ⵜⴰⴳⵓⵔⵉ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴷⴰⵜ ⵏ ⵉⵎⵣⵔⴰⵡⵏ ⴷ ⵜⵎⵣⵔⴰⵡⵉⵏ ⵏ ⵜⵙⴷⴰⵡⵉⵜ ⵓⵕⵓⵜⴰⵏⴰⵎⵎⴰⵙⵜ ⴳ ⴼⴰⵙ, ⴳ ⵓⵏⵎⵓⵇⵇⴰⵔ ⴰⵎⵣⵡⴰⵔⵓ ⵏ ⵉⵄⵔⵔⵉⵎⵏ ⵉⴼⵔⵉⵇⵉⵢⵏ ⴷ ⵓⵕⵓ-ⵉⵏⴰⵎⵎⴰⵙⵏ ⵏ ⵜⵙⴷⴰⵡⵉⵜ ⵓⵕⵓⵜⴰⵏⴰⵎⵎⴰⵙⵜ ⴳ ⴼⴰⵙ, ⴰⴽⵕⴰⵙ 14 ⴱⵕⴰⵢⵕ 2024

<p style="text-align: center;" align="center"><strong>ⵙ ⵉⵙⵎ ⵏ ⵕⴱⴱⵉ, ⵜⴰⵥⴰⵍⵍⵉⵜ ⴷ ⵓⴼⵔⴰ ⴼ ⵓⵕⵇⵇⴰⵚ&nbsp; ⵏⵏⵙ</strong></p>
<p style="text-align: center;" align="center"><strong>&nbsp;</strong></p>
<p style="text-align: justify;" align="center"><strong>&nbsp;</strong></p>
<p style="text-align: justify;"><strong>* </strong><strong>ⵎⴰⵙⵙ ⴰⵏⵙⵙⵉⵅⴼ ⵏ ⵜⵙⴷⴰⵡⵉⵜ ⵓⵕⵓⵜⴰⵏⴰⵎⵎⴰⵙⵜ ⴳ ⴼⴰⵙ</strong></p>
<p style="text-align: justify;"><strong>* </strong><strong>ⵉⵎⵣⵔⴰⵡⵏ ⵏ ⵜⵙⴷⴰⵡⵉⵜ ⵜⴰⴳⵔⴰⵖⵍⴰⵏⵜ ⵄⵣⵣⴰⵏⵉⵏ</strong></p>
