, ⵙ ⵡⴰⵙⵙ ⵏ ⵜⵖⵔⵉ ⴼ: ⴰⵙⵍⴳⵏ ⵏ ⵜⵓⵡⵊⴰ ⴷ ⵉⴽⵛⵓⵎⵏ ⵏ ⵓⵙⴽⵔ ⵏ ⵢⵉⵙⴽⵉⵍ, ⵙ ⵜⵉⵍⵉⵜ ⵏ ⵉⴱⵕⵍⴰⵎⴰⵏⵉⵢ ⴷ ⵉⴽⴰⴷⵉⵎⵉⵢⵏ ⴷ ⵉⴳⵯⵏⵙⴰⵙⵏ ⵏ ⵡⴰⵎⵓⵏ ⴰⵖⵔⵎⴰⵏ.</p>
<p style="text-align: justify;" dir="ltr" align="right">ⴳ ⵜⴳⵓⵔⵉ ⵏⵏⵙ, ⵉⵏⵏⴰ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵎⴰⵙ ⵉⵙⵜⵉ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵏⵜⵍ ⵏ ⵉⵣⵔⴼⴰⵏ ⵉⵏⴼⴳⴰⵏⵏ ⵏ ⵜⵎⵖⴰⵔⵉ, ⵓⵔ ⴷ ⵖⴰⵙ ⵙ ⵜⵎⵍⴷⴰ ⵏ ⵡⴰⵙⵙ ⴰⵎⴰⴹⵍⴰⵏ ⵏ ⵜⵎⵖⴰⵔⵜ, ⵎⴰⵛ ⴽⵓ ⴰⵙⴳⵯⴳⵯⴰⵙ ⵙ ⵜⵖⴰⵔⴰⵙⵜ ⵏ ⵜⵡⵓⵔⵉ ⵜⴰⵙⵓⵍⴰⵏⵜ, ⵙ ⵓⵙⵡⴰⵍⴰ ⴰⵙⵜⵔⴰⵜⵉⵊⵉ ⵉⵡⴰⵜⵜⵙⵏ ⴰⵙⵎⵔⵙⵍ ⵏ ⵢⵉⵙⴽⵉⵍ ⴷ ⵜⵏⴳⴰⴷⴷⴰⵢⵜ, ⵙ ⵓⴽⵛⵓⵎ ⴰⵣⵔⴼⴰⵏ ⵉⵥⵍⵉⵏ ⵙ ⵜⵉⵍⵉⵜ ⵏ ⵜⴳⴳⵓⵔⵜ ⵉⵙⵎⴷⵏ ⵉ ⵢⵉⵙⴽⵉⵍ ⴷ ⵜⵏⴳⴰⴷⴷⴰⵢⵜ ⴳ ⵓⵏⴳⵔⴰⵡ ⴰⴳⵯⵏⵙⴰⵏ ⵏ ⵓⵙⵇⵇⵉⵎ, ⴷ ⵓⴽⵛⵓⵎ ⵏ ⵓⵙⴽⵔ ⵏ ⵜⵡⵓⵔⵉⵡⵉⵏ ⵜⵉⴷⵙⵜⴰⵔⵉⵏ ⵏ ⵓⴱⵔⵍⴰⵎⴰⵏ ⴳ ⵓⵣⵣⵔⴰⴼ ⴷ ⵜⵉⴹⴰⴼ ⴷ ⵓⵙⵓⵜⴳ, ⴷ ⵓⵙⴽⵔ ⵏ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⵜⴰⵎⵙⵉⴽⵓⴷⵜ ⵉ ⵢⵉⵙⴽⵉⵍ ⴷⵜⵏⴳⴰⴷⴷⴰⵢⵜ.</p>
