ⵜⵙⵏⵓⴱⴳ ⵎⴰⵙⵙⴰ ⵅⴰⴷⵉⵊ ⵣⵣⵓⵎⵉ, ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵓⵍⴽⵉⵎⵉⵏ, ⴰⴽⴰⴱⴰⵕ ⵏ ⵜⵎⵙⵎⵓⵏⵜ ⵜⴰⵣⵣⵔⴰⴼⵜ ⵏ ⴱⵓⵕⴽⵉⵏⴰⴼⴰⵚⵓ

<p dir="ltr">ⵜⵙⵏⵓⴱⴳ ⵎⴰⵙⵙⴰ ⵅⴰⴷⵉⵊⴰ ⵣⵣⵓⵎⵉ, ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵓⵍⴽⵉⵎⵉⵏ ⴳ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵕⴰⵙ 8 ⵏⵓⵡⴰⵏⴱⵉⵔ ⴳ ⵓⵙⵖⵉⵎ ⵏ ⵓⵙⵇⵇⵉⵎ ⴳ ⵕⵕⴱⴰⵟ, ⴰⴽⴰⴱⴰⵕ ⵏ ⵜⵎⵙⵎⵓⵏⵜ ⵜⴰⵣⵣⵔⴰⴼⵜ ⵏ ⴱⵓⵕⴽⵉⵏⴰⴼⴰⵚⵓ ⵉⵍⵍⴰⵏ ⴳ ⵓⵔⵣⴰⴼ ⵏ ⵜⵡⵡⵓⵔⵉ ⵉ ⵍⵎⵖⵔⵉⴱ.&nbsp;</p>
<p dir="ltr">ⴳ ⵓⵙⵏⵓⴱⴳ ⴰⴷ ⵜⵙⵓⵜⴳ ⵎⴰⵙⵙⴰ ⵣⵣⵓⵎⵉ ⵜⵉⵣⴷⴰⵢⵉⵏ ⵏ ⵜⴷⴷⵓⴽⴽⵯⵍⴰ ⵊⴰⵔ ⵍⵎⵖⵔⵉⴱ ⴷ ⴱⵓⵕⴽⵉⵏⴰⴼⴰⵚⵓ, ⵜⵏⵏⵓⵔⵣ ⴰⴷ ⵢⴰⵡⵙ ⵓⵔⵣⴰⴼ ⴰⴷ ⴳ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵙⵏⴰⵜ ⵜⵎⵉⵣⴰⵔ.</p>
<p dir="ltr">ⵜⵉⵏⵉ ⵎⴰⵙⵙⴰ ⵣⵣⵓⵎⵉ ⵎⴰⵙ ⵜⵙⴽⵔ ⵜⵙⵇⵇⵉⵎⵜ ⵏ ⵜⵓⵍⴽⵉⵎⵉⵏ ⵢⴰⵏ ⵓⴳⵓⴷⵉ ⵏ ⵜⵉⵔⵎⵉⵜⵉⵏ ⴳ ⵓⵙⴰⵜⵉ ⵏ ⵓⵙⵡⵓⵔⵉ ⴳ ⵓⵙⵎⵀⵍ ⵏ ⵜⴷⵉⵎⵓⵇⵔⴰⵟⵉⵜ ⵜⴰⵎⴰⴷⵔⴰⵡⵜ ⵉⵍⵍⴰⵏ ⴳ ⵓⴷⵓⵙⵜⵓⵔ ⵏ ⵜⴳⵍⴷⵉⵜ ⵏ 2011.&nbsp;</p>
<p dir="ltr">ⵜⵙⴷⴷⵉⴷ ⵎⴰⵙⵙⴰ ⵣⵣⵓⵎⵉ ⵎⴰⵙ ⵜⵓⵎⵥ ⵜⵙⵇⵇⵉⵎⵜ ⴰⴷ ⴰⵔ ⵖⵉⵍⴰⴷ ⵢⴰⵜ ⵜⵓⵍⴽⵉⵎⵜ ⵉⵥⵍⵉⵏ ⵙ ⵢⵉⵙⴽⵉⵍ, ⵜⵉⵍⵉ ⵜⴰⵢⵢⴰⴹ ⵍⵍⵉ ⵢⵓⵎⵥⵏ ⴰⴱⵔⵉⴷ, ⵜⵥⵍⵉ ⵙ ⵓⴷⵔⴰⵔ.&nbsp;</p>
<p dir="ltr">ⵉⵙⴷⴷⵉⴷ ⵎⴰⵙⵙ ⴷⵢⴰⵍⵓ ⴷⴰⵡⴷⴰ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵣⵣⵔⴰⴼⵜ, ⵎⴰⵙ ⵉⵡⴰⵜⵜⵙ ⵓⵔⵣⴰⴼ ⵏ ⵓⴽⴰⴱⴰⵕ ⵏ ⴱⵓⵕⴽⵉⵏⴰⴼⴰⵚⵓ ⵉ ⵍⵎⵖⵔⵉⴱ, ⴰⵙⵓⵙ ⵏ ⵜⵙⵓⴳⴰⵔ ⵏ ⵉⴳⵎⴰⵎⵏ ⵏ ⵜⵎⵙⵎⵓⵏⵜ ⵜⴰⵣⵣⵔⴰⴼⵜ ⵙⴳ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⴳ ⵜⵍⵍⴰ ⵜⵎⵓⵣⴰⵢⵜ ⵜⴰⵅⴰⵜⴰⵔⵜ.&nbsp;</p>
<p dir="ltr">ⵉⴹⴼⵕ ⵓⴽⴰⴱⴰⵕ ⵓⵍⴰ ⴰⵙⵎⵏⵉⴷ ⴰⵜⵉⵇⵏⵉ ⴼ ⵜⵙⵇⵇⵉⵎⵜ ⵏ ⵜⵓⵍⴽⵉⵎⵉⵏ ⴷ ⵜⵓⵜⵔⴰⵡⵉⵏ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵍⵎⵖⵔⵉⴱ, ⴷ ⵓⵙⵎⵏⵉⴷ ⵏ ⵉⵙⵉⵙⴼⵉⵡⵏ ⵣⴷⵉⵏⵉⵏ ⴷ ⵉⵎⵔⵙⵉ ⴰⴷ.&nbsp;</p>
<p dir="ltr">ⵜⵃⴰⴹⵕ ⴳ ⵓⵏⵎⵓⵇⵇⴰⵔ ⴰⴷ ⵎⴰⵙⵙⴰ ⵏⴰⴷⵢⴰ ⵜⵜⵀⴰⵎⵉ ⴷ ⵎⴰⵙⵙⴰ ⵎⴰⵍⵉⴽⴰ ⵣⵣⵅⵏⵉⵏⵉ ⵜⵉⴳⵎⴰⵎⵉⵏ ⵏ ⵜⵙⵇⵇⵉⵎⵜ ⵏ ⵜⵓⵍⴽⵉⵎⵉⵏ.&nbsp;</p>
<p style="text-align: justify;" dir="ltr">ⵢⵓⵎⴰ ⵓⴽⴰⴱⴰⵕ ⵏ ⴱⵓⵕⴽⵉⵏⴰⴼⴰⵚⵓ ⵉⴳⵯⵏⵙⴰⵙⵏ ⵙⴳ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵜⵉⵎⴰⵜⴰⵢⵉⵏ ⴷ ⵜⵎⵔⵙⵍⴰⵏⵉⵏ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵙⵇⵇⵉⵎⵜ ⵏ ⵜⴷⵔⵉⵎⵜ ⴷ ⵜⵎⵙⴰⵙⵜⵍⵜ ⴷ ⵜⵙⵇⵇⵉⵎⵜ ⵏ ⵜⴳⵎⵉ ⵜⴰⵙⵓⵍⴰⵏⵜ.&nbsp;</p>