ⴰⵎⵎⴰⵙ ⴰⴱⵕⵍⴰⵎⴰⵏⵉ ⵉ ⵓⵔⵣⵣⵓ ⴷ ⵜⵖⵓⵔⵉⵡⵉⵏ
ⴰⵥⵟⵟⴰ ⵏ ⵡⴰⵎⵎⴰⵙ ⴰⴱⵕⵍⴰⵎⴰⵏⵉ ⵏ ⵉⵔⵣⵣⵓⵜⵏ ⴷ ⵜⵖⵓⵔⵉⵡⵉⵏ
ⵎⴽ ⵜ ⵉⵙⵖⵣⵏ ⵓⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵙⵎⵓⵏⵉ ⵏⵏⵙ ⵖ 12 ⵢⵓⵍⵢⵓⵣ 2018
ⵎⴰⵅ ⵉⵜⵜⵓⵙⴽⴰⵔ ⵡⴰⵎⵎⴰⵙ?
ⵉⵜⵜⵓⵣⵎⵎⴰⵎ ⵡⴰⵎⵎⴰⵙ ⵏ ⵉⵔⵣⵣⵓⵜⵏ ⴷ ⵜⵖⵓⵔⵉⵡⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵖ ⵓⵎⵏⴰⴹ ⵏ ⵓⵎⵓⴽⵏ ⴰⵎⵔⵙⴰⵍ ⵉⵍⵍⴰⵏ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ, ⵍⵍⵉⵖ ⵉⵟⵟⴰⴼ ⵓⴱⵕⵍⴰⵎⴰⵏ ⴰⵙⵡⵉⵔ ⴱⴰⵀⵔⴰ ⵢⴰⵜⵜⵓⵢⵏ, ⵙ ⵜⵎⵙⴽⴰⵔ ⵍⵍⵉ ⴰⵙ ⵉⵜⵜⵓⴼⴽⴰⵏ ⴳ ⵓⵣⵣⵔⴰⴼ ⴷ ⵜⵉⴹⴰⴼ ⵏ ⵓⵙⵡⵓⵔⵉ ⵏ ⵜⵏⴱⴰⴹⵜ ⴷ ⵓⵣⵣⵔⴰⵢ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ.
ⴰⵙⵔⵓⵙ ⵏ ⵡⴰⵎⵎⴰⵙ ⴰⴷ ⴰⵔ ⵉⵎⵎⴰⵍ ⵜⵉⵔⴰⵜ ⵜⴰⵙⵔⵜⴰⵏⵜ ⵏ ⵉⴼⵔⴷⴰⵙ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴽⵓⵍⵍⵓⵜⵏ ⵃⵎⴰ ⴰⴷ ⵜⵣⵣⵉⴳⵣ ⴷ ⵜⵖⵓⴷⵓ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ, ⵙ ⵓⵙⵙⵕⵚⵓ ⵏ ⵢⴰⵜ ⵜⵓⵚⴽⴰ ⵜⴰⵎⵙⵙⵓⴳⵓⵔⵜ ⵏ ⵓⵔⵣⵣⵓ ⵍⵍⵉ ⵔⴰⴷ ⵉⵙⴽⴰⵔ ⵉⵔⵣⵣⵓⵜⵏ ⴷ ⵜⵖⵓⵔⵉⵡⵉⵏ ⴷ ⵜⵏⴰⴹⵉⵏ, ⵜⵙⵙⵓⵊⵉⴷ ⵓⵎⵍⴰⵏ ⵍⵍⵉ ⵙ ⵙⵖⴰⵡⵙⴰⵏ ⵉⴳⵎⴰⵎⵏ ⵏ ⵓⵙⵇⵇⵉⵎ ⴳ ⵓⵙⵎⵖⵔ ⵏ ⵜⵎⵙⴽⴰⵔ ⵏⵏⵙⵏ ⵜⵉⴷⵙⵜⴰⵔⵉⵏ.
ⵉⵡⵜⵜⴰⵙⵏ ⵏ ⵡⴰⵎⵎⴰⵙ:
- ⵜⴰⵎⵓⵏⵜ ⴰⴽⴷ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⴷ ⵜⵣⵣⵉⴳⵣⵜ ⵏⵏⵙ ⵙ ⵓⵙⵙⴷⵓⵙ ⵏ ⵜⵉⵍⴰⵍⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵖ ⵜⵎⵙⴽⴰⵔ ⵏⵏⵙ ⵜⵉⴷⵙⵜⴰⵔⵉⵏ ⵖ ⵓⵣⵣⵔⴰⴼ ⴷ ⵜⵉⴹⴰⴼ;
- ⴰⵙⵓⵊⴷ ⵏ ⵓⵎⵍⴰⵏ ⵉ ⵉⵏⴳⵎⴰⵎⵏ ⴷ ⵉⴳⵎⴰⵎⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵖ ⵓⵙⵏⴰⵍ ⵏ ⵜⵉⵍⴰⵍⵜ ⵏⵏⵙⵏ ⵖ ⵉⴳⵔⴰⵏ ⵏ ⵓⵣⵣⵔⴰⴼ ⴷ ⵜⵉⴹⴰⴼ ⵏ ⵓⵙⵡⵓⵔⵉ ⵏ ⵜⵏⴱⴰⴹⵜ ⴷ ⵓⵣⵣⵔⴰⵢ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ;
ⵜⵉⵏⵓⴼⴰ ⵏ ⵡⴰⵎⵎⴰⵙ:
ⵃⵎⴰ ⴰⴷ ⵜⵜⵓⵙⴽⵉⵔⵏ ⵉⵡⵜⵜⴰⵙⵏ ⵏ ⴰⵎⵎⴰⵙ ⴰⴱⵕⵍⴰⵎⴰⵏⵉ ⵉ ⵓⵔⵣⵣⵓ ⴷ ⵜⵖⵓⵔⵉⵡⵉⵏ, ⵙ ⵓⵙⵎⵀⵍ ⵏ ⵓⵙⵍⴳⵏ ⴰⴳⵯⵏⵙⴰⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵔⴰⴷ ⵉⴼⴽ ⵡⴰⵎⵎⴰⵙ ⵜⵉⵏⵓⴼⴰ ⴰⴷ:
- ⵜⵉⵖⵓⵔⵉⵡⵉⵏ ⴷ ⵉⵔⵣⵣⵓⵜⵏ ⵉⵥⵍⵉⵏ;
- ⵜⵉⴼⵔⵜⵜⵉⵏ ⵜⵉⵜⵉⵇⵏⵉⵢⵉⵏ ⴷ ⵜⵎⵓⵛⴰ ⵅⴼ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ;
- ⵜⵉⵖⵓⵔⵉⵡⵉⵏ ⵏ ⵓⵙⴼⵙⵉ ⵉ ⵉⵣⵣⵔⴰⴼⵏ;
- ⵜⵉⵖⵓⵔⵉⵡⵉⵏ ⴼ ⵜⵎⵙⴰⵔⵉⵏ ⵥⵍⵉⵏⵉⵏ ⵙ ⵜⵉⴹⴰⴼ ⵏ ⵜⵡⵓⵔⵉ ⵏ ⵜⵏⴱⴰⴹⵜ;
- ⵜⵉⴼⵔⵜⵜⵉⵏ ⵜⵉⵜⵉⵇⵏⵉⵢⵉⵏ ⴼ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ;
