ⵜⵙⵏⵓⴱⴳ ⵎⴰⵙⵙⴰ ⵙⴰⵍⵎⴰ ⴱⵏⵄⵣⵉⵣ, ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵉⵏ ⵏ ⴱⵕⵕⴰ, ⴰⴽⴰⴱⴰⵕ ⵏ ⵓⴽⵓⵏⴳⵕⵉⵚ ⵏ ⵍⴱⵉⵔⵓ

<p style="text-align: justify;">ⵜⵙⵏⵓⴱⴳ ⵎⴰⵙⵙⴰ ⵙⴰⵍⵎⴰ ⴱⵏⵄⵣⵉⵣ, ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵣⴰⵖ ⴰⵏⴰⵎⵓⵔ ⴷ ⵜⵖⴰⵡⵙⵉⵡⵉⵏ ⵜⵓⵙⵍⵉⵎⵉⵏ ⴷ ⵉⵎⵖⵔⵉⴱⵉⵢⵏ ⵏ ⴱⵕⵕⴰ, ⴰⴽⵕⴰⵙ 8 ⵎⴰⵢ 2024 ⴳ ⵕⵕⴱⴰⵟ, ⴰⴽⴰⴱⴰⵕ ⵏ ⵓⴽⵓⵏⴳⵕⵉⵚ ⵏ ⵍⴱⵉⵔⵓ ⵉⵔⵣⴼⵏ ⵜⴰⴳⵍⴷⵉⵜ ⵙⴳ 6 ⴰⵔ 10 ⵎⴰⵢ.</p>
<p style="text-align: justify;">ⵜⵙⵓⵜⴳ ⵎⴰⵙⵙⴰ ⴱⵏⵄⵣⵉⵣ ⴰⵙⵡⵉⵔ ⵏ ⵜⵣⴷⴰⵢⵉⵏ ⵊⴰⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵍⴱⵉⵔⵓ ⵉⴱⴷⴷⵏ ⴼ ⵓⵡⵇⵇⵔ ⵉⵜⵜⵓⵙⵏⴼⴰⵍⵏ, ⴷ ⵜⵉⵔⴰⵜ ⵏ ⵍⵎⵖⵔⵉⴱ ⵉ ⵓⵙⴷⵓⵙ ⵏ ⵓⵎⵢⴰⵡⴰⵙ ⵙⵍⴰⵡⵏ ⴰⴽⴽⵯ ⵍⵍⵉⵖ ⵉⵍⵍⴰ ⵓⵙⵍⴳⵏ ⴰⵙⴰⵜⵉ ⵏ ⵓⵙⵙⴰⵔⵓ ⴳ ⵜⵎⴰⵣⵉⵔⵜ ⵏⵏⵖ.</p>
<p style="text-align: justify;">ⵜⵙⵎⵏⵉⴷ ⵎⴰⵙⵙⴰ ⴱⵏⵄⵣⵉⵣ ⵉⵙⴰⵡⵓⵔⵏ ⵍⵍⴰⵏⵉⵏ ⴳ ⵜⴳⵍⴷⵉⵜ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⴼ ⵓⴼⵔⴰⴳ ⴰⵏⴰⵎⵓⵏ ⴷ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ.</p>
<p style="text-align: justify;">ⵜⵙⵓⵜⴳ ⵎⴰⵙⵙⴰ ⴱⵏⵄⵣⵉⵣ ⴰⴷⴷⴰⴷ ⵉⵥⵉⵍⵏ ⵏ ⵍⴱⵉⵔⵓ ⴷ ⵓⴽⵓⵏⴳⵯⵕⵉⵚ ⵏⵏⵙ ⵎⵏⵉⴷ ⵏ ⵜⵎⵙⴰⵔⵜ ⵏ ⵜⵢⴰⵏⵜ ⵏⵏⵖ ⵜⴰⵏⴰⴽⴰⵍⵜ.</p>
<p style="text-align: justify;">ⵉⵖⵔⴰ ⵓⴽⴰⴱⴰⵕ ⵏ ⵍⴱⵉⵔⵓ ⵉ ⵓⵙⵎⵖⵔ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⴰⵙⵉⵏⵔⴰⵏ ⴳ ⵉⴳⵔⴰⵏ ⵏ ⵜⵙⴱⴱⴰⴱⵜ ⴷ ⵓⵚⴽⵓ ⵏ ⵉⴼⵜⴰⵙⵏ, ⵢⵉⵏⵉ ⵎⴰⵙ ⵔⴰⴷ ⵢⵉⵍⵉ ⵓⵚⴽⵓ ⵏ ⵢⴰⵏ ⵓⴼⵜⴰⵙ ⴰⵎⵇⵔⴰⵏ ⵍⵍⵉ ⵔⴰⴷ ⵉⵣⴷⵉ ⴷ ⵓⴼⵜⴰⵙ ⵏ ⵟⴰⵏⵊⴰ.</p>
<p style="text-align: justify;">ⵉⵍⵍⴰ ⵓⵔⵣⴰⴼ ⴰⴷ ⴳ ⵓⵙⴰⵜⵉ ⵏ ⵓⵣⵎⵎⴻⵎ ⵏ ⵜⵎⴷⵔⴰⵡⵜ ⵏ ⵜⴳⵯⵎⴰⵜ ⵊⴰⵔ ⵜⵙⴳⴰ ⵏ ⴱⵢⵓⵔⴰ ⴷ ⵜⵙⴳⴰ ⵏ ⴷⴷⴰⵅⵍⴰ ⵡⴰⴷⵉ ⴷⴷⴰⵀⴰⴱ.</p>
<p style="text-align: justify;">ⵢⵓⵎⴰ ⵓⴽⴰⴱⴰⵕ ⴰⴷ ⵉⴷ ⵎⴰⵙⵙ: Ernesto Neyra Leon ⴰⵏⵙⵙⵉⵅⴼ ⵏ ⵓⴽⴰⴱⴰⵕ ⴷ ⵓⵎⵏⴱⴰⴹ ⵏ ⵜⵙⴳⴰ ⵏ ⴱⵢⵓⵔⴰ, ⵎⴰⵙⵙ Enrique Castillo Rivas ⴰⵎⵙⵙⵉⵡⵍ ⴰⵎⴰⴷⴷⵓⴷ ⵏ ⵓⴽⴰⴱⴰⵕ ⵏ ⵜⵓⴷⴷⵉⵔⵉⵏ ⵜⵉⵎⴷⵏⴰⵏⵉⵏ, ⵎⴰⵙⵙ Castillo Lpanaque&nbsp;&nbsp;&nbsp;Carlos Andrès ⴰⵎⵛⵛⵉⵡⵕ ⴳ ⵜⵙⴳⴰ ⵏ ⴱⵢⵓⵔⴰ.</p>