<p style="text-align: justify;"><strong>* </strong><strong>ⵉⴷ ⵎⴰⵙⵙ ⵉⵙⵍⵎⴰⴷⵏ ⴷ ⵉⵙⴰⵜⵉⵢⵏ ⵏ ⵜⵙⴷⴰⵡⵉⵜ </strong></p>
<p style="text-align: justify;"><strong>* </strong><strong>ⵡⵉⴷⴰ ⵃⴰⴹⵕⵏⵉⵏ,</strong></p>
<p style="text-align: justify;">ⵔⵉⵖ ⴳ ⵜⵉⵣⵉ ⴰⴷ ⵉⵍⴰⵏ ⴰⴷⵔⵉⵣ ⵏ ⵜⵎⴰⵜⴰⵔⵜ ⴷ ⵜⵖⵔⵎⴰ ⴷ ⵜⵓⵙⵙⵏⴰ, ⴰⴷ ⵙⵔⵓⵏ ⵙⴱⵔⵔⴽⵖ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵕⵕⴱⴰⵟ. ⴳ ⵓⵎⵏⴰⴹ ⵏ ⵓⵏⵎⵓⵇⵇⴰⵔ ⵏ ⵓⴳⵔⴰⵡ ⵡⵉⵙ ⵜⴰⵏ ⵏ ⵉⵏⵙⵙⵉⵅⴼⵏ ⵏ ⵉⴱⵕⵍⴰⵎⴰⵏⵏ ⴷ ⵜⵙⵓⵜⵍⵜ ⵜⵉⵙ 17 ⵏ ⵜⵎⵙⵓⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴰⵎⵓⵏⵜ ⵉ ⵓⵏⴰⵎⵎⴰⵙ, ⵍⵍⵉ ⵉⵙⴱⵔⵔⴽ ⵓⵙⵇⵇⵉⵎ ⵏ ⵉⵎⵓⵔⴰ.</p>
<p style="text-align: justify;">ⵀⴰⵜⵉ ⵜⴼⵔⴽⵎ ⵎⴰⵙ ⴷ ⵜⴰⵎⵙⴰⵔⴰⵜ ⴰⴷ ⵜⴰⴱⵕⵍⴰⵎⴰⵏⵉⵜ ⴷ ⵡⴰⵜⵉⴳ ⵏⵏⵙ, ⴷ ⵜⵏⴰⵥⴰⵕⵉⵏ ⵏⵏⵙ ⵜⵉⵎⴳⵔⴰ ⵍⵍⵉ ⵎⵓ ⵏⵙⵙⵏ ⴰⵜⵉⴳ ⵏⵏⵙ ⵉ ⵜⵡⵓⵡⵔⵉ ⵏⵏⵖ ⴷ ⵜⵣⴷⴰⵢⵉⵏ ⵏⵏⵖ ⵜⵉⵏⴰⵎⵎⴰⵙⵉⵏ, ⵓⵕⵓⵜⵉⵏⴰⵎⵎⴰⵙⵉⵏ ⴷ ⴰⴼⵕⵓⵜⵉⵏⴰⵎⵎⴰⵙⵉⵏ. ⵏⴼⵔⴽ ⵓⵍⴰ ⵎⴰⵙ ⴷ ⴰⵙⴰⵜⵉ ⴰⴷ ⴰⴱⵕⵍⴰⵎⴰⵏⵉ ⵓⵔ ⵉⴱⴷ ⵖⴰⵙ ⴼ ⵜⵙⵎⵉⴳⴰⵍ ⵏⵏⵙ ⵜⵉⵙⵔⵜⴰⵏⵉⵏ ⴷ ⵜⴷⵉⴱⵍⵓⵎⴰⵙⵉⵢⵉⵏ, ⵎⴰⵛ ⵉⵟⵟⴰⴼ ⵓⵍⴰ ⵉⵎⵏⴰⴷⵏ ⵏⵏⵙ ⵉⵖⵔⵎⴰⵏⵏ ⴷ ⵉⵏⴼⴳⴰⵏⵏ ⴷⵔⴰⵏⵉⵏ.</p>
<p style="text-align: justify;">ⵉⴳⴰ ⵉⵢⵉ ⵜⵓⵎⵔⵜ ⴰⴷ ⵙⵔⵓⵏ ⴰⴽⴽⵯ ⵙⴱⵔⵔⴽⵖ, ⵙⵓⵜⴳⵖ ⵜⴰⴷⵔⴰⵡⵜ ⵏⵏⵓⵏ ⴳ ⵜⵎⵙⴰⵔⵜ ⴰⴷ ⵓⵕⵓⵜⴰⵏⴰⵎⵎⴰⵙⵜ ⵉⵅⴰⵜⴰⵔⵏ, ⴽⵯⵏⵏⵉⵏ ⵉⵎⵣⵔⴰⵡⵏ ⴷ ⵜⵎⵣⵔⴰⵡⵉⵏ ⵍⵍⴰⵏⵉⵏ ⴳ ⵓⴳⴳⴰⵔ ⵏ ⵡⴰⴳⵏⴰⵔ ⵏ ⵜⵎⴰⵣⵉⵔⵜ ⵜⴰⴼⵔⵉⵇⵉⵜ ⴷ ⵜⵏⴰⵎⵎⴰⵙⵜ, ⵜⴹⴼⵕⵎ ⵜⵉⵖⵔⵉ ⵏⵏⵓⵏ ⵜⴰⵎⴰⵜⵜⵓⵢⵜ ⴳ ⵜⵙⴷⴰⵡⵉⵜ &nbsp;ⵓⵕⵓⵜⴰⵏⴰⵎⵎⴰⵙⵜ ⴳ ⴼⴰⵙ, ⵙ ⵜⵡⵉⵣⵉ ⵏⵏⵓⵏ ⴳ ⵉⵅⵎⵎⵉⵎⵏ ⴷ ⵉⵙⵏⵜⵍⵏ ⵏ ⵓⴳⵔⴰⵡ, ⴷ ⵔⴰⴷ ⴷⵉⴷⵏⵖ ⵜⴷⵔⵓⵎ ⴰⵙⵉⵡⴹ ⵏ ⵉⵄⵔⵔⵉⵎⵏ , ⴰⵙⵉⵡⴹ ⵏ ⵜⴷⴷⵓⴽⴽⵯⵍⴰ ⴷ ⵜⴳⵯⵎⴰⵜ, ⴰⵙⵉⵡⴹ ⵏ ⵓⴼⵔⴰ ⴷ ⵜⴰⵢⵔⵉ, ⴰⵙⵉⵡⴹ ⵏ ⵉⵎⴰⵍ ⵍⵍⵉ ⵔⴰⴷ ⵉⵙⵎⴷ ⴰⵏⵎⵓⵇⵇⴰⵔ ⵏⵏⵓⵏ ⴰⵙⵙ ⴰⴷ. &nbsp;</p>
<p style="text-align: justify;">ⵉⵇⵇⴰⵏ ⴷ ⴰⴷ ⵙⵓⵜⴳⵖ ⵜⵓⴳⴳⵯⴰⵙ ⵏ ⵜⵙⴷⴰⵡⵉⵜ ⵏⵏⵓⵏ ⴷ ⵓⵏⵙⵙⵉⵅⴼ ⵏⵏⵙ ⴰⵙⵍⵎⴰⴷ ⵎⵓⵚⵟⴰⴼⴰ ⴱⵓⵙⵎⵉⵏⴰ - ⴷ ⵜⵔⴰⴱⴱⵓⵜ ⵏⵏⵙ ⵜⴰⵎⴰⵙⵙⴰⵏⵜ ⴷ ⵜⴱⵉⴷⴰⴳⵓⵊⵉⵜ - ⴳ ⵓⵙⵓⵊⴷ ⵏ ⵓⵙⵎⴰⵇⵇⵍ ⵉⵙⴽⵔⵏ ⴳ ⵜⵙⴷⴰⵡⵉⵜ ⴰⴷ ⵓⵕⵓⵜⴰⵏⴰⵎⵎⴰⵙⵜ &nbsp;ⵜⴰⵚⵚⵓⵎⵄⵜ ⵏ ⵜⵖⵔⵎⴰ ⴷ ⵓⵙⵡⵉⵏⴳⵎ ⴷ ⵓⵙⴳⵎⵉ ⴷ ⵜⵓⵙⵙⵏⴰ, ⴷ ⵓⵙⵔⵙ ⵏ ⵜⵍⴽⴽⵉⵡⵉⵏ ⵊⴰⵔ ⵜⵎⴰⴳⵉⵜ ⵏⵏⵙ ⵓⵕⵓⵜⴰⵏⴰⵎⵎⴰⵙⵜ ⴷ ⵓⴷⵔⴰⵡ ⵏⵏⵙ ⴰⴼⵔⵉⵇⵉ, ⵜⴳⴰ ⴰⵙⵙ ⴰⴷ ⵍⵇⴱⵍⵜ ⵏ ⴽⵉⴳⴰⵏ ⵏ ⵉⵙⵍⵎⴰⴷⵏ ⵉⵎⵥⵍⴰⵢⵏ ⴷ ⵉⵎⵔⵣⵓⵜⵏ ⵙⴳ ⵉⵎⵏⴰⴷⵏ ⴳⴳⵓⵜⵏⵉⵏ, ⴳ ⵓⵙⴰⵜⵉ ⵏ ⵜⴷⵔⴰⵡⵉⵏ ⵜⵉⴳⵔⴰⵖⵍⴰⵏⵉⵏ ⵥⵉⵍⵏⵉⵏ.</p>
<p style="text-align: justify;">ⵓⵔ ⵔⴰⴷ ⴰⴷⵍⵍⵉ ⵉⵜⵜⵓⵙⴽⵉⵔ ⵎⴰ ⴰⴷ ⵎⵍⴰ ⵓⵔ ⵜⵍⵍⵉ ⵜⵎⴰⴳⵉⵜ ⵏ ⵜⵙⴷⴰⵡⵉⵜ ⴷ ⵓⵜⵡⴰⵍ ⵏ ⵉⵛⵓⵎⴰⵛ ⵏⵏⵙ, ⴷ ⵜⵎⵥⵍⴰⵢⵉⵏ ⵏⵏⵙ ⴳⴳⵓⵜⵏⵉⵏ ⵉⵡⵉⵏⵉⵏ ⵜⴰⵢⵏⵉⵜ ⴷ ⵓⵅⵎⵎⴻⵎ, ⵜⴳ ⴰⵎⵎⴰⵙ ⵏ ⵜⵓⵙⵙⵏⴰ ⴷ ⵜⴷⵍⵙⴰ. ⵔⵉⵖ ⴰⴷ ⵉⵏⵉⵖ ⴰⵣⵓⵍ ⵉ ⵎⴰⵕⵕⴰ ⵉⴳⵎⴰⵎⵏ ⵏ ⵓⵙⵇⵇⵉⵎ ⴰⵎⵙⵙⵓⴳⵓⵔ ⵏ ⵜⵙⴷⴰⵡⵉⵜ, ⴷ ⵉⵏⵎⵀⴰⵍⵏ ⴷ ⵉⵏⴱⴷⴰⴷⵏ ⴷ ⵉⵙⵍⵎⴰⴷⵏ ⴷ ⵉⵙⴰⵜⵉⵢⵏ ⵉⵙⴳⵎⴰⵏⵏⴷ ⵉⵎⵙⵙⵓⴳⵓⵔⵏ , ⴷⴰ ⵙⵓⵜⴳⵖ ⵓⵍⴰ ⴰⵙⴳⴳⵉⵡⵔ ⵏ ⵜⴰⵎⵓⵏⵜ ⵏ ⵜⵖⵔⵎⵉⵡⵉⵏ ⴷ ⵓⵏⵙⵙⵉⵅⴼ ⵏⵏⵙ ⴰⵙⵍⵎⴰⴷ ⵄⴰⴱⴷ ⵍⵃⴰⵇⵇ ⵄⵣⵣⵓⵣⵉ, ⵍⵍⵉ ⵉⴷⵔⵓⵏ ⴳ ⵓⵏⵎⵓⵇⵇⴰⵔ ⵏ ⵓⵙⵡⵉⵏⴳⵎ ⵏ ⵓⴳⵔⴰⵡ ⴰⴷ, ⵍⵍⵉ ⵉⵜⵜⵓⵙⴽⴰⵔⵏ ⴳ ⵓⵙⴰⵜⵉ ⵏ ⵜⴰⵎⵓⵏⵜ ⵏ ⵜⵖⵔⵎⵉⵡⵉⵏ ⵉⴹⴼⵕⵏ ⵜⴰⵎⴰⴷⴷⴰⵙⵜ ⵏ ⵜⵎⵜⵜⴰ ⵎⵓⵏⵏⵉⵏ, ⴳ ⵓⵙⴰⵜⵉ ⵏ ⵓⴷⵖⴰⵔ ⴰⵎⵣⵔⴰⵢ ⴷ ⵓⵖⵔⵎⴰⵏ ⵏ ⵜⵖⵔⵎⵜ ⵏ ⴼⴰⵙ ⵜⴰⵇⴱⵓⵔⵜ, ⵖⵓⵔⵏⵖ ⴰⴱⵓⵔⵣ ⵉⵙ ⴳⵉⵙ ⵜⴰⵙⴷⴰⵡⵉⵜ ⵜⴰⵇⴱⵓⵔⵜ ⴳ ⵓⵎⵣⵔⵓⵢ ⴰⵏⴼⴳⴰⵏ, ⵜⴰⵙⴷⴰⵡⵉⵜ ⵏ ⵍⵇⴰⵕⴰⵡⵉⵢⵢⵉⵏ. ⵉⵇⵇⴰⵏ ⴷ ⴰⴷ ⵙⵓⵜⴳⵖ ⵜⵉⵍⴰⵍⵜ ⵜⴰⵖⵔⵎⴰⵏⵜ ⴷ ⵜⵎⴰⵙⵙⴰⵏⵜ ⵏ ⵎⴰⵕⵕⴰ ⵉⵙⵎⵓⵜⵜⴳⵏ ⵥⵍⵉⵏⵉⵏ ⵙ ⵜⵎⴰⵙⵙⴰⵏⵉⵏ ⵜⵉⵏⴼⴳⴰⵏⵉⵏ ⴷ ⵜⵏⴰⵎⵓⵏⵉⵏ ⵓⵙⵉⵏⵉⵏ ⴰⵜⵉⴳ ⵏ ⵓⵚⴽⵓ ⵏ ⵉⵏⴰⵡ ⴰⵏⴰⵎⵎⴰⵙ ⴷ ⵓⵕⵓⴱⴱⵉ ⴷ ⴰⴼⵔⵉⵇⵉ ⵍⵍⵉ ⵙ ⴰⴽⴽⵯ ⵏⵙⵖⴰⵡⵙⴰ ⵉ ⵓⵙⴷⵓⵙ ⵏ ⵓⵥⵟⵟⴰ ⵏ ⵓⵡⵔⵉⴽ ⴰⵏⴰⵎⵎⴰⵙ ⵙ ⵜⵖⵣⵔⵉⵏ ⵏⵏⵏ ⵏ ⵉⴼⴼⵓⵙ ⴷ ⵉⵥⵥⵍⵎⴹ ⴷ ⵉⵙⵓⵔⴰ ⵏⵏⵙ ⵉⴼⵔⵉⵇⵉⵢⵏ ⴷ ⵡⴰⵄⵕⴰⴱⵏ.</p>
<p style="text-align: justify;">ⵜⵉⵎⵣⵔⴰⵡⵉⵏ ⴷ ⵉⵎⵣⵔⴰⵡⵏ, ⵓⵔ ⵔⵉⵖ ⴰⴷ ⵜⴳ ⵜⵉⵍⵉⵜ ⵏⵏⵓⵏ ⵜⴰⴱⵕⵓⵟⵓⴽⵓⵍⵉⵜ ⴳ ⵓⴳⵔⴰⵡ ⴰⴷ, ⵉⵀⵎⵎⴰ ⵉⵢⵉ ⴰⴷ ⵙⴷⴷⵉⴷⵖ ⴼ ⵓⵎⵏⴰⴷ ⴰⵙⵜⵔⴰⵜⵉⵊⵉ ⵉ ⵜⵉⵍⵉⵜ ⵏⵏⵓⵏ, ⴷ ⵜⵡⵉⵣⵉ ⵏ ⵜⵙⴷⴰⵡⵉⵜ ⵏⵏⵓⵏ ⴳ ⵓⵎⵏⴰⴷ&nbsp; ⵍⵍⵉ ⴰⵙ ⴰⴽⴽⵯ ⵏⵙⵜⵉ, ⵜⵍⵜⵖ ⴳⵉⵙ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙ ⵓⴼⵔⴰⴽ ⴷ ⵜⵓⵏⵥⵉⵥⵜ&nbsp; ⴷ ⵜⵉⵔⴰⵜ ⵉⴷⵓⵙⵏ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵙ ⴰⴷ ⵜ ⵉⵃⴼⴷ ⵕⴱⴱⵉ ⵉⵏⵚⵕ ⵜ, ⵉⵟⵟⴰⴼⵏ ⴰⵙⵎⴰⵇⵇⵍ ⴰⵊⵢⵓ ⴰⵙⵔⵜⴰⵏ ⴷ ⵓⵙⵜⵔⴰⵜⵉⵊⵉ ⵏ ⵓⴷⵖⴰⵔ ⵏ ⵍⵎⵖⵔⵉⴱ ⴳ ⵜⴽⵕⴹⴰ ⵜⴰⵏⴰⵎⵎⴰⵙⵜ, ⵙ ⴰⵢⵍⵍⵉ ⴷⴰⵔⵏⵖ ⵉⴳⴰ -ⵏⴽⴽⵯⵏⵉ ⵉⵎⵖⵔⵉⴱⵉⵢⵏ- ⵓⵎⵣⵔⵓⵢ ⵏ ⵓⵏⴰⵎⵎⴰⵙ, ⴷ ⵜⵖⵔⵎⴰ ⵏ ⵓⵏⴰⵎⵎⴰⵙ, ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⵉⵟⵟⴰⴼ ⵍⵎⵖⵔⵉⴱ ⴰⵢⴷⴰ ⴰⵎⴰⵜⵔⴰⵏ ⵍⵍⵉ ⴳⵉⵙ ⵉⵙⴽⵔⵏ&nbsp; ⴰⵎⵎⴰⵙ ⵏ ⵓⵥⴰⵥⵓ ⴷ ⵜⵎⴰⵣⵉⵔⵜ ⵉⴳⴰⵏ ⴰⵏⴰⵡ ⴳ ⵓⵏⴳⵔⴰⵡ ⴷ ⵓⵔⴳⴳⵉⴳ ⴷ ⵜⵎⵏⵏⴰⵡⵜ ⴷ ⵓⵏⵏⵓⵕⵥⵎ ⴷ ⵜⵎⵥⵍⴰⵢ ⵏⵏⵙ ⴳ ⵓⵙⴰⵢⵔⵓⵔ ⵏ ⵓⵏⴰⵎⵎⴰⵙ, ⴷ ⵓⴳⵯⵏⵙ ⵏ ⵉⴼⵔⵉⵇⵢⴰ, ⴷ ⵜⵉⵍⴰⵍⵜ ⵏⵏⵙ ⴳ ⵓⵎⵣⵔⵓⵢ ⵍⵍⵉⵖ ⵉⴳⴰ ⴰⵣⴷⴰⵢ ⵊⴰ ⵔⵓⵕⵓⴱⴱⴰ ⴷ ⵉⴼⵔⵉⵇⵢⴰ, ⴷ ⵓⵣⵣⵔⴰⵢ ⵏ ⵉⵡⵏⵏⵉⵜⵏ ⵉⵖⵔⵎⴰⵏⵏ ⴷ ⵡⵉⴷ ⴳⴰⵏⵉⵏ ⵡⵉⵏ ⵜⵎⴰⵜⴰⵔⵜ.</p>
