ⴰⵍⵖⵓ ⵏ ⵜⵙⵓⵜⵍⵜ 17 ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴰⵎⵓⵏⵜ ⵉ ⵓⵏⴰⵎⵎⴰⵙ “ ⵉⵎⴰⵏ ⵏ ⵕⵕⴱⴰⵟ”, 16 ⴱⵕⴰⵢⵕ 2024

<p style="text-align: justify;" dir="ltr" align="right">1. ⵙ ⵜⵏⵙⵙⵉⵅⴼⵜ ⴷ ⵜⵖⵔⵉ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵓⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴰⵎⵓⵏⵜ ⵉ ⵓⵏⴰⵎⵎⴰⵙ;</p>
<p style="text-align: justify;" dir="ltr" align="right">2. ⵙ ⵓⵎⵛⴰⴱⴱⴰⴽ ⵉⴷⵓⵙⵏ ⵙ ⵉⵎⵏⵣⴰⵢⵏ ⵏ ⵜⵎⵢⵉⴷⵉⵔⵜ ⵏ ⵓⴼⵔⴰ ⴷ ⵓⵎⵙⵓⵔⵓⴼ, ⴷ ⵜⵉⵔⴰⵜ ⵏ ⵓⴼⵔⴰⴳ ⵏ ⵓⵎⵛⴰⴱⴱⴰⴽ ⴷ ⵉⵎⴰⵏ ⵏ ⵓⵎⵙⴰⵙⴰ ⵊⴰⵔ ⵉⵎⴰⴷⴰⵏⵏ ⵏ ⵢⵉⵍ ⵓⵎⵍⵉⵍ ⴰⵏⴰⵎⵎⴰⵙ ⵍⵍⵉ ⵉⴳⴰⵏ ⴰⵎⵓⵙⵙⵓ ⵏ ⵜⵡⵓⵔⵉ ⵏⵏⵙⵏ ⵜⴰⴱⵕⵍⴰⵎⴰⵏⵉⵜ ⵉⵛⵛⴰⵔⵏ;</p>
<p style="text-align: justify;" dir="ltr" align="right">3. ⵉ ⵓⵙⴽⵯⵜⵉ ⵏ ⵓⵛⵛⵉⵍ ⵏ ⵜⵣⵣⵉⴳⵣⵜ ⵏ ⵓⵎⵙⵡⴰⵍ ⴷ ⵓⵎⵛⴰⵡⴰⵕ ⵊⴰⵔ ⵉⴱⵕⵍⴰⵎⴰⵏⵏ ⵉⴳⵎⴰⵎⵏ, ⴷ ⵓⵙⴷⵓⵙ ⵏ ⵜⵓⴳⴳⴰⵙ ⵍⵍⴰⵏⵉⵏ, ⵃⵎⴰ ⴰⴷ ⵉⴳ ⵢⵉⵍ ⵓⵎⵍⵉⵍ ⴰⵏⴰⵎⵎⴰⵙ ⴰⵙⴰⵢⵔⵓⵔ ⵉⴱⵓⵖⵍⴰⵏ ⴳ ⵉⵍⵍⴰ ⵓⴼⵔⴰ ⴷ ⵜⴷⵉⵎⵓⵇⵔⴰⵟⵉⵜ ⴷ ⵜⴳⵎⵉ ⵉⵛⵛⴰⵔⵏ;</p>
<p style="text-align: justify;" dir="ltr" align="right">4. ⵉ ⵓⵙⴽⵯⵜⵉ, ⴳ ⵓⵎⵏⴰⴹ ⴰⴷ, ⵏ ⵜⵉⵔⴰⵜ ⵏ ⵉⴱⵕⵍⴰⵎⴰⵏⵉⵢⵏ ⵉⵏⴰⵎⵎⴰⵙⵏ, ⵙⴳ ⵓⵏⵏⵓⵕⵥⵎ ⵏ ⵜⵡⵓⵔⵉ ⵏ ⴱⴰⵕⴰⵍⵓⵏⴰ ⴳ ⵓⵙⴳⴳⵯⴰⵙ ⵏ 1995 ⴷ ⵓⵙⴽⵔ ⵏ ⵜⴰⵎⵓⵏⵜ ⵉ ⵓⵏⴰⵎⵎⴰⵙ ⴳ 2008, ⴷ ⵓⵏⵎⵓⵇⵇⴰⵔ ⴰⴱⵕⵍⴰⵎⴰⵏⵉ ⵓⵕⵓ-ⴰⵏⴰⵎⵎⴰⵙ ⴳ 1998 ⴷ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵓⵕⵓ-ⵜⴰⵏⴰⵎⴰⵎⵙⵜ ⴳ 2004, ⴷ ⵓⵙⵎⴰⴷ ⵙ ⵓⵙⴽⵔ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴰⵎⵓⵏⵜ ⵉ ⵓⵏⴰⵎⵎⴰⵙ ⴳ 2010, ⵉ ⵓⵙⵏⴰⵍ ⴳ ⵓⵙⵡⵉⵔ ⴰⴱⵕⵍⴰⵎⴰⵏⵉ ⵉ ⵓⵣⵣⴳⵔ ⵏ ⵉⵙⵖⵡⴰⵏ ⵍⵍⴰⵏⵉⵏ ⴳ ⵓⵙⵡⵉⵔ ⵏ ⵜⵏⴱⴰⴹⵉⵏ;</p>
<p style="text-align: justify;" dir="ltr" align="right">5. ⵙⵓⵜⴳⵏ ⵉⵏⵙⵙⵉⵅⴼⵏ ⵏ ⵉⴱⵕⵍⴰⵎⴰⵏⵏ ⵉⴳⵎⴰⵎⵏ ⴳ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴰⵎⵓⵏⵜ ⵉ ⵓⵏⴰⵎⵎⴰⵙ ⴼ ⵓⵛⵛⵉⵍ ⵏ ⵜⵣⵣⵉⴳⵣⵜ ⵏ ⵜⵓⴳⴳⴰⵙ ⵏⵏⵙⵏ ⵉ ⵓⵙⴱⴷⴷⵉ ⵏ ⵜⵏⴰⵥⴰⵕⵉⵏ ⴷⴰⵜ ⵏ ⵜⵙⴳⴰ ⴰⴷ, ⵎⵙⴰⵙⴰⵏ ⴼ ⵡⴰⵜⵉⴳ ⵏ ⵓⵙⵎⵓⵙⵙⵓ ⵏ ⵜⴰⵎⵓⵏⵜ ⵉ ⵓⵏⴰⵎⵎⴰⵙ ⵉⴷⵓⵙⵏ ⵉⵙⵡⵓⵔⵉⵏ ⵉ ⵜⵙⵔⵜⵉⵜ ⵉⵜⵜⵓⵙⵎⴰⵢⵏⵓⵏⵏ ⵉ ⵜⴻⴷⴷⵊⵓⵕⴰ ⴰⴽⴷ ⵜⴰⵎⵓⵏⵜ ⵏ ⵓⵕⵓⴱⴱⴰⵏ ⵙ ⵓⵡⵇⵇⵔ ⵏ ⵉⵙⵏⴼⵍⵏ ⴷⵔⴰⵏⵉⵏ ⵍⵍⴰⵏⵉⵏ ⴳ ⵓⵙⴰⵢⵔⵓⵔ ⵓⵕⵓ-ⴰⵏⴰⵎⵎⴰⵙ ⴷ ⵜⵏⴰⵥⴰⵕⵉⵏ ⵜⵉⵎⴰⵢⵏⵓⵜⵉⵏ ⴷⴰⵜ ⵏⵏⵙ;</p>
<p style="text-align: justify;" dir="ltr" align="right">6. ⴹⴼⵕⵏ ⵙ ⵓⵅⵎⵎⴻⵎ ⵉⴳⴳⵓⵜⵏ ⵜⴰⵡⵓⵔⵉ ⵏ ⵓⵎⵓⴽⵏ ⵏ ⵜⴰⵎⵓⵏⵜ ⵉ ⵓⵏⴰⵎⵎⴰⵙ, ⵉⵜⵜⵓⵙⵏⵜⴰⵏ ⴳ ⵏⵓⵡⴰⵏⴱⵉⵔ 2022, ⵉ ⵓⴼⵔⴰⴳ ⵏ ⵡⴰⵜⵓⴳ ⵏⵏⵙⵏ ⴰⵙⵜⵔⴰⵜⵉⵊⵉ ⴷ ⵓⵙⵔⵜⴰⵏ, ⴷ ⵓⵙⵎⵖⵔ ⵏ ⵓⵎⵎⵉⵥⵏ ⵏⵏⵙ ⴷ ⵓⵙⴷⵓⵙ ⵏ ⵉⵎⴰⵙⵙⵏ ⵏⵏⵙ ⵃⵎⴰ ⴰⴷ ⵜⵉⵍⵉ ⴳ ⵓⵙⵡⵉⵔ ⵏ ⵜⵏⴰⵥⴰⵕⵉⵏ ⵎⵓ ⴳⴳⵓⵜⵏ ⵓⴷⵎⴰⵡⵏ ⵏ ⵖⵉⵍⴰⴷ ⴷ ⵡⵉⵏ ⵉⵎⴰⵍ, ⴷ ⵉⵙⵡⵉⵔⵏ ⴰⵏⵎⵏⴰⴷ ⴷ ⵓⵎⴰⴹⵍⴰⵏ;</p>
<p style="text-align: justify;" dir="ltr" align="right">7. ⵙⵓⵜⴳⵏ ⵜⴰⵡⵓⵔⵉ ⵏ ⵜⵏⵙⵙⵉⵅⴼⵜ ⵉⵛⵛⴰⵔⵏ ⵏ ⵜⴰⵎⵓⵏⵜ ⵉ ⵓⵏⴰⵎⵎⴰⵙ ⵊⴰⵔ ⵜⴰⵎⵓⵏⵜ ⵏ ⵓⵕⵓⴱⴱⴰ ⴷ ⵍⵓⵕⴷⵓⵏ, ⵙⵓⵜⴳⵏ ⵓⵍⴰ ⵜⴰⵏⴽⴷⴰ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵉ ⵜⵣⵣⵓⵍⵜ ⴰⴷ,ⵍⵍⵉ ⵔⴰⴷ ⵏⵏ ⵉⴳ ⵜⵓⴳⴳⴰⵙ ⵉ ⵜⵉⴽⴽⵉ ⵏ ⵓⵏⴼⵓⵙ ⴰⵎⴰⵢⵏⵓ ⵏ ⵓⵙⵎⴰⴷ ⵏ ⵓⵕⵓⴱⴱⴰ ⴷ ⵓⵏⴰⵎⵎⴰⵙ:</p>
<p style="text-align: justify;" dir="ltr" align="right">8. ⴰⵔ ⴷ ⵙⵙⴽⵯⵜⵉⵏ ⵓⵛⵛⵉⵍ ⵍⵍⵉ ⴼⵍⵍⴰⵙⵏ ⵉⵍⵍⴰⵏ ⵉ ⵓⵏⵢⴰⵍⴽⴰⵎ ⴰⴽⴷ ⵉⵏⴰⵔⵓⵣⵏ ⴷ ⵉⵅⵎⵎⴻⵎⵏ ⵏ ⵉⵎⴰⴷⴰⵏⵏ ⵏ ⵜⵙⴳⴰ ⵎⵏⵉⴷ ⵏ ⵉⵙⵏⴼⵍⵏ ⵏ ⵓⵏⵣⵡⵉ ⴷ ⵜⵏⴼⵔⵓⵜ ⵜⴰⴷⵓⵙⴰⵏⵜ ⴷ ⵜⵎⵙⴰⵔⵉⵏ ⵏ ⵜⵓⵡⵊⴰ ⴷ ⵓⵙⵖⵏⵣⵉ ⴳ ⵉⵡⴷⴰⵏ ⴷ ⵓⴱⴽⴽⴰⴹ ⵓⵍⴳⵉⵏ ⴷ ⵓⴱⵔⵙⵙⵉⵡⴷ ⴷ ⵓⵎⵥⵍⴰⵢ ⴷ ⵎⴰⵕⵕⴰ ⵉⵎⵉⵣⵉⵜⵏ ⵉⵏⴼⵔⴰⵏⵏ, ⵍⵍⵉ ⵔⴰⵏⵉⵏ ⴰⵎⵢⴰⵡⴰⵙ ⵓⵕⵓ-ⴰⵏⴰⵎⵎⴰⵙ ⵉⵛⵛⴰⵔⵏ;</p>
<p style="text-align: justify;" dir="ltr" align="right">9. ⴰⵔ ⵙⴷⴷⵉⴷⵏ ⴼ ⵉⵙⴷⵓⴷⴷⵓⵢⵏ ⵏ ⵜⵔⵓⴱⴱⴰ ⵏ ⵓⴱⵔⵙⵙⵉⵡⴷ ⵍⵍⵉ ⵙⵎⵔⴰⵙⵏⵉⵏ ⵡⴰⵔⴰⵔⴳⴳⵉⴳ ⴷ ⵉⵎⵏⵣⴰⵖⵏ ⵉ ⵓⵣⵓⵣⵣⵔ ⴷ ⵓⵙⴻⴽⵓ ⵏ ⵓⵔⴳⴳⵉⴳ ⴳ ⵜⵙⴳⴰ ⵏ ⵢⵉⵍ ⵓⵎⵍⵉⵍ ⴰⵏⴰⵎⵎⴰⵙ;</p>
<p style="text-align: justify;" dir="ltr" align="right">10. ⴰⵔ ⵙⴰⵡⴰⵍⵏ ⴼ ⵓⵖⵉⵍⵓⴼ ⵏⵏⵙⵏ ⵎⵏⵉⴷ ⵏ ⵜⵣⵣⵉⴳⵣⵜ ⵏ ⵉⵡⵜⵜⴰ ⵉⵙⵔⵜⴰⵏⵏ ⴷ ⵉⴷⵎⵙⴰⵏⵏ ⴳⴳⵓⵜⵏⵉⵏ ⵙⴱⵉⴹⵕⵏⵉⵏ ⴰⵎⵢⴰⵡⴰⵙ ⴰⵏⴰⵎⵎⴰⵙ ⴷⴰⵜ ⵏ ⵓⴼⴰⵔⵙ ⵏ ⵜⵓⵎⴰⵢⵜ ⵉⴼⴰⵡⵏ ⵉⵔⴰⵔⵏ ⵉ ⵉⵏⴰⵔⵓⵣⵏ ⵏ ⵉⵎⴰⴷⴰⵏⵏ ⵏ ⵢⵉⵍ ⵓⵎⵍⵉⵍ ⴰⵏⴰⵎⵎⴰⵙ, ⵙⵍⴰⵡⴰⵏ ⴰⴽⴽⵯ ⵉⵄⵔⵔⵉⵎⵏ, ⴰⵢⵍⵍⵉ ⵔⴰⴷ ⵢⴰⵡⵉ ⵜⵉⴳⵎⵉ ⵉ ⵎⴰⵕⵕⴰ ⵜⵉⵎⵉⵣⴰⵔ ⵏ ⵜⵙⴳⴰ;</p>
<p style="text-align: justify;" dir="ltr" align="right">11. ⴰⵔ ⴰⵇⵔⴰⵏ ⵃⵎⴰ ⴰⴷ ⵉⴳ ⵓⴷⵎ ⴰⴷⵎⵙⴰⵏ ⵜⴰⵖⴰⵡⵙⴰ ⵜⴰⵎⵣⵡⴰⵔⵓⵜ ⵜⴰⵅⴰⵜⴰⵔⵜ ⴳ ⵜⴰⵏⵎⵓⵏⵜ ⵉ ⵓⵏⴰⵎⵎⴰⵙ ⵙ ⵓⵙⵉⵜⵜⵉ ⵏ ⵜⴱⴱⴰⵢⴹⴰⵕⵉⵏ ⴷⴰⵜ ⵏ ⵜⵙⴱⴱⴰⴱⵜ ⴷ ⵓⵙⵎⵖⵔ ⵏ ⵉⵙⵏⴼⴰⵔⵏ ⵏ ⵓⵙⵙⴰⵔⵓ ⴳ ⵜⵙⴳⴰ, ⵙⵍⵡⴰⵏ ⴰⴽⴽⵯ ⴳ ⵉⴳⵔⴰⵏ ⵉⴷⵙⵍⴰⵏⵏ ⵏ ⵓⵙⵎⴰⴷ ⴰⵏⵎⵏⴰⴹ ⴰⵎ ⴰⵙⵙⴰⵢ ⴷ ⵓⵣⴷⴰⵢ ⵊⴰⵔ ⵉⵥⵟⵡⴰⵏ ⵏ ⵜⵥⴹⴰⵕⵜ;</p>
