ⵙⴳ ⵓⵙⵇⵇⵉⵎ ⵏ ⵉⵎⵓⵔⴰ: ⴰⵍⵖⵓ ⵏ ⵜⴰⵣⵣⴰⵏⵉⵏ ⵏ ⵓⴼⵔⴰ ⵉ ⵓⴼⵔⴰ ⵊⴰⵔ ⵉⵎⴰⴷⴰⵏⵏ ⵏ ⵓⵎⴰⴹⴰⵍ

<p style="text-align: justify;">ⵖⵔⴰⵏ ⵜⴰⵣⵣⴰⵏⵉⵏ ⴷⵔⵓⵏⵉⵏ ⴳ ⵜⵙⵓⵜⵍⵜ ⵜⵉⵙ 15 ⵏ ⵓⵏⵎⵓⵇⵇⴰⵔ ⴰⴳⵔⴰⵖⵍⴰⵏ “ⵜⴰⵣⵣⴰⵏⵉⵏ ⵏ ⵓⴼⵔⴰ” ⵍⵍⵉ ⵜⵙⵏⵎⴰⵍⴰ ⵜⵎⵙⵎⵓⵏⵜ ⵏ ⴰⴱⵉ ⵔⴰⵇⵔⴰⵇ ⵙⴳ 23 ⴰⵔ 31 ⵢⵓⵍⵢⵓⵣ, ⵙ ⵜⵎⵍⴷⴰ ⵏ ⵓⴷⴰⴱⵓ ⵉⵍⴰⵏ ⴰⴷⴷⵓⵔ, ⴷⴷⵓ ⵜⵏⵙⵙⵉⵅⴼⵜ ⵏ ⵡⴰⴷⴷⵓⵔ ⵏ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⴰⵔⵢⴰⵎ, ⵉ ⵓⴼⵔⵓ ⴷ ⵓⵙⵎⴰⵢⵏⵓ ⵉⵣⵉⵍⵏ ⵏ ⵓⴼⵓⵍⵍⵙ ⴰⵎⴳⵓⵔⴰⵏ ⴷ ⵓⵚⴽⵓ ⵏ ⵓⵏⵔⴰⵎⴰⵙ ⴷ ⵓⵎⵙⵓⵔⵓⴼ ⵊⴰⵔ ⵉⵎⴰⴷⴰⵏⵏ ⵏ ⵓⵎⴰⴹⴰⵍ.</p>
<p style="text-align: justify;">ⵖⵔⴰⵏ “ⵜⴰⵣⵣⴰⵏⵉⵏ ⵏ ⵓⴼⵔⴰ” ⴳⴰⵏⵉⵏ 500 ⵙⴳ 26 ⵏ ⵓⵡⴰⵏⴽ ⴳ ⵓⵍⵖⵓ ⵏⵏⵙⵏ ⵙⴳ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵙ ⵏ 26 ⵢⵓⵍⵢⵓⵣ 2023 ⵉ ⵜⵉⵍⵉⵜ ⵏ ⵓⵎⴰⴹⴰⵍ ⴳ ⵉⵣⴷⵉ ⵓⴼⵓⵍⵍⵙ ⴰⵎⴳⵓⵔⴰⵏ ⵊⴰⵔ ⵉⵡⴰⵏⴽⵏ ⴷ ⵜⴷⵍⵙⵉⵡⵉⵏ ⴷ ⵉⵙⴳⴷⴰⵏ, ⵉⵙⵉⵜⵜⵉ ⵉⵡⵜⵜⴰ ⵏ ⵜⵓⵜⵍⴰⵢⵜ ⵉⵙⵙⵔⵇⴱ ⴰⵙⵏⴼⵍ ⴰⴷⵍⵙⴰⵏ ⵉⵙⴷⵓⵙ ⴰⵎⵙⴰⵡⴰⵍ, ⵖⵔⵉⵏ ⵉ ⵜⵏⴱⴰⴹⵉⵏ ⴷ ⵜⵎⵔⵙⴰⵍ ⴷ ⵉⵡⴷⴰⵏ ⵉ ⵜⵉⴽⴽⵉ ⵏ ⵜⵣⵡⵉⵔⵉ ⵉ ⵜⵓⵙⵎⴰⵢⵏⵓ ⵉⴱⴷⴷⵏ ⵏ ⵜⵖⴰⵔⵉⵡⵉⵏ ⵉⴳⴰⵏ ⴰⵎⴰⵙⴰⵢ ⵏ ⵓⴼⵓⵍⵍⵙ ⴰⵎⴳⵓⵔⴰⵏ, ⵉⴱⴷⴷⵏ ⴼ ⵜⵣⵔⴼⵜ ⴷ ⵜⵎⴰⴼⴰⵡⵜ ⴷ ⵓⵡⵇⵇⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴰⵢⵍⵍⵉ ⵔⴰⴷ ⵉⵙⵎⵖⵔ ⴰⴼⴳⴰⵏ.</p>
<p style="text-align: justify;">ⵉⵙⵏⵓⴱⴳ ⵎⴰⵙⵙ ⵃⴰⵙⴰⵏ ⴱⵏ ⵄⵓⵎⴰⵕ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵉⴽⴰⴱⴰⵕⵏ ⵏ ⵜⵙⵓⵜⵍⵜ ⴰⴷ, ⵖ ⵙⴽⵔⵏ ⵜⴰⵣⵣⴰⵏⵉⵏ “ⴰⵍⵖⵓ ⵏ ⵓⴼⵔⴰ” ⵙ ⵜⵄⵕⴰⴱⵜ ⴷ ⵜⵏⴳⵍⵉⵣⵜ, ⵉⵙⵎⵏⵉⴷ ⵜⴰⴳⵓⵔⵉ ⵙ ⵉⵙⵎ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵉⵙⴷⴷⵉⴷ ⴼ ⵜⵙⵏⵜⴰⵢⵜ ⴰⴷ ⵉⴳⴰⵏ ⵜⴰⵎⵢⵏⵓⵜ ⴷ ⵉⵎⴰⵏ ⵏ ⵜⵣⵣⵉⴳⵣⵜ ⵙ ⵉⵜⵜⵓⵙⵙⴰⵏ ⵓⵏⵎⵓⵇⵇⴰⵔ ⴰⴷ, ⵍⵍⵉ ⵉⴳⴰⵏ ⵢⴰⵜ ⵜⵎⵢⵓⵔⵜ ⵜⵓⴷⴷⵉⵔⵜ&nbsp; ⵍⵍⵉ ⵢⴰⴽⴰⵏ ⴰⵙⵎⴰⵇⵇⵍ ⵉ ⵜⴰⵣⵣⴰⵏⵉⵏ ⵏ ⵓⵎⴰⴹⴰⵍ ⴼ ⵜⴰⵣⵣⴰⵏⵉⵏ ⵏ ⵍⵎⵖⵔⵉⴱ ⴷ ⵜⵓⴷⵔⵜ ⵏⵏⵙⵏ ⴳ ⵡⴰⵎⵓⵏ ⵉⴷⵓⵙⵏ, ⴰⴷⵉⵎⵓⵇⵔⴰⵟⵉ ⵉⵔⴳⴳⵉⴳ, ⴳ ⵉⵍⵍⴰ ⵓⴼⵔⴰ ⴷ ⵜⵓⵎⵔⵜ, ⵉⵔⴰⵏ ⵜⴰⵎⴰⵣⵉⵔⵜ ⵏⵏⵙ ⵙ ⵡⴰⴷⴷⴰⴳ ⴷ ⵓⵥⵕⵓ ⴷ ⵓⴳⴰⵎⴰ ⵏⵏⵙ ⵉⵥⵉⵍⵏ ⴷ ⵉⵍⵏ ⴷ ⵉⵙⴰⴼⴼⵏ ⵏⵏⵙ, ⴷ ⵜⵏⴰⵔⴰ ⵏⵏⵙ ⴳ ⵜⵓⵏⵏⵓⵏⵜ ⴷ ⵜⵓⵙⵏⴰⴽⵜ ⴷ ⵜⵎⴰⵙⵙⴰⵏⵉⵏ ⴷ ⵜⵥⵓⵕⵉ ⴷ ⵓⵙⵡⵉⵏⴳⵎ ⴷ ⵜⴷⵍⵙⴰ ⴷ ⵡⴰⴼⵓⵍⴽⵉ.</p>
<p style="text-align: justify;">ⵉⵙⵏⵓⴱⴳ ⵎⴰⵙⵙ ⴱⵏ ⵄⵓⵎⴰⵕ ⵜⴰⵣⵣⴰⵏⵉⵏ ⴷⵔⵓⵏⵉⵏ, ⵢⵉⵏⵉ ⵎⴰⵙ ⵜⴱⵓⵔⵣ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙ ⵓⵎⵣⵔⵓⵢ ⵏⵏⵙ ⵉⴷⵔⴰⵏ ⴷ ⵉⵙⵜⴰⵢⵏ ⵏⵏⵙ ⴱⴷⴷⵏⵉⵏ ⴼ ⵡⴰⵜⵉⴳⵏ ⵉⵎⴰⴹⵍⴰⵏⵏ ⵙ ⵜⵏⴰⵔⴰ ⵜⵓⵏⵥⵉⵥⵟ ⵏ ⵓⴳⵍⵍⵉⴷ ⵏⵏⵖ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵃⴼⴹ ⵕⴱⴱⵉ, ⵍⵍⵉ ⵉⵅⵎⵎⵉⵎⵏ ⵖ ⵜⴰⵣⵣⴰⵏⵉⵏ ⴷ ⵓⵙⴳⵎⵉ ⴷ ⵓⵙⵙⵍⵎⴷ ⴷ ⵜⴷⵍⵙⴰ ⴷ ⵜⵓⵎⵔⵜ ⵏⵏⵙⵏ, ⵉⵙⵓⵜⴳ ⴰⵙⵜⴰⵢ ⵏ ⵜⵎⴰⵣⵉⵔⵜ ⵏ ⵍⵉⵎⴰⵕⴰⵜ ⵃⵎⴰ ⴰⴷ ⵜⴳ ⵉⵏⴱⴳⵉ ⵏ ⵡⴰⴷⴷⵓⵔ ⵏ ⵜⵙⵓⵜⵍⵜ ⴰⴷ ⴷ ⵓⵙⴼⵓⴳⵍⵓ ⵏ ⵜⴰⵔⵡⴰ ⵏⵏⵙ ⴷ ⵜⵎⵥⵍⴰⵢ ⵏⵏⵙⵏ ⵜⵉⴷⵍⵙⴰⵏⵉⵏ ⴷⵜⵏⴰⵎⵓⵏⵉⵏ, ⴷ ⵡⴰⵜⵉⴳⵏ ⵏⵏⵙ ⴳ ⵜⴷⵎⵙⴰ ⴷ ⵓⵚⴽⵓ ⴷ ⵜⵉⵍⵉⵜ ⵏⵏⵙ ⵉⴱⵓⵖⵍⴰⵏ ⴳ ⵓⵙⵡⵉⵔ ⴰⵄⵕⴰⴱ ⴷ ⵓⵙⵍⵉⵎ ⴷ ⵓⵎⴰⴹⵍⴰⵏ.</p>
<p style="text-align: justify;">ⵜⵍⵍⴰ ⵜⴼⴼⵓⴳⵍⴰ ⵏ ⵜⴰⵣⵣⴰⵏⵉⵏ ⵏ ⵓⴼⵔⴰ ⴳ ⵡⴰⵙⵓⴽ ⵏ ⵎⵓⵃⴰⵎⵎⴰⴷ ⵡⵉⵙ ⵙⵎⵎⵓⵙ ⵙⴳ ⴰⵙⴰⵔⴰⴳ ⵏ ⵎⴰⵣⴰⵏⵜ ⴰⵔ ⴰⵙⵖⵉⵎ ⵏ ⵓⵙⵇⵇⵉⵎⵏ, ⴳ ⵜⵍⵍⴰ ⵜⵓⵍⴰⴼⵜ ⵜⴰⵎⴳⵔⴰⵡⵢ ⴳ ⵉⵎⵉ ⵏ ⵓⵙⵖⵉⵎ ⵏ ⵓⵙⵇⵇⵉⵎ ⵏ ⵉⵎⵓⵔⴰ.</p>