ⵜⴷⵔⵓ ⵜⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵓⵍⴽⵉⵎⵉⵏ ⴳ ⵓⵏⵎⵓⵇⵇⴰⵔ ⴰⵏⴰⵎⵓⵔ ⵏ ⵜⴷⵉⵎⵓⵇⵔⴰⵟⵉⵜ ⵜⴰⵎⴰⴷⵔⴰⵡⵜ ⴳ ⵜⴰⵚⵚⵓⵕⵜ

<p style="text-align: justify;">ⵜⴷⵔⵓ ⵎⴰⵙⵙⴰ ⵅⴰⴷⵉⵊⴰ ⵣⵣⵓⵎⵉ, ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵓⵍⴽⵉⵎⵉⵏ ⴳ ⵓⵙⵇⵇⵉⵎ ⵏ ⵉⵎⵓⵔⴰ, ⵜⴰⵎⴰⵔⵉⵜ ⵜⵉⵙ ⵙⵏⴰⵜ ⵏ ⵓⵏⵙⵙⵉⵅⴼ, ⴳ ⵓⴳⵔⴰⵡ ⴰⵏⴰⵎⵓⵔ ⵏ ⵜⴷⵉⵎⵓⵇⵔⴰⵟⵉⵜ ⵜⴰⵎⴰⴷⵔⴰⵡⵜ, ⴷⴷⵓ ⵜⵎⴰⵜⴰⵔⵜ: ⵜⴰⴷⵉⵎⵓⵇⵔⴰⵟⵉⵜ ⵜⴰⵎⴰⴷⵔⴰⵡⵜ ⴷ ⵜⵏⴰⵥⴰⵕⵜ ⵏ ⵓⵙⵎⵖⵔ ⵏ ⵜⵎⴰⴷⵔⴰⵡⵜ ⵜⴰⵏⵎⵓⵔⵉⵜ”, ⵍⵍⵉ ⵜⵙⵏⵎⴰⵍⴰ ⵜⵎⴰⵡⴰⵙⵜ ⵉⵜⵜⵓⵙⵎⴰⴳⴰⵍⵏ ⵙ ⵜⵣⴷⴰⵢⵉⵏ ⴷ ⵓⴱⵕⵍⴰⵎⴰⵏ, ⵓⵙⵙⴰⵏ ⵏ 15 ⴷ 16 ⴷⵓⵊⴰⵏⴱⵉⵔ 2023 ⴳ ⵜⴰⵚⵚⴰⵕⵜ.</p>
<p style="text-align: justify;">ⵜⴷⵔⵓ ⴳ ⵓⵏⵎⵓⵇⵇⴰⵔ 350 ⵏ ⵜⵎⵙⵎⵓⵏⵜ ⵙⴳ ⴽⵉⴳⴰⵏ ⵏ ⵜⵙⴳⴳⵉⵡⵉⵏ, ⵉⵍⵉⵏ ⵜ ⴳⵉⵙ ⵜⵖⵉⵎⵉⵜⵉⵏ ⵜⵉⵎⴰⵙⵙⴰⵏⵉⵏ ⵜⵉⵎⴰⵜⴰⵢⵉⵏ, ⵜⵉⵙⴰⵡⵔⵉⵏ ⵏ ⵜⵡⵓⵔⵉ, ⵉⵙⵎⵏⵉⴷⵏ ⵅⴼ ⵜⴷⵉⵎⵓⵇⵔⴰⵟⵉⵜ ⵜⴰⵎⴰⴷⵔⴰⵡⵜ ⴳ ⵍⵎⵖⵔⵉⴱ.</p>
<p style="text-align: justify;">ⵜⵙⴰⵡⵍ ⵎⴰⵙⵙⴰ ⵜⴰⵏⵙⵙⵉⵅⴼⵜ ⵅⴼ ⵉⵎⴰⵙⵙⵏ ⵍⵍⵉ ⵉⵙⵎⵔⴰⵙ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⵎⵏⵉⴷ ⵏ ⵓⵏⵏⵓⵕⵣⵎ ⵏⵏⵙ ⴼ ⵓⵏⵎⵓⵔⵉ ⴷ ⵜⴷⵉⵎⵓⵇⵔⴰⵟⵉⵜ ⵜⴰⵎⴰⴷⵔⴰⵡⵜ, ⴷ ⵜⵙⵏⵜⴰⵢⵉⵏ ⵏⵏⵙ ⵉ ⵓⵙⵎⵔⵙ ⵏ ⵜⵣⴷⴰⵢⵉⵏ ⴰⴽⴷ ⵜⴳⵔⴰⵡⵉⵏ ⵜⵉⵖⵔⵎⴰⵏⵉⵏ ⵙ ⵓⵡⵇⵇⵔ ⵏ ⵜⵎⵥⵍⴰⵢ ⵜⵉⴷⵙⵜⴰⵔⵉⵏ. ⵜⵙⴰⵡⵍ ⵓⵍⴰ ⴼ ⵜⵏⴰⵥⴰⵕⵜ ⵉⵍⵍⴰⵏ ⴷⴰⵔ ⵓⵙⵇⵇⵉⵎ ⴳ ⵎⴰⴷ ⵉⵥⵍⵉⵏ ⵙ ⵓⵅⵎⵎⴻⵎ ⵏⵏⵙ ⴳ ⵉⵄⵔⵔⵉⵎⵏ ⵥⴹⴰⵕⵏⵉⵏ ⴰⴷ ⵙⵎⴰⵙⵙⵏ ⵜⴰⴷⵉⵎⵓⵇⵔⴰⵟⵉⵜ ⴷ ⵜⵎⴰⴷⵔⴰⵡⵜ ⵜⴰⵏⵎⵓⵔⵉⵜ ⴷ ⵓⵙⴷⵓⵙ ⵏ ⵜⵎⵢⵉⵎⴰⵏⵜ ⴳ ⵜⵎⵔⵙⴰⵍ.</p>
<p style="text-align: justify;">ⵜⵉⵏⵉ ⵎⴰⵙⵙⴰ ⵜⴰⵏⵙⵙⵉⵅⴼⵜ ⵎⴰⵙ ⵉⴳⴰ ⵓⵙⴷⵙⵜⵔ ⵏ ⵉⵎⴰⵙⵙⵏ ⴰⴷ ⴳⴰⵏ ⵜⴰⵎⵢⵓⵔⵜ ⴳ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⴷ ⵓⵙⴰⵜⵉ ⵏⵏⵙ ⴰⵣⵣⵔⴰⴼ ⵉⴳⴰ ⵜⴰⵎⵜⴰⵔⵜ ⴼ ⵜⵉⵏⵡⵉⵜ ⵏ ⵜⴷⵉⵎⵓⵇⵔⴰⵟⵉⵜ ⵜⴰⵎⴰⴷⵔⴰⵡⵜ ⵍⵍⵉ ⵉⵙⵙⵕⵚⵓ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ. ⵜⵉⵏⵉ ⵓⵍⴰ ⵎⴰⵙ ⵜⵟⵟⴰⴼ ⵜⵉⵏⵡⵉⵜ ⴰⴷ ⵜⵉⵏⴰⵥⴰⵕⵉⵏ ⵍⵍⵉ ⴷ ⵉⵇⵇⴰⵏ ⵡⴰⵍⴰⵢ ⵉ ⴽⵉⴳⴰⵏ ⵏ ⵜⵉⵕⵡⵉ ⵉ ⵓⵙⵎⵀⵍ ⵏ ⵉⵣⵔⴼⴰⵏ ⴰⴷ ⵉⴷⵙⵜⴰⵔⵏ ⵙⴳ ⵉⵏⵎⵓⵔⴰⵏ ⴷ ⵡⴰⵎⵓⵏ ⴰⵖⵔⵎⴰⵏ, ⵜⵙⵙⴽⵯⵜⵉⴷ ⵜⵓⵣⵣⵍⵜ ⵜⴰⴱⵉⴷⴰⵖⵓⵊⵉⵜ ⵏ ⵜⴷⵉⵎⵓⵇⵔⴰⵟⵉⵜ ⵜⴰⵎⴷⵔⴰⵡⵜ ⴳ ⵓⵙⴳⵎⵉ ⵏⴼ ⵜⵏⵎⵓⵔⵉ ⴳ ⵓⵙⴰⵜⵉ ⵏ ⵓⵡⵇⵇⵔ ⵏ ⵡⵉⵢⵢⴰⴹ ⴷ ⵓⵡⵇⵇⵔ ⵏ ⵜⵎⵏⵏⴰⵡⵜ ⴳ ⵓⵙⴰⵜⵉ ⵏ ⵡⴰⵏⴰⵡ ⴰⵎⵖⵔⵉⴱⵉ ⴷ ⵜⵢⵓⵔⵉⵏ ⵜⵉⵎⵔⵙⵎⴰⵏⵉⵏ ⵜⵉⵏⴰⵎⵓⵔⵉⵏ.</p>
<p style="text-align: justify;">ⴳ ⵜⴳⵉⵔⴰ, ⵍⵍⴰⵏⵜ ⵜⵉⵔⵔⴰ ⵏ ⵉⵙⵖⵍⴰⴼ ⴼ ⵓⵙⵓⵜⴳ ⵏ ⵜⵉⵍⴰⵍⵜ ⵏ ⵡⴰⵎⵓⵏ ⴰⵖⵔⵎⴰⵏ ⴳ ⵓⴱⵔⵉⴷ ⴰⴷⵉⵎⵓⵇⵔⴰⵟⵉ ⴰⵎⵖⵔⵉⴱⵉ, ⴷ ⵓⵛⵛⵉⵍ ⵏ ⵓⵙⵖⵔⵜ ⵏ ⵜⵎⵙⵎⵓⵏⵉⵏ ⴷ ⵓⵙⵙⵔⵅⵓ ⵏ ⵜⴱⵔⵉⴷⵉⵏ ⵉ ⵓⵙⵎⵀⵍ ⵏ ⵜⵓⵎⴰⵢⵉⵏ ⵡⴰⵜⵜⵙⵏⵉ ⴰⵙⵎⵀⵍ ⵏ ⵜⴷⵉⵎⵓⵇⵔⴰⵟⵉⵜ ⵜⴰⵎⴰⴷⵔⴰⵡⵜ ⴷ ⵜⴷⵔⴰⵡⵜ ⵜⴰⵏⵎⵓⵔⵉⵜ ⴳ ⵉⴳⵔⴰⵏ ⵏ ⵜⵏⵏⵓⴱⴹⴰ ⴷ ⵓⵙⵡⵓⴷⴷⵓ ⵏ ⵜⵖⴰⵡⵙⴰ ⵜⴰⵎⴰⵜⴰⵢⵜ.</p>