<p style="text-align: justify;" dir="ltr" align="right">12. ⴰⵔ ⴷ ⵙⵙⴽⵯⵜⵉⵏ ⵜⵉⵔⵙⴰⵍ ⵜⵉⴷⵙⵍⴰⵏⵉⵏ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⴰⵏⴰⵎⵎⴰⵙ, ⴰⵎ ⴰⵎⵙⴰⵡⴰⵍ ⴰⵙⵔⵜⴰⵏ ⴷ ⵓⵎⵢⴰⵡⴰⵙ ⴰⴷⵎⵙⴰⵏ ⴷ ⵓⴷⵍⵙⴰⵏ ⴷ ⵓⵎⵙⴰⵡⴰⵍ ⴰⵏⴼⴳⴰⵏ ⴷ ⵓⵏⴰⵎⵓⵏ ⴷ ⵓⴷⵍⵙⴰⵏ, ⵙⴷⴷⵉⴷⵏ ⴼ ⵡⴰⵜⵉⴳ ⵏ ⵓⵖⵓⵍ ⵏ ⵓⵙⵔⵙ ⵏ ⵓⴷⵖⴰⵔ ⵏ ⵓⵎⵢⴰⵡⴰⵙ ⴷ ⵜⵎⴷⵔⴰⵡⵜ ⵙ ⵉⵙⵏⴼⴰⵔⵏ ⵉⵅⴰⵜⴰⵔⵏ ⵉⵜⵜⵓⵙⵎⴰⵢⵏⵓⵏⵏ ⴳ ⵉⴳⵔⴰⵏ ⵛⵛⴰⵔⵏⵉⵏ;</p>
<p style="text-align: justify;" dir="ltr" align="right">13. ⴰⵔ ⵙⴰⵡⴰⵍⵏ ⴼ ⵓⵏⴰⵔⵓⵣ ⵏⵏⵙⵏ ⵉ ⵓⵙⵖⵡⵏ ⴰⵅⴰⵜⴰⵔ ⵙⴳ ⵉⴳⵎⴰⵎⵏ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴰⵎⵓⵏⵜ ⵉ ⵓⵏⴰⵎⵎⴰⵙ ⵉ ⵓⴼⵔⴰⴳ ⵏ ⵓⵎⵎⵉⵥⵏ ⵉⴱⵕⵍⴰⵎⴰⵏⵉⵢⵉⵏ ⵓⵕⵓ-ⵉⵏⴰⵎⵎⴰⵙⵏ ⵉ ⵓⵙⵎⵓⵙⵙ ⵉⵥⵉⵍⵏ ⵏ ⵉⵎⴰⵙⵙⵏ ⵕⵡⴰⵏⵉⵏ ⵉ ⵜⴷⵉⵏⴰⵎⵉⵜ ⵉⵜⵜⵓⵙⵎⴰⵢⵏⵓⵏⵏ ⵏ ⵓⵙⵎⵓⵙⵙ ⵏ ⵜⵡⵓⵔⵉ ⵏⵏⵙⵏ ⵉⵛⵛⴰⵔⵏ;</p>
<p style="text-align: justify;" dir="ltr" align="right">14. ⵙⵙⵀⵔⵛⵏ ⵉⵏⵙⵙⵉⵅⴼⵏ ⵜⴰⵣⵣⵉⴳⵣⵜ ⵏ ⵜⴽⵕⴹⵉ ⴳ ⵖⴰⵥⵥⴰ ⴷ ⵜⵖⵣⵔⵜ ⵏ ⵜⴰⴳⵓⵏⵜ, ⴷ ⵎⴰⴷ ⵜⵙⴽⵔ ⴳ ⵓⵏⴳⵉⵙⵏ ⵉⵏⴼⴳⴰⵏⵏ, ⵙⴷⴷⵉⴷⵏ ⴷ ⵓⵛⵛⵉⵍ ⵏ ⵓⵙⴱⴷⴷⵉ ⴰⴷⵖⵢⴰⵏ ⴷ ⵓⵙⵓⵍⴰⵏ ⵏ ⵓⵇⵔⵢⴰⵏ, ⵙ ⵎⴰⴷ ⵉⵎⵙⴰⵙⴰⵏ ⴷ ⵓⵍⵓⴳⵏ ⴰⵏⴼⴳⴰⵏ ⴰⴳⵔⴰⵖⵍⴰⵏ, ⴷ ⵓⵕⵥⵥⵓⵎ ⵉ ⵉⵏⴽⵔⵓⴼⵏ ⵉⵖⵔⵎⴰⵏⵏ ⴷ ⵓⵙⵙⵀⵔⵛ ⵏ ⵎⴰⵕⵕⴰ ⵜⵉⵡⵓⵔⵉⵡⵉⵏ ⵏ ⵓⴱⵔⵙⵙⵉⵡⴷ, ⵖⵔⵉⵏ ⵉ ⵜⵉⵍⵉⵜ ⵏ ⵜⵓⴳⴳⴰⵙ ⵉ ⵓⴼⵙⵙⴰⵢ ⴰⵙⵔⵜⴰⵏ ⵉⴱⴷⴷⵏ ⴼ ⵓⵎⵏⵣⴰⵢ ⵏ ⵙⵉⵏ ⵉⵡⴰⵏⴽⵏ ;</p>
<p style="text-align: justify;" dir="ltr" align="right">15. ⴳ ⵓⵎⵏⵉⴷ ⴰⴷ, ⴰⵔ ⵙⴰⵡⴰⵍⵏ ⴼ ⵜⴰⴳⵯⵉⵜ ⵏⵏⵙⵏ ⵏ ⵓⵣⵡⴰⴳ ⵏ ⴱⵣⵣⵉⵣ ⵏ ⵉⴼⴰⵍⵉⵙⵟⵉⵏⵉⵢⵏ , ⵖⵔⵉⵏ ⵉ ⵜⵉⵍⵉⵜ ⵏ ⵜⵡⵉⵣⵉ ⵜⴰⵏⴼⴳⴰⵏⵜ ⵉ ⵚⴰⵃⴰ ⵏ ⵉⵖⵔⵎⴰⵏⵏ ⴳ ⵢⵉⴳⵔ ⵏ ⵖⴰⵥⵥⴰ ⵙ ⵜⵖⴰⵔⴰⵙⵜ ⵉⴱⵙⵓⵙⵏ ⴷ ⵜⵉⵏ ⵜⵏⴼⵔⵓⵜ;</p>
<p style="text-align: justify;" dir="ltr" align="right">16. ⵖⵔⵉⵏ ⵉ ⵡⴰⵜⵉⴳ ⵏ ⵓⵙⵓⵔⵔⵉ ⵏ ⵓⵙⵎⵀⵍ ⵏ ⵜⵡⵓⵔⵉ ⵏ ⵓⴼⵔⴰ ⵊⴰⵔ ⵉⵙⵕⴰⵉⵍ ⴷ ⴼⴰⵍⵉⵙⵟⵉⵏ ⵉ ⵓⵙⴷⵓⵙ ⵏ ⵓⵔⵣⵣⵓ ⵏ ⵓⴼⵙⴰⵢ ⵢⵓⵎⴰⵏ ⵉ ⵜⵎⵙⴰⵔⵜ ⵏ ⵏ ⵍⵇⴱⵍⵜ ⵜⴰⵏⴰⵎⵎⴰⵙⵜ, ⵉⴳⴰⵏ ⵜⴰⵣⵔⴼⴰⵏⵜ ⴷ ⵜⵙⵓⵍⴰⵏⵜ, ⵍⵍⵉ ⵔⴰⴷ ⵉⵙⴽⵔ ⴰⵎⵏⴰⴷ ⴰⵙⵔⵜⴰⵏ ⵍⵍⵉ ⵔⴰⴷ ⵢⴰⵡⵉ ⵙⵉⵏ ⵉⵡⴰⵏⴽⵏ ⴷⴷⵔⵏⵉⵏ ⴳ ⵓⴼⵔⴰ ⴷ ⵜⴳⵯⵎⴰⵜ;</p>
<p style="text-align: justify;" dir="ltr" align="right">17.ⵙⴰⵡⵍⵏ ⵉⵏⵙⵙⵉⵅⴼⵏ ⴼ ⵓⵙⵏⴰⵍ ⵏⵏⵙⵏ ⵏ ⵜⵓⴳⴳⵯⴰⵙ ⵍⵍⵉ ⵙⴽⴰⵔⵏ ⵉⵡⴰⵏⴽⵏ ⵏ ⵜⵙⴳⴰ ⵉ ⵓⵙⴷⵓⵙ ⵏ ⵜⴷⵉⵎⵓⵇⵔⴰⵟⵉⵜ ⴷ ⵜⵅⵅⵓⵜⵔⴰ ⵏ ⵓⵍⵓⴳⵏ;</p>
<p style="text-align: justify;" dir="ltr" align="right">18. ⵉⵙⵓⵜⴳ ⵓⴳⵔⴰⵡ ⵜⴰⵏⵙⵙⵉⵅⴼⵜ ⵜⴰⵎⵖⵔⵉⴱⵉⵜ ⴼ ⵜⵡⵉⵣⵉ ⵏⵏⵙ ⵉⵕⵡⴰⵏ ⴳ ⵜⴳⵔⴰⵡⵉⵏ ⵏ ⵜⴰⵎⵓⵏⵜ ⵉ ⵓⵏⴰⵎⵎⴰⵙ ⴷ ⵜⵓⴳⴳⴰⵙ ⵍⵍⵉ ⵜⵙⴽⵔ ⴳ ⵜⵡⴰⵍⴰ ⵉⵣⵔⵉⵏ, ⵜⵙⵓⵜⴳ ⵜⵉⵡⵉⵣⵉ ⵜⴰⴱⵕⵍⴰⵎⴰⵏⵉⵜ ⵉⵍⴰⵏ ⴰⵜⵉⴳ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ, ⴷ ⴰⴳⵎⴰⵎ ⴰⵎⵙⴽⴰⵔ, ⴳ ⵓⵙⵏⵎⴰⵍⴰ ⵉⵥⵉⵍⵏ ⵏ ⵜⵙⵎⵓⵏⴰⵢ ⵏ ⵓⵙⵉⵔⴰ ⴷ ⵓⵙⵉⵔⴰ ⵉⵅⴰⵜⵔⵏ ⴷ ⵓⵙⵏⵓⴱⴳ ⵏ ⵜⵙⵓⵜⵍⵜ ⵜⵉⵙ 17 ⵏ ⵜⵎⵎⵙⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴰⵎⵓⵏⵜ ⵉ ⵓⵏⴰⵎⵎⴰⵙ ⴷ ⵓⵙⵓⵊⴷ ⵏ ⵜⵡⵓⵔⵉⵡⵉⵏ ⵏⵏⵙ;</p>
<p style="text-align: justify;" dir="ltr" align="right">19. ⵉⵙⵓⵜⴳ ⵓⴳⵔⴰ ⴰⵙⵖⵡⵏ ⵏ ⵜⵏⵙⵙⵉⵅⴼⵜ ⵏ ⵚⴱⴰⵏⵢⴰ , ⵍⵍⵉ ⵔⴰⴷ ⵉⵡⴰⵍⴰ ⵜⴰⵎⴰⵙⴰⵢⵜ, ⵍⵍⵉ ⵔⴰⴷ ⵉⵙⵡⵓⵔⵉ ⴼ ⵜⵉⴽⴽⵉ ⵏ ⵓⵏⴼⵓⵙ ⴰⵎⴰⵢⵏⵓ ⵉ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⴳ ⵜⵙⴳⴰ ⵏ ⵢⵉⵍ ⵓⵎⵍⵉⵍ ⴰⵏⴰⵎⵎⴰⵙ.</p>