<p style="text-align: justify;" dir="ltr" align="right">ⵉⵙⴷⴷⵉⴷ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵍⵎⵉ ⵎⴰⵙ ⵜⵣⵣⵉⴳⵣ ⵜⵡⴰⴷⴰ ⵏ ⵓⵎⵓⴽⵏ ⴳ ⵍⵎⵖⵔⵉⴱ ⵙ ⵉⵥⵎⵓⵥⵥⴰⵍ ⵙⵓⵍⵏⵉⵏ ⴳ ⵢⵉⴳⵔ ⵏ ⵢⵉⵙⴽⵉⵍ ⵊⴰⵔ ⵉⵡⵜⵎⴰⵏ, ⴳ ⵢⵉⴳⵔ ⵏ ⵓⵣⵣⵔⴰⴼ ⴷ ⵢⵉⴳⵔ ⵏ ⵉⵙⴰⵡⵓⵔⵏ ⵉⵏⴰⵎⵓⵔⵏ ⵜⵜⴰⵡⵙⴽⴰⵔⵏⵉⵏ ⵙ ⵜⵏⴰⵔⴰ ⵉⵥⵉⵍⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ.</p>
<p style="text-align: justify;" dir="ltr" align="right">ⵢⵉⵏⵉ ⵎⴰⵙ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉ ⵓⵙⵍⴳⵏ ⵏ ⵜⵓⵡⵊⴰ ⴰⵅⵎⵎⴻⵎ ⵉⵥⵍⵉⵏ, ⵍⵍⵉⵖ ⵉⵎⵎⴰⵖ ⴱⴰⴱ ⵏ ⵡⴰⴷⴷⵓⵔ ⵙⴳ ⵎⴰⴷ ⵉⵍⵍⴰ ⴼ ⵓⴷⴰⴱⵓ ⵏ ⵉⵎⵣⵡⵓⵔ ⴰⵏⵏⵙ, ⴼ ⵓⵙⴷⴷⵉⴷ ⴼ ⵡⴰⵜⵉⴳ ⵏ ⵜⵓⵡⵊⴰ ⵍⵉ ⵉⴳⴰⵏ ⵜⴰⵔⵙⵍⵜ ⵜⴰⵙⵉⵍⴰⵏⵜ ⴳ ⵡⴰⵎⵓⵏ, ⵉⵙⴷⴷⵉⴷ ⴳ ⴽⵉⴳⴰⵏ ⵏ ⵜⵉⴽⴽⴰⵍ ⴼ ⵡⴰⵜⵉⴳⵏ ⵉⴷⵙⵍⴰⵏⵏ ⵍⵍⵉ ⴷ ⵇⵇⴰⵏⵉⵏ ⴳ ⵓⵙⴰⵜⵉ ⵏ ⵜⵣⴷⴰⵢⵉⵏ ⴳ ⵜⵓⵡⵊⴰ, ⴳ ⵜⵎⵣⵡⵓⵔⴰ ⵏⵏⵙⵏ ⴰⴷⴷⵓⵔ ⵏⵜ ⵎⵖⴰⵔⵜ.</p>
<p style="text-align: justify;" dir="ltr" align="right">ⵉⵙⴰⵡⵍ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵡⴰⵜⵉⴳ ⵏ ⵜⵓⴳⴳⵯⴰⵙ ⵜⵉⴳⵍⴷⴰⵏⵉⵏ ⴳ ⵓⵙⵎⴰⵢⵏⵓ ⵏ ⵓⵙⵍⴳⵏ ⵏ ⵜⵓⵡⵊⴰ ⴳ 2004, ⵍⵍⵉ ⵉⵎⵍⴰⵏ ⵜⴰⵣⵣⵉⴳⵣⵜ ⴷ ⵜⵣⵡⵉⵔⵉ ⵏⵏⵙ ⴳ ⵓⵙⵓⵊⴷ ⴷ ⵜⵓⵎⴰⵢⵉⵏ. ⵉⵙⴷⴷⵉⴷ ⵎⴰⵙ ⵉⵙⴰⵡⵍ ⴱⴰⴱ ⵏ ⵡⴰⴷⴷⵓⵔ ⴳ ⵓⴽⵜⵓⵢ ⵡⵉⵙ 23 ⵏ ⵜⴼⵓⴳⵍⴰ ⵏ ⵓⴷⴰⴱⵓ, ⴼ ⵜⵎⵓⴽⵔⵉⵙⵉⵏ ⵏ ⵓⵙⵍⴳⵏ ⴰⴷ, ⴳⵉⵏ ⵉⵙⵡⵍⴰⵢⵏ ⵉⴳⵍⴷⴰⵏⵏ ⵉ ⵓⵣⵣⵔⴰⵢ ⴰⵥⵎⴰⵥⵥⵍ ⵉⵙⵜⴰⵡⵀⵎⵎⴰⵏ ⵉ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵜⵎⵖⴰⵔⵉⵏ ⴷ ⵡⴰⵔⵔⴰⵡ ⴷ ⵓⵙⴷⵓⵙ ⵏ ⵢⵉⵙⴽⵉⵍ ⴳ ⵜⴰⴷⴷⴰⵔⵜ.</p>
<p style="text-align: justify;" dir="ltr" align="right">ⵉⵙⴷⴷⵉⴷ ⵓⵍⴰ ⴼ ⵓⵛⵛⵉⵍ ⵏ ⵓⵙⴱⴷⴷⵉ ⵏ ⵜⵏⴰⵥⴰⵕⵉⵏ ⴷⴰⵜ ⵏ ⵓⵙⴼⵔⵓ ⵏ ⵜⵙⵏⵙⵉ ⵏ ⵉⵙⵍⴳⵏⵏ, ⴳ ⵉⵍⵍⴰ ⵓⵙⵍⴳⵏ ⵏ ⵜⵓⵡⵊⴰ, ⵢⵉⵏⵉ ⵎⴰⵙ ⵉⵔⴰ ⵓⵙⵖⵓⴷⵓ ⵏ ⵓⵙⵍⴳⵏ ⴰⴷ ⴰⵅⵎⵎⴻ ⴳ ⵓⴷⵎⴰⵡⵏ ⵏ ⵉⴷⵍⵙⴰⵏⵏ ⴷ ⵓⵣⵣⵔⴰⵢ ⵏ ⴳⴰⵔ ⵉⵙⵉⵡⵉⵏⴳⵉⵎⵏ ⵅⴼ ⵜⵉⵣⴷⴰⵢⵉⵏ ⵏ ⵜⵓⵡⵊⴰ ⴷ ⵜⵉⵍⴰⵍ ⵜⵉⵏⴰⵎⵓⵏⵉⵏ.</p>
<p style="text-align: justify;" dir="ltr" align="right">ⵉⵙⴷⴷⵉⴷ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⴼ ⵡⴰⵜⵉⴳ ⵏ ⵓⵙⴰⵡⵓⵔ ⵏ ⵓⴼⵔⴰⴳ ⴰⵏⴰⵎⵓⵏ, ⵍⵍⵉ ⵔⴰⴷ ⵢⴰⵡⵙ ⴳ ⵜⵎⵔⴰⵔⵓⵜ ⵉ ⵉⵙⵖⴰⵡⵙⴰⵜⵏ ⵏ ⵜⵎⵖⴰⵔⵉⵏ ⴷ ⵓⵙⴱⴷⴷⵉ ⵏ ⵓⵙⵏⵓⵃⵢⵓⴰ ⴷ ⵓⵙⵉⵜⵜⵉ ⴳ ⵉⴳⵔⴰⵏ ⵏ ⵜⵡⵓⵔⵉ ⴷ ⵓⴷⵡⴰⵙ, ⴷ ⵓⵙⵉⵥⴹⵕ ⴰⴷⵎⵙⴰⵏ ⵏ ⵜⵎⵖⴰⵔⵉⵏ ⴷ ⵓⴼⵔⴰⴳ ⵏⵏⵙⵏⵜ ⵙⴳ ⵜⴽⵕⴹⵉ ⴷ ⵓⴷⵔⴰⵡ ⴳ ⵜⵓⴷⵔⵜ ⵜⴰⵎⴰⵜⴰⵢⵜ.</p>
<p style="text-align: justify;" dir="ltr" align="right">ⵜⵙⴰⵡⵍ ⵎⴰⵙⵙⴰ ⵏⴰⵊⵡⴰ ⴽⵓⴽⴽⵓⵙ, ⵜⴰⵏⵙⵙⵉⵅⴼⵜ ⵏ ⵜⵔⴰⴱⴱⵓⵜ ⵏ ⵜⵡⵓⵔⵉ ⴼ ⵢⵉⵙⴽⵉⵍ ⴷ ⵜⵏⴳⴰⴷⴷⴰⵢⵜ, ⴼ ⵡⴰⵜⵉⴳ ⵏ ⵓⵙⵏⵎⴰⵍⴰ ⵏ ⵡⴰⵙⵙ ⴰⴷ ⵏ ⵜⵖⵔⵉ ⴳ ⵓⵎⵏⴰⴹ ⵏ ⵓⵙⴽⵔ ⵏ ⵓⵖⴰⵡⴰⵙ ⵏ ⵜⵡⵓⵔⵉ ⵍⵍⵉ ⵜⵙⵔⵙ ⵜⵔⴰⴱⴱⵓⵜ ⴳ ⵜⵓⵏⵖⵉⵍⵜ ⵏⵏⵙ ⵜⴰⵎⴰⵢⵏⵓⵜ, ⵍⵍⵉ ⵉⵙⵜⵉⵏ ⴰⴷ ⵜⵙⵡⵓⵔⵉ ⴼ ⵓⵙⵍⴳⵏ ⵏ ⵜⵓⵡⵊⴰ ⴷ ⵉⵙⵏⵜⵍⵏ ⵢⴰⴷⵏⵉⵏ ⵏ ⵢⵉⵙⴽⵉⵍ.</p>
<p style="text-align: justify;" dir="ltr" align="right">ⵜⵙⴷⴷⵉⴷ ⵎⴰⵙ ⵉⴳⴰ ⵓⵏⵎⵓⵇⵇⴰⵔ ⴰⴷ ⵜⴰⵎⵍⴷⴰ ⵏ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⵜⵜⴰⵡⵙⵎⴰⵏⴰⴷⵏⵉⵏ ⵉ ⵜⵎⵖⴰⵔⵉⵏ ⴷ ⵓⵎⴹⴰⴽⴰⵕ ⵏ ⵉⵙⵓⵔⵙⵏ ⵏ ⵜⵎⵖⴰⵔⵜ ⵜⴰⵎⵖⵔⵉⴱⵉⵜ ⴳ ⵎⴰⵕⵕⴰ ⴰⴽⴰⵍ ⴰⵏⴰⵎⵓⵔ, ⵉⴳ ⵜⴰⵎⵍⴷⴰ ⵏ ⵓⵙⵎⵏⵉⴷ ⵏ ⵜⵙⵓⵎⴰⵔ ⴷ ⵉⵖⴰⵡⴰⵙⵏ ⴷ ⵜⵙⵔⵜⴰⵉⵊⵉⵢⵉⵏ ⵉ ⵓⵙⵎⵖⵔ ⵏ ⵓⵙⵓⵔⵙ ⵏ ⵜⵎⵖⴰⵔⵜ ⴷ ⵡⴰⴷⴷⵓⵔ ⵏⵏⵙ.</p>