- ⵜⵉⵖⵓⵔⵉⵡⵉⵏ ⵅⴼ ⵜⵓⵙⵓⵔⵜ ⵜⴰⵥⵕⴼⴰⵏⵜ (ⴰⵎⵏⵏⵉ 77 ⴳ ⵓⴷⵓⵙⵜⵓⵔ) ⴷ ⵜⵓⵙⵓⵔⵜ ⵜⴰⵣⵣⵔⴰⴼⵜ ⵏ ⵉⴹⵕⵉⵚⵏ (ⴰⵎⵏⵏⵉ 79 ⴳ ⵓⴷⵓⵙⵜⵓⵔ) ;
- ⵜⵉⵖⵓⵔⵉⵡⵉⵏ ⵅⴼ ⵜⴷⵔⵉⵎⵜ ⵜⴰⴳⴷⵓⴷⴰⵏⵜ ⴷ ⵓⵣⵣⵔⴰⵢ ⴰⵥⵕⴼⴰⵏ ;
ⵉⵎⴰⵙⵙⵏ ⵏ ⵜⵡⵓⵔⵉ ⵏ ⵡⴰⵎⵎⴰⵙ:
ⵃⵎⴰ ⴰⴷ ⵉⵙⴽⵔ ⵡⴰⵎⵎⴰⵙ ⵜⵉⵡⵓⵔⵉⵡⵉⵏ ⵏⵏⵙ, ⴰⵔ ⵉⵙⵎⵓⵏ ⵉⵙⴼⵙⵉ ⵓⵎⵍⴰⵏ ⵥⵍⵉⵏⵉⵏ ⵙ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ, ⵙ ⵓⵖⴰⵔⴰⵙ ⵏ ⵉⵎⴰⵙⵙⵏ ⴰⴷ:
- ⵉⴼⵔⴷⴰⵙ ⵏ ⵓⵔⵣⵣⵓ ⵉⵍⵍⴰⵏ ⵖ ⵡⴰⵎⵎⴰⵙ, ⵖⵎⴽ ⵜⵜⵓⵙⴽⴰⵔⵏ ⵙ ⵜⵏⴰⴹⵜ ⵏ ⵓⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ;
- ⵜⵉⵎⵢⴰⵇⵇⴰⵏⵉⵏ ⵏ ⵜⵎⴷⵔⴰⵡⵜ ⴷ ⵓⵎⵢⴰⵡⴰⵙ ⴷ ⵜⵎⵔⵙⴰⵍ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ;
- ⵜⵉⵎⵢⴰⵇⵇⴰⵏⵉⵏ ⵏ ⵜⵎⴷⵔⴰⵡⵜ ⴷ ⵓⵎⵢⴰⵡⴰⵙ ⴷ ⵡⴰⵎⵎⴰⵙⵏ ⵏ ⵉⵔⵣⵣⵓⵜⵏ ⴷ ⵜⵖⵓⵔⵉⵡⵉⵏ ⵖ ⵜⵎⵉⵣⴰⵔ ⵉⵎⵓⵏⵏ ⴷ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⴷ ⵜⴷⵉⴱⵍⵓⵎⴰⵙⵉⵢⵉⵏ;
- ⴰⵎⵢⴰⵡⴰⵙ ⴷ ⵜⵙⴷⵍⵉⵙⵉⵏ ⵜⵉⵏⴰⵎⵓⵔⵉⵏ ⴷ ⵡⴰⵎⵎⴰⵙⵏ ⵏ ⵉⵔⵣⵣⵓⵜⵏ ⵥⵍⵉⵏⵉⵏ ⵖ ⵜⵎⴰⵙⵙⴰⵏⵉⵏ ⵜⵉⵏⴰⵎⵓⵏⵉⵏ;
- ⵜⴰⵎⵖⵓⵏⵜ ⴰⴽⴷ ⵉⵎⵓⵣⴰⵢⵏ ⴷ ⵉⵎⵔⵣⵓⵜⵏ ⵥⵍⵉⵏⵉⵏ ⵖ ⵢⵉⴳⵔ ⵏ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ;
- ⴰⴷⴰⴼ ⵙ ⵉⵖⴱⵓⵍⴰ ⵏ ⵓⵎⵍⴰⵏ ⵓⵏⵚⵉⴱⵏ ⴳ ⵓⵙⵡⵉⵔ ⴰⵏⴰⵎⵓⵔ ⴷ ⵓⴳⵔⴰⵖⵍⴰⵏ.