ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⵎⴰⴷⴷⴰⵙⵜ ⵏ ⵜⵡⵓⵔⵉ ⵜⴰⴳⵔⴰⵖⵍⴰⵏⵜ

<p style="text-align: justify;">ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵕⴰⵙ 8 ⵎⴰⵢ ⴳ ⵕⵕⴱⴰⵟ, ⵎⴰⵙⵙ Gilbert Fousson Houngbo ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⵎⴰⴷⴷⴰⵙⵜ ⵏ ⵜⵡⵓⵔⵉ ⵜⴰⴳⵔⴰⵖⵍⴰⵏⵜ ⵉⵔⵣⴼⵏ ⵜⴰⴳⵍⴷⵉⵜ ⵙⴳ 6 ⴰⵔ 9 ⵎⴰⵢ.</p>
<p style="text-align: justify;">ⵉⵍⵍⴰ ⵓⵎⴹⴰⴽⴰⵕ ⴼ ⵉⵎⵓⴽⵏⵏ ⴷ ⵉⵙⴰⵡⵓⵔⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⵙⵍⴰⵡⴰⵏ ⴰⴽⴽⵯ ⴰⵙⴰⵡⵓⵔ ⵏ ⵓⵡⴰⵏⴽ ⴰⵏⴰⵎⵓⵏ ⵍⵍⵉ ⵉⴳⴰⵏ ⵜⵉⵔⵎⵉⵜ ⵜⴰⵎⵣⵡⴰⵔⵓⵜ ⴳ ⵉⵙⵡⵉⵔⵏ ⴰⵏⵎⵏⴰⴹ ⴷ ⵓⵎⴰⴹⵍⴰⵏ.</p>
<p style="text-align: justify;">ⵉⵙⴰⵡⵍ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴼ ⵜⵎⵥⵍⴰⵢⵉⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵉⴳⵔⴰⵏ ⵏ ⵓⵣⵣⵔⴰⴼ ⴷ ⵜⵉⴹⴰⴼ ⵏ ⵜⵡⵓⵔⵉ ⵜⵓⵏⴱⵉⴹⵜ ⴷ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ, ⵉⵙⴷⴷⵉⴷ ⴼ ⵜⵉⵍⴰⵍⵜ ⵏ ⵓⵙⵇⵇⵉⵎ ⴳ ⵓⴹⴼⵕ ⵏ ⵓⵙⴰⵡⵓⵔ ⵏ ⵓⵡⴰⵏⴽ ⴰⵏⴰⵎⵓⵏ.</p>
<p style="text-align: justify;">ⵉⵙⴰⵡⵍ ⵓⵏⵎⵀⴰⵍ ⵏ ⵜⵎⴰⴷⴷⴰⵙⵜ ⵏ ⵜⵡⵓⵔⵉ ⵜⴰⴳⵔⴰⵖⵍⴰⵏⵜ ⴼ ⵜⵢⴰⴼⵓⵜ ⵏ ⵓⵔⵣⴰⴼ ⵏⵏⵙ ⵉ ⵜⴳⵍⴷⵉⵜ ⵏ ⵍⵎⵖⵔⵉⴱ. ⵉⵙⴷⴷⵉⴷ ⴼ ⵜⵙⵜⵔⴰⵜⵉⵊⵉⵜ ⵜⴰⵏⴰⵎⵓⵏⵜ ⵏ ⵍⵎⵖⵔⵉⴱ ⵍⵍⵉ ⵔⴰⴷ ⵢⴰⵡⵉ ⴰⴱⵓⵖⵍⵓ ⵉ ⴽⵓⵢⴰⵏ.</p>
<p style="text-align: justify;">ⵉⴱⴷⴷ ⵎⴰⵙⵙ Gilbert Fousson Houngbo ⵓⵍⴰ ⴼ ⵓⵙⵖⵡⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵓⵡⵇⵇⵔ ⴷ ⵓⵙⴷⵓⵙ ⵏ ⵉⵣⵔⴼⴰⵏⵏ ⵉⵏⴰⵎⵓⵏ ⴷ ⵜⵉⵕⵡⵉ ⵏ ⵓⴼⵔⴰⴳ ⴰⵏⴰⵎⵓⵏ, ⵉⴱⴷⴷ ⵓⵍⴰ ⴼ ⵜⵉⵍⴰⵍⵜ ⵏ ⵓⴱⵕⵍⴰⵎⴰⵏ ⴷ ⵉⴱⵕⵍⴰⵎⴰⵏⵉⵢⵏ ⴳ ⵉⴳⵔⴰⵏ ⵏ ⵓⵣⵣⵔⴰⴼ ⴷ ⵜⵉⴹⴰⴼ ⵏ ⵜⵡⵓⵔⵉ ⵜⵓⵏⴱⵉⴹⵜ ⴷ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⵍⴰⵏⵉⵏ ⴰⴼⵖⵔⵉⵙ ⴰⵏⴰⵎⵓⵏ.</p>