<p style="text-align: justify;" dir="ltr" align="right">ⴳ ⵓⵙⴰⵜⵉ ⵏ ⵓⴹⴼⵕ ⵏ ⵜⵔⴰⴱⴱⵓⵜ ⵏ ⵜⵡⵓⵔⵉ ⵉ ⵢⵉⵙⴽⵉⵍ ⴷ ⵜⵏⴳⴰⴷⴷⴰⵢⵜ ⵏ ⵓⵎⴹⴰⴽⴰⵕⵏ ⵅⴼ ⵓⵙⵍⴳⵏ ⵏ ⵜⵓⵡⵊⴰ, ⵜⵙⴷⴷⵉⴷ ⵎⴰⵙⵙⴰ ⵏⴰⵊⵡⴰ ⴽⵓⴽⴽⵓⵙ, ⵎⴰⵙ ⵉⴳⴰ ⵓⵏⵎⵓⵇⵇⴰⵔ ⴰⴷ ⵜⴰⵎⵍⴷⴰ ⴷ ⵢⵓⵙⴰⵏ ⵉ ⵓⵎⴹⴽⴰⵕ ⴰⵏⴰⵎⵓⵏ ⴱⵍⴰ ⴽⵔⴰ ⵏ ⵓⵙⴰⴳⵓⵎ ⴰⵙⵔⵜⴰⵏ ⴷ ⵓⴽⵛⵓⵎ ⴷ ⵉⵎⵉⴹⴰⵏⵏ ⵉⵙⵔⵜⴰⵏⵏ.</p>
<p style="text-align: justify;" dir="ltr" align="right">ⵜⵙⴷⴷⵉⴷ ⵓⵍⴰ ⴼ ⵜⵓⴳⴳⴰⵙ ⵏ ⵓⵙⴽⵔ ⵏ ⵉⵙⵡⴰⵍⴰⵢⵏ ⵉⴳⵍⴷⴰⵏⵏ ⵉ ⵓⵙⵎⵖⵔ ⵏ ⵉⵣⵔⴼⴰⵏ ⵏ ⵜⵎⵖⴰⵔⵜ ⴷ ⵓⵙⴽⵔ ⵏ ⵜⵏⴳⴰⴷⴷⴰⵢⵜ, ⵜⵙⴷⴷⵉⴷ ⵎⴰⵙ ⴷ ⴰⵙⴽⵔ ⵏ ⵡⴰⵡⵜⵜⴰⵙ ⴰⴷ ⵉⵣⴷⵉ ⴷ ⵜⵉⵍⵉⵜ ⵏ ⵜⴼⴰⴷⵉⵡⵉⵏ ⵜⵉⵣⵔⴼⴰⵏⵉⵏ ⴷ ⵜⵏⴰⵎⵓⵏⵉⵏ ⴹⵎⵏⵏⵉⵏ ⵜⴰⵏⴳⴰⴷⴷⴰⵢⵜ ⵏ ⵡⴰⵏⵏⴰⵣⵏ.</p>
<p style="text-align: justify;" dir="ltr" align="right">ⵜⵙⴰⵡⵍ ⵎⴰⵙⵙⴰ ⵍⴰⵢⵍⴰ ⵔⵔⵃⵉⵡⵉ, ⵜⴰⴳⵯⵏⵙⴰⵙⵜ ⵏ ⵜⵎⵜⵜⴰ ⵎⵓⵏⵏⵉⵏ ⵉ ⵜⵎⵖⴰⵔⵜ ⴳ ⵍⵎⵖⵔⵉⴱ ⴼ ⵓⵙⵖⵡⵏ ⵏ ⵜⴳⵍⴷⵉⵜ ⴳ ⵜⵣⵣⵉⴳⵣⵜ ⴳ ⵓⴱⵔⵉⴷ ⵏ ⵢⵉⵙⴽⵉⵍ ⴷ ⵓⵙⴱⴷⴷⵉ ⵏ ⵓⵙⵏⵓⵃⵢⵓ ⵎⴳⴰⵍ ⵏ ⵜⵎⵖⴰⵔⵉⵏ ⴷ ⵜⴼⵔⵅⵉⵏ ⵍⵍⵉ ⵉⵍⵍⴰⵏ ⴳ ⵜⵓⴳⵜ ⵏ ⵉⵎⵓⴽⵏⵏ ⵉⴷⵙⵜⴰⵔⵏ ⴷ ⵉⵣⵣⵔⴰⴼⵏ ⴷ ⵉⵙⵔⵜⴰⵏⵏ, ⵜⵉⵏⵉ ⵎⴰⵙ ⴷ ⵜⴰⵎⴰⵜⴰⵔⵜ ⵏ ⵓⵙⵖⵡⵏ ⴰⴷ ⵜⵍⵍⴰ ⴳ ⵜⵉⵍⵉⵜ ⴳ ⵓⴱⵕⵓⵟⵓⴽⵓⵍ ⵉⴹⴼⵕⵏ ⵜⴰⵎⵢⴰⵇⵇⴰⵏⵜ ⵏ ⵓⵙⴱⴷⴷⵉ ⵏ ⵎⴰⵕⵕⴰ ⴰⵏⴰⵡⵏ ⵏ ⵓⵙⵏⵓⵃⵢⵓ ⵎⴳⴰⵍ ⵏ ⵜⵎⵖⴰⵔⵜ.</p>
<p style="text-align: justify;" dir="ltr" align="right">ⵜⵙⴷⴷⵉⴷ ⵎⴰⵙⵙⴰ ⵍⴰⵢⵍⴰ ⵔⵔⵃⵉⵡⵉ ⴼ ⵡⴰⵜⵉⴳ ⵏ ⵡⴰⵍⴰⵙ ⵏ ⵓⵙⴽⵔ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵜⵔⴰⴱⴱⵓⵜ ⵜⴰⴳⵓⵎⴰⵏⵜ ⴼ ⵢⵉⵙⴽⵉⵍ ⴷ ⵜⵏⴳⴰⴷⴷⴰⵢⵜ, ⵜⵙⵓⵜⴳ ⴰⵎⵢⴰⵡⴰⵙ ⵊⴰⵔ ⵏ ⵓⵙⵇⵇⵉⵎ ⴷ ⵜⵎⵜⵜⴰ ⵎⵓⵏⵏⵉⵏ, ⴳ ⵎⴰⴷ ⵉⵥⵍⵉⵏ ⵙ ⵓⵙⵓⵜⴳ ⵏ ⵉⵣⵣⵔⴰⴼⵏ ⵥⵍⵉⵏⵉⵏ ⴷ ⵓⵙⴽⵔ ⵏ ⵜⵔⴰⴱⴱⵓⵜ ⵏ ⵜⵡⵓⵔⵉ ⵜⴰⵙⵓⵍⴰⵏⵜ ⵉⵜⵜⵓⵙⵎⴰⴳⴰⵍⵏ ⵙ ⵢⵉⵙⴽⵉⵍ ⴷ ⵡⴰⵏⵄⴰⵕ.</p>
<p style="text-align: justify;" dir="ltr" align="right">ⵜⵙⵎⴰⵢⵏⵓ ⵓⵍⴰ ⴰⵙⵖⵡⵏ ⵏ ⵜⵎⵜⵜⴰ ⵎⵓⵏⵏⵉⵏ ⵉ ⵜⵎⵖⴰⵔⵜ ⵙ ⵓⴹⴼⵕ ⴷ ⵓⵙⵏⴰⵍ ⵏ ⵜⵙⵏⵜⴰⵢⵉⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⵎⵏⵉⴷ ⵏ ⵓⵙⵎⵖⵔ ⵏ ⵉⵣⵔⴼⴰⵏ ⵏ ⵜⵎⵖⴰⵔⵉⵏ ⴷ ⵢⵉⵙⴽⵉⵍ, ⵜⵙⵓⵜⴳ ⵜⴰⵙⵏⵜⴰⵢⵜ ⵏ ⵓⵙⵇⵇⵉⵎ ⴳ ⵓⵙⵏⴰⵎⴰⵍ ⵏ ⵡⴰⵙⵙ ⴰⴷ ⵉ ⵓⵙⵏⴼⵍ ⵏ ⵉⵙⵡⵉⵏⴳⵉⵎⵏ ⴷ ⵜⵙⵓⵎⴰⵔ.</p>
<p style="text-align: justify;" dir="ltr" align="right">ⵜⵙⴷⴷⵉⴷ ⵎⴰⵙⵙⴰ ⴽⴰⵔⵎⵉⵏ ⵎⵓⵔⵜⵉ ⴽⵓⵎⵉⵣ, ⵜⴰⵏⵙⵙⵉⵅⴼⵜ ⵏ ⵓⵙⵉⵔⴰ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⴳ ⵍⵎⵖⵔⵉⴱ, ⵎⴰⵙ ⴷ ⴳ ⵓⵎⴰⴹⴰⵍ ⵏ ⵡⴰⵙⵙ ⴰⴷ ⵜⵍⵍⴰ ⵢⴰⵜ ⵜⵎⵖⴰⵔⵜ ⵙⴳ ⴽⵕⴰⴹⵜ ⴳ ⵓⵙⵓⵔⵙ ⵏ ⵜⴽⵕⴹⵉ ⵙ ⵎⴰⵕⵕⴰ ⴰⵏⴰⵡⵏ ⵏⵏⵙ, ⵜⵖⵔ ⵉ ⵓⵏⵄⴰⵕ ⵉ ⵓⵙⴱⴷⴷⵉ ⵏ ⵓⵙⵏⵓⵃⵢⵓ ⵎⴳⴰⵍ ⵏ ⵜⵎⵖⴰⵔⵉⵏ. ⵜⴱⴷⴷ ⵓⵍⴰ ⴼ ⵉⵙⵖⵍⴰⴼ ⵏ ⵓⵙⵇⵇⵉⵎ ⴰⴷⵎⵙⴰⵏ ⴷ ⵓⵏⴰⵎⵓⵏ ⴷ ⵓⵡⵏⴹⴰⵏ ⵅⴼ ⵍⵉⵜⵜⵉⵀⴰⵍ ⵏ ⵜⴼⵔⵅⵉⵏ, ⵜⵙⴰⵡⵍ ⴼ ⵡⴰⵜⵉⴳ ⵏ ⵜⵉⵍⵉⵜ ⴳ ⵜⵎⵢⴰⵡⵡⴰⵏⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⵉ ⵓⵙⴱⴷⴷⵉ ⵏ ⵜⴽⵕⴷⵉ ⵎⴳⴰⵍ ⵏ ⵜⵎⵖⴰⵔⵉⵏ ⴷ ⵜⴽⵕⴹⵉ ⴳ ⵜⴰⴷⴷⴰⵔⵜ.</p>
<p style="text-align: justify;" dir="ltr" align="right">ⵜⵖⵔ ⵓⵍⴰ ⵓ ⵓⵙⴱⴷⴷⵉ ⵏ ⴳⴰⵔ ⵡⴰⵡⵍⴰⴼⵏ ⵙⴽⴰⵔⵏⵉⵏ ⵜⵉⴽⵕⴹⵉ ⴷ ⵓⵙⵏⵓⵃⵢⵓ ⵎⴳⴰⵍ ⵏ ⵜⵎⵖⴰⵔⵉⵏ ⴳ ⵜⵖⵜⴰⵙⵉⵏ ⵏ ⵜⵣⵔⴼⵜ ⴷ ⵉⴱⴹⵉⵢⵏ, ⴷ ⵓⵙⴷⵓⵙ ⵏ ⵜⵎⵢⵉⵎⴰⵏⵜ ⵏ ⵉⵏⴳⴰⵙⵏ ⴳ ⵜⵣⵔⴼⵜ ⴷ ⵍⴱⵓⵍⵉⵙ.</p>
<p style="text-align: justify;" dir="ltr" align="right">ⵜⵙⴷⴷⵉⴷ ⵎⴰⵙⵙ ⵎⵓⵔⵜⵉ ⴽⵓⵎⵉⵣ ⵎⴰⵙ ⵡⴰⵜⵜⵙⵏ ⵉⵎⴰⵙⵙⵏ ⵏ ⵜⵎⵢⴰⵇⵇⴰⵏⵜ ⵏ ⵉⵚⵟⴰⵎⴱⵓⵍ ⴰⵙⴼⵙⵉ ⵏ ⵉⵎⵣⵔⴰⵢⵏ ⵊⴰⵔ ⵡⴰⵡⵜⵎ ⴷ ⵜⴰⵡⵜⵎⵜ, ⵙ ⵓⵙⵏⴼⵍ ⵏ ⴳⴰⵔ ⵡⴰⵡⵍⴰⴼⵏ ⵏ ⵓⵏⴳⵔⴰⵡ ⵏ ⴱⴰⴱⴰⵏ ⵜⵙⴷⴷⵉⴷ ⵎⴰⵙ ⵜⵡⴰⵜⵜⵙ ⵜⵙⵜⵔⴰⵜⵉⵊⵉⵜ 2024-2029 ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⵅⴼ ⵢⵉⵙⴽⵉⵍ, ⴼ ⵓⵙⴱⴷⴷⵉ ⵏ ⵜⴽⵕⴹⵉ ⵎⴳⴰⵍ ⵏ ⵜⵎⵖⴰⵔⵉⵏ ⴷ ⵜⴼⵔⵅⵉⵏ, ⴷ ⵓⵙⵉⵥⴹⵕ ⴰⵙⵔⵜⴰⵏ ⵏ ⵜⵎⵖⴰⵔⵉⵏ ⴷ ⵓⵣⴷⴰⵢ ⵏ ⵜⴰⵏⵏⴰⵢⵉⵏ ⵊⴰⵔ ⵜⵉⵎⵔⵙⴰⵍ.</p>
<p style="text-align: justify;" dir="ltr" align="right">ⵜⴼⴽⴰ ⵎⴰⵙⵙⴰ ⵥⵀⵓⵕ ⵍⵃⵓⵕⵕ, ⵜⴰⵎⵓⵣⴰⵢⵜ ⴼ ⵉⵣⵔⴼⴰⵏ ⵏ ⵜⵎⵖⴰⵔⵜ, ⴰⵙⵎⵏⵉⴷ ⴼ ⵉⵙⵏⴼⵍⵏ ⵉⵎⵣⵔⴰⵢⵏ ⴷ ⵉⵏⴰⵎⵓⵏⵏ ⵎⵓⵏⵏⵉⵏ ⴷ ⵓⵙⵍⴳⵏ ⵏ ⵜⵓⵡⵊⴰ, ⵙ ⵓⵙⵎⴰⵇⵇⵍⵍ ⵏⵏⵙ ⴰⵣⵔⴼⴰⵏ ⴷ ⵓⵍⴳⵉⵏⵏ ⵜⴱⴷⴷ ⴼ ⵜⵏⴰⵥⴰⵕⴰⵉⵏ ⴷⴰⵜ ⵏ ⵓⵎⵓⴽⵏ ⵏ ⵓⵙⵍⴳⵏ ⴰⴷ ⴷ ⵓⴼⵔⴰⴳ ⵏ ⵜⵎⵔⵙⵍⴰⵜ ⵏ ⵜⵓⵡⵊⴰ.</p>
<p style="text-align: justify;" dir="ltr" align="right">ⵜⵥⵍⵉ ⵜⵖⵉⵎⵉⵜ ⵏ ⵜⴷⴳⴳⵯⴰⵜ ⵉ ⵓⵙⵙⴼⵍⴷ ⵉ ⵜⴽⵛⵛⵓⵎⵉⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ ⴷ ⵉⵎⵓⵔⴰ ⵓⵔ ⵡⴰⵍⴰⵏⵉⵏ ⴼ ⵓⵙⵏⵜⵍ ⵏ ⵡⴰⵙⵙⴰ ⴰⴷ ⵉ ⵓⵙⵓⵊⴷ ⵏ ⵉⵙⵖⵍⴰⴼ ⴷ ⵜⵙⵓⵎⴰⵔ ⴷ ⵓⵙⴰⵏⵉⵏ.</p>