ⵜⴰⴳⵓⵔⵉ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⴰⵎⵓⵏⵜ ⵉ ⵓⵏⴰⵎⵎⴰⵙ ⴳ ⵓⵏⵏⵓⵕⵥⵎ ⵏ ⵓⴳⵔⴰⵡ ⵏ ⵉⵏⵙⵙⵉⵅⴼⵏ ⵏ ⵉⴱⵕⵍⴰⵎⴰⵏⵏ ⵉⴳⵎⴰⵎⵏ ⴳ ⵜⵎⵙⵎⵓⵏⵜ

<p style="text-align: center;" align="center"><strong>ⵙ ⵉⵙⵎ ⵏ ⵕⴱⴱⵉ</strong></p>
<p style="text-align: justify;"><strong>ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵏⵙⵙⵉⵅⴼⵏ</strong></p>
<p style="text-align: justify;"><strong>ⵜⵉⵏⴳⴳⵯⴰ ⴷ ⵉⵏⴳⴳⵯⴰ</strong></p>
<p style="text-align: justify;"><strong>&nbsp;</strong>ⵎⵎⵔⵖ ⴰⴷ ⵙⵔⵓⵏ ⵙⴱⵔⵔⴽⵖ ⴳ ⵡⴰⴽⴰⵍ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴰⵢⵜⵎⴰⵜⵏ ⴷ ⵉⵎⴷⴷⵓⴽⴽⵯⴰⵍ, ⵙⵏⵉⵎⵎⵔⵖ ⵍⵍⵉ ⵜⵔⵓⵔⵎ ⵉ ⵜⵖⵓⵔⵉ ⵏⵏⵖ, ⵜⴰⵎⴰⵜⴰⵔⵜ ⵏ ⵜⴷⴷⵓⴽⴽⵯⵍⴰ ⵉⵙⵎⵓⵏⵏ ⵜⵉⵎⵉⵣⴰⵔ ⵏⵏⵖ, ⴰⵢⵍⵍⵉ ⵉⵙⵙⵕⵥⴰⵏ ⴰⵎⵏⴰⴷ ⴰⴱⵕⵍⴰⵎⴰⵏⵉ ⵉ ⵜⵎⴷⵔⴰⵡⵜ ⴷ ⵎⵢⴰⵡⴰ ⵓⵕⵓⵏⴰⵎⵎⴰⵙⵏ, ⴳ ⵓⵎⵏⴰⴹ ⴰⵏⵎⵏⴰⴷ ⴷ ⵓⴳⵔⴰⵖⵍⴰⵏ ⵖ ⴳⴳⵓⵜⵏⵜ ⵜⵏⴰⵥⴰⵕⵉⵏ ⴷ ⵉⵎⵉⵣⵉⵜⵏ.</p>
<p style="text-align: justify;">ⵉⵥⵉⵍ ⵍⵍⵉⵖ ⴷ ⵏⵎⵙⴰⵙⴰ ⴼ ⵓⵙⵏⵜⵍ: “ⴰⵎⵢⴰⵡⴰⵙ ⵓⵕⵓ-ⴰⵏⴰⵎⵎⵙ ⴳ ⵜⴰⵙⵓⵜ ⵜⵉⵙ 21 ⴷ ⵜⵉⵍⴰⵍⵜ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⴰⵎⵓⵏⵜ ⵉ ⵓⵏⴰⵎⵎⴰⵙ”, ⴳ ⵓⵙⵕⵚⵓ ⵏ ⵓⵎⵢⴰⵡⴰⵙ ⴰⴷ ⵃⵎⴰ ⴰⴷ ⵉⴳ ⴰⵙⵏⵜⵍ ⵏ ⵜⵙⵓⵜⵍⵜ ⵜⵉⵙ 17 ⵏ ⵜⵎⵙⵎⵓⵏⵜ ⵏⵏⵖ ⴷ ⵉⵏⴳⵎⴰⵎⵏ ⵏⵏⵙ ⴷ ⵉⵎⴰⵙⵙⵏ ⵏⵏⵙ, ⴳ ⵉⵍⵍⴰ ⵓⵍⴰ ⵓⴳⵔⴰⵡ ⵏ ⵉⵏⵙⵙⵉⵅⴼⵏ.</p>
<p style="text-align: justify;">ⵉⵖ ⵓⵔⵜⴰ ⵙⴰⵡⵍⵖ ⴼ ⵉⵎⴰⵍ, ⵙⵙⵓⵔⴼⴰⵜ ⵉⵢⵉ ⴰⴷ ⵥⵕⵖ ⵉⵎⴰⵍ ⴳ ⵜⵣⴷⴰⵢⵉⵏ ⵏⵏⵖ, ⵏⵙⵇⵙⴰ ⵅⴼ ⵉⵙⵓⵔⵙⵏ ⵏ ⵜⵙⴳⴰ ⵓⵕⵓⵜⴰⵏⴰⵎⴰⵎⵙⵜ ⴷ ⵉⵎⴰⵍⵏ ⵏⵏⵙ, ⵏⵙⵇⵙⴰ ⵙ ⵉⵣⵡⴰⵔ ⴳ ⵎⴰⴷ ⵉⵜⵜⵓⵙⴽⴰⵔⵏ ⴳ ⵓⵎⵏⵉⴷ ⵏ ⵓⵎⵢⴰⵡⴰⵙ ⴷ ⵜⵎⴷⵔⴰⵡⵜ ⵓⵕⵓⵜⵉⵏⴰⵎⵎⴰⵙⵉⵏ. ⵜⴼⴽⴰ ⵜⵡⵓⵔⵉ ⵏ ⴱⴰⵕⵛⴰⵍⵓⵏⴰ ⴳ ⵜⴳⵉⵔⴰ ⵏ ⵜⴰⵙⵓⵜ ⵜⵉⵙ 20 ⵉⵏⴰⵔⵓⵣⵏ ⵉⵎⵇⵔⴰⵏⵏ ⴳ ⵓⵙⴽⵔ ⵏ ⵓⴼⵔⴰ ⴷ ⵜⵏⴼⵔⵓⵜ, ⴷ ⵓⴷⵔⴰⵡ ⵏ ⵜⴱⵖⵔⵜ ⵍⵍⵉⵖ ⵉⵍⴰ ⵓⵙⵏⴼⵍ ⵏ ⵓⵙⴰⵢⵔⵓⵔ ⵓⵕⵓ-ⴰⵏⴰⵎⵎⴰⵙ ⵙ ⵜⵙⴳⴰ ⵏ ⵓⴱⵓⵖⵍⵓ ⵉⵛⵛⴰⵔⵏ. ⵉⵙ ⵏⵉⵜ ⵜⵜⵓⵙⴽⴰⵔⵏ ⵉⵏⴰⵔⵓⵣⵏ ⴰⴷ ⴷⴼⴼⵉⵔ ⵏ ⴽⵕⴰⴹⵜ ⵜⵎⵔⴰⵡⵉⵏ ⵏ ⵓⵙⴽⵔ ⵏ ⵉⵎⵣⵣⴳⵔⵏ ⵉⵎⵔⵙⵍⴰⵏⵏ ⴳ ⵜⵣⴷⴰⵢⵉⵏ ⵊⴰⵔ ⵜⵉⵥⴹⴰⵕⵉⵏ ⵏ ⵓⵏⴰⵎⵎⴰⵙ, ⴷ ⴷⴼⴼⵉⵔ ⵏ ⵡⴰⴳⵏⴰⵔ ⵏ ⵓⵙⴳⴳⵯⴰⵙ ⴼ ⵓⵙⵏⴼⵍ ⵏ ⵓⵏⵎⵓⵇⵇⴰⵔ ⴰⴱⵕⵍⴰⵎⴰⵏⵉ ⵓⵕⵓ-ⴰⵏⴰⵎⵎⴰⵙ ⵉⵜⵜⵓⵙⴽⴰⵔⵏ ⴳ 1998, ⵙ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵓⵕⵓⵜⴰⵏⴰⵎⵎⴰⵙⵜ ⴳ 2001.</p>
<p style="text-align: justify;">ⵙⵙⵓⵔⴼⴰⵜ ⵉⵢⵉ, ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵏⵙⵙⵉⵅⴼⵏ ⵏ ⵉⵙⵇⵇⵉⵎⵏ ⴷ ⵉⵏⵙⵙⵉⵅⴼⵏ ⵏ ⵉⴽⴰⴱⴰⵕⵏ, ⵜⵉⵏⴳⴳⵯⴰ ⴷ ⵉⵏⴳⴳⵯⴰ, ⴰⴷ ⴰⵡⵏ ⵙⴷⴷⵉⴷⵖ ⵎⴰⵙ ⴼⵔⴽⵖ ⴰⴼⵔⴰⴽ ⵉⵙⵎⴷⵏ ⵙ ⵜⵎⴷⵔⴰⵡⵜ ⵓⵕⵓⵏⵜⴰⵏⴰⵎⵎⴰⵙⵜ, ⴳⵉⵖ ⵙⴳ ⵡⵉⴷⴰ ⴼⵔⴽⵏⵉⵏ ⵙ ⵉⵎⴰⵍ ⵉⵥⵉⵍⵏ ⵏ ⵉⵎⴰⴷⴰⵏⵏ ⵏ ⵜⵙⴳⴰ. ⵎⴰⵛ ⵜⵉⵎⵓⵛⴰ ⵏ ⵜⵉⵍⴰⵡⵜ ⵜⴰⵊⵢⵓⵙⵔⵜⴰⵏⵜ, ⴷ ⵓⵙⵓⵔⵙ ⵏ ⵜⵏⴼⵔⵓⵜ, ⴳ ⵜⵙⴳⴰ ⵏⵏⵖ ⵓⵕⵓⵜⴰⵏⴰⵎⵎⴰⵙⵜ, ⴰⵔ ⵙⴽⴰⵔⵏⵜ ⴰⵖⵉⵍⵓⴷ ⴷ ⴽⵉⴳⴰⵏ ⵏ ⵜⴳⵓⴹⵉ ⵓⴳⴳⴰⵔ ⵏ ⵎⴰ ⴷ ⵉⵣⵔⵉⵏ, ⴰⵛⴽⵓ ⵍⵍⴰⵏ ⵉⵎⵏⵜⵉⵍⵏ ⵍⵍⵉ ⵕⵥⵥⴰⵏⵉⵏ ⵜⵓⴷⵔⵜ ⵉⵛⵛⴰⵔⵏ ⴷ ⵓⵎⵢⴰⵡⴰⵙ ⴷ ⵓⵏⵔⴰⵎⴰⵙ, ⴰⵢⵍⵍⵉ ⵔⴰⴷ ⵉⵕⵥ ⵉⵏⴰⵔⵓⵣⵏ ⵍⵍⴰⵏⵉⵏ ⵙⴳ ⵓⵏⵏⵓⵕⵥⵎ ⵏ ⵜⵡⵓⵔⵉ ⵏ ⴱⴰⵕⵛⴰⵍⵓⵏⴰ ⴷ ⵜⵎⵢⴰⵇⵇⴰⵏⵜ ⵏ ⵓⵚⵍⵓ ⴷ ⵓⴳⵔⴰⵡ ⵏ ⵎⴰⴷⵔⵉⴷ ⵉ ⵓⴼⵔⴰ ⴳ ⵍⵇⴱⵍⵜ ⵜⴰⵏⴰⵎⵎⴰⵙⵜ.</p>
<p style="text-align: justify;">ⵀⴰⵜⵉ ⴳⴳⵓⵜⵏⵜ ⵜⵏⴰⵥⴰⵕⵉⵏ ⴷⴰⵜ ⵏ ⵜⵙⴳⴰ ⵏⵏⵖ ⵓⵕⵓⵜⴰⵏⴰⵎⵎⴰⵙⵜ, ⴼⴼⵖⵏ ⴷ ⵓⵍⴰ ⵜⵉⵎⵓⴽⵔⵉⵙⵉⵏ ⵜⵉⵎⴰⵢⵏⵓⵜⵉⵏ ⴰⵢⵍⵍⵉⵖ ⵉⴱⴷⴷ ⵓⵏⵔⴰⵎⴰⵙ ⴷ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ ⴷ ⵜⴳⵜⵉⵔⴰⵏⵉⵏ ⵊⴰⵔ ⵜⵉⵎⵉⵣⴰⵔ ⵏ ⵜⵙⴳⴰ ⴷ ⵜⵔⵓⴱⴱⴰ ⵜⵉⵏⵎⵏⴰⴹⵉⵏ. ⵉⴼⴰⵡ ⵎⴰⵙ ⵢⴰⴳⴳⵓⴳ ⴳⵀⵉⵍⴰⴷ ⵓⴼⵔⴰ ⴳ ⵉⵇⴱⵍⵜ ⵜⴰⵏⴰⵎⵎⴰⵙⵜ ⵓⴳⴳⴰⵔ ⵏ ⵎⴰⴷ ⵜ ⵏⵏ ⵉⴽⴽⴰ ⴳ ⵎⴰ ⴷ ⵉⵣⵔⵉⵏ. ⵉⴷⴷⴰⵎⵎⵏ ⴳⴳⵓⵜⵏⵉⵏ ⴼⴼⵉⵏⵉⵏ ⴳ ⵖⴰⵥⵥⴰ ⴷ ⵉⵎⵕⵥⵉ ⵉⴳⴳⵓⵜⵏ ⵍⵍⵉ ⴳⵉⵙ ⵉⵍⵍⴰⵏ, ⴷ ⵓⵙⵉⵜⵜⵉ ⵏ ⵓⵣⵔⴼ ⵏ ⵜⴰⵣⵣⴰⵏⵉⵏ ⴳ ⵜⵓⴷⵔⵜ ⴷ ⵉⵣⵔⴼⴰⵏ ⴰⴽⴽⵯ ⵉⵏⴼⴳⴰⵏⵏ ⴰⵔⴰ ⴰⴽⴽⵯ ⵙⴰⵇⵙⴰⵏ, ⵍⵇⵇⵎⵏ ⵓⵍⴰ ⵉ ⵜⵓⴼⵔⴰⵢⵜ ⵏ ⵓⴽⵢⴰⴹ, ⵜⵍⵇⵎ ⵓⵍⴰ ⵉ ⵡⴰⴽⴰⵍ ⵉⵙⵎⵖⴰⵢⵏ ⴰⴽⵕⵕⵥ.</p>
<p style="text-align: justify;">ⵙⴳ ⵓⵎⵏⵣⴰⵖ ⵊⴰⵔ ⴼⵉⵍⵙⵟⵉⵏ ⴷ ⵉⵚⵕⴰⵉⵍ, ⵍⵍⴰⵏ ⵉⵎⵏⵣⴰⵖⵏ ⵢⴰⴹⵏⵉⵏ ⵕⵥⵥⴰⵏⵉⵏ, ⵉⵎⴰⴷⴰⵏⵏ ⵏ ⵜⵙⴳⴰ ⴷⴰ ⴼⵔⵔⵓⵏ ⴰⵜⵉⴳ ⵏⵏⵙⵏ, ⵜⴱⵓⵖⵍⵓ ⵉⵍⵎⵎⴰ ⵜⵟⵟⵓⵕⴼⴰ ⴷ ⵓⴱⵔⵙⵙⵉⵡⴷ ⴳ ⵡⴰⵡⵏⴰⴹ ⴳ ⵓⵔ ⵉⵍⵍⵉ ⵓⵔⴳⴳⵉⴳ ⴷ ⵜⵏⴱⴰⴹⵟ ⵏ ⵓⵡⴰⵏⴽ.</p>
<p style="text-align: justify;">ⴳ ⵓⵙⴱⴷⴷⵉ ⵏ ⴳⴰⵔ ⵉⵙⵓⵔⵙⵏ ⴰⴷ, ⵉⵇⵇⴰⵏ ⴷ ⴰⴷ ⵓⵔ ⵏⴱⴷⴷ, ⴰⴷ ⵏⵣⵣⵉⴳⵣ ⴰⵔⵣⵣⵓ ⵏ ⵓⴼⵔⴰ. ⵓⵔ ⴼⵔⴽⵖ ⵎⴰⵙ ⴷ ⴰⵢⵍⵍⵉ ⵉⵍⵍⴰⵏ ⵢⵉⵍⵉ ⵓⴽⴰⵏ ⴼ ⵖⴰⵥⵥⴰ ⴷ ⵉⴽⴰⵍⵉⵡⵏ ⵏ ⴼⴰⵍⵉⵚⵟⵉⵏ ⵓⵔ ⵔⴰⴷ ⵉⵕⵥⵎ ⴰⵎⵏⴰⴷ ⵉ ⵓⴼⵓⴽⴽⵓ ⵏ ⵜⵉⴷⵜ ⴷ ⵓⴼⵔⴰ ⴰⵣⵔⴼⴰⵏ ⵢⵓⵎⴰⵏ ⵉⴱⴷⴷⵏ ⴼ ⵓⴼⵙⵙⴰⵢ ⵏ ⵙⵉⵏ ⵉⵡⴰⵏⴽⵏ, ⵙ ⵜⵍⵍⵓⴳⵏⴰ ⵜⴰⴳⵔⴰⵖⵍⵍⴰⵏⵜ ⴷ ⵓⵙⵍⴳⵏ ⴰⴳⵔⴰⵖⵍⴰⵏ, ⵃⵎⴰ ⴰⴷ ⵉⵟⵟⴼ ⵓⵎⴰⴷⴰⵏ ⴰⴼⵉⵍⵉⵙⵟⵉⵏⵉ ⴰⵡⴰⵏⴽ ⵏⵏⵙ ⴰⵙⵉⵎⴰⵏ ⵉⴷⴷⵔⵏ, ⵙ ⵜⵎⴰⵥⵓⵏⵜ ⵏⵏⵙ ⵍⵇⵓⴷⵙ ⴰⵛⴰⵔⵉⴼ ⵙ ⵜⵏⴰⵔⴰ ⵏ ⵜⵏⴱⴰⴹⵜ ⵜⴰⵏⴰⵎⵓⵔⵜ ⵜⴰⴼⵉⵍⵉⵙⵟⵉⵏⵉⵜ</p>
<p style="text-align: justify;">ⵕⵎⵉⵏ ⵉⵎⴰⴷⴰⵏⵏ ⵏ ⵜⵙⴳⴰ ⵙⴳ ⵉⵎⴰⵖⵏ ⴷ ⵉⵎⵏⵣⴰⵖⵏ ⴷ ⵜⵕⵥⵉ ⴷ ⵜⴽⵕⴹⵉ, ⵜⵣⵔⵉ ⵜⴽⵕⴹⵉ ⵏ ⵉⵚⵕⴰⵉⵍ ⵎⴳⴰⵍ ⵏ ⵉⵡⴷⴰⵏ ⴳ ⴼⴰⵍⵉⵚⵟⵉⵏ ⵍⵍⵉ ⴼⵔⵔⵓⵏⵉⵏ ⴰⵜⵉⴳ ⵏ ⵓⵎⵏⵣⴰⵖ ⵎⴰⵕⵕⴰ ⵉⵡⵜⵜⴰ, ⴷ ⵓⴼⵍⵍⴰ ⵏ ⵜⵜⴰⵄⴰⴷⴷⵓ ⴷ ⵓⵙⵙⵍⴰⵥ ⴷ ⵜⵕⵥⵉ ⵏ ⵡⴰⴷⴷⵓⵔ ⵏⵏⵙⵏ. ⵉ ⵓⵙⴱⴷⴷⵉ ⵏ ⵎⴰ ⴰⵏⵏ, ⵉⵇⵇⴰⵏ ⴷ ⴰⴷ ⵏⵓⵔⵔⵉ ⵙ ⵉⵥⵓⵕⴰⵏ ⵏ ⵓⵎⵏⴰⵣⴰⵖ ⴷ ⵓⵥⵓⵕ ⵏ ⵜⵎⵙⴰⵔⵜ, ⴰⵙⵎⴰⴷ ⵏ ⵓⵙⴷⵓⵔⵔⵉ ⵏ ⵉⵚⵕⴰⵉⵍ ⵉ ⵉⴽⴰⵍⵉⵡⵏ ⵏ ⴼⴰⵍⵉⵙⵟⵉⵏ, ⵎⴽ ⵍⵍⵉ ⵜⵜⵉⵏⵉ ⵜⵍⵍⵓⴳⵏⴰ ⵜⴰⴳⵔⴰⵖⵍⴰⵏⵜ ⴷ ⵜⵖⵜⴰⵙⵉⵏ ⵏ ⵜⵎⵜⵜⴰ ⵎⵓⵏⵏⵉⵏ ⵍⵍⵉ ⴷⵉⴷⵙ ⵥⵍⵉⵏⵉⵏ.</p>
<p style="text-align: justify;">ⵙⵙⵓⵔⴼⴰⵜ ⵉⵢⵉ ⴰⴷ ⵙⵙⴽⵯⵜⵉⵖ ⵎⴰⵙ ⴷ ⵜⴰⴳⵍⴷⵉⵜ ⵏ ⵍⵎⵖⵔⵉⴱ, ⴳ ⵓⵣⵎⵣ ⵏ ⵉⴳⵍⵍⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵍⵃⴰⵙⴰⵏ ⵡⵉⵙ ⵙⵉⵏ ⵜⴰⵎⵍⵍⴰ ⵏ ⵕⴱⴱⵉ ⴼ ⵉⵎⴰⵏ ⵏⵏⵙ, ⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵍⵇⵓⴷⵙ, ⵜⵣⵡⴰⵔ ⴱⴷⴷⴰ ⵜⵙⵏⴰⵍ ⵓⵍⴰ ⴰⵣⵔⴼ ⴰⴼⵉⵍⵉⵙⵟⵉⵏⵉ ⴰⵥⵓⵕⴰⵏ, ⵜⵙⴽⵔⵜ ⵜⴰⵙⵏⵜⴰⵢⵜ ⵏⵏⵙ ⴼ ⵜⵖⵔⵉ ⵉ ⵓⴼⵔⴰ ⵉⴱⴷⴷⵏ ⴼ ⵜⵣⵔⴼⵜ ⴷ ⵜⵡⵉⵣⵉ ⴷ ⵜⵎⵢⵉⴷⵉⵔⵜ ⵊⴰⵔ ⵉⵎⴰⴷⴰⵏⵏ ⵏ ⵜⵙⴳⴰ.</p>