<p style="text-align: justify;">ⵙⵙⵏⵖ ⵉⵙ ⵜⴳⴰⵎ ⵜⴰⵙⵓⵜ ⵜⴰⵎⴰⵢⵏⵓⵜ, ⵉⵣⵣⵉⴳⵣⵏ ⴰⵙⵖⵏⵓ ⵏ ⵓⵙⴳⵓⴷⵉ ⵏ ⵜⴰⵙⵓⵜⵉⵏ ⵣⵔⵉⵏⵉⵏ ⴷ ⵓⵚⴽⵓ ⵏ ⵉⵎⴰⵍ ⴷ ⵓⵚⴽⵓ ⵏ ⵉⵎⴰⵍ ⵉⵛⵛⴰⵔⵏ ⵙⴳ ⵉⵙⵡⴰⵍⴰⵢⵏ ⵏ ⵜⵊⵓⵖⵔⴰⴼⵉⵜ ⴷ ⵓⵎⵣⵔⵓⵢ ⴷ ⵜⴷⵎⵙⴰ ⴷ ⵡⴰⵎⴰⵏⵏ ⴷ ⵜⴷⵍⵙⵉⵡⵉⵏ, ⵙⵍⴰⵡⴰⵏ ⴰⴽⴽⵯ ⵉⵙ ⵏⵙⴰⵡⴰⵍ ⴰⵙⵙ ⴰⴷ ⵙ ⵜⴷⵓⵙⵉ ⴼ ⵜⵙⵏⵜⴰⵢⵉⵏ ⵜⵉⵎⵖⵔⵉⴱⵉⵢⵉⵏ ⵜⵉⵎⵣⵡⵓⵔⴰ ⴷⵓⵙⵏⵉⵏ ⴳ ⵉⵍⵍⴰ ⵓⵣⴷⴰⵢ ⵏ ⵓⵡⴰⵏⴽ ⵏ ⵓⴼⵜⴰⵙ ⵏ ⴰⵟⵍⴰⵚ, ⴷ ⵓⵙⵏⴼⴰⵔ ⴰⵙⵜⵔⴰⵜⵉⵊⵉ ⵏ ⵓⵇⴰⴷⵓⵙ ⵏ ⵍⴳⴰⵣ ⵏⵉⵊⵉⵔⵢⴰ-ⵍⵎⵖⵔⵉⴱ, ⴷ ⵓⵙⵙⴰⵔⵓ ⵉⵛⵛⴰⵔⵏ ⴳ ⵜⵓⵚⴽⵉⵡⵉⵏ ⵙⴽⴰⵔⵏⵉⵏ ⵜⵉⴳⵎⵉ ⵀⵎⵎⴰⵏⵉⵏ ⵜⴰⵥⴹⴰⵕⵜ ⴷ ⵓⵥⵟⵟⴰ ⵏ ⵓⵎⵢⴰⵡⴰⴹ ⴷ ⵡⴰⵙⵙⴰⵢ ⴷ ⵉⴱⵔⴷⴰⵏ ⵏ ⵓⵙⵖⵏⵣⵉ...ⴷ ⵡⵉⵢⵢⴰⴹ.</p>
<p style="text-align: justify;">ⴳ ⵜⴳⵉⵔⴰ, ⴰⵙⵏⵉⵎⵎⵔ ⵉⵏⵡ ⴷ ⵓⵣⵓⵍ ⴷ ⵓⵙⵓⵜⴳ, ⴷⴰ ⵙⵎⴰⵢⵏⵓⵏ ⴰⵙⴱⵔⵔⴽ ⵙⵔⵓⵏ, ⵏⵏⵓⵔⵣⵖ ⴰⵡⵏ ⴰⵎⵓⵔⵙ ⴳ ⵎⴰⵕⵕⴰ ⵏ ⵜⵡⵓⵔⵉⵡⵉⵏ ⴷ ⵓⵙⵎⵓⵜⵜⴳ ⴷ ⵉⵎⵏⴰⴷ ⵏ ⵉⵎⴰⵍ ⵏⵏⵓⵏ ⵉⵖ ⵜ ⵉⵏⵏⴰ ⵕⴱⴱⵉ.</p>