ⵍⵓⴱⵏⴰⵏ: ⵉⴷⵔⵓ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⵏⵎⵓⵇⵇⴰⵔ ⴰⵄⵕⴰⴱ ⵏ ⵜⴳⵎⵉ ⵜⴰⵙⵓⵍⴰⵏⵜ ⵏ 2024

<p style="text-align: justify;" dir="ltr" align="right">ⵉⴷⵔⵓ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⵏⵎⵓⵇⵇⴰⵔ ⴰⵄⵕⴰⴱ ⵉ ⵜⴳⵎⵉ ⵜⴰⵙⵓⵍⴰⵏⵜ ⵏ 2024 ⵉⵍⵍⴰⵏ ⴳ ⴱⴰⵢⵔⵓⵜ ⴳ ⵉⵓⴱⵏⴰⵏ ⵙⴳ 5 ⴰⵔ 7 ⵎⴰⵕⵙ 2024, ⵍⵍⵉ ⵜⵙⵏⵎⴰⵍⴰ ⵜⵙⵇⵇⵉⵎⵜ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ ⵏ ⵜⵎⵜⵜⴰ ⵎⵓⵏⵏⵉⵏ ⵏ ⵜⴰⴳⵓⵜ ⵏ ⴰⵙⵢⴰ (ⵉⵙⴽⵡⴰ) ⴷⴷⵓ ⵜⵎⴰⵜⴰⵔⵜ: ⵜⴰⵡⵓⵔⵉ ⵉ ⵜⵙⵓⵍⴰⵏⵜ ⴷ ⵓⴼⵔⴰ.</p>
<p style="text-align: justify;" dir="ltr" align="right">ⵢⵓⵎⴰ ⵓⴽⴰⴱⴰⵕ ⵏ ⵓⵙⵇⵇⵉⵎ ⵏ ⵉⵎⵓⵔⴰ: ⵎⴰⵙⵙⴰ ⵏⴰⴷⵢⴰ ⵜⵓⵀⴰⵎⵉ, ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ ⵙⴳ ⵜⵔⴰⴱⴱⵓⵜ ⵏ ⵡⴰⵍⴰⵢ ⴷ ⵜⵙⵔⵎⵓⵏⵜ, ⵎⴰⵙⵙ ⵃⴰⵙⴰⵏ ⴱⵏ ⵄⵓⵎⴰⵕ, ⴰⵎⴰⵔⵉ ⵏ ⵓⵏⵙⵙⵉⵅⴼ, ⵙⴳ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ.</p>
<p style="text-align: justify;" dir="ltr" align="right">ⵔⴰⴷ ⵢⵉⵍⵉ ⵓⵏⵎⵓⵇⵇⴰⵔ ⴼ ⵉⴼⵙⵙⴰⵢⵏ ⵉⵙⵓⵍⴰⵏⵏ ⴷ ⵉⵎⴰⵢⵏⵓⵜⵏ ⵉ ⵓⵙⴷⵓⵙ ⵏ ⵓⵖⴰⵡⴰⵙ ⵏ ⵜⴳⵎⵉ ⵜⴰⵙⵓⵍⴰⵏⵜ ⵏ 2023, ⴰⵙⴱⴷⴷⵉ ⵏ ⵓⵥⵍⴰⴹ, ⴰⵙⴽⵔ ⵏ ⵉⵡⵜⵜⴰⵙⵏ ⵏ ⵜⴳⵎⵉ ⵜⴰⵙⵓⵍⴰⵏⵜ, ⵜⵉⵎⵣⵡⴰⵔ ⵜⵉⵏⵎⵏⴰⴹⵉⵏ ⵏ ⵓⵎⵢⴰⵡⴰⵙ ⴰⵎⵓⵟⵟⵓⵏ ⴷ ⵉⵄⵔⵔⵉⵎⵏ ⴷ ⵜⴰⵙⵓⵜⵉⵏ ⵏ ⵉⵎⴰⵍ ⴷ ⵢⵉⵙⴽⵉⵍ ⴷ ⵓⵙⵍⵎⴷ ⴰⵣⴳⵣⴰⵡ.</p>
<p style="text-align: justify;" dir="ltr" align="right">ⵉⵃⴰⴹⵕ ⴳ ⵓⵏⵎⵓⵇⵇⴰⵔ ⵎⴰⵙⵙ ⵏⴰⵊⵉⴱ ⵎⵉⵇⴰⵜⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⴰⵡⵙⴰⵙⵏ ⴳ ⵍⵓⴱⵏⴰⵏ, ⴷ ⵉⵡⵔⵉⴽⵏ ⴰⵄⵔⴰⴱⵏ ⴷ ⵉⴳⵔⴰⵖⵍⴰⵏⵏ. ⵉⴷⵔⵓ ⵙ ⵜⵉⵕⵡⵉ ⵓⴽⴰⴱⴰⵕ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵖⵉⵎⵉⵜⵉⵏ ⴷ ⵜⵙⵎⵓⵏⴰⵢ, ⵉⵙⵎⵏⵉⴷ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⴳ ⵢⵉⵔ ⵏ ⵜⴳⵎⵉ ⵜⴰⵙⵓⵍⴰⵏⵜ.</p>
<p style="text-align: justify;" dir="ltr" align="right">ⵉⵎⵎⴰⵇⵇⴰⵔ ⵓⴽⴰⴱⴰⵕ ⴷ ⵎⴰⵙⵙⴰ Rola Dashti ⵜⴰⵎⴰⵔⵉⵜ ⵏ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵎⵜⵜⴰ ⵎⵓⵏⵏⵉⵏ ⵜⴰⵏⴼⵍⵓⵙⵜ ⵜⴰⵎⵣⵣⴳⴰⵔⵜ ⵏ ⵉⵙⴽⵡⴰ, ⵉⵃⴰⴹⵔ ⵓⵎⵙⵇⴰⴷ ⵏ ⵍⵎⵖⵔⵉⴱ ⴳ ⴱⴰⵢⵔⵓⵜ, ⵢⵉⵍⵉ ⵓⵙⵎⵏⵉⴷ ⵏ ⵉⵙⵏⴼⴰⵔⵏ ⵏ ⵉⵙⴽⵡⴰ ⴳ ⵍⵎⵖⵔⵉⴱ, ⴷ ⵜⵎⴷⵔⴰⵡⵜ ⵉⵥⵉⵍⵏ ⵊⴰⵔ ⵜⵎⴰⴷⴷⴰⵙⵜ ⴷ ⵉⴳⵔⴰⵏ ⵓⵏⴱⵉⴹⵏ ⴳ ⵍⵎⵖⵔⵉⴱ.</p>
<p style="text-align: justify;" dir="ltr" align="right">ⵉⴳⴰ ⵓⵏⵎⵓⵇⵇⴰⵔ ⴰⵕⴰⴱ ⵏ ⵜⴳⵎⵉ ⵜⴰⵙⵓⵍⴰⵏⵜ ⵉⵎⵉⵙⵙ ⴰⵏⵎⵏⴰⴹ ⵉ ⵓⴹⴼⵕ ⵏ ⵓⵣⵣⴳⵉⵔ ⵏ ⵓⵖⴰⵡⴰⵙ ⵏ ⵜⴳⵎⵉ ⵜⴰⵙⵓⵍⴰⵏⵜ ⵏ 2030 ⴳ ⵜⵙⴳⴰ ⵜⴰⵄⵕⴰⴱⵜ. ⴳⵉⵙ ⴰⵎⴹⴰⴽⴰⵕ ⵏ ⵜⵣⵣⵉⴳⵣⵜ ⵉⵍⵍⴰⵏ ⴷ ⵓⵙⵎⵏⵉⴷ ⵏ ⵜⵉⵔⵎⵉⵜⵏ ⵜⵉⵏⴰⵎⵓⵔⵉⵏ ⴷ ⵜⵎⴹⴰⵡⴰⵉⵏ ⴷ ⵓⵙⵙⵏ ⵏ ⵓⵣⵣⴳⵉⵔ ⵏ ⵓⵖⴰⵡⴰⵙ ⵏ 2030 ⴳ ⵉⵙⵡⵉⵔⵏ ⴰⵏⴰⵎⵓⵔ ⴷ ⵓⵏⵎⵏⴰⴹ.</p>