<p style="text-align: justify;">ⴳ ⵜⵎⵎⵓⵖⵔⴰ ⵏ ⵓⵙⴷⵉⴷⴷⵉⵡ ⵏ ⵉⵚⵕⴰⵉⵍ ⵉ ⵓⴷⵔⵔⵉⵎ ⵉⴳⴳⵓⵜⵏ ⴼ ⵜⵙⴳⴰ ⵕⴰⴼⴰⵃ, ⴳ ⵉⴳⴳⵓⴷⵉ ⵓⴳⴳⴰⵔ ⵏ ⵏ ⵓⵎⵍⵢⵓⵏ ⵏ ⵓⵎⵣⵡⴰⴳ ⴰⴼⵉⵍⵉⵙⵟⵉⵏⵉ, ⵉⴳⴳⴰⵏⴷ ⴼ ⵜⵓⴷⴷⵉⵙⵙⵉⵏ ⵍⵍⴰⵏⵉⵏ ⴼ ⵜⵖⵜⴰⵙⵜ ⵜⴰⴳⵔⴰⵖⵍⴰⵏⵜ, ⴰⴷ ⴽⴽⵉⵏⵜ ⴼ ⵉⵚⵕⴰⵉⵍ ⵃⵎⴰ ⴰⴷ ⵜⵙⴱⴷⴷ ⵜⴰⵎⴰⵖⵜ ⵏⵏⵙ ⴼ ⵖⴰⵥⵥⴰ, ⵜⴰⵊⵊ ⵉⵡⴷⴰⵏ ⵉⵖⵔⵎⴰⵏⵏ ⴰⴷ ⵙⵓⵏⴼⵙⵏ ⵍⵓⴽⵙⵉⵊⵉⵏ ⵏ ⵜⵓⴷⵔⵜ, ⴰⵎⵥⵏ ⵉⵣⵎⴰⵣ ⵏ ⵜⴳⵓⵏⵉ ⵜⴰⴷⵔⵡⵉⵛⵜ ⵜⴰⵔ ⵉⵎⵙⵍⵉ ⵏ ⵜⴰⵢⵍⴰⵍⵉⵏ ⴷ ⵉⵙⵏⴼⴰⵔ. ⵀⴰⵜⵉ ⵉⵎⴰⵏ ⴰⵎⴰⴹⵍⴰⵏ, ⴷ ⵡⴰⵜⵉⴳⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵣⵔⴼⵜ ⴷ ⵜⵏⴼⴳⴰⵏⵜ ⵍⵍⴰⵏ ⴰⵙⵙ ⴰⴷ ⴷⴰⵜ ⵏ ⵓⵙⵓⵔⵙ ⴰⴷ ⵉⴳⵔⵛⵎ ⴷ ⵜⵎⴰⵖⵜ ⵎⴳⴰⵍ ⵉⵡⴷⴰⵏ ⵉⵖⵔⵎⴰⵏⵏ ⵓⵔ ⵟⵟⴰⴼⵏⵉⵏ ⵉⵔⴱⴰⴱⵏ. ⵙⴳ ⵓⵏⵎⵓⵇⵇⴰⵔ ⴰⴷ, ⴰⵔ ⴰⵇⵔⴰⵖ ⵉ ⵉⵏⴳⴳⵯⴰ ⵏⵏⵖ ⴳ ⵜⴰⵎⵓⵏⵜ ⵏ ⵓⵕⵓⴱⴱⴰ ⵉ ⵓⵙⵡⵓⵔⵉ ⴰⴽⴷ ⵜⵉⵏⴱⴰⴹⵉⵏ ⵏⵏⵙⵏ&nbsp; ⵉ ⵓⵙⴱⴷⴷⵉ ⴰⴷⵖⵢⴰⵏ ⵏ ⵜⴰⵙⵙⴰⵙⵜ ⴰⴷ. ⴰⵔ ⴰⵇⵇⵔⴰⵖ ⵓⵍⴰ ⵉ ⵉⴱⵕⵍⴰⵎⴰⵏⵏ ⵏ ⵡⴰⵍⴰⵢ ⵏ ⵉⵎⵙⵍⵉ ⵏⵏⵙ ⵉ ⵓⵙⴱⴷⴷⵉ ⵏ ⵜⵎⴰⵖⵜ ⴰⴷ ⴷ ⵓⵍⴳⴳⵓⴷ ⴷ ⵜⵖⵔⵉ ⵉ ⵓⴼⵔⴰ ⴷ ⵓⵎⵙⴰⵡⴰⵍ.</p>
<p style="text-align: justify;"><strong>ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ</strong></p>
<p style="text-align: justify;">ⵉ ⵉⵎⵏⵣⴰⵖⵏ ⵏ ⵍⵇⴱⵍⵜ ⵜⴰⵏⴰⵎⵎⴰⵙⵜ, ⵍⵍⴰⵏⵜ ⵜⵏⴰⵥⴰⵕⵉⵏ ⵢⴰⴹⵏⵉⵏ ⴷⴰⵜ ⵏ ⵜⵙⴳⴰ ⵏⵏⵖ ⵓⵕⵓⵜⴰⵏⴰⵎⵎⴰⵙⵜ, ⵉⵡⵉⵏ ⴷ ⵉⵎⵏⵣⴰⵖⵏ ⴰⴷ ⴷ ⵜⵎⴰⵖⵜ ⴳ ⵍⵇⴱⵍⵜ ⵏ ⵓⵕⵓⴱⴱⴰ ⵉ ⵉⵡⴰⵏⴽⵏ ⵏ ⵜⵙⴳⴰ ⴰⴷ ⵉⵍⵉⵏ ⵉⵙⵎⵖⵔⵏ ⴳⴳⵓⵜⵏⵉⵏ ⴳ ⵜⵎⴽⵕⴰⴹ ⵜⴰⵙⵔⴷⴰⵙⵜ, ⴰⵢⵍⵍⵉ ⴰⵖ ⴷ ⵉⵙⵙⴽⵯⵜⴰⵢⵏ ⴰⵎⵃⵉⵣⵡⴰⵔ ⵉ ⵓⵔⴱⴰⴱ ⴳ ⵓⵣⵎⵣ ⵏ ⵜⵎⴰⵖⵜ ⵜⴰⵚⵎⵎⴰⴹⵜ, ⵎⵇⵇⴰⵔ ⵏⵏⵙⵏ ⵎⴰⵙ ⴷ ⵜⴰⵙⴳⴰ ⵓⵕⵓⵜⴰⵏⵏⴰⵎⵙⵜ ⵜⴳⴰ ⵜⴰⵙⴳⴰ ⴳ ⵉⴳⴳⵓⴷⵉ ⴱⴰⵀⵔⴰ ⵓⵔⴱⴰⴱ. ⵎⵇⵇⴰⵔ ⵉⴳⴰ ⵙⴳ ⵓⵣⵔⴼ ⵏ ⵉⵡⴰⵏⴽⵏ ⴰⵙⵖⵣⵏ ⵏ ⵜⵙⵔⵜⴰⵢ ⵏ ⵓⵎⵣⴰⵖ ⵉ ⵓⴼⵔⴰⴳ ⵏ ⵜⵏⴼⵔⵓⵜ ⴷ ⵜⵏⵓⴼⴰ ⵏⵏⵙⵏⵜ, ⵀⴰⵜⵉ ⴰⵙⵇⵙⵉ ⵏ ⵓⵙⵉⴳⵓⵜ ⵏ ⵜⵎⴽⵕⴰⴹ ⵜⵉⵙⵔⴷⴰⵙⵉⵏ ⵎⴳⴰⵍ ⵏ ⵜⴰⵙⵙⴰⵙⵉⵏ ⴷ ⵉⵙⵓⵔⵙⵏ ⵏ ⵍⴰⵥ, ⴷ ⵜⴷⵔⵓⵙⵜ ⵉⴳⴳⵓⵜⵏ ⵏ ⵓⵜⵛⵓ ⴷ ⵜⵏⵓⴼⴰ, ⴰⵔ ⴰⵖ ⵙⴰⵇⵙⴰⵏⵜ ⴷ ⵜⴰⵔⴰⴱⴱⵓⵜ ⵓⵕⵓⵜⴰⵏⴰⵎⵎⴰⵙⵜ, ⵅⴼ ⵎⴰⴷ ⵉⵜⵜⵓⵙⴽⴰⵔⵏ ⴳ ⵉⵡⵜⵜⴰⵙⵏ ⵏ ⵓⴼⵔⴰ ⴳ ⵜⵙⴳⴰ ⵍⵍⵉ ⵖ ⴳⴰⵏ ⵙⴳ ⵜⵔⵙⴰⵍ ⵏ ⵜⵡⵓⵔⵉ ⵏ ⴱⴰⵕⵛⴰⵍⵓⵏⴰ, ⴷ ⵎⴰ ⵔⴰⴷ ⵢⴰⵡⵉ ⵉⵎⴰⵍ ⵙ ⵉⵎⵏⵣⴰⵖⵏ ⵏ ⵜⵢⴰⵏⵜ ⵏⵏⵙ.</p>
<p style="text-align: justify;"><strong>ⵜⵉⵏⴳⴳⵯⴰ ⴷ ⵉⵏⴳⴳⵯⴰ</strong></p>
<p style="text-align: justify;">ⵍⵍⴰⵏⵜ ⵜⵏⴰⵥⴰⵕⵉⵏ ⵢⴰⴹⵏⵉⵏ ⵜⵉⵇⴱⵓⵔⵉⵏ/ⵜⵉⵎⴰⵢⵏⵓⵜⵉⵏ, ⴳⵉⵙⵏⵜ ⵉⴷⵔⵉⵣⵏ ⵏ ⵓⵏⵣⵡⵉ ⴷ ⵓⵙⴳⵓⴼⵙⵓ. ⵉⴳⴰ ⵢⵉⵍ ⵓⵎⵍⵉⵍ ⴰⵏⴰⵎⵎⴰⵙ ⵡⴰⴷ ⴱⴰⵀⵔⴰ ⵉⵜⵜⵕⵎⵓⵢⵏ, ⴰⵔ ⴷ ⴳⵉⵙ ⵜⵜⵍⵡⴰⵃⵏ ⵍⴰⵟⵏⴰⵏ ⵏ ⵜⵖⴰⵡⵙⵉⵡⵉⵏ ⵏ ⵓⵙⴳⵓⴼⵙⵓ ⴰⵢⵍⵍⵉ ⴱⴰⵀⵔⴰ ⵉⴹⵕⵕⴰⵏ ⵉⵙⵓⴳⴰⵎ ⴷ ⵉⵎⵉⴷⵉⵔⵏ ⴰⵢⵍⴰⵏⵏ. ⵓⵔⵔⵉⵏⵜ ⵜⴰⴳⴰⵏⵉⵏ ⵙ ⵜⵖⴰⵔⵙⵜ ⵉⵙⵙⵉⵡⵉⴷⵏ ⵙ ⵜⵖⴰⵔⵜ ⴷ ⵉⵀⴷⵉⵔⵏ ⴷ ⵓⵙⵎⵔⵙ ⵉⴳⴳⵓⵜⵏ ⵏ ⵡⴰⴽⴰⵍ ⴷ ⵓⵙⵙⵕⵎⵉ ⵏⵏⵙ. ⴷ ⵉⴷⵔⵉⵣⵏ ⵏ ⵎⴰ ⴰⵏⵏ ⴼ ⵜⵓⴷⵔⵜ ⵜⴰⵏⴼⴳⴰⵏⵜ, ⴰⵢⵍⵍⵉ ⵉⵙⴽⴰⵔⵏ ⴰⵣⵡⴰⴳ, ⵖⵎⴽ ⴰⵏⵏ ⴼ ⵜⵎⵏⵏⴰⵡⵜ ⵏ ⵉⵎⵖⴰⵢⵏ ⴷ ⵉⵎⵓⴷⴰⵔ, ⴰⵔ ⵉⴼⵜⵜⵓ ⵉ ⵜⵏⴼⴳⴰⵏⵜ ⵢⴰⵏ ⵙⴳ ⵉⵙⵓⴳⴰⵎ ⴱⵓⵖⵍⴰⵏⵉⵏ ⵏ ⵓⵜⵛⵓ, ⴷ ⵜⵎⵏⵏⴰⵡⵜ ⴷ ⵚⴰⵃⴰ ⴳ ⵓⵎⴰⴹⴰⵍ, ⴷ ⵉⵙⴰⵢⵔⵓⵔⵏ ⵏ ⵜⵎⴰⵍⵍⴰⵢⵜ ⴱⴰⵀⵔⴰ ⴼⵓⵍⴽⵉⵏⵉⵏ ⴳ ⵉⴳⴳⵉ ⵏ ⵡⴰⴽⴰⵍ, ⴷ ⵓⴳⵣⵣⵓⵎ ⵉⵙⵜⴰⵡⵀⵎⵎⴰⵏ&nbsp; ⵡⴰⵢⴳⴰ ⵏ ⵓⴳⵎⴰ ⴷ ⵓⵏⴼⴳⴰⵏ, ⵍⵍⵉ ⴼ ⵜⵜⵓⵙⴽⴰⵔ ⵢⴰ ⵜⵖⵔⵎⴰ ⴱⴰⵀⵔⴰ ⵉⵅⴰⵜⴰⵔⵏ ⴷ ⵉⴱⵓⵖⵍⴰⵏ.</p>
<p style="text-align: justify;">ⴰⵔ ⵜⵜⴰⵡⵙⵏⵜ ⵜⵏⴰⵥⴰⵕⵉⵏ ⴰⴷ ⴷ ⵉⵎⵏⵜⵍⵏ, ⴷ ⵜⵉⵢⵢⴰⴹ ⵙⴳ ⴱⵕⵕⴰ ⵏ ⵓⵙⴰⵢⵔⵓⵔ ⴰⵏⴰⵎⵎⴰⵙ, ⴳ ⵜⵓⴳⵜ ⵏ ⵉⵣⵡⴰⴳⵏ ⵡⴰⵔⴽⴳⵉⵏⵏ ⴷ ⵡⴰⵏⴰⵡⵏ ⵏ ⵜⵔⵡⴰⵍ, ⴰⵢⵍⵍⵉ ⵉⵙⴽⴰⵔⵏ ⴽⵉⴳⴰⵏ ⵏ ⵜⴳⵓⴹⵉⵡⵉⵏ ⵜⵉⵏⴼⴳⴰⵏⵉⵏ. ⵉⵎⵎⴰⵜⵜⵉ ⵢⵉⵍ ⵓⵎⵍⵉⵍ ⴰⵏⴰⵎⵎⴰⵙ ⵉ ⵓⵙⵎⴹⵍ ⵏ ⵉⴼⴹⵡⴰⵏ ⵏ ⵉⵄⵔⵔⵉⵎⵏ ⵜⵜⵍⵍⵉⵏⵏⵉⵏ ⵙ ⵓⵏⴰⵔⵓⵣ ⴼ ⵜⵡⵓⵔⵉ ⴷ ⵜⵉⵔⵎⵜ ⵏ ⵜⵓⴷⵔⵜ ⴷ ⵜⵏⴼⵔⵓⵜ&nbsp; ⴷ ⵜⵍⴻⵍⵍⵉ ⴷ ⵓⴼⵔⴰⴳ ⴷⴳ ⵓⴽⵕⵕⵣ ⴰⵇⴱⵉⵍ ⵏⵖ ⴰⵥⵓⵕⴰⵏ. ⵡⵉⴷⴰ ⵜⵜⵙⵓⴷⵓⵏⵉⵏ ⵉⵖⵔⵔⵓⴱⴰ ⵏ ⵜⵎⵜⵜⴰⵏⵜ ⴷⴰ ⵙⴽⴰⵔⵏ ⵖⵎⴽ ⴰⵏⵏ ⴰⵛⴽⵓ ⵉⴳⴰ ⴼⵍⵍⴰⵙⵏ ⴱⵣⵣⵉⵣ ⵙ ⵜⵎⴰⵖⵉⵏ ⵏⵖ ⵉⵎⵏⵣⴰⵖⵏ ⵏ ⵜⴰⵖⴰⵔⵜ ⵏⵖ ⵡⴰⵔⵡⵓⵔⵉ ⵏⵖ ⵡⴰⵔⵜⵉⵍⵉⵜ ⵏ ⵜⵖⵔⴰⴷ. ⴳ ⵎⴰⵕⵕⴰ ⵏ ⵡⴰⴷⴷⴰⴷⵏ ⴳⴰⵏ ⵓⵏⴳⵉⵙⵏ ⵏ ⵉⵥⵟⵡⴰⵏ ⵏ ⵓⵙⵖⵣⵏⵉ ⴳ ⵓⴼⴳⴰⵏ, ⴷ ⵓⵏⴳⵉⵙⵏ ⵏ ⵉⵎⵏⵜⵉⵍⵏ ⵍⵍⵉ ⴼ ⵓⵔ ⴳⵉⵏ ⵉⵎⴰⵙⴰⵢⵏ.</p>
<p style="text-align: justify;">ⵉⵖ ⵉⴳⴰ ⵓⵣⵡⴰⴳ ⴳ ⵓⵎⴷⴰ ⵏⵏⵖ ⴰⵏⴰⵎⵎⴰⵙ ⴳ ⵓⵎⵣⵔⵓⵢ ⴰⵇⴱⵓⵔ ⴷ ⵓⵏⴰⵎⵎⴰⵙ ⴷ ⵓⵜⵔⴰⵔ, ⵜⵓⵎⴰⵏⵜ ⵏ ⵓⵙⴱⵓⵖⵍⵓ ⴷ ⵓⵏⵢⴰⵍⴽⴰⵎ ⴷ ⵓⵙⴷⵍⵙ ⴰⵏⴼⴳⴰⵏ ⵉⴳⵓⵜⵏ, ⵉⴱⵓⵖⵍⴰⵏ ⴰⵡⵍⴰⵡⴰⵍ, ⵙ ⵓⵖⵉⵍⵓⴼ ⵀⴰⵜ ⴰⵙⵙ ⴰⴷ ⵉⴳⴰ ⴰⵙⴰⴳⵎ ⵏ ⵉⵎⵏⵣⴰⵖⵏ ⴷ&nbsp; ⵜⵥⵓⵕⴰⵏⵜ ⴷ ⵓⵙⵏⵓⵃⵢⵓ, ⵜⵎⵏⵜⵜⵍⵜ ⵏ ⵓⵙⵎⵜⵔ ⵏ ⵡⴰⵢⵢⴰⴹ, ⴰⵢⵍⵍⵉ ⵉⴳⴰⵏ ⵓⵜⵛⵓ ⵉ ⴳⴰⵔ ⴰⵙⵏⵖⵎⵙ. ⵓⴳⴳⴰ ⴰⴽ, ⴰⵣⵡⴰⴳ ⵖⵉⵍⴰⴷ ⵉⵍⵍⴰ ⴳ ⵓⴳⵏⵙ ⵏ ⵉⵎⴰⵖⵏ ⵉⵎⵙⵜⴰⵢⵏ ⴳ ⴽⵉⴳⴰⵏ ⵏ ⵜⵎⵉⵣⴰⵔ ⵏ ⵜⵣⵖⵔⵜ ⵏ ⵉⵥⵥⵍⵎⴹ ⵏ ⵓⵎⴷⴰ ⵏ ⵓⵏⴰⵎⵎⴰⵙ, ⵜⵍⵍⵜ ⵜⵥⵓⵕⴰⵏⵜ ⵎⴳⴰⵍ ⵏ ⵉⵎⵣⵡⴰⴳ ⴷ ⵉⴱⵕⵕⴰⵏⵉⵢⵏ ⴳ ⵉⵖⴰⵡⴰⵙⵏ ⵏ ⵉⴽⴰⴱⴰⵕⵏ ⵉⵙⵔⵜⴰⵏⵏ, ⴳⵉⵏ ⴰⵙⵏⵜⵍ ⵉⵥⵉⵍⵏ ⴷⴰⵔ ⵉⵎⴰⵖⵏ ⵉⵎⵙⵜⴰⵢⵏ, ⴰⵛⴽⵓ ⵜⴳⴰ ⵉⵎⵉⵙⵙ ⵏ ⵓⵎⵎⵉⵥ ⴰⵎⵙⵜⴰⵢ.</p>
<p style="text-align: justify;">ⵡⴰⵅⵅⴰ ⴷ ⵓⵔ ⵉⵇⵇⴰⵏ ⴰⴷ ⵏⵜⵜⵓ ⴰⵏⴰⵡⵏ ⵏ ⵓⵎⵓⵔⵙ ⵉ ⵓⵙⵉⴷⴼ ⴷ ⵓⵙⵡⵓⴷⴷⵓ ⵉⵛⵛⴰⵔⵏ ⵉ ⵜⵓⵎⴰⵏⵜ ⵏ ⵓⵣⵡⴰⴳ ⴰⵔⵓⵍⴳⵉⵏ ⵊⴰⵔ ⵉⵥⵥⵍⵎⴹ ⴷ ⵉⴼⴼⵓⵙ, ⴰⵎ ⴰⵏⴰⵡ ⵏ ⵓⵎⵢⴰⵡⴰⵙ ⵎⵓ ⴳⴳⵓⵜⵏ ⵓⴷⵎⴰⵡⵏ ⵊⴰⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴳⵍⴷⵉⵜ ⵏ ⵚⴱⴰⵏⵢⴰ ⴳ ⵓⵙⵎⴽⵍ ⵏ ⵜⵓⵎⴰⵏⵜ (ⵡⴰⵅⵅⴰ ⵖⵎⴽ ⴰⵏⵏ), ⵀⴰⵜⵉ ⵎⴰⵕⵕⴰ ⵉⴷⵉⵎⵓⵇⵔⴰⵟⵉⵢⵏ ⴳ ⵉⴽⴰⴱⴰⵕⵏ ⴷ ⵓⴷⴷⵉⵙⵏ ⴷ ⵉⵎⵓⵙⵏⴰⵡⵏ ⴷ ⵜⵎⵔⵙⴰⵍ ⴳ ⵉⵥⵥⵍⵎⴹ ⵉⵇⵇⴰⵏ ⴷ ⴰⴷ ⵙⵏⴼⵍ ⵓⴷⵎ ⵏ ⵓⵣⴷⴰⵢ ⵏ ⵜⵎⵓⴽⵔⵉⵙⵉⵏ ⵏ ⵡⴰⵎⵓⵏⵏ ⵏ ⵓⵕⵓⴱⴱⴰ ⴷ ⵜⵓⵎⴰⵏⵜ ⵏ ⵓⵣⵡⴰⴳ ⴷ ⵓⵙⴱⴷⴷⵉ ⵏ ⵉⵏⴰⵡ ⵏ ⵜⴰⴳⵯⵉⵜ ⵏ ⵉⴱⵕⵕⴰⵏⵉⵢⵏ, ⴽⵯⵜⵉⵏⴷ ⵜⵉⵍⴰⵍ ⵜⵉⵎⵣⵔⴰⵢⵉⵏ ⵏ ⵉⵎⵣⵡⴰⴳ ⴳ ⵜⴷⵎⵙⵉⵡⵉⵏ ⵏ ⴽⵉⴳⴰⵏ ⵏ ⵜⵎⵉⵣⴰⵔ ⵏ ⵓⵔⵓⴱⴱⴰ, ⴷ ⵜⵡⵉⵙⵉ ⵏ ⵜⵓⴳⵜ ⵏⵏⵙⵏ ⴷ ⵜⴰⵔⵡⴰ ⵏⵏⵙⵏ ⴷ ⵉⵏⵎⵓⵔⴰⵏ ⵏⵏⵙⵏ ⴳ ⵓⵙⵏⵥⵕ ⴰⵎⴰⵙⵙⴰⵏ ⴷ ⵓⴷⵍⵙⴰⵏ ⴷ ⵓⵎⴰⵏⵓⵏ ⵏ ⵜⵎⵉⵣⴰⵔ ⴰⴷ.</p>
<p style="text-align: justify;">&nbsp;ⵙⵙⵓⵔⴼⴰⵜ ⵉⵢⵉ ⴰⴷ ⵙⵙⴽⵯⵜⵉⵖ ⵎⴰⵙ ⴷ ⵜⵉⵎⵉⵣⴰⵔ ⵏ ⵜⵖⵣⵔⵉⵏ ⵏ ⵉⴼⴼⵓⵙ ⴷ ⵍⵇⴱⵍⵜ ⵏ ⵓⵏⴰⵎⵎⴰⵙ ⵓⵔ ⴳⵉⵏ ⴰⵙⴰⴳⵎ ⵏ ⵉⵣⵡⴰⴳⵏ, ⵎⴰⵛ ⵀⴰⵜⵉ ⵜⵓⴳⵜ ⴳⵉⵙⵏⵜ ⵉⴳⴰ ⵜⴰⵎⴰⵣⵉⵔⵜ ⵏ ⵓⵙⵏⵓⴱⴳ ⴷ ⵓⵣⵔⴰⵢ, ⴷ ⵓⵥⴰⵥⵓ ⵍⵍⵉ ⴷ ⵉⵜⵜⴰⵡⵉ ⵎⴰ ⴰⵏⵏ, ⴰⵢⵍⵍⵉ ⵏⵏ ⵉⵜⵜⵣⴰⵢⴰⴷⵏ ⵉ ⵓⵥⴰⵥⵓ ⵏ ⵓⵣⵡⴰⴳ ⴷ ⵓⵔⵡⴰⵍ ⵙ ⵓⵎⵏⵜⵉⵍ ⵏ ⵉⵎⵏⵣⴰⵖⵏ.</p>
<p style="text-align: justify;"><strong>ⵜⵉⵏⴳⴳⵯⴰ ⴷ ⵉⵏⴳⴳⵯⴰ</strong></p>
<p style="text-align: justify;">ⵎⵇⵇⴰⵔ ⴳⴳⵓⵜⵏⵜ ⵜⵏⴰⵥⵕⵉⵏ ⴷ ⵉⵎⵏⵜⵉⵍⵏ ⵓⵔ ⵜⵜⴰⵡⵙⵏⵉⵏ ⴳ ⵓⵙⴽⵔ ⵏ ⵉⵡⵜⵜⴰⵙ ⵥⵉⵍⵏⵉⵏ ⵍⵍⵉ ⴷ ⵜⵉⵡⵉ ⵜⵡⵓⵔⵉ ⵏ ⴱⴰⵕⵛⴰⵍⵓⵏⴰ ⴷ ⵉⵖⵉⵍ ⴰⴱⵕⵍⴰⵎⴰⵏⵉ ⵏ ⵓⵎⵢⴰⵡⴰⵙ ⵓⵕⵓ-ⴰⵏⴰⵎⵎⴰⵙ, ⵀⴰⵜⵉ ⵜⴰⵎⴷⵔⴰⵡⵜ ⵏⵏⵖ ⵜⴰⴷⵎⵙⴰⵏⵜ ⵜⵙⴽⵔ ⴽⵉⴳⴰⵏ ⵏ ⵓⵎⵎⵉⵥⵏ ⵙ ⵜⵓⴷⴷⵉⵔⵜ ⴷ ⵓⵎⵜⴰⵖ ⵏ ⵢⵉⴳⵔ ⵓⵙⵍⵉⴳ ⴳ ⵙⵏⴰⵜ ⵜⵖⵔⵉⵏ ⴷ ⵜⵎⵢⴰⵇⵇⴰⵏⵉⵏ ⵜⵉⵙⵉⵏⵔⴰⵏⵉⵏ ⴷ ⵜⴳⵜⵉⵔⴰⵏⵉⵏ. ⵎⵇⵇⴰⵔ ⵖⵎⴽ ⴰⵏⵏ, ⵙⵖⴰⵡⵙⴰⵏ ⵙⵓⵍ ⵉⵙⵏⴼⵍⵏ ⵏⵏⵖ ⵉ ⴽⵉⴳⴰⵏ ⵏ ⵜⵏⴼⵔⵓⵜ ⵜⵓⵍⴳⵉⵏⵜ ⴷ ⵓⵙⵖⵡⵏ ⴰⵙⵔⴰⵏ ⵙⴳ ⵎⴰⵕⵕⴰ ⵉⵎⵙⵜⴳⴳⴰⵔⵏ ⵃⵎⴰ ⴰⴷ ⵢⵉⵍⵉ ⵓⴼⵔⴰⴳ ⵏⵏⵙ ⵙⴳ ⵜⵉⵔⴰⵜ ⵏ ⵉⵍⵓⴱⵉⵢⵏ ⵏ ⵜⵏⵓⴼⴰ ⴽⵕⵕⵓⵥⵏⵉⵏ ⴷ ⵉⵎⵏⵣⴰⵖⵏ ⵏ ⵜⴷⵢⵓⵍⵓⵊⵉⵜ ⵉⵟⵕⵕⴼⵏ ⵍⵍⵉ ⵙⵎⵔⴰⵙⵏⵜ ⵜⵙⴳⴳⵉⵡⵉⵏ ⴷⴰⵔ ⵉⵍⵍⴰ ⵚⴰⵃⴰ ⵉⵖ ⵜⵜⵓⴹⵕⵕⴰ ⵜⵍⴻⵍⵍⵉ ⵏ ⵓⵙⵖⵏⵙⵉ ⴷ ⵉⵙⵏⴼⵍⵏ ⵜⵖⴰⵎⴰ ⵉⵍⵍⴰ ⵜⵙⴳⴰ ⴳ ⵓⴱⵏⵉⵇ ⵏ ⵜⵎⵙⵥⵍⴰ ⵏ ⵜⵎⴰⵖⵜ ⵜⴰⵚⵎⵎⴰⴹⵟ ⴷ ⵜⴷⵢⵓⵍⵓⵊⵉⵜ ⵏⵏⵙ.</p>
<p style="text-align: justify;">ⵎⵏⵉⴷ ⵏ ⵎⴰ ⴰⵏⵏ, ⵉⵇⵇⴰⵏ ⴰⵖ ⴷ ⴳ ⵉⴱⵕⵍⴰⵎⴰⵏⵏ ⵉⵏⴰⵎⵓⵔⵏ, ⴷ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ, ⴰⴷ ⵏⵎⵎⴰⵖ ⴼ ⵓⴼⵔⴰⴳ ⵏ ⵜⵎⵢⴰⵇⵇⴰⵏⵉⵏ ⵏ ⵉⵡⴰⵏⴽⵏ ⵏⵏⵖ ⵏⴷⴽ ⴰⵙⵏⵜ ⵜⴰⵏⴼⵔⵓⵜ ⵜⵓⵍⴳⵉⵏⵜ ⵍⵍⵉ ⵔⴰⴷ ⵜⵏⵜ ⵉⵣⵣⴳⵉⵔ ⵜⴰⵔ ⵜⵉⴱⴱⴰⵢⴹⴰⵕⵉⵏ, ⴷ ⴰⴷ ⵜⵏⵜ ⵓⵔ ⵏⴰⵊⵊ ⵉ ⵓⵙⵡⵉⵏⴳⵎⵏ ⴰⵏⵉⵎⴰⵏ ⵏ ⴽⵔⴰ.</p>
<p style="text-align: justify;">ⵀⴰⵜⵉ ⵜⵙⴽⵔ ⵜⵎⴰⴷⵔⴰⵡⵜ ⵓⵕⵓⵜⴰⵏⴰⵎⵎⴰⵙⵜ ⴽⵉⴳⴰⵏ ⴳ ⵢⵉⴳⵔ ⵏ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ ⴷ ⵓⵙⵏⴰⵍ ⵏ ⵜⵎⵙⵙⵏⵜⴰⵢⵉⵏ ⵎⵥⵥⵉⵏⵉⵏ ⴷ ⵜⵎⵊⵀⴷⴰⵢ ⴷ ⵡⴰⵎⵓⵏ ⴰⵖⵔⵎⴰⵏ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⴽⴰⴷⵉⵎⵉ, ⵎⴽ ⵍⵍⵉ ⵏⵉⵜ ⵜⴳⴰ ⵜⵙⴷⴰⵡⵉⵜ ⵓⵕⵓⵜⴰⵏⴰⵎⵎⴰⵙⵜ ⴳ ⴼⴰⵙ ⵜⴰⵎⴰⵥⵓⵏⵜ ⵜⴰⵢⵎⴰⵏⵜ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ.</p>
<p style="text-align: justify;">ⵏⵙⴽⵔ ⴽⵉⴳⴰⵏ ⵏ ⵉⵡⵜⵜⴰⵙⵏ ⵏⵏⵖ ⴳ ⵢⵉⴳⵔ ⵏ ⵜⵎⴷⵔⴰⵡⵜ ⵉ ⵉⵣⵔⴼⴰⵏ ⵏ ⵜⵎⵖⴰⵔⵉⵏ ⴷ ⵢⵉⵙⴽⵉⵍ ⵊⴰⵔ ⵡⴰⵡⵜⵎ ⴷ ⵜⴰⵡⵜⵎⵜ ⴷ ⵓⵙⵏⴰⵍ ⴰⵎⵔⵙⵍⴰⵏ, ⵙⵍⴰⵡⴰⵏ ⴰⴽⴽⵯ ⵙ ⵉⵖⴰⵡⴰⵙⵏ ⵏ ⵜⴳⵯⵎⴰⵜ ⵜⴰⵎⵔⵙⵍⴰⵏⵜ ⵍⵍⵉ ⵜⵙⵙⵥⵕⴼ ⵜⴰⵎⵓⵏⵜ ⵏ ⵓⵕⵓⴱⴱⴰ ⵍⵍⵉ ⵏⵙⵏⵉⵎⵎⵉⵔ, ⴷ ⵉⵖⴰⵡⴰⵙⵏ ⵏ ⵓⵙⵏⴰⵍ ⵉ ⵜⴳⵎⵉ ⴷ ⵓⵙⵏⴰⵍ ⵏ ⵜⴷⵎⵙⴰ ⵜⴰⵣⴳⵣⴰⵡⴰⵜ.</p>
<p style="text-align: justify;">ⵎⴰⵛ ⴰⴼⵔⴰⴳ ⵏ ⵓⵎⵎⵉⵥⵏ ⴰⴷ ⵉ ⵉⵎⴰⵍ ⵉⵣⴷⵉ ⴱⴰⵀⵔⴰ ⴷ ⵓⵙⵖⵍ ⵏ ⵜⵎⵢⵉⵎⴰⵏⵜ ⵍⵍⵉ ⴷ ⵉⵇⵇⴰⵏⵏ ⴰⴷ ⴼⵍⵍⴰⵙ ⴱⴷⴷⵏⵜ ⵜⵣⴷⴰⵢⵉⵏ ⵏⵏⵖ, ⴷ ⵓⵖⵣⴰⵏ ⴰⵙⵔⵜⴰⵏ ⴳ ⵜⵣⴷⴰⵢⵉⵏ ⵏⵏⵖ, ⴷ ⵓⵙⵓⵜⴳ ⵉⵜⵜⵓⵙⵏⴼⴰⵍⵏ, ⴷ ⵓⵡⵇⵇⵔ ⵏ ⵜⵖⵜⴰⵙⵉⵏ ⵏ ⵜⵅⵅⵓⵜⵔⴰ ⵏ ⵉⵡⴰⵏⴽⵏ ⴷ ⵜⵎⵔⵙⴰⵍ ⵏⵏⵖ. &nbsp;&nbsp;&nbsp;&nbsp;&nbsp;&nbsp; ⵉⵇⵇⴰⵏ ⴷ ⴰⴷ ⵏⵙⴰⵍ ⵎⴰ ⴰⵏⵏ ⴷ ⵓⵎⵙⴰⵡⵍ ⴰⴷⵍⵙⴰⵏ ⴷ ⵡⵉⵏ ⵓⵙⵡⵉⵏⴳⵎ ⴷ ⵓⵙⵔⵅⵓ ⵏ ⵓⵔⵎⴰⵙ ⵉⵜⵜⵓⵙⵏⴼⴰⵍⵏ ⴷ ⵓⵖⵓⵍ ⵏ ⵡⴰⵜⵉⴳ ⵉ ⵜⴷⵍⵙⴰ ⴷ ⵉⵎⵉⵙⵙ ⵏ ⵡⴰⵍⴰⵢ ⵏ ⵉⵙⵏⴼⵍⵏ, ⴷ ⵜⴳⵯⵎⴰⵜ ⴷ ⵜⴷⴷⵓⴽⴽⵯⵍⴰ ⵓⵕⵓⵜⵉⵏⴰⵎⵎⴰⵙⵉⵏ, ⵉⵖ ⴳⴰⵏ ⵉⴷ ⴱⴰⴱ ⵏ ⵜⵟⵟⵓⵕⴼⴰ ⵙⴳ ⵎⴰⵔⴰ ⵜⴰⵙⴳⴳⵉⵡⵉⵏ ⴰⵔ ⵙⵡⵓⵔⵉⵏ ⵉ ⵜⵉⴳⴳⵓⴳⵜ ⵏⵏⵖ ⴼ ⵜⵡⴰⵔⴳⵉⵜ ⵏ ⵓⵖⵓⵍ ⵏ ⵉⵎⴰⵏ ⵏ ⵖⴰⵔⵏⴰⵟⴰ ⴷ ⴼⴰⵙ ⴷ ⴰⵜⵉⵏⴰ ⴷ ⵕⵓⵎⴰ ⴷ ⵍⵉⵙⴽⴰⵏⴷⴰⵔⵉⵢⵢⴰ, ⵀⴰⵜⵉ ⵜⵉⵖⵜⴰⵙⵉⵏ ⵜⵉⵙⵔⵜⴰⵏⵉⵏ ⴷⵓⵙⵏⵉⵏ, ⴱⴷⴷⵏⵉⵏ ⵜⵓⵏⵥⵉⵥⵉⵏ, ⵜⵉⵎⵙⵓⵎⴰ ⵉ ⵜⵎⴷⵔⴰⵡⵉⵏ ⵍⵍⵉ ⴷ ⵙⵙⴽⵯⵜⵉⵏⵉⵏ ⴰⵎⵣⵔⵓⵢ ⴷ ⵓⵣⵔⴼ ⵡⴰⵜⵉⴳⵏ ⴷⴰⵜ ⵏ ⵉⵙⴰⵃⴰⵜⵏ, ⵔⴰⴷ ⵉⴳ ⵓⵎⵏⴰⴷ ⵡⴰⴷ ⵉⴼⴰⵡⵏ ⵉ ⵎⴷⵔⴰⵡⵉⵏ ⵏⵏⵖ, ⵢⴰⵊⵊ ⴰⵖ ⴰⴷ ⵏⵙⵓⵔⵔⵉ ⵉⵏⴰⵔⵓⵣⵏ ⵍⵍⵉ ⴷ ⴼⴼⵖⵏⵉⵏ ⵙⴳ ⴱⴰⵕⵛⴰⵍⵓⵏⴰ ⵉ ⵓⴳⴳⵯⴰⵔ ⵏ ⵡⴰⴳⵏⴰⵔ ⴷ ⵎⵔⴰⵡ ⵏ ⵓⵙⴳⴳⵯⴰⵙ.</p>
<p style="text-align: justify;">ⵀⴰⵜⵉ ⵜⵉⴱⴹⵉⵜ ⵍⵍⵉ ⵉⵥⵍⵉⵏ ⴰⵏⴳⵔⴰⵡ ⴰⵎⴰⴹⵍⴰⵏ, ⴷ ⵉⵙⴷⵓⴷⴷⵓⵢⵏ ⵍⵍⴰⵏⵉⵏ ⴷⴰⵜ ⵏⵏⵖ ⴷ ⵓⴽⵛⵓⵎ ⵏ ⵉⵎⵙⴽⴰⵔⵏ ⵉⴳⵔⴰⵖⵍⴰⵏⵏ ⵉⵎⴰⵢⵏⵓⵜⵏ ⵉ ⵜⵎⵏⵣⴰⵖⵜ ⵜⴰⴳⵔⴰⵖⵍⴰⵏⵜ, ⴳ ⵍⵍⴰⵏⵜ ⵜⵎⴰⴷⴷⴰⵙⵉⵏ ⵏ ⵓⴱⵔⵙⵙⵉⵡⴷ, ⴽⵓ ⵎⴰ ⴰⵏⵏ ⴰⵔ ⴰⵖ ⵢⴰⵇⵇⵔⴰ ⵓⴳⴳⴰⵔ ⵏ ⵎⴰ ⴷ ⵉⵣⵔⵉⵏ ⴰⴷ ⵏⵣⵣⵉⴳⵣ ⴳ ⵜⵎⴷⵔⴰⵡⵉⵏ ⵏⵏⵖ ⴷ ⵓⵙⵎⴰⵢⵏⵓ ⵏⵏⵙⵏⵜ, ⵙⵍⴰⵡⴰⵏ ⴰⴽⴽⵯ ⵙ ⵓⵡⵇⵇⵔ ⵏ ⵉⵎⵙⵜⴳⴳⴰⵔⵏ ⵏⵏⵙⵏⵜ, ⴷ ⵓⵙⵏⴰⵍ ⵏ ⵓⵣⵔⴼ ⵏ ⴽⵓ ⴰⵡⴰⵏⴽ ⴳ ⵜⵢⴰⵏⵜ ⵏⵏⵙ ⵜⴰⵏⴰⴽⴰⵍⵜ ⴷ ⵜⵅⵅⵓⵜⵔⴰ ⴷ ⵓⵙⴱⴷⴷⵉ ⵏ ⵉⵙⵡⵉⵏⴳⵉⵎⵏ ⵏ ⵜⵥⵍⴰⵢⵜ ⵍⵍⵉ ⴷ ⵉⵜⵜⴰⴳⵎⵏ ⴷ ⵜⴽⵔⴽⴰⵙ ⵜⵉⵙⵔⵜⴰⵏⵉⵏ ⴷ ⵜⵏⵖⵎⴰⵙⵉⵏ ⵃⵎⴰ ⴰⴷ ⴰⵎⵥⵏ ⴰⵙⵏⴰⵍ ⵥⵥⵓⵏ ⵜⵉⴽⵚⵚⴰⴹ ⴷ ⵜⴽⵕⴷⵉ ⴼⴽⵉⵏⵜ ⵓⵜⵛⵓ ⵉ ⵜⵙⵓⵜⵍⵜ ⵏ ⵜⴽⵕⴹⵉ ⵙⵍⴰⵡⴰⵏ ⴰⴽⴽⵯ ⵉⴳ ⵎⵎⴰⴳⴳⴰⵔⵏⵜ ⵜⵏⵓⴼⴰ ⵏⵏⵙ ⴷ ⵜⵔⵓⴱⴱⴰ ⵏ ⵓⴱⵔⵙⵙⵉⵡⴷ.</p>
<p style="text-align: justify;">ⵎⴽ ⵍⵍⵉ ⴰⵡⵏ ⴱⴷⴷⴰ ⵉⴼⴰⵡ, ⵀⴰⵜⵉ ⵍⵎⵖⵔⵉⴱ ⴰⵎⵙⵓⴼⵓ ⵏ ⵜⵎⵢⵓⵔⵉⵏ ⵏ ⵜⵎⵢⵉⴷⵉⵔⵜ, ⴷ ⵜⵓⴷⵔⵜ ⵉⵛⵛⴰⵔⵏ, ⴷ ⵓⵡⴰⵏ ⴷ ⵜⵍⴻⵍⵍⵉ, ⵔⴰⴷ ⴱⴷⴷⴰ ⵉⵣⵣⵉⴳⵣ ⴳ ⵓⵍⵜⴰⵖ ⵏⵏⵙ ⵉⵥⵉⵍⵏ ⵉⴳⴰⵏ ⴰⵎⵙⴽⴰⵔ ⴳ ⵓⵙⵎⴰⵢⵏⵓ ⵏ ⵜⵎⴷⵔⴰⵡⵜ ⵓⵕⵓⵜⴰⵏⴰⵎⵎⴰⵙⵜ.</p>
<p style="text-align: justify;"><strong>ⴰⵔ ⴷⴰⵖ ⵙⵔⵓⵏ ⵙⴱⵔⵔⴰⴽⵖ ⴷ ⴰⵔ ⴽⵯⵏ ⵙⵏⵉⵎⵎⵉⵔⵖ ⴼ ⵓⵙⵙⴼⵍⴷ ⵏⵏⵓⵏ ⵉⵥⵉⵍⵏ</